Tinhloko-mhaka To Vulavurisana Ta Bibele

1. Armagedoni

A. Nyimpi ya Xikwembu leyi nga ta herisa vubihi

Matiko ma hlengeleteriwa eArmagedoni. Nhl 16:14, 16

Xikwembu xi lwa, xi tirhisa N’wana ni tintsumi. 2Te 1:6-9; Nhl 19:11-16

Ndlela leyi hi nga ponaka ha yona. Sf 2:2, 3; Nhl 7:14

B. A yi lwisani ni rirhandzu ra Xikwembu

Misava yi onhake ngopfu. 2Tm 3:1-5

Xikwembu xi lehisa mbilu, kambe vululami byi lava leswaku xi teka goza. 2Pe 3:9, 15; Lk 18:7, 8

Lavo biha va fanele va herisiwa leswaku lavo lulama va va kona. Swiv 21:18; Nhl 11:18

2. Bibele

A. Rito ra Xikwembu ri huhuteriwile

Vanhu a va susumetiwa hi moya wa Xikwembu leswaku va tsala. 2Pe 1:20, 21

Ri tamele vuprofeta: Dn 8:5, 6, 20-22; Lk 21:5, 6, 20-22; Esa 45:1-4

Bibele hinkwayo yi huhuteriwile naswona ya pfuna. 2Tm 3:16, 17; Rhm 15:4

B. I nkongomiso lowu tirhaka namuntlha

Ku honisa misinya ya milawu ya Bibele swi ni khombo. Rhm 1:28-32

Vutlhari bya vanhu a byi ringani na rona. 1Ko 1:21, 25; 1Tm 6:20

I xitlhangu eka nala wa matimba. Ef 6:11, 12, 17

Ri kongomisa vanhu endleleni leyinene. Ps 119:105; 2Pe 1:19; Swiv 3:5, 6

C. Ri tsaleriwe vanhu va matiko ni va tinxaka hinkwato

Ku tsariwa ka Bibele ku sungule eVuxeni. Eks 17:14; 24:12, 16; 34:27

I lunghiselelo ra Xikwembu, a hi ra Valungu ntsena. Rhm 10:11-13; Ga 3:28

Xikwembu xi tsakela vanhu va mixaka hinkwayo. Min 10:34, 35; Rhm 5:18; Nhl 7:9, 10

3. Diyavulosi, Madimona

A. Diyavulosi i munhu wa moya

A hi vubihi lebyi nga endzeni ka munhu kambe i munhu wa moya. 2Tm 2:26

Diyavulosi i munhu la fanaka ni tintsumi. Mt 4:1, 11; Yb 1:6

U tiendle Diyavulosi hi ku navela ko biha. Yk 1:13-15

B. Diyavulosi i mufumi wa misava la nga vonakiki

Misava yi le hansi ka yena tanihi xikwembu xa yona. 2Ko 4:4; 1Yh 5:19; Nhl 12:9

U pfumeleriwe ku va kona kukondza ku lulamisiwa mphikamakaneta. Eks 9:16; Yh 12:31

U ta lahleriwa ekheleni, endzhaku ka sweswo a lovisiwa. Nhl 20:2, 3, 10

C. Madimona i tintsumi leti xandzukeke

Ma tihlanganise na Sathana emahlweni ka Ndhambhi. Gn 6:1, 2; 1Pe 3:19, 20

Ma lahleriwe ekheleni, ma susiwa eku vonakaleni hinkwako. 2Pe 2:4; Yd 6

Ma lwisana ni Xikwembu, ma karhata vanhu. Lk 8:27-29; Nhl 16:13, 14

Ma ta lovisiwa swin’we na Sathana. Mt 25:41; Lk 8:31; Nhl 20:2, 3, 10

4. Kereke

A. Kereke ya moya, yi akiwe ehenhla ka Kreste

Xikwembu a xi tshami etitempeleni leti endliweke hi munhu. Min 17:24, 25; 7:48

Kereke ya ntiyiso i tempele ya moya ya maribye lama hanyaka. 1Pe 2:5, 6

Kreste i ribye ra le yinhleni; vaapostola i masungulo ya vumbirhi. Ef 2:20

Xikwembu xi fanele ku gandzeriwa hi moya ni ntiyiso. Yh 4:24

B. Kereke a yi akiwanga ehenhla ka Petro

Yesu a nga vulanga leswaku kereke yi akiwe ehenhla ka Petro. Mt 16:18

Yesu u vuriwa ‘ribye lerikulu.’ 1Ko 10:4

Petro u vite Yesu a ku i masungulo. 1Pe 2:4, 6-8; Min 4:8-12

5. Ku Gandzela Mariya

A. Mariya i mana wa Yesu, hayi “mana wa Xikwembu”

Xikwembu a xi na masungulo. Ps 90:2; 1Tm 1:17

Mariya a a ri mana wa N’wana wa Xikwembu, loko a ha ri emisaveni. Lk 1:35

B. Mariya a nga “tshamanga a ri wanhwana”

U tekane na Yosefa. Mt 1:19, 20, 24, 25

U ve ni vana van’wana handle ka Yesu. Mt 13:55, 56; Lk 8:19-21

Enkarhini wolowo a va nga ri “vamakwavo va moya.” Yh 7:3, 5

6. Ku Gandzela Vakokwana Lava Feke

A. Ku gandzela vakokwana lava feke a swi pfuni nchumu

Vakokwana va file, a va twi nchumu. Ekl 9:5, 10

Vakokwana vo sungula a va faneriwi hi ku gandzeriwa. Rhm 5:12, 14; 1Tm 2:14

Xikwembu a xi byi amukeri vugandzeri byebyo. Eks 34:14; Mt 4:10

B. Vanhu va nga xiximiwa, kambe i Xikwembu ntsena lexi faneleke ku gandzeriwa

Vana va fanele ku xixima lavakulu. 1Tm 5:1, 2, 17; Ef 6:1-3

Kambe i Xikwembu ntsena lexi faneleke ku gandzeriwa. Min 10:25, 26; Nhl 22:8, 9

7. Ku Hanyisa, Tindzimi

A. Ku hanyisa ka moya ku ni vuyelo lebyi nga heriki

Ku vabya emoyeni swa dlaya. Esa 1:4-6; 6:10; Hs 4:6

Xileriso lexikulu i ku hanyisa emoyeni. Yh 6:63; Lk 4:18

Ku susa swidyoho; ku nyika ntsako ni vutomi. Yk 5:19, 20; Nhl 7:14-17

B. Mfumo wa Xikwembu wu ta tshungula miri hilaha ku heleleke

Yesu u tshungule vulema, a chumayela hi mikateko ya Mfumo. Mt 4:23

Mfumo wu tshembisiwile tanihi ndlela ya vutshunguri lebyi heleleke. Mt 6:10; Esa 9:7

Rifu na rona ri ta herisiwa. 1Ko 15:25, 26; Nhl 21:4; 20:14

C. Ku hava vumbhoni bya leswaku ku hanyisa hi ripfumelo ka manguva lawa ku amukeriwa hi Xikwembu

Vadyondzisiwa a va tihanyisanga hi singita. 2Ko 12:7-9; 1Tm 5:23

Tinyiko ta masingita ti hele endzhaku ka nkarhi wa vaapostola. 1Ko 13:8-11

Ku hanyisa a hi vumbhoni lebyi tiyeke bya ku amukeriwa hi Xikwembu. Mt 7:22, 23; 2Te 2:9-11

D. Ku vulavula hi tindzimi a ku ri lunghiselelo ra nkarhinyana ntsena

A ku ri xikombiso; a ku fanele ku laviwa tinyiko tin’wana letikulu. 1Ko 14:22; 12:30, 31

Ku vhumbhiwe leswaku tinyiko ta masingita ta moya ti ta hundza. 1Ko 13:8-10

Mintirho yo hlamarisa a yi kombisi ku amukeriwa hi Xikwembu. Mt 7:22, 23; 24:24

8. Ku Kunguhateriwa

A. Munhu a nga kunguhateriwanga

Xikongomelo xa Xikwembu xi tiyile. Esa 55:11; Gn 1:28

Vanhu va pfumeleriwe ku hlawula ku tirhela Xikwembu. Yh 3:16; Flp 2:12

9. Ku Nyikela Vumbhoni

A. Vakreste hinkwavo va fanele va nyikela vumbhoni, va vula mahungu lamanene

Va fanele ku byela vanhu hi Yesu leswaku va amukeleka. Mt 10:32

Va fanele ku va vaendli va Rito, va kombisa ripfumelo. Yk 1:22-24; 2:24

Lavantshwa na vona va fanele va va vadyondzisi. Mt 28:19, 20

Ku vulavula erivaleni swa ponisa. Rhm 10:10

B. Xilaveko xa maendzo yo phindha-phindha, ku nyikela vumbhoni loku yaka emahlweni

Xitsundzuxo xa makumu xi fanele ku nyikeriwa. Mt 24:14

Yeremiya u hete malembe yo tala a twarisa ku hela ka Yerusalema. Yr 25:3

Ku fana ni Vakreste vo sungula, a hi nge tshiki. Min 4:18-20; 5:28, 29

C. Hi fanele ku vula vumbhoni leswaku hi ta pfumala nandzu wa ngati

Hi fanele hi twarisa makumu lama tshinelaka. Ezk 33:7; Mt 24:14

Ku tsandzeka swi tisa nandzu wa ngati. Ezk 33:8, 9; 3:18, 19

Pawulo a a ri hava nandzu wa ngati; u vule ntiyiso hinkwawo. Min 20:26, 27; 1Ko 9:16

Swi ponisa mbhoni ni loyi a yingisaka. 1Tm 4:16; 1Ko 9:22

10. Ku Pfuxiwa

A. Ntshembo wa vafi

Hinkwavo lava nga eka masirha-bako va ta pfuxiwa. Yh 5:28, 29

Ku pfuxiwa ka Yesu i xitiyisekiso. 1Ko 15:20-22; Min 17:31

Lava dyohelaka moya a va nge pfuki. Mt 12:31, 32

Lava kombisaka ripfumelo va ta pfuxiwa. Yh 11:25

B. Ku pfuxeriwa ku ya hanya etilweni kumbe emisaveni

Hinkwavo va fa eka Adamu; va kuma vutomi eka Yesu. 1Ko 15:20-22; Rhm 5:19

Ku hambana ka xiyimo xa lava pfuxiwaka. 1Ko 15:40, 42, 44

Lava va nga na Yesu va ta fana na yena. 1Ko 15:49; Flp 3:20, 21

Lava va nga fumiki va ta va emisaveni. Nhl 20:4b, 5, 13; 21:3, 4

11. Ku Ponisiwa

A. Ku ponisiwa ku huma eka Xikwembu hi gandzelo ra nkutsulo ra Yesu

Vutomi i nyiko ya Xikwembu hi ku tirhisa N’wana wa xona. 1Yh 4:9, 14; Rhm 6:23

Ku ponisiwa ku kumiwa hi gandzelo ra Yesu ntsena. Min 4:12

Ku hava mintirho leyi nga endliwaka hi “ku hundzuka enkarhini wa ku fa.” Yk 2:14, 26

Hi fanele hi chivirika leswaku hi ku kuma. Lk 13:23, 24; 1Tm 4:10

B. Leswaku “loko u ponisiwa, u ponele makumu” a swi seketeriwi hi Matsalwa

Lava averiwaka moya lowo kwetsima va nga ha wa. Hv 6:4, 6; 1Ko 9:27

Vaisrayele vo tala va lovisiwile hambiloko va ponisiwile aEgipta. Yd 5

Ku ponisiwa a ku endleki hi ku hatlisa. Flp 2:12; 3:12-14; Mt 10:22

Lava tlhelelaka endzhaku va bihe ku tlula eku sunguleni. 2Pe 2:20, 21

C. “Ku ponisiwa ka misava hinkwayo” a ku seketeriwi hi matsalwa

Van’wana a va nge hundzuki. Hv 6:4-6

Xikwembu a xi tsaki loko lavo biha va fa. Ezk 33:11; 18:32

Kambe rirhandzu a ri nge byi tiyiseleli vubihi. Hv 1:9

Lavo biha va ta lovisiwa. Hv 10:26-29; Nhl 20:7-15

12. Ku Vuya Ka Kreste

A. Loko a vuya a nga voniwi hi vanhu

U byele vadyondzisiwa vakwe leswaku misava a yi nge he n’wi voni. Yh 14:19

I vadyondzisiwa ntsena lava voneke ku tlhandluka kakwe; ku vuya ku ta fana ni sweswo. Min 1:6, 10, 11

Etilweni, u va moya lowu nga vonakiki. 1Tm 6:14-16; Hv 1:3

U vuya hi matimba ya Mfumo wa le tilweni. Dn 7:13, 14

B. Ku voniwa hi swilo swa xiviri

Vadyondzisiwa va kombele xikombiso xa vukona byakwe. Mt 24:3

Vakreste va “vona” vukona byakwe hi ku twisisa. Ef 1:18

Swiendlakalo swo tala swi vumba vumbhoni bya vukona byakwe. Lk 21:10, 11

Valala va n’wi “vona” loko ndzoviso wu va wela. Nhl 1:7

13. Masiku Ya Makumu

A. Leswi “ku hela ka misava” ku vulaka swona

Ku hela ka mafambiselo ya swilo. Mt 24:3; 2Pe 3:5-7; Mr 13:4

A hi ku hela ka misava, kambe i ka mafambiselo yo biha ya swilo. 1Yh 2:17

Nkarhi wa makumu wu rhangela ndzoviso. Mt 24:14

Ku pona lavo lulama; ivi ku landzela Misava Leyintshwa. 2Pe 2:9; Nhl 7:14-17

B. Hi fanele hi xalamukela swikombiso swa masiku ya makumu

Xikwembu xi nyikela swikombiso leswi hi kongomisaka. 2Tm 3:1-5; 1Te 5:1-4

Misava a yi swi koti ku vona nkoka wa swona. 2Pe 3:3, 4, 7; Mt 24:39

Xikwembu a xi hlweli, kambe xi nyika xitsundzuxo. 2Pe 3:9

Hakelo ya ku hiteka, ku vilela. Lk 21:34-36

14. Mfumo

A. Leswi Mfumo wa Xikwembu wu nga ta swi endlela vanhu

Ku hetisisa ku rhandza ka Xikwembu. Mt 6:9, 10; Ps 45:6; Nhl 4:11

I hulumendhe leyi nga ni hosi ni milawu. Esa 9:6, 7; 2:3; Ps 72:1, 8

Wu ta herisa vubihi, wu fuma misava hinkwayo. Dn 2:44; Ps 72:8

Ku fuma ka malembe ya 1 000 ku ta kondletela vanhu ni Paradeyisi. Nhl 21:2-4; 20:6

B. Wu sungula ku fuma, valala va Kreste va ha ri kona

Loko Kreste a pfuxiwile, u rindze nkarhi wo leha. Ps 110:1; Hv 10:12, 13

A sungula ku fuma, a lwa na Sathana. Ps 110:2; Nhl 12:7-9; Lk 10:18

Ku simekiwe Mfumo, ivi ku landzela makhombo ya misava. Nhl 12:10, 12

Maxangu lama nga kona ma kombisa leswaku i nkarhi wo seketela Mfumo. Nhl 11:15-18

C. A wu kona ‘etimbilwini,’ a wu simekiwi hi matshalatshala ya vanhu

Mfumo wu le tilweni, hayi emisaveni. 2Tm 4:18; 1Ko 15:50; Ps 11:4

A wu kona ‘etimbilwini’; Yesu u byele ni Vafarisi. Lk 17:20, 21

A hi xiphemu xa misava leyi. Yh 18:36; Lk 4:5-8; Dn 2:44

Wu ta siva tihulumendhe ni mahanyelo ya misava. Dn 2:44

15. Misava

A. Xikongomelo xa Xikwembu hi misava

Paradeyisi yi endleriwa vanhu lava hetisekeke emisaveni. Gn 1:28; 2:8-15

Xikongomelo xa Xikwembu xi tiyile. Esa 55:11; 46:10, 11

Misava yi ta tatiwa hi vanhu vo rhula, lava hetisekeke. Esa 45:18; Ps 72:7; Esa 9:6, 7

Paradeyisi yi ta vuyeteriwa hi Mfumo. Mt 6:9, 10; Nhl 21:3-5

B. A yi nge lovisiwi kumbe ku pfumala vaaki

Misava ya xiviri yi ta tshama hi masiku. Ekl 1:4; Ps 104:5

Vanhu va le nkarhini wa Nowa va lovisiwile, ku nga ri misava. 2Pe 3:5-7; Gn 7:23

I xikombiso lexi nyikaka ntshembo wa ku pona enkarhini wa hina. Mt 24:37-39

Lavo biha va ta lovisiwa; “ntshungu lowukulu” wu ta pona. 2Te 1:6-9; Nhl 7:9, 14

16. Moya, Vungoma

A. Leswi moya lowo kwetsima wu nga swona

I matimba ya Xikwembu lama tirhaka, hayi munhu. Min 2:2, 3, 33; Yh 14:17

Wu tirhisiwe ku tumbuluxa ni ku huhutela Bibele, ni swin’wana. Gn 1:2; Ezk 11:5

Wu humesa swirho swa Kreste ni ku swi tota. Yh 3:5-8; 2Ko 1:21, 22

Wu tiyisa ni ku kongomisa vanhu va Xikwembu namuntlha. Ga 5:16, 18

B. Matimba ya vutomi ma vitaniwa moya

Xisekelo xa vutomi, lexi tiyisiwaka hi ku hefemula. Yk 2:26; Yb 27:3

Ntamu wa matimba ya vutomi wu le ka Xikwembu. Zk 12:1; Ekl 8:8

Matimba ya vanhu ya vutomi ni ya swiharhi, ma le ka Xikwembu. Ekl 3:19-21

Moya wu va eka Xikwembu hi ntshembo wa leswaku ku ni ku pfuka ka vafi. Lk 23:46

C. Vungoma byi fanele ku fularheliwa tanihi ntirho wa madimona

Rito ra Xikwembu ra byi alela. Esa 8:19, 20; Lv 19:31; 20:6, 27

Ku vhumbha i vudimona; a swi amukeleki. Min 16:16-18

Byi yisa eku lovisiweni. ․ Ga 5:19-21; Nhl 21:8; 22:15

Vungoma bya swilo swa le mpfhukeni byi yirisiwile. Dt 18:10-12; Yr 10:2

17. Moya-xiviri

A. Leswi moya-xiviri wu nga swona

Munhu i moya-xiviri. Gn 2:7; 1Ko 15:45; Yx 11:11; Min 27:37

Swiharhi na swona swi vitaniwa mimoya-xiviri. Tin 31:28; Nhl 16:3; Lv 24:18

Moya-xiviri wu ni ngati, wa dya naswona wa fa. Yr 2:34; Lv 7:18; Ezk 18:4

Munhu, leswi a hanyaka, ku vuriwa leswaku u ni moya-xiviri. Mr 8:36; Yh 10:15

B. Ku hambana exikarhi ka moya-xiviri ni moya (“spirit”)

Vutomi lebyi nga munhu kumbe xivumbiwa i moya-xiviri. Yh 10:15; Lv 17:11

Matimba ya vutomi lama susumetaka mimoya-xiviri ma vitaniwa “moya.” Ps 146:4; 104:29

Loko munhu a fa, matimba ya vutomi ma tlhelela eka Xikwembu. Ekl 12:7

Xikwembu hi xona ntsena lexi xi nga pfuxaka matimba ya vutomi. Ezk 37:12-14

18. Mpfangano Wa Vupfumeri

A. Ku hlangana ni vukhongeri byin’wana a hi ndlela ya Xikwembu

Ku ni ndlela yin’we, yi khumile, a hi vangani lava yi kumaka. Ef 4:4-6; Mt 7:13, 14

Hi tsundzuxiwa leswaku tidyondzo ta mavunwa ta thyakisa. Mt 16:6, 12; Ga 5:9

Hi lerisiwa ku va lava hambaneke. 2Tm 3:5; 2Ko 6:14-17; Nhl 18:4

B. Leswaku “vukhongeri hinkwabyo i byinene,” a hi swona

Van’wana va hiseka kambe ku nga ri hi ndlela ya Xikwembu. Rhm 10:2, 3

Vubihi byi onha swin’wana leswi swi nga vaka swinene. 1Ko 5:6; Mt 7:15-17

Vadyondzisi va mavunwa va tisa ndzoviso. 2Pe 2:1; Mt 12:30; 15:14

Vugandzeri lebyi baseke byi lava ku tinyiketela loku heleleke. Dt 6:5, 14, 15

19. Mutirheli

A. Vakreste hinkwavo va fanele ku va vatirheli

Yesu a a ri mutirheli wa Xikwembu. Rhm 15:8, 9; Mt 20:28

Vakreste va landzela xikombiso xakwe. 1Pe 2:21; 1Ko 11:1

Hi fanele ku chumayela leswaku hi hetisisa vutirheli. 2Tm 4:2, 5; 1Ko 9:16

B. Timfanelo ta vutirheli

Moya wa Xikwembu ni ku tiva Rito ra xona. 2Tm 2:15; Esa 61:1-3

Landzelela ntila wa Kreste eku chumayeleni. 1Pe 2:21; 2Tm 4:2, 5

Xikwembu xi letela hi moya ni nhlengeletano. Yh 14:26; 2Ko 3:1-3

20. Ngati

A. Mimpompelo ya ngati yi lwisana ni ku kwetsima ka ngati

Nowa u byeriwe leswaku ngati ya kwetsima, i vutomi. Gn 9:4, 16

Ntwanano wa Nawu a wu yirisa ku dya ngati. Lv 17:14; 7:26, 27

Yi yirisiwe ni le ka Vakreste. Min 15:28, 29; 21:25

B. Ku lava ku ponisa vutomi a swi vuli leswakuku nga tluriwa nawu wa Xikwembu

Ku yingisa swi tlula magandzelo. 1Sa 15:22; Mr 12:33

Ku rhangisa vutomi bya wena emahlweni ka nawu wa Xikwembu swi ni khombo. Mr 8:35, 36

21. Nkaneto, Nxaniso

A. Xivangelo xa ku kanetiwa ka Vakreste

Yesu u vengiwile, u vhumbhe nkaneto. Yh 15:18-20; Mt 10:22

Misava ya siringeka loko hi namarhela misinya ya milawu leyinene. 1Pe 4:1, 4, 12, 13

Sathana, xikwembu xa mafambiselo lawa ya swilo, u kaneta Mfumo. 2Ko 4:4; 1Pe 5:8

Mukreste a nga chavi, Xikwembu xa 4n’wi tiyisa. Rhm 8:38, 39; Yk 4:8

B. Wansati a nga fanelanga a pfumelela nuna wakwe a n’wi hambanisa ni Xikwembu

Ku nyikeriwe xitsundzuxo ka ha ri emahlweni; van’wana va nga ha va va n’wi byele mavunwa. Mt 10:34-38; Min 28:22

U fanele ku languta eka Xikwembu na Kreste. Yh 6:68; 17:3

Hi ku tshembeka kakwe, a nga ponisa ni nuna wakwe. 1Ko 7:16; 1Pe 3:1-6

Wanuna i nhloko, kambe a nga fanelanga ku n’wi hlawulela vugandzeri. 1Ko 11:3; Min 5:29

C. Wanuna a nga fanelanga a pfumelela nsati wakwe a n’wi sivela ku tirhela Xikwembu

U fanele a rhandza nsati ni ndyangu, a lava leswaku va hanya. 1Ko 7:16

U fanele ku endla swiboho, a va wundla. 1Ko 11:3; 1Tm 5:8

Xikwembu xi rhandza vavanuna lava yimelaka ntiyiso. Yk 1:12; 5:10, 11

Ku tlhelela endzhaku leswaku ku va ni ku rhula a swi xi tsakisi Xikwembu. Hv 10:38

Kongomisa ndyangu entsakweni wa Misava Leyintshwa. Nhl 21:3, 4

22. Nkhuvulo

A. I xilaveko xa Vukreste

Yesu u veke xikombiso. ․ Mt 3:13-15; Hv 10:7

I xikombiso xa ku titshika kumbe ku tinyiketela. Mt 16:24; 1Pe 3:21

I wa lava ntsena va kuleke ku ringana leswaku va nga dyondziseka. Mt 28:19, 20; Min 2:41

Ku nyuperisiwa ematini i ndlela leyi faneleke. Min 8:38, 39; Yh 3:23

B. A wu hlantswi swidyoho

Yesu a a nga khuvuleriwi ku hlantswa swidyoho. 1Pe 2:22; 3:18

Ngati ya Yesu hi yona yi hlantswaka swidyoho. 1Yh 1:7

23. Nkutsulo

A. Vutomi bya Yesu loko a ri munhu wa nyama byi nyikeriwile byi va “nkutsulo wa lavo tala”

Yesu u nyikele vutomi byakwe byi va nkutsulo. Mt 20:28

Ntikelo wa ngati leyi halakeke wu susa xidyoho. Hv 9:14, 22

Gandzelo rin’we a ri ringene ku tirha nkarhi hinkwawo. Rhm 6:10; Hv 9:26

Vuyelo lebyinene a byi tiendlekeli; byi fanele ku amukeriwa. Yh 3:16

B. A ku ri hakelo leyi faneleke

Adamu u vumbiwe a hetisekile. Dt 32:4; Ekl 7:29; Gn 1:31

U lahlekeriwe hi ku hetiseka ni vana vakwe hikwalaho ka xidyoho. Rhm 5:12, 18

Vana vakwe a va ri hava ntshembo; a ku laveka la fanaka na Adamu hilaha ku pakanisaka. Ps 49:7; Dt 19:21

Vutomi lebyi hetisekeke bya Yesu loko a ri munhu wa nyama i nkutsulo. 1Tm 2:5, 6; 1Pe 1:18, 19

24. Ntlhandlamano Wa Minkarhi

A. 1914 (C.E.) ku hela ka Minkarhi ya Vamatiko

Ku kavanyetiwa ka nxaxamelo wa valawuri va mfumo, 607 B.C.E. Ezk 21:25-27

Mfumo a wu ta pfuxetiwa loko ku hundze ‘minkarhi ya nkombo.’ Dn 4:32, 16, 17

Nkombo = minkarhi ya 2 × 3 1/2, kumbe masiku ya 2 × 1 260. Nhl 12:6, 14; 11:2, 3

Siku ri yimela lembe. [Swi endla malembe ya 2 520] Ezk 4:6; Tin 14:34

Yi hela loko Mfumo wu simekiwa. Lk 21:24; Dn 7:13, 14

25. Ntumbuluko

A. Wu pfumelelana ni sayense; wu kanetana ni hundzuluko

Sayense yi pfumelelana ni ntlhandlamano wa ntumbuluko. Gn 1:11, 12, 21, 24, 25

Nawu wa Xikwembu wa ‘mixaka’ ya swilo wu tikombe wu ri ntiyiso. Gn 1:11, 12; Yk 3:12

B. Masiku ya ku tumbuluxa a hi masiku ya tiawara ta 24

“Siku” ri nga ha vula nkarhi wo karhi. Gn 2:4

Siku eka Xikwembu ri nga ha va nkarhi wo leha. Ps 90:4; 2Pe 3:8

26. Rifu

A. Lexi vangaka rifu

Munhu a a hetisekile eku sunguleni, a a ri ni ntshembo wa vutomi lebyi nga heriki. Gn 1:28, 31

Ku nga yingisi ku tise xigwevo xa rifu. Gn 2:16, 17; 3:17, 19

Xidyoho ni rifu swi nghene eka vana hinkwavo va Adamu. Rhm 5:12

B. Xiyimo xa vafi

Adamu u endliwe moya-xiviri, a nga nyikiwanga wona. Gn 2:7; 1Ko 15:45

Munhu, la nga moya-xiviri, hi yena a faka. Ezk 18:4; Esa 53:12; Yb 11:20

Vafi a va twi nchumu, a va tivi nchumu. Ekl 9:5, 10; Ps 146:3, 4

Vafi va etlele, va rindzele ku pfuxiwa. Yh 11:11-14, 23-26; Min 7:60

C. Ku vulavula ni vafi a swi koteki

Vafi a va hanyi ni Xikwembu va ri mimoya. Ps 115:17; Esa 38:18

Hi tsundzuxiwa ku ka hi nga ringeti ku vulavula ni vafi. Esa 8:19; Lv 19:31

Vangoma, vavhumbhi, va avanyisiwa. Dt 18:10-12; Ga 5:19-21

27. Savata

A. Siku ra Savata a ri bohi eka Vakreste

Nawu wu herisiwile hi rifu ra Yesu. Ef 2:15

Savata a yi bohi eka Vakreste. Kl 2:16, 17; Rhm 14:5, 10

Ku soriwa hikwalaho ko hlayisa Savata ni swin’wana. Ga 4:9-11; Rhm 10:2-4

Nghena eku wiseni ka Xikwembu hi ripfumelo ni ku yingisa. Hv 4:9-11

B. Ku hlayisa Savata a ku laveka eka Israyele wa khale ntsena

Savata yi sungule ku tlangeriwa endzhaku ka ku Rhurha. Eks 16:26, 27, 29, 30

A yi fanerile eka Israyele wa ntumbuluko ku va xikombiso. Eks 31:16, 17; Ps 147:19, 20

Malembe ya Savata a ma boha hi ku ya hi Nawu. Eks 23:10, 11; Lv 25:3, 4

Savata a hi nchumu lowu bohaka eka Vakreste. Rhm 14:5, 10; Ga 4:9-11

C. Savata ya Xikwembu ya ku wisa (siku ra vu-7 ra “vhiki” ra ku tumbuluxa)

Yi sungule loko ntumbuluko wa misava wu tshinela eku heleni. Gn 2:2, 3; Hv 4:3-5

Yi fambe yi ya fika ni le sikwini ra Yesu emisaveni. Hv 4:6-8; Ps 95:7-9, 11

Vakreste va wisa eka mintirho ya swilaveko swa vona. Hv 4:9, 10

Yi hela loko Mfumo wu heta ntirho emisaveni. 1Ko 15:24, 28

28. Swifaniso

A. Ku tirhisa swifaniso eku gandzeleni i xisandzu eka Xikwembu

Ku hava lexi nga fanaka ni Xikwembu. 1Yh 4:12; Esa 40:18; 46:5; Min 17:29

Vakreste va tsundzuxiwa ku fularhela swifaniso. 1Ko 10:14; 1Yh 5:21

Xikwembu xi fanele ku gandzeriwa hi moya ni ntiyiso. Yh 4:24

B. Ku gandzela swifaniso ku tikombe ku ri ni khombo etikweni ra Israyele

Ku gandzela swifaniso a swi yirisiwile eka Vayuda. Eks 20:4, 5

A swi twi, a swi vulavuli; vaendli va swona va fana na swona. Ps 115:4-8

Swi tise ntlhamu, ndzoviso. Ps 106:36, 40-42; Yr 22:8, 9

C. Vugandzeri lebyi nga “hetisekangiki” a byi amukeriwi

Xikwembu a xi byi amukelanga vugandzeri lebyi nga “hetisekangiki.” Esa 42:8

Xikwembu hi xona ntsena ‘Mutwi wa xikhongelo.’ Ps 65:1, 2

29. Tihele (Hayidesi, Sheol)

A. A hi ndhawu ya xiviri ya ku xanisiwa endzilweni

Yobo loyi a a xaniseka u kombele ku ya kona. Yb 14:13

I ndhawu leyi ku nga tirhiwiki eka yona. Ps 6:5; Ekl 9:10; Esa 38:18, 19

Yesu u pfuxiwe esirheni, etiheleni. Min 2:27, 31, 32; Ps 16:10

Tihele ti ta humesa vafi van’wana ivi ti lovisiwa. Nhl 20:13, 14

B. Ndzilo i xikombiso xa ndzoviso

Ku herisiwa eku feni ku fanekiseriwa hi ndzilo. Mt 25:41, 46; 13:30

Lavo biha lava nga hundzukiki va lovisiwa, onge i ku lovisa ka ndzilo. Hv 10:26, 27

Ku “xanisiwa” ka Sathana endzilweni i rifu ra makumu. Nhl 20:10, 14, 15

C. Mhaka ya mufuwi na Lazaro a yi kombisi ku xanisiwa hilaha ku nga heriki

Ndzilo ni xifuva xa Abrahama a hi swa xiviri. Lk 16:22-24

Musa wa Abrahama wu pimanisiwa ni munyama. Mt 8:11, 12

Ku lovisiwa ka Babilona ku vitaniwa nxaniso wa ndzilo. Nhl 18:8-10, 21

30. Tiholideyi, Masiku Yo Velekiwa

A. Masiku yo Velekiwa, Khisimusi, a swi tlangeriwanga hi Vakreste vo sungula

A swi tlangeriwa hi lava nga riki vagandzeri va ntiyiso. Gn 40:20; Mt 14:6

Siku ra ku fa ka Yesu ri fanele ku tsundzukiwa. Lk 22:19, 20; 1Ko 11:25, 26

Huwa leyi fambisanaka ni minkhuvo a yi fanelanga. Rhm 13:13; Ga 5:21; 1Pe 4:3

31. Tilo

A. I 144 000 ntsena lava yaka etilweni

I nhlayo leyi pimiweke; va ta va tihosi na Kreste. Nhl 5:9, 10; 20:4

Yesu hi yena wo rhanga; lavan’wana va hlawuriwe endzhaku. Kl 1:18; 1Pe 2:21

Van’wana vo tala va ta hanya emisaveni. Ps 72:8; Nhl 21:3, 4

Lava 144 000 va le ka xiyimo xo hlawuleka, lexi van’wana va nga riki na xona. Nhl 14:1, 3; 7:4, 9

32. Timbhoni Ta Yehovha

A. Masungulo ya Timbhoni ta Yehovha

Yehovha u hlawula timbhoni takwe. Esa 43:10-12; Yr 15:16

Ntlhandlamano wa timbhoni to tshembeka wu sungule eka Avele. Hv 11:4, 39; 12:1

Yesu a a ri mbhoni yo tshembeka, ya ntiyiso. Yh 18:37; Nhl 1:5; 3:14

33. Vaprofeta Va Mavunwa

A. Ku vhumbhiwe hi ta vaprofeta va mavunwa; a va ri kona enkarhini wa vaapostola

Leswi kombisaka vaprofeta va mavunwa. Dt 18:20-22; Lk 6:26

Ku vhumbhiwe ha vona; va voniwa hi mihandzu. Mt 24:23-26; 7:15-23

34. Vubihi, Maxangu Ya Misava

A. I mani loyi a vangaka maxangu ya misava

Vulawuri byo biha byi vanga minkarhi yo nonon’hwa namuntlha. Swiv 29:2; 28:28

Mufumi wa misava i nala wa Xikwembu. 2Ko 4:4; 1Yh 5:19; Yh 12:31

Maxangu ma tisiwa hi Diyavulosi, ku sele nkarhi wo koma. Nhl 12:9, 12

Diyavulosi u ta bohiwa, ivi ku landzela ku rhula lokukulu. Nhl 20:1-3; 21:3, 4

B. Xivangelo xa ku pfumeleriwa ka vubihi

Diyavulosi u tlhontlhe vutshembeki bya swivumbiwa eka Xikwembu. Yb 1:11, 12

Vanhu vo tshembeka va nyikiwa nkarhi wo kombisa vutshembeki. Rhm 9:17; Swiv 27:11

Diyavulosi u tikombe a ri muhembi, ku nga mhaka leyi a yi fanele ku lulamisiwa. Yh 12:31

Lavo tshembeka va hakeriwa hi vutomi lebyi nga heriki. Rhm 2:6, 7; Nhl 21:3-5

C. Nkarhi lowu lehisiweke wa makumu i lunghiselelo ra tintswalo

Tanihi le sikwini ra Nowa, ku tsundzuxa swi lava nkarhi. Mt 24:14, 37-39

Xikwembu a xi nonoki, kambe xi ni tintswalo. 2Pe 3:9; Esa 30:18

Bibele ya hi pfuna leswaku hi nga kumiwi hi nga xalamukanga. Lk 21:36; 1Te 5:4

Lava lunghiselelo ra Xikwembu sweswi leswaku u sirheleleka. Esa 2:2-4; Sf 2:3

D. Maxangu ya misava a ma nge lulamisiwi hi vanhu

Vanhu va chava ngopfu, va pfilunganyekile. Lk 21:10, 11; 2Tm 3:1-5

Mfumo wa Xikwembu wu ta humelela, hayi vanhu. Dn 2:44; Mt 6:10

Leswaku u hanya, lava ku rhula ni Hosi sweswi. Ps 2:9, 11, 12

35. Vukati

A. Vukati byi fanele byi xiximeka

Byi fanisiwa na Kreste ni mutekiwa. Ef 5:22, 23

Sangu ra vukati a ri fanelanga ri nyamisiwa. Hv 13:4

Mimpatswa yi layiwa leswaku yi nga hambani. 1Ko 7:10-16

Por·neiʹa hi xona ntsena xisekelo xa Matsalwa xo dlaya vukati. Mt 19:9

B. Nawu wa vunhloko wu fanele wu xiximiwa hi Vakreste

Tanihi nhloko, wanuna u fanele a rhandza ndyangu ni ku wu hlayisa. ․ Ef 5:23-31

Wansati, hi ku titsongahata,u rhandza nuna, a n’wi yingisa. 1Pe 3:1-7; Ef 5:22

Vana va fanele ku yingisa. Ef 6:1-3; Kl 3:20

C. Vutihlamuleri bya vatswari va Vakreste eka vana

Mi fanele mi va komba rirhandzu, mi tinyika nkarhi wo va na vona ni ku va khathalela. Tit 2:4

Mi nga va karhati. Kl 3:21

Mi va wundla ni hi swa moya. 2Ko 12:14; 1Tm 5:8

Mi va letela ndlela ya vutomi. Ef 6:4; Swiv 22:6, 15; 23:13, 14

D. Vakreste va fanele va tekana ni Vakreste-kulobye ntsena

Va teka “eHosini” ntsena. 1Ko 7:39; Dt 7:3, 4; Neh 13:26

E. Ku teka tshengwe a swi pfumeleriwi hi Matsalwa

Wanuna wo sungula a a fanele ku va ni nsati un’we ntsena. Gn 2:18, 22-25

Yesu u pfuxete mpimanyeto wa Vakreste. Mt 19:3-9

Vakreste vo sungula a va nga teki tshengwe. 1Ko 7:2, 12-16; Ef 5:28-31

36. Vukhongeri

A. Ku ni vukhongeri byin’we ntsena bya ntiyiso

Ku ni tshembo wun’we, vupfumeri byin’we ni nkhuvulo wun’we. Ef 4:5, 13

Byi rhumiwe ku endla vadyondzisiwa. Mt 28:19; Min 8:12; 14:21

Byi voniwa hi mihandzu ya byona. Mt 7:19, 20; Lk 6:43, 44; Yh 15:8

Swirho swa byona swi ni rirhandzu ni ntwanano. Yh 13:35; 1Ko 1:10; 1Yh 4:20

B. Tidyondzo ta mavunwa ti soriwa hilaha ku faneleke

Yesu u sole tidyondzo ta mavunwa. Mt 23:15, 23, 24; 15:4-9

U swi endlele ku pfuna lava feke mahlo. Mt 15:14

Ntiyiso wu va ntshunxile va va vadyondzisiwa va Yesu. Yh 8:31, 32

C. Ku cinca vukhongeri bya wena i swa nkoka loko byi hoxile

Ntiyiso wa ntshunxa; wu kombisa leswaku vo tala va hoxile. Yh 8:31, 32

Vaisrayele ni van’wana va siye vugandzeri byo sungula. Yx 24:15; 2Th 5:17

Vakreste vo sungula va cince mavonelo ya vona. Ga 1:13, 14; Min 3:17, 19

Pawulo u cince vukhongeri byakwe. Min 26:4-6

Misava hinkwayo yi hambukisiwile; yi fanele ku cinca miehleketo. Nhl 12:9; Rhm 12:2

D. Mhaka ya leswaku onge “vukhongeri hinkwabyo i byinene” a yi tiyisekisi leswaku Xikwembu xa byi amukela

Xikwembu xi veka mpimanyeto wa vugandzeri. Yh 4:23, 24; Yk 1:27

A hi byinene loko byi nga fambisani ni ku rhandza ka Xikwembu. Rhm 10:2, 3

“Mintirho leyinene” yi nga ariwa. Mt 7:21-23

Byi voniwa hi mihandzu. Mt 7:20

37. Vunharhu-un’we

A. Xikwembu, Tatana, i Munhu un’we, lonkulu eka vuako hinkwabyo

Xikwembu a hi vanhu vanharhu. Dt 6:4; Mlk 2:10; Mr 10:18; Rhm 3:29, 30

N’wana u lo vumbiwa; Xikwembu a xi ri xoxe eku sunguleni. Nhl 3:14; Kl 1:15; Esa 44:6

Xikwembu i mufumi wa vuako hinkwabyo hi masiku ni masiku. Flp 2:5, 6; Dn 4:35

Xikwembu xi fanele ku tlakusiwa ku tlula hinkwavo. Flp 2:10, 11

B. N’wana a a ri ehansi ka Tatana loko a nga si ta emisaveni ni loko se a tile

N’wana a a yingisa etilweni, u rhumiwe hi Tatana. Yh 8:42; 12:49

A a titsongahata emisaveni, Tatana hi yena lonkulu. Yh 14:28; 5:19; Hv 5:8

U tlakusiwile etilweni, wa ha tiveka ehansi. Flp 2:9; 1Ko 15:28; Mt 20:23

Yehovha i nhloko ya Kreste naswona i Xikwembu. 1Ko 11:3; Yh 20:17; Nhl 1:6

C. Ku va un’we ka Xikwembu na Kreste

Nkarhi hinkwawo va ni ntwanano lowu hetisekeke. Yh 8:28, 29; 14:10

Va ni vun’we byo fana ni bya wanuna ni wansati. Yh 10:30; Mt 19:4-6

Vapfumeri hinkwavo va fanele ku va ni vun’we lebyi fanaka. Yh 17:20-22; 1Ko 1:10

Vugandzeri bya Yehovha i byin’we ha Kreste hilaha ku nga heriki. Yh 4:23, 24

D. Moya lowo kwetsima wa Xikwembu i matimba ya xona lama tirhaka

I matimba, hayi munhu. ․ Mt 3:16; Yh 20:22; Min 2:4, 17, 33

A hi munhu wa le tilweni la nga ni Xikwembu na Kreste. Min 7:55, 56; Nhl 7:10

Wu kongomisiwa hi Xikwembu leswaku xi hetisisa swikongomelo. Ps 104:30; 1Ko 12:4-11

Lava tirhelaka Xikwembu va wu amukela, wu va kongomisa. 1Ko 2:12, 13; Ga 5:16

38. Vutomi

A. Vanhu lava yingisaka va ta kuma vutomi lebyi nga heriki hakunene

Xikwembu lexi nga hembiki, xi tshembise vutomi. Tit 1:2; Yh 10:27, 28

Vutomi lebyi nga heriki bya tiyisekisiwa eka lava nga ni ripfumelo. Yh 11:25, 26

Rifu ri ta herisiwa. 1Ko 15:26; Nhl 21:4; 20:14; Esa 25:8

B. Vutomi bya le tilweni i bya lava nga emirini wa Kreste ntsena

Xikwembu xi hlawula swirho hi ku rhandza ka xona. Mt 20:23; 1Ko 12:18

I vanhu va 144 000 ntsena lava tekiwaka emisaveni. Nhl 14:1, 4; 7:2-4; 5:9, 10

Hambi Yohane Mukhuvuri a nge vi kona eka Mfumo wa le tilweni. Mt 11:11

C. Vutomi bya le misaveni byi tshembisiwa vanhu vo tala, “tinyimpfu tin’wana”

I nhlayo leyi pimiweke leyi nga ta va na Yesu etilweni. Nhl 14:1, 4; 7:2-4

“Tinyimpfu tin’wana” ku nga ri vamakwavo wa Kreste. Yh 10:16; Mt 25:32, 40

Vunyingi sweswi byi hlengeletanela ku ponela emisaveni. Nhl 7:9, 15-17

Van’wana va ta pfuxeriwa ku hanya emisaveni. Nhl 20:12; 21:4

39. Xidyoho

A. Leswi xidyoho xi nga swona

Ku tlula nawu wa Xikwembu, mpimanyeto wa xona wo hetiseka. 1Yh 3:4; 5:17

Munhu, la nga xivumbiwa xa Xikwembu, u le hansi ka xona. Rhm 14:12; 2:12-15

Nawu wu hlamusele xidyoho, wu endla vanhu va xi lemuka. Ga 3:19; Rhm 3:20

Hinkwavo va dyohile, va pfumala mpimanyeto wa Xikwembu lowu hetisekeke. Rhm 3:23; Ps 51:5

B. Lexi vangeke leswaku hinkwavo va xaniseka hikwalaho ka xidyoho xa Adamu

Adamu u vange ku nga hetiseki ni rifu eka hinkwavo. Rhm 5:12, 18

Xikwembu xi kombise tintswalo hi ku lehisela vanhu mbilu. Ps 103:8, 10, 14, 17

Gandzelo ra Yesu ri rivalela swidyoho. 1Yh 2:2

Xidyoho ni mintirho yin’wana hinkwayo ya Diyavulosi swi ta herisiwa. ․ 1Yh 3:8

C. Mbhandzu lowu yirisiweke a ku ri ku pfumala ku yingisa, ku nga ri xiendlo xa rimbewu

Murhi wu yirisiwe Evha a nga si vumbiwa. Gn 2:17, 18

Adamu na Evha va byeriwe leswaku va va ni vana. Gn 1:28

Vana a va tisiwanga hi xidyoho, kambe a ku ri nkateko wa Xikwembu. ․ Ps 127:3-5

Evha u dyohe nuna wakwe a nga ri kona; u rhangelerile. Gn 3:6; 1Tm 2:11-14

Adamu, tanihi nhloko, u xandzukele nawu wa Xikwembu. Rhm 5:12, 19

D. Leswi ku dyohela moya lowo kwetsima swi vulaka swona (Mt 12:32; Mr 3:28, 29)

A hi xona xidyoho lexi hi velekiweke na xona. Rhm 5:8, 12, 18; 1Yh 5:17

Munhu a nga ha dyohela moya, a vuya a rivaleriwa. Ef 4:30; Yk 5:19, 20

Ku hanya hi xidyoho hi vomu swi vanga rifu. 1Yh 3:6-9

Xikwembu xa va avanyisa, xi va tekela moya wa xona. Hv 6:4-8

A hi fanelanga hi khongelela vanhu vo tano lava nga hundzukiki. 1Yh 5:16, 17

40. Xihambano

A. Yesu u hayekiwe emhandzini ya rifu tanihi xisandzu

Yesu u hayekiwe emhandzini ya rifu kumbe emurhini. Min 5:30; 10:39; Ga 3:13

Vakreste va fanele ku rhwala mhandzi tanihi xisandzu. Mt 10:38; Lk 9:23

B. A xi fanelanga xi gandzeriwa

Ku kombisa xifaniso xa mhandzi ya Yesu i xisandzu. Hv 6:6; Mt 27:41, 42

Ku tirhisa xihambano evugandzerini i ku gandzela swifaniso. Eks 20:4, 5; Yr 10:3-5

Yesu i wa moya, a nga ha ri emhandzini. 1Tm 3:16; 1Pe 3:18

41. Xikhongelo

A. Swikhongelo leswi Xikwembu xi swi yingisaka

Xikwembu xa swi yingisa swikhongelo swa vanhu. Ps 145:18; 1Pe 3:12

Lavo biha a xi va yingisi loko va nga suki endleleni ya vona. Esa 1:15-17

Hi fanele ku khongela hi vito ra Yesu. Yh 14:13, 14; 2Ko 1:20

Hi fanele ku khongela hi ku ya hi ku rhandza ka Xikwembu. ․1Yh 5:14, 15

Ripfumelo i ra nkoka. Yk 1:6-8

B. Ku phindha-phindha ka hava, swikhongelo leswi yaka eka Mariya kumbe “vakwetsimi” a swi tirhi

Hi fanele ku khongela Xikwembu hi vito ra Yesu. Yh 14:6, 14; 16:23, 24

Marito yo phindha-phindha a ma nge yingisiwi. Mt 6:7

42. Xitsundzuxo, Masa

A. Ku Tlangela Xilalelo Xa Hosi

Xi tlangeriwa kan’we hi lembe, hi siku ra Paseka. Lk 22:1, 17-20; Eks 12:14

I xitsundzuxo xa rifu ra Kreste ra gandzelo. 1Ko 11:26; Mt 26:28

Ku dya lava nga ni ntshembo wa le tilweni. Lk 22:29, 30; 12:32, 37

Ndlela leyi munhu a swi tivaka ha yona loko a ri ni ntshembo wolowo. Rhm 8:15-17

B. Masa (Xilalelo xa Khatoliki) a xi seketeriwi hi matsalwa

Ku rivaleriwa swidyoho swi lava leswaku ngati yi halatiwa. Hv 9:22

Kreste hi yena ntsena Muhlanganisi wa ntwanano lowuntshwa. 1Tm 2:5, 6; Yh 14:6

Kreste u le tilweni; a nga xikisiwi hi muprista. Min 3:20, 21

A swi laveki leswaku gandzelo ra Kreste ri endliwa nakambe. Hv 43. Yehovha, Xikwembu

A. Vito ra Xikwembu

“Xikwembu” i rito leri nga kongomiki; Hosi ya hina yi ni vito. 1Ko 8:5, 6

Hi khongelela leswaku vito rakwe ri kwetsimisiwa. Mt 6:9, 10

Yehovha i vito ra Xikwembu. Ps 83:18; Eks 6:2, 3; 3:15; Esa 42:8

Vito leri ra kumeka eka Bibele ya Xitsonga. Eks 6:3 (Dy nhlamuselo). Ps 83:18; Esa 12:2; 26:4

Yesu u twarise vito leri. Yh 17:6, 26; 5:43; 12:12, 13, 28

B. Vukona bya Xikwembu

A swi koteki ku vona Xikwembu u vuya u hanya. Eks 33:20; Yh 1:18; 1Yh 4:12

A swi bohi leswaku u vona Xikwembu leswaku u pfumela. Hv 11:1; Rhm 8:24, 25; 10:17

Xikwembu xi tiviwa hi mintirho ya xona leyi vonakaka. Rhm 1:20; Ps 19:1, 2

Ku hetiseka ka vuprofeta ku kombisa vukona bya Xikwembu. Esa 46:8-11

C. Timfanelo ta Xikwembu

Xikwembu i rirhandzu. 1Yh 4:8, 16; Eks 34:6; 2Ko 13:11; Mk 7:18

Xi ni vutlhari lebyikulu. Yb 12:13; Rhm 11:33; 1Ko 2:7

Xi ni vunene, xi kombisa vululami. Dt 32:4; Ps 37:28

Xi ni matimba hinkwawo. Yb 37:23; Nhl 7:12; 4:11

D. A hi hinkwavo lava tirhelaka Xikwembu xin’we

Ndlela leyi vonakaka yi ri yinene, minkarhi yin’wana a hi yinene. Swiv 16:25; Mt 7:21

Tindlela i timbirhi, i yin’we ntsena leyi yisaka evuton’wini. Mt 7:13, 14; Dt 30:19

Swikwembu swi tele kambe Xikwembu xa ntiyiso i xin’we. 1Ko 8:5, 6; Ps 82:1

Ku tiva Xikwembu xa ntiyiso i swa nkoka leswaku u hanya. Yh 17:3; 1Yh 5:20

44. Yesu

A. Yesu i N’wana wa Xikwembu ni Hosi leyi vekiweke

I mativula ya Xikwembu, u vumbe swilo hinkwaswo. Nhl 3:14; Kl 1:15-17

U endliwe munhu la velekiweke hi wansati, a va ehansi ka tintsumi. Ga 4:4; Hv 2:9

U velekiwe hi moya wa Xikwembu, a hetelela hi ku ya etilweni. Mt 3:16, 17

U tlakusiwile ku tlula loko a nga si va munhu wa nyama. Flp 2:9, 10

B. Ku pfumela eka Yesu Kreste i ka nkoka leswaku u ponisiwa

Kreste i Mbewu leyi tshembisiweke ya Abrahama. Gn 22:18; Ga 3:16

Yesu hi yena ntsena Muprista Lonkulu, i nkutsulo. 1Yh 2:1, 2; Hv 7:25, 26; Mt 20:28

Vutomi byi kumiwa hi ku tiva Xikwembu na Kreste ni ku yingisa. Yh 17:3; Min 4:12

C. Ku laveka leswi tlulaka ku pfumela eka Yesu

Ripfumelo ri fanele ri fambisana ni mintirho. Yk 2:17-26; 1:22-25

U fanele ku yingisa milawu, u endla ntirho lowu a wu endleke. Yh 14:12, 15; 1Yh 2:3

A hi hinkwavo lava tirhisaka vito ra Hosi lava nga ta nghena eMfun’weni. Mt 7:21-23