YOBO

“Ndzi hume ekhwirini ra manana ndzi nga ambalanga nchumu,

Naswona ndzi ta tlhelela ndzi nga ambalanga nchumu.+

 3 “A ri herisiwe siku leri ndzi nga velekiwa ha rona,+

Ni vusiku lebyi un’wana a nga te: ‘Ku velekiwe n’wana wa mufana!’

Xikwembu lexi nga ehenhla xi nga vi na mhaka na rona;

Ri nga voningeriwi.

 6 Vusiku bya kona a byi ve ni xinyami lexikulu;+

Byi nga tshuki byi tsaka emasikwini ya lembe,

Byi nga tshuki byi hlayiwa exikarhi ka tin’hweti.

 7 Kunene! Vusiku byebyo a byi ve mhika;

Ku nga twali nkulungwana eka byona.

 8 A byi rhukaniwe hi lava rhukanaka siku,

Lava kotaka ku pfuxa Levhiyathani.*+

 9 Tinyeleti ta mixo wa byona a ti dzwihale;

A byi rindze mixo, kambe wu nga fiki,

Naswona byi nga voni masana ya vurhonga.

10 Hikuva a byi yi pfalanga nyangwa ya khwiri ra manana;+

Byi endle leswaku ndzi vona maxangu.

12 Hikwalaho ka yini ku ve ni matsolo lama ndzi amukeleke

Ni mavele ya ku ndzi mamisa?

13 Hikuva sweswi a ndzi ta va ndzi etlele, ndzi nga kavanyetiwi;+

A ndzi ta va ndzi etlele ndzi wisile+

14 Ni tihosi ta misava ni vatsundzuxi va tona,

Lava tiakeleke tindhawu leti sweswi ti nga marhumbi,

15 Kumbe ni tihosana leti a ti ri ni nsuku,

Leti tiyindlu ta tona a ti tele hi silivhere.

16 Kumbe hikwalaho ka yini ndzi nga vanga khwiri leri onhakeke,

Ku fana ni vana lava nga ku vonangiki ku vonakala?

17 Kwalaho hambi ku ri lavo homboloka a va ha karhati munhu;

Kwalaho lava heleke matimba va wisile.+

18 Kwalaho vabohiwa hinkwavo va wisile;

A va ha ri twi rito ra loyi a va sindzisaka ku tirha.

19 Lavatsongo ni lavakulu va fana kwalaho,+

Ni hlonga ri tshunxekile eka n’wini wa rona.

20 Hikwalaho ka yini xi nyika la xanisekaka ku vonakala

Ni vutomi eka lava dyaka mbitsi?+

Va ri cela ku tlula ni xuma lexi fihliweke,

22 Lava tsakaka swinene,

Lava khanaka loko va kuma sirha.

23 Hikwalaho ka yini xi nyika la lahlekeke ku vonakala,

Loyi Xikwembu xi n’wi siveleleke?+

24 Hikuva ku cema se swi fana ni swakudya eka mina,+

Ni ku konya+ ka mina ku halaka ku fana ni mati.

25 Hikuva leswi a swi chavisa swi ndzi kumile;

Ni leswi a ndzi swi chava swi ndzi werile.

26 A ndzi vanga ni ku rhula kumbe ku wisa,

Kambe maxangu a ma ndzi sukeli.”

 3 I ntiyiso leswaku wena u lulamise vo tala,

Naswona a wu hamba u tiyisa lava tsaneke.

 4 Marito ya wena a ma pfuxa un’wana ni un’wana la khugukaka,

Naswona a wu tiyisa lava matsolo ya vona ma ngundlangundlaka.

 5 Kambe sweswi swi endleke eka wena kutani u hela mbilu;

Swa ku khumba kutani u hela matimba.

 8 Leswi ndzi swi voneke hileswaku lava byalaka* swo biha

Ni lava byalaka maxangu va ta tshovela leswi fanaka.

 9 Va fa loko Xikwembu xi hefemula,

Naswona va lova loko xi va hlundzukela.

10 Nghala ya bonga ni xinghalana xa mpfhumpfha,

Kambe hambi ku ri matino ya tinghala ta matimba ma tshoveka.

11 Nghala ya fa hikwalaho ka ndlala,

Ni vana va nghala va hangalasiwa.

12 Ndzi byeriwe rito exihundleni,

Ndzi hleveriwe rona endleveni ya mina.

13 Hi nkarhi wa mianakanyo leyi karhataka, eswivonweni swa nivusiku,

Loko vanhu va ha etlele vurhongo lebyikulu,

14 Ndzi sungule ku rhurhumela swinene,

Marhambu ya mina hinkwawo ma sungula ku chava.

15 Ku hundze moya exikandzeni xa mina;

Misisi ya mina yi yima.

16 Wu fika wu yima wu nga fambi,

Kambe a ndzi nga koti ku twisisa xivumbeko xa wona.

A ku ri ni ndzhuti emahlweni ka mina;

Hiloko ku ku whii, ivi ndzi twa rito ri ku:

18 Vona! A xi ma tshembi malandza ya xona,

Naswona xi kuma swihoxo eka tintsumi ta xona.

19 A ndza ha vuli lava tshamaka etindlwini ta vumba,

Lava endliweke hi ntshuri,+

Lava phyandlasiwaka hi ku olova ku fana ni nsumba!

20 Va pfotloseriwa makumu ku sukela nimixo ku fikela nimadyambu;

Va loviseriwa makumu naswona a ku na loyi a nga na mhaka na swona.

 2 Hikuva xiphukuphuku xi ta dlayiwa hi xikhomela,

La nga tlharihangiki u ta dlayiwa hi mavondzo.

 3 Ndzi vone xiphukuphuku swi xi fambela kahle,

Kambe hi xitshuketa yindlu ya xona yi rhukaniwile.

 4 Vana va xona a va sirhelelekanga,

Va herisiwile etigedeni ta muti,+ ku nga ri na loyi a va ponisaka.

 5 La twaka ndlala u dya leswi xi swi tshovelaka,

U pambula ni le xikarhi ka mitwa,

Va tekeriwa swilo swa vona.

 6 Hikuva leswi nga ni khombo a swi mili entshurini,

Naswona maxangu a ma hluki emisaveni.

 7 Hikuva munhu u velekeriwa ku xaniseka,

Kukotisa nhlahle leyi swi bohaka leswaku yi baleka endzilweni.

 8 Kambe mina a ndzi ta kombela eka Xikwembu,

A ndzi ta yisa mhaka ya mina eka Xikwembu,

 9 Eka Loyi a endlaka swilo leswikulu leswi nga lavisisekiki,

Swilo leswi hlamarisaka swa ntsandzavahlayi.

10 U nisa mpfula emisaveni

A rhumela mati etikweni.

11 U tlakusa swisiwana,

U pfuxa lava tsaneke a va ponisa.

12 U pfilunganya makungu ya tintlhari,

Leswaku leswi ti swi endlaka swi nga humeleli.

13 U phasa tintlhari hi makungu ya tona,+

Leswaku makungu ya lavo tlhariha ma nga humeleli.

14 Va le munyameni ninhlikanhi,

Naswona va mbambela ninhlikanhi onge hiloko ku ri vusiku.

15 Wa ponisa eka banga ra milomu ya vona,

A ponisa xisiwana eka lava nga ni matimba,

16 Leswaku xisiwana xi va ni ntshembo,

Kambe lavo homboloka va pfariwa milomu.

17 Waswivo! Wa tsaka munhu la tshinyiwaka hi Xikwembu;

Kutani u nga fularheli ndzayo ya Lowa Matimba Hinkwawo!

18 Hikuva wa vavisa, kambe a tlhela a bandicha mbanga;

Wa tshovelela, kambe mavoko ya yena ma horisa.

19 U ta ku ponisa eka makhombo ya tsevu,

Ni lera vunkombo a ri nge ku endli nchumu xo biha.

20 U ta ku kutsula eku feni hi nkarhi wa ndlala,

Ni banga a ri nge ku endli nchumu hi nkarhi wa nyimpi.

21 U ta sirheleriwa eka ririmi leri tlhavaka,+

Naswona a wu nge ri chavi khombo loko ri ta.

22 U ta hleka ku lovisiwa ni ndlala,

Naswona a wu nge swi chavi swivandzana swa misava.

23 Hikuva a wu nge vavisiwi hi maribye emasin’wini,

Ni swivandzana a swi nge ku karhati.

24 U ta swi tiva leswaku tende ra wena ri hlayisekile,

Naswona u ta kuma ku nga pfumaleki nchumu loko u ya kambela madyelo ya wena.

25 U ta va ni vana vo tala,

Ni vatukulu va wena va ta tala ku fana ni swimilana swa misava.

26 U ta fa wa ha tiyile,

Ku fana ni tinyandza ta koroni leti hlengeletiweke hi nguva ya tona.

2 “Loko maxangu ya mina+ hinkwawo a mo pimiwa

Ma vekiwa eswikalweni swin’we ni makhombo ya mina!

 4 Hikuva miseve ya Lowa Matimba Hinkwawo yi ndzi tlhavile,

Moya wa mina wu nwa vuxungu bya yona;+

Xikwembu xa ndzi hlasela naswona ndza chava.

 5 Xana mbhongolo ya nhova+ yi nga rila loko yi ri ni byanyi,

Kumbe nkuzi yi nga bonga loko yi ri ni furu?

 8 Onge xikombelo xa mina xi nga twiwa

Xikwembu xi ndzi endlela leswi ndzi swi navelaka!

 9 Loko Xikwembu a xo pfumela ku ndzi pfotlosa,

Ni loko a xo tshambuluta voko ra xona xi ndzi dlaya!+

10 Hikuva sweswo a swi ta ndzi chavelela;

A ndzi ta tlula hi ntsako hambileswi ndzi tshamaka ndzi twa ku vava,

Hikuva a ndzi ma fularhelanga marito ya Mukwetsimi.+

13 Xana ndzi ta rilela mani

Leswi ku nga ha riki na loyi a nga ndzi pfunaka?

14 Loyi a nga rhandziki munhu un’wana+

A nge swi koti ku chava Lowa Matimba Hinkwawo.+

15 Vamakwerhu va ndzi xengile+ ku fana ni xinambyana xa xixika,

Ku fana ni mati ya swinambyana swa xixika leswi phyaka.

16 Swi dzwiharile hikwalaho ka ayisi,

Swi khubumete gamboko leyi n’okaka.

17 Kambe hi nguva ya kona swa phya swi hela;

Loko ku hisa, swa oma.

18 Swa hambukisiwa;

Swi khulukela emananga swi nyamalala.

19 Mitlawa ya le Thema+ ya swi lavalava;

Vafambi va le Xeba*+ va swi rindza.

20 Va khomiwe hi tingana hikuva a va tshemba mavunwa;

Va fike kwalaho va khomiwa hi tingana.

21 Hikuva mi ve tano eka mina;+

Mi vone ku chavisa ka khombo ra mina kutani ma chava.+

22 Xana ndzi te, ‘Ndzi nyikeni swo karhi,’

Kumbe, xana ndzi kombele leswaku mi ndzi nyika nyiko eka rifuwo ra n’wina?

23 Xana ndzi tshame ndzi kombela leswaku mi ndzi ponisa eka nala

Kumbe mi ndzi ponisa* eka vatshikileri?

24 Ndzi dyondziseni kutani ndzi ta miyela;+

Ndzi pfuneni ndzi twisisa xihoxo xa mina.

26 Xana mi kunguhata ku lulamisa marito ya mina,

Marito ya loyi a nga tiviki ta yena+ lama biwaka hi moya?

27 Mi nga hoxa ni vuhlolotwana,* mi hoxela n’wana la nga riki na vatswari,+

Mi tlhela mi xavisa munghana wa n’wina!+

28 Sweswi ndzi languteni,

Hikuva a ndzi nge mi hembeli.

29 Ndzi kombela mi ehleketisisa hi mhaka leyi, mi nga ndzi avanyisi hi ndlela yo biha,

Ehleketisisani, hikuva ndza ha ri munhu wo lulama.

 2 Ku fana ni hlonga u navela ndzhuti,

Naswona ku fana ni mutirhi u rindzela muholo wakwe.+

 5 Miri wa mina wu tele hi swivungu ni mabuwa ya misava;+

Nhlonge ya mina yi tele hi swilondza leswi pfempfaka vopfu.+

 6 Masiku ya mina ma famba hi ku hatlisa ku tlula ni muchini wo rhunga,+

Naswona ma hela ndzi nga ri na ntshembo.+

 7 Tsundzuka leswaku vutomi bya mina i moya,+

Leswaku a ndzi nge he tlheli ndzi vona ntsako.

 8 Tihlo leri ndzi vonaka sweswi a ri nge he tlheli ri ndzi vona;

Matihlo ya wena ma ta ndzi lava kambe ndzi ta va ndzi nga ha ri kona.+

 9 Ku fana ni papa leri fambaka ri tlhela ri nyamalala,

Loyi a nghenaka eSirheni* a nga ha vuyi.+

10 A nge he tlheleli endlwini yakwe,

Naswona ndhawu yakwe a yi nge he n’wi tivi.+

Ndzi ta vulavula hikuva mbilu* ya mina ya vava;

Ndzi ta va ni xirilo hikwalaho ka maxangu ya mina lamakulu!+

12 Xana ndzi lwandle kumbe ndzi xivandzana xa le lwandle,

Lerova u nga ndzi vekela murindzi?

13 Loko ndzi ku, ‘Sofa ra mina ri ta ndzi chavelela;

Mubedo wa mina wu ta ndzi pfuna ndzi wisa mahlomulo ya mina,’

14 U ndzi chavisa hi milorho

U tlhela u ndzi chuhisa hi swivono,

15 Lerova a ndzi ta hlawula ku tlimbiwa ndzi fa,

Ina, rifu ematshan’weni ya miri lowu wa mina.+

17 Xana munhu wo va yini lerova u tikarhata hi yena

Ni ku va u n’wi tekela enhlokweni?*+

18 Hikwalaho ka yini u n’wi kambela mixo wun’wana ni wun’wana,

Ni ku tshamela ku n’wi ringa?+

19 Xana a wu nge tshiki ku ndzi languta,

U ndzi tshikanyana ndzi mita marha?+

21 Hikwalaho ka yini u nga ndzi rivaleli xidyoho xa mina

U sula nandzu wa mina?

Hikuva ku nga ri khale ndzi ta etlela entshurini,+

U ta ndzi lava, kambe ndzi ta va ndzi nga ha ri kona.”

 3 Xana Xikwembu xi nga avanyisa hi ndlela leyi hoxeke,

Kumbe Lowa Matimba Hinkwawo a nga endla leswi nga lulamangiki?

 4 Loko vana va wena va n’wi dyoherile,

U va tshike va xupuriwa hikwalaho ka ku xandzuka ka vona;

 5 Kambe loko a wo kombela mpfuno eka Xikwembu,+

U kombela tintswalo eka Lowa Matimba Hinkwawo,

 6 Loko a wu basile hakunene u tlhela u lulama,+

A a ta ku twela vusiwana

A ku vuyisela eka xiyimo lexi a wu ri eka xona.

 7 Naswona hambileswi masungulo ya wena a ma nga nyawuli,

A wu ta va ni vumundzuku lebyinene.+

 8 Ndzi kombela u vutisa va khale,

U yingiserisisa leswi vatata wa vona va swi kumeke.+

 9 Hikuva hina hi velekiwe tolo kunene naswona a hi tivi nchumu,

Hikuva masiku ya hina emisaveni ma fana ni ndzhuti.

12 Xi ta oma ku tlula swimilana swin’wana

Xi nga si hluka kumbe ku khiwa.

13 Hinkwavo lava rivalaka Xikwembu va ta va tano,

Hikuva ntshembo wa lava nga chaviki Xikwembu wu ta hela,

14 Lava tshembaka leswi nga pfuniki nchumu

15 U ta titshega hi yindlu yakwe kambe a yi nge tiyi;

U ta ringeta ku yi khoma kambe yi ta wa.

16 U fana ni ximilana lexi nga ni mati edyambyini,

Lexi navaka entangeni.+

17 Timitsu takwe ti fika ti tsondzela nhulu ya maribye;

U lava ku tshama exikarhi ka wona.

18 Kambe loko a tsuvuriwa* endhawini yakwe,

Ndhawu yoleyo yi ta n’wi landzula yi ku, ‘A ndzi si tshama ndzi ku vona.’+

19 Yoleyo hi yona ndlela leyi a nga ta nyamalala ha yona;+

Kutani ku ta mila van’wana entshurini.

20 Swi le rivaleni leswaku Xikwembu a xi nge va fularheli lava tshembekaka;

Naswona a xi nge va seketeli lavo homboloka,

21 Hikuva xa ha ta endla leswaku u hleka

U ba nkulungwana.

22 Lava ku vengaka va ta khomiwa hi tingana,

Tende ra lavo homboloka a ri nge he vi kona.”

 3 Loko munhu a lava ku kanetana na xona,*+

Munhu yoloye a nge xi hlamuli na xin’we xa swivutiso swa xona swa 1 000.

 5 Xi susa tintshava swi nga tiviwi hi munhu;

Xa ti hundzuluxa hikwalaho ka ku hlundzuka ka xona.

 6 Xi tsekatsekisa misava yi suka endhawini ya yona,

Lerova tiphuphu ta yona ti rhurhumela.+

 7 Xi lerisa dyambu leswaku ri nga voningi,

Naswona xi pfala tinyeleti leswaku ti nga voningi;+

 8 Xi andlala matilo hi xoxe,+

Xi famba ehenhla ka magandlati lamakulu ya lwandle.+

Ni ntlawa wa tinyeleti leti nga le dzongeni;

10 Xi endla swilo leswikulu ni leswi nga lavisisekiki,+

Swilo swo hlamarisa leswi nga hlayekiki.+

11 Xi hundza hi le tlhelo ka mina kambe a ndzi xi voni;

Xa ndzi hundza kambe a ndzi swi xiyi.

13 Xikwembu a xi nge ku siveli ku hlundzuka ka xona;+

Hambi ku ri lava pfunaka Rahava*+ va ta xi khinsamela.

A ndzi tshembi leswaku xi ta ndzi yingisa,

17 Hikuva xi ndzi mbeya hi xidzedze

Xi endla leswaku timbanga ta mina ti tala ku nga ri na xivangelo.+

18 A xi ndzi nyiki ni nkarhi wo koka moya;

Xi tshamela ku ndzi dyisa mbitsi.

20 Niloko a ndzi nga dyohanga, nomu wa mina a wu ta ndzi gweva;

Hambiloko ndzo tshama ndzi tshembekile, xi ta ndzi vona nandzu.

21 Hambiloko ndzo tshama ndzi tshembekile, a ndzi titshembi;

A ndza ha swi lavi ku hanya.

22 Hinkwaswo swo fana. Hi yona mhaka leyi ndzi nge,

‘Xi herisa lava nga riki na nandzu* ni lavo biha hi ndlela leyi fanaka.’

23 Loko ko tshuka ku va ni ndhambi yi dlaya vanhu,

Xi ta hleka maxangu ya loyi a nga riki na nandzu.

24 Misava yi nyikiwe lowo homboloka;+

Xi pfala matihlo* ya vaavanyisi va yona.

25 Sweswi masiku ya mina ma tsutsuma ngopfu ku tlula xitsutsumi;+

Ma hela ma nga si vona leswinene.

26 Ma famba ku fana ni swikepe leswi endliweke hi tinhlanga,

Ma fana ni magama lama bvutamelaka swakudya swa wona.

27 Loko ndzi ku, ‘Ndzi ta rivala leswi ndzi vilerisaka,

Ndzi ta cinca nghohe ya mina ndzi tsaka,’

28 Ndza ha ta chava hikwalaho ka switlhavi swa mina hinkwaswo,+

Ndza swi tiva leswaku a wu ta ndzi vona nandzu.

30 Loko ndzo hlamba hi mati ya gamboko,

Ndzi basisa mavoko ya mina hi xisibi,+

31 A wu ta ndzi hoxa emugodini,

Lerova ni swiambalo swa mina swi ndzi nyenya.

32 Hikuva xona a hi munhu ku fana na mina lerova ndzi nga xi hlamula,

Leswaku hi nga ya swin’we ehubyeni.+

33 A nga kona loyi a nga tengaka mhaka ya hina,*

A va muavanyisi wa hina.

34 Loko a xo tshika ku ndzi ba

Xi tshika ni ku ndzi chavisa,+

35 Kutani a ndzi ta vulavula na xona ndzi nga chavi,

Hikuva a ndzi munhu wo vulavula a ri karhi a chava.

 3 Xana swa ku pfuna ku tshikilela vanhu,

Ku nyenya ntirho wa mavoko ya wena+

U ri karhi u yima ni makungu ya lavo homboloka?

 4 Xana u ni matihlo yo fana ni ya vanhu,

Kumbe xana u vona ku fana ni munhu?

 5 Xana masiku ya wena ma fana ni masiku ya vanhu,

Kumbe xana malembe ya wena ma fana ni malembe ya munhu,+

 6 Lerova u nga ndzi xopaxopa swihoxo

Ni ku tshamela ku lavisisa swidyoho swa mina?+

 7 Wa swi tiva leswaku a ndzi na nandzu;+

Naswona a nga kona la nga ta ndzi lamulela eka wena.+

 8 Mavoko ya wena hi wona ma nga ndzi vumba ma tlhela ma ndzi endla,+

Kambe sweswi u lava ku ndzi lovisa.

 9 Ndzi kombela u tsundzuka leswaku u ndzi endle hi vumba+

Kambe sweswi u ndzi tlherisela entshurini.+

10 Xana a wu ndzi chululanga ku fana ni ntswamba

U ndzi tiyisa ku fana ni chizi?

11 U ndzi ambexe nhlonge ni nyama

U ndzi luka hi marhambu ni misiha.+

12 U ndzi nyike vutomi u tlhela u ndzi rhandza;

U ndzi hlayisile u ndzi sirhelela.+

14 Loko a ndzi dyohile a wu ta ndzi vona,+

Naswona a wu nga ta ndzi rivalela.

Hambiloko ndzi nga ri na nandzu, a ndzi nge yi tlakusi nhloko ya mina,+

Hikuva ndzi tele hi tingana ni ku xaniseka.+

16 Loko ndzi tlakusa nhloko, u ndzi hlota ku fana ni nghala,+

U tlhela u lwa na mina hi matimba ya wena.

17 U ndzi tisela timbhoni letintshwa ti ta ndzi lumbeta

Naswona u ya u ndzi hlundzukela,

Loko ndzi ri karhi ndzi weriwa hi makhombo hi ku landzelelana.

19 A swi ta fana ni loko ndzi nga si tshama ndzi va kona;

A ndzi ta va ndzi nambe ndzi susiwe ekhwirini ndzi yisiwa esirheni.’

20 Xana masiku ya mina a hi matsongo?+ A xi ndzi tshike;

A xi langute ekule na mina leswaku ndzi ta beriwanyana hi moya+

21 Ndzi nga si ya etikweni ra munyama lowukulu,*+

Laha ndzi nga taka ndzi nga ha vuyi,+

22 Etikweni ra munyama lowukulu,

Tiko ra xinyami lexikulu ni hasahasa,

Laha hambi ku ri ku vonakala ku fanaka ni munyama.”

 2 “Xana marito lawa hinkwawo a ma nge hlamuriwi,

Kumbe xana ku vulavula ngopfu swi nga endla munhu a va la lulameke?*

 4 Hikuva u ri, ‘Ndzi dyondzisa leswinene,+

Naswona ndzi basile ematihlweni ya wena.’+

 6 A xi ta ku komba swihundla swa vutlhari,

Hikuva vutlhari byi rharhanganile swinene.

 9 Byi lehe ku tlula misava,

Naswona byi aname ku tlula ni lwandle.

10 Loko xo hundza xi khoma munhu xi n’wi konanisa,

I mani a nga xi sivelaka?

13 Loko ntsena wo lunghisa mbilu ya wena,

U tlakusela mavoko ya wena eka xona.

14 Loko voko ra wena ri endla swo biha, swi tshike,

Naswona u nga pfumeleli leswo biha swi tshama ematendeni ya wena.

15 Hikwalaho u ta tlakusa nhloko ya wena, u nga khomiwi hi tingana;

U nga yima u tiyile, u nga chavi nchumu.

16 Kutani u ta rivala maxangu ya wena;

U ta ma tsundzuka ku fana ni mati lama khulukeke ma ku hundza.

17 Vutomi bya wena byi ta voninga ku tlula nhlikanhi;

Munyama wa byona wu ta fana ni ku voninga ka nimixo.

18 U ta tiya hikuva ku ni ntshembo,

U ta rhalarhala, u etlela u nga chavi nchumu.

19 U ta etlela, u nga chavisiwi hi munhu,

Naswona vanhu vo tala va ta lava u va komba tintswalo.

20 Kambe matihlo ya lavo homboloka a ma nge he voni;

A va nge yi kumi ndhawu yo balekela eka yona,

Ntshembo wa vona ku ta va ku ri rifu ntsena.”+

 2 “I ntiyiso leswaku mi ni vutivi,

Naswona mi ta fa ni vutlhari bya n’wina!

 4 Vanghana va mina va ndzi hleka,+

Va hleka munhu la kombelaka mpfuno eka Xikwembu.+

 5 Lava nga karhatiwiki hi nchumu, va hleka lava weriwaka hi khombo,

Va ehleketa leswaku makhombo ma wela ntsena lava nga emaxangwini.*

 6 Ematendeni ya swigevenga ku ni ku rhula,+

Lava tlhontlhaka Xikwembu va sirhelelekile,+

Lava xikwembu xa vona xi nga emavokweni ya vona.

 7 Kambe, ndzi kombela u vutisa swiharhi, swi ta ku dyondzisa;

Ni swinyenyana swi ta ku byela.

 8 Kumbe kambisisa* swilo leswi nga emisaveni, swi ta ku dyondzisa;

Ni tihlampfi ta lwandle ti ta ku byela.

 9 Hi xihi eka swilo leswi hinkwaswo lexi nga swi tiviki

Leswaku xi endliwe hi voko ra Yehovha?

10 Vutomi bya xin’wana ni xin’wana lexi hanyaka byi le vokweni rakwe

Ni moya wa vanhu hinkwavo.+

11 Xana ndleve a yi ringi marito

Hilaha ririmi ri ringaka swakudya hakona?+

12 Xana vutlhari a byi na lava kuleke,+

Naswona xana ku twisisa a ku na lava masiku?

13 Xikwembu xi ni vutlhari ni matimba;+

Xa twisisa+ naswona xi ta endla ku rhandza ka xona.

14 Loko xi hirimuxa nchumu wo karhi, a wu nge tlheli wu akiwa;+

Loko xi pfarile, a ku na munhu la nga pfulaka.

15 Loko xi khoma mati, swilo hinkwaswo swa oma;+

Loko xi ma rhumela ma tata misava.+

16 Xi ni matimba ni vutlhari;+

Loyi a hambukaka ni loyi a hambukisaka van’wana, hinkwavo i va xona;

17 Xi endla vatsundzuxi va famba hi mikondzo,*

Naswona xi endla vaavanyisi va va swiphukuphuku.+

18 Xi tekela tihosi vuhosi bya tona,+

Xi ti boha hi bandhi ra vuhlonga.

19 Xi endla leswaku vaprista va famba hi mikondzo,+

Xi wisa ni lava nga ni matimba yo fuma;+

20 Xi endla leswaku vatsundzuxi lava tshembiwaka va pfumala rito,

Xi tekela ni vavanuna* lava kuleke vutlhari bya vona;

21 Xi khomisa vanhu va xiyimo xa le henhla tingana,+

Xi endla leswaku lava nga ni matimba va tsana;*

22 Xi paluxa swilo swo enta leswi nga emunyameni,+

Xi hundzula munyama lowukulu wu va ku vonakala;

23 Xi endla matiko ma kula leswaku xi ta ma lovisa;

Xi andzisa matiko leswaku xi ta ma yisa evuhlongeni.

24 Xi tekela varhangeri ku twisisa

Ni ku va tsendzelekisa emananga laha ku nga riki na ndlela.+

25 Va mbambela emunyameni,+ laha ku nga riki na ku vonakala;

Xi va endla va tsendzeleka ku fana ni swidakwa.+

13 “Tihlo ra mina ri swi vonile hinkwaswo leswi,

Ndleve ya mina yi swi twile yi tlhela yi swi twisisa.

 2 Leswi mi swi tivaka na mina ndza swi tiva;

A mi ndzi tluli.

 3 Swa antswa ndzi vulavula ni Lowa Matimba Hinkwawo hi byakwe,

Ndzi lava ku vulavula ni Xikwembu hi mhaka ya mina.+

 4 Kambe n’wina mi ndzi mbyindla hi mavunwa;

Hinkwenu mi vadokodela lava nga pfuniki nchumu.+

 5 Loko ntsena a mo miyela mi ku whii,

A mi ta va mi tlharihile.+

 6 Ndzi kombela mi yingisa mhaka ya mina,

Mi anakanyisisa hi leswi ndzi swi kombelaka.

 7 Xana mi ta vulavulela Xikwembu leswo biha,

Naswona xana mi ta vulavula mavunwa hi xona?

 8 Xana mi ta xi yimelela,

Kumbe xana mi ta ringeta ku yimela mhaka ya Xikwembu xa ntiyiso?

10 Entiyisweni xi ta mi tshinya

Loko mi ringeta ku va ni xihlawuhlawu exihundleni.+

11 Xana a mi nge chavisiwi hi vukulukumba bya xona,

Mi weriwa hi ku chava loku humaka eka xona?

12 Marito ya n’wina ya vutlhari i swivuriso swa nkuma;

Swo tisirhelela swa n’wina a swi tiyanga swi fana ni switlhangu swa vumba.

15 Hambiloko xo ndzi dlaya, ndzi ta rindza;+

Ndzi ta yimela* mhaka ya mina emahlweni ka xona.

16 Kutani xi ta ndzi ponisa,+

Hikuva a ku na munhu la nga chaviki Xikwembu la nga yaka emahlweni ka xona.+

17 Ndzi yingiseleni kahle;

Yingisani leswi ndzi swi vulaka.

18 Vonani, mhaka ya mina se yi lunghekile;

Ndza swi tiva leswaku a ndzi dyohanga nchumu.

20 Ndzi kombela u ndzi nyika swilo swimbirhi ntsena, Xikwembu xanga,

Leswaku ndzi nga ku tumbeleli:

21 Susa voko ra wena ro tika ri ya ekule na mina,

U nga ha yi emahlweni u ndzi chavisa.+

22 U nga ha ndzi vitana ndzi ta ku hlamula,

Kumbe u ndzi tshika ndzi vulavula, wena u ndzi hlamula.

24 Hikwalaho ka yini u ndzi tumbetela xikandza xa wena,+

U ndzi teka ndzi ri nala wa wena?+

25 Xana u ta ringeta ku chavisa kamba leri biwaka hi moya

Kumbe u hlongorisa mahlanga lama omeke?

26 Hikuva u tshamela ku hlayisa leswi va ndzi hehlaka hi swona,

Naswona u ndzi xupulela swidyoho leswi ndzi swi endleke ndza ha ri muntshwa.

27 U bohe milenge ya mina,

U xopaxopa tindlela ta mina hinkwato,

U landzelela nkondzo wun’wana ni wun’wana wa mina.

28 Munhu u onhaka ku fana ni nchumu wo bola,

Ku fana ni lapi leri dyiweke hi nsumba.

14 “Munhu la velekiweke hi wansati,

U hanya nkarhi wo koma+ naswona u taleriwe hi maxangu.+

 2 U mila ku fana ni xiluva kutani a vuna;*+

U baleka ku fana ni ndzhuti a nyamalala.+

 3 Kunene u tshama u n’wi veke tihlo,

Kutani u n’wi avanyisa.+

 5 Loko masiku ya yena ma pimiwile,

Nhlayo ya tin’hweti takwe yi na wena;

A nge hundzi mpimo lowu u n’wi vekeleke wona.+

 6 U nga n’wi honoleli a ta wisa,

Kukondza a heta ntirho wa siku+ ku fana ni mutirhi.

Loko wu tsemiwa, wu ta tlhela wu hluka,

Naswona swirhabyana swa wona swi ta ya emahlweni swi kula.

 8 Loko rimitsu ra wona ro vuna ehansi ka misava

Ivi xikundzu* xa wona xi fa,

 9 Loko wo nun’hwetela mati wu ta hluka;

Wu ta humesa marhavi ku fana ni ximilana lexintshwa.

10 Kambe munhu wa fa a nga ha koti ku endla nchumu;

Loko munhu a fa, xana u kwihi?+

11 Mati ma nyamalala elwandle,

Ni nambu wa phya, wu oma.

Kukondza tilo ri nga ha ri kona a va nge he pfuki,

A va nge pfuxiwi evurhongweni bya vona.+

13 Onge u nga ndzi tumbeta+ eSirheni,*

U ndzi tumbeta kukondza vukarhi bya wena byi hundza,

Leswaku u ndzi vekela nkarhi kutani u ndzi tsundzuka!+

Ndzi ta rindza kukondza masiku ya vuhlonga bya mina ma hela,

Kukondza ndzi tshunxiwa.+

16 Kambe sweswi u tshamela ku hlaya goza rin’wana ni rin’wana ra mina;

U languta xidyoho xa mina ntsena.

17 Xidyoho xa mina xi pfaleriwe enkwameni,

U pfalele xihoxo xa mina hi xo damarheta.

18 Ku fana ni ntshava leyi waka yi tlhela yi hlanhleka

Kutani ribye ri suka endhawini ya rona,

19 Ku fana ni mati lama khukhulaka maribye,

Maboboma ya wona ma khukhula misava,

U wu herise tano ntshembo wa munhu.

20 U tshamela ku n’wi hlula kukondza a fa;+

U cinca ndlela leyi a langutekaka ha yona ivi u n’wi yisa esirheni.

21 Vana vakwe va xiximiwa kambe a nga swi tivi;

Va tsongahatiwa kambe a nga swi xiyi.+

22 U twa ku vava ntsena loko a ha hanya;

U konya ntsena loko a ha hanya.”

 2 “Xana munhu wo tlhariha a nga hlamula hi marito lama nga pfuniki nchumu,

Kumbe xana a nga tata khwiri rakwe hi moya wa le vuxeni?

 3 Ku tshinya hi marito ntsena a swi pfuni nchumu,

Ni ku vulavula ku ri koxe a ku pfuni nchumu.

 4 Hikuva u endla leswaku Xikwembu xi nga chaviwi,

Naswona u sivela van’wana ku anakanya hi Xikwembu.

 5 Hikuva leswi u swi vulaka swi kuceteriwa hi xidyoho xa wena,

Naswona u hlawula mavulavulelo ya vukanganyisi.

 6 Nomu wa wena hi wona wu ku gwevaka, a hi mina;

Milomu ya wena ya ku kaneta.+

 7 Xana hi wena munhu wo sungula ku velekiwa,

Kumbe xana u velekiwe ku nga si va ni swintshabyana?

 8 Xana u yingisa swihundla swa Xikwembu,

Kumbe xana u tivona ku ri wena ntsena la tlhariheke?

10 Hi ni vanhu va misisi yo basa ni lava kuleke,+

Vavanuna lava nga vakulu swinene eka tata wa wena.

11 Xana nchavelelo wa Xikwembu a wu ku enerisi,

Kumbe xana a wu eneriseki loko u khongoteriwa?

12 Hikwalaho ka yini u pfumelela ku lawuriwa hi mbilu ya wena,

Naswona hikwalaho ka yini matihlo ya wena ma ri ni vukarhi?

13 Hikuva u hlundzukele Xikwembu,

Hi yona mhaka leyi u vulavulaka hi ndlela leyi.

14 Xana munhu wo va yini lerova a nga va la baseke,

Kumbe xana munhu la velekiweke hi wansati wo va yini lerova a nga va la lulameke?+

15 Waswivo! A xi va tshembi vakwetsimi va xona,

Hambi ku ri matilo a ma basanga ematihlweni ya xona.+

16 A ha ha vuli munhu loyi a nyenyetsaka loyi a nga ni vukanganyisi,+

Munhu la nwaka leswi nga lulamangiki ku fana niloko a nwa mati!

Ndzi ta ku rungulela leswi ndzi swi voneke,

18 Leswi vanhu vo tlhariha va swi tweke eka vatata wa vona,+

Swilo leswi va nga swi fihlangiki.

19 Hi vona ntsena va nyikiweke tiko,

A ku na xitaxifamba lexi hundzeke exikarhi ka vona.

20 Munhu wo homboloka la nga ni nsele wa xaniseka masiku yakwe hinkwawo,

U vona maxangu malembe ya vutomi byakwe hinkwawo.

21 U twa mpfumawulo lowu chavisaka;+

Hi nkarhi wa ku rhula, vaphangi va n’wi hlasela.

22 A nga tshembi leswaku u ta balekela munyama;+

U yimeriwe hi banga.

24 Maxangu ni gome swi tshamela ku n’wi chavisa;

Swi n’wi heta matimba ku fana ni hosi leyi lunghekeleke ku hlasela.

25 Hikuva u tlakusa voko rakwe ku lwa ni Xikwembu hi xoxe,

U ringeta ku lwa* ni Lowa Matimba Hinkwawo;

26 U tiomisa nhloko a tsutsumela ku ya lwa na Yena,

A khome xitlhangu xakwe xo tiya;

27 Xikandza xakwe xi nyuherile,

U ni mukhava;

28 U tshama emitini leyi nga ta herisiwa,

Etindlwini leti vanhu va nga ta ka va nga ha tshami eka tona,

Leti nga ta va tinhulu ta maribye.

29 A nge fuwi naswona rifuwo rakwe a ri nge engeteleki,

Swilo swakwe a swi nge tali swi hangalaka etikweni.

30 A nge wu balekeli munyama;

Langavi ri ta omisa xirhabyana xa yena,

Naswona u ta lova loko Xikwembu xi fufutela moya.+

31 A nga fanelanga a hambuka a tshemba leswi nga pfuniki nchumu,

Hikuva u ta kuma leswi nga pfuniki nchumu;

32 Swi ta endleka siku rakwe ri nga si fika,

Naswona marhavi yakwe a ma nge hluki.+

33 U ta fana ni murhi wa mudiriva lowu dzudzaka madiriva lama nga wupfangiki,

Ku fana ni murhi wa mutlhwari lowu dzudzaka swiluva.

34 Hikuva nhlengeletano ya vanhu lava nga chaviki Xikwembu a yi pfuni nchumu,+

Ndzilo wu ta hisa matende ya vanhu lava kanganyisaka.

35 Va tika swiphiqo va veleka swilo swo homboloka,

Makhwiri ya vona ma tswala vuxisi.”

Loko a mo va eka xiyimo xa mina,

A ndzi ta swi kota ku mi xopaxopa,

Ndzi tlhela ndzi mi hlakahlela ni nhloko.+

 5 Ku ri na sweswo, a ndzi ta mi tiyisa hi marito ya mina,

A ndzi ta mi khongotela hi nomu wa mina.+

 6 Loko ndzi vulavula, switlhavi swa mina a swi antswi,+

Ni loko ndzi miyela, swa ha tifanela.

 7 Kambe sweswi xi ndzi hete matimba;+

Xi lovise ndyangu wa mina hinkwawo.

 8 Xi tlhela xi ndzi khoma naswona sweswo swi le rivaleni eka vanhu,

Lerova ku ondza ka mina ku endla ndzi vonaka onge ndzi ni nandzu.

10 Va ndzi ahlamisele milomu,+

Naswona va ndzi makale marhama va ri karhi va ndzi hleka;

Va hlengeletane va tele leswaku va ta lwa na mina.+

11 Xikwembu xi ndzi nyiketa eka vafana,

Xi ndzi lahlele eka lavo homboloka.+

12 A ndzi nga karhateki, kambe xi ndzi tlatlalatile;+

Xi ndzi khome hi nhamu xi ndzi pfotlosa;

Kutani xi ndzi copa hi miseve.

13 Vacopi va xona va ndzi rhendzerile;+

Xi tlhava tinso ta mina,+ xi nga ndzi tweli vusiwana;

Xi chulula nyongwa ya mina ehansi.

14 Xi ndzi boxetela ku fana ni khumbi;

Xi ndzi mpfhumpfhela ku fana ni nhenha.

15 Ndzi tirhungele xiambalo* xo khwaxa leswaku ndzi xi ambala,+

Ndzi celele xindzhuti* xa mina ehansi.+

16 Xikandza xa mina xi tshwukile hi ku rila,+

Naswona ku ni ndzhuti lowukulu ehenhla ka tinxiyi ta mina,

17 Hambileswi ndzi nga vavisangiki munhu

19 Nisweswi mbhoni ya mina yi le tilweni;

Loyi a nga ta ndzi yimelela u le henhla.

20 Vanghana va mina va ndzi hleka+

Loko ndzi ri karhi ndzi rilela Xikwembu.+

21 A ku ve ni munhu la nga ta avanyisa exikarhi ka munhu ni Xikwembu,

Hilaha munhu a a ta endla hakona exikarhi ka vanhu vambirhi.+

22 Hikuva malembe lama saleke i matsongo,

Naswona ndzi ta famba ndzi nga ha vuyi.+

17 “Moya wa mina wu tshoviwile, masiku ya mina ma herile;

Ndzi yimeriwe hi sirha.+

 2 Vahlekuri va ndzi rhendzerile,+

Naswona tihlo ra mina ri boheka ku vona mitirho ya vona yo pfukela.

 4 Hikuva u tumbetele timbilu ta vona ku twisisa;+

Hi yona mhaka u nga va tlakusiki.

 5 Vanhu lava va nga ha avela vanghana va vona swilo,

Kambe vana va vona va dlaya hi ndlala.

 6 Xikwembu xi endle leswaku ndzi hlekiwa hi vanhu,+

Naswona va ndzi tshwutela exikandzeni.+

 7 Matihlo ya mina a ma ha voni kahle hikwalaho ka gome,+

Ndzi ondze ngopfu.

 8 Vanhu vo lulama va hlamala loko va vona leswi,

Ni la nga riki na nandzu u karhateka hi la nga chaviki Xikwembu.

 9 Lowo lulama a nga tshiki ku endla leswinene,+

Naswona la nga riki na nandzu u ya a va ni matimba.+

10 Hambiswiritano, mi nga ta hinkwenu mi ta ya emahlweni mi ndzi hlasela hi marito,

Hikuva a ndzi si vona wo tlhariha exikarhi ka n’wina.+

11 Masiku ya mina ma herile;+

Makungu ya mina ni leswi ndzi swi navelaka swi helele empfhukeni.+

12 Va tshamela ku cinca vusiku byi va nhlikanhi,

Va ku, ‘Ku vonakala ku fanele ku ri kusuhi hikuva i xinyami.’

13 Loko ndzo rindza, Sirha* ri ta va kaya ra mina;+

Ndzi ta andlala mubedo wa mina emunyameni.+

16 Wu* ta rhelela wu nghena etinyangweni ta Sirha,*

Loko mina na wona hi rhelela entshurini.”+

 4 Hambiloko wo tihandzulela hikwalaho ko hlundzuka,

Xana misava yi ta tshikiwa hikwalaho ka wena,

Kumbe xana ribye ri ta suka endhawini ya rona?

 5 Kunene rivoni ra lowo homboloka ri ta timiwa,

Ndzilo wakwe wu ta timeka.+

 6 Ku vonakala loku nga etendeni rakwe a ku nge he vi kona,

Naswona rivoni rakwe ri ta timiwa.

 7 Magoza yakwe ma ta hungutiwa,

U ta phijiwa hi makungu yakwe.+

 8 Hikuva milenge yakwe yi ta n’wi yisa eneteni,

Naswona u ta tsendzeleka endzeni ka yona.

 9 Xirimbana xi ta n’wi phasa xirhendze;

U ta khomiwa hi ntlhamu.+

10 U rhiyiwe hi ntambhu leyi tumbetiweke ehansi,

U vekeriwe ntlhamu endleleni yakwe.

12 U hela matimba,

Naswona khombo+ ri ta endla leswaku a dedeleka.*

13 Nhlonge yakwe ya dyiwa;

Vuvabyi lebyi nga ni khombo* byi dya swirho swakwe.

14 U susiwa etendeni rakwe leri a a tshamisekile eka rona+

A yisiwa eka hosi leyi chavisaka.*

15 Ku ta tshama vanhu van’wana etendeni rakwe;

Xivavula xi ta haxiwa ekaya kakwe.+

16 Timitsu takwe ti ta oma ehansi ka yena,

Marhavi yakwe ma ta vuna ehenhla ka yena.

17 A nge he tsundzukiwi emisaveni,

Naswona vito rakwe a ri nge tiviwi exitarateni.

18 U ta hlongoriwa eku vonakaleni a ya emunyameni,

A hlongoriwa etikweni leri noneke.

19 A nge vi na vana kumbe vatukulu eka varikwavo,

Naswona a ku nge vi na munhu la nga ta pona laha a tshamaka kona.

20 Loko siku rakwe ri fika, vanhu va le Vupeladyambu va ta tsemeka nhlana,

Ni vanhu va le Vuxeni va ta rhurhumela hi ku chava.

21 Leswi hi leswi endlekaka ematendeni ya munhu la endlaka swo biha,

Ni le ndhawini ya loyi a nga xi tivangiki Xikwembu.”

 2 “Xana mi ta ndzi karhata ku fikela rini,+

Mi ndzi tlhava hi marito?+

 3 Mi ndzi rhukane ka khume;

A swi mi nyumisi ku ndzi tshikilela.+

 4 Loko entiyisweni ndzi endle xihoxo,

I xihoxo xa mina.

 5 Loko mi phikelela mi vula leswaku ma antswa ku ndzi tlula,

Mi tlhela mi vula leswaku khombo leri ndzi weleke ndzi lo tivangela,

 6 Kutani swi tiveni leswaku ndzi hambukisiwe hi Xikwembu,

Naswona xi ndzi phase hi nete ya xona yo hlota.

 7 Vonani! Ndzi tshamela ku rila ndzi ku, ‘Ndzi vavisiwile,’ kambe a ndzi hlamuriwi;+

Ndzi tshamela ku kombela ku pfuniwa, kambe a ku na vululami.+

 8 A ndzi koti ku hundza hikuva xi ndzi pfalele ndlela hi khumbi ra maribye;

Xi funengete tindlela ta mina hi munyama.+

 9 Xi ndzi hluvule xindzhuti xa mina

Xi susa harhi enhlokweni ya mina.

10 Xi ndzi tshovelela matlhelo hinkwawo kukondza ndzi nga ha vi kona;

Xi tsuvula ntshembo wa mina ku fana ni murhi.

11 Vukarhi bya xona bya ndzi hisa,

Naswona xi ndzi teka ndzi ri nala wa xona.+

12 Masocha ya xona ma ndzi hlasela,

Ma dzima mixaxa ma rhendzela tende ra mina.

13 Xi yise vamakwerhu ekule na mina,

Ni lava va ndzi tivaka va ndzi fularherile.+

14 Vanghana* va mina lavakulu a va ha ri kona,

Ni lava a ndzi va toloverile va ndzi rivele,+

15 Vaendzi va mina+ ni malandza ya mina ya xisati va ndzi teka ndzi ri xitaxifamba;

Ndzi muluveri ematihlweni ya vona.

16 Ndzi vitana nandza wa mina kambe a nga hlamuli;

Ndzi n’wi kombele leswaku a ndzi twela vusiwana.

17 Ku hefemula ka mina ka nyenyetsa eka nsati wa mina,+

Naswona ndza nun’hwa eka vamakwerhu.

18 Ni vana va ndzi nyenya;

Loko ndzi suka ndzi yima, va sungula ku ndzi sandza.

19 Vanghana va mina lavakulu hinkwavo va ndzi nyenya,+

Ni lava a ndzi va rhandza va ndzi jikerile.+

20 Ndzi lo sala hi marhambu,+

Ndzi pone ri ahlamile.*

22 Hikwalaho ka yini mi tshamela ku ndzi xanisa ku fana ni Xikwembu,+

Mi ndzi hlasela mi nga ndzi wisisi?+

23 Loko marito ya mina a mo tsariwa ehansi,

Loko a mo tsariwa ebukwini!

24 Loko a mo tsariwa eribyeni hi nsimbhi,

Ma tshama hilaha ku nga heriki!

25 Hikuva ndza swi tiva leswaku mukutsuri wa mina+ wa hanya;

U ta ta hi ku famba ka nkarhi, u ta yima ehenhla ka misava.

26 Endzhaku ka loko nhlonge ya mina yi yevuriwile,

Loko ndza ha hanya, ndzi ta vona Xikwembu,

27 Ndzi ta xi vona hi ndzexe,

Ndzi ta xi vona hi matihlo ya mina, hayi ya un’wana.+

Hikuva banga ri xupula la endlaka xihoxo;

Mi fanele mi swi tiva leswaku ku ni muavanyisi.”+

 3 Ndzi twe marito yo tshinya lama ndzi tlhavaka;

Ndzi ta hlamula hi ku ya hi mavonelo ya mina.

 4 Ndza tshemba leswaku wa yi tiva mhaka leyi,

Hikuva a yi ri tano hi mpfhuka munhu* a vekiwa emisaveni,+

 5 Leswaku ntsako wa lavo homboloka wu hatla wu hela

Ni ntsako wa lava nga chaviki Xikwembu a wu tlhaveriwi hi dyambu.+

 6 Hambiloko manyunyu yakwe ma fika ni le tilweni

Nhloko yakwe yi fika emapapeni,

 7 U ta nyamalala hilaha ku nga heriki ku fana ni vulongo byakwe;

Lava a va tala ku n’wi vona va ta ku, ‘U kwihi?’

 8 U ta haha ku fana ni norho, a va nge n’wi kumi;

U ta hlongoriwa ku fana ni xivono xa vusiku.

 9 Loyi a nga tshama a n’wi vona a nge he pfuki a n’wi vonile,

A nge he tlheli a voniwa ekaya kakwe.+

10 Vana vakwe va ta kombela mpfuno eka swisiwana,

Mavoko yakwe ma ta tlherisela xuma lexi a xi tekeleke van’wana.+

11 A a ri ni matimba ya vuntshwa,

Kambe u ta lahliwa na wona.

12 Loko leswo biha swi tsokombela enon’wini wakwe,

Loko a swi tumbeta ehansi ka ririmi rakwe,

13 Loko a swi munyunga a nga swi tshiki

Kambe a swi fundza enon’wini wakwe,

14 Swakudya swakwe swi ta sungula ku bava endzeni kakwe;

Swi ta fana ni vuxungu* bya swivatlankombe endzeni kakwe.

15 U mite rifuwo, kambe u ta ri hlanta;

Xikwembu xi ta ri humesa ekhwirini rakwe.

16 U ta mama vuxungu bya swivatlankombe;

U ta dlayiwa hi matino* ya mhiri.*

17 A nge he pfuki a vone swinambyana swa mati,

Swinambyana leswi khulukaka vulombe ni botere.

18 U ta tlherisela nhundzu yakwe a nga yi tirhisanga;

A nge tiphini hi rifuwo leri a ri kumeke eka bindzu rakwe.+

19 Hikuva u xanise swisiwana, a swi siya swi nga ri na nchumu;

U teke yindlu leyi a nga yi akangiki.

20 Kambe a nge vi na ku rhula;

Rifuwo rakwe a ri nge n’wi ponisi.

22 Loko rifuwo rakwe ri sungula ku tala ngopfu, u ta va ni gome;

U ta weriwa hi makhombo yo tala.

23 Loko a ri karhi a dya,

Xikwembu xi ta n’wi rhumela vukarhi bya xona,

Byi ta n’wi nela, byi ya fika ni le marhumbyini yakwe.

24 Loko a balekela matlhari ya nsimbhi,

U ta tlhaviwa hi miseve leyi humaka eka vurha* bya koporo.

25 U hlomula nseve lowu n’wi tlhaveke nhlana,

Tlhari leri hatimaka leri n’wi tlhaveke nyongwa,

A sungula ku chava.+

26 Rifuwo rakwe ri ta funengetiwa hi munyama;

U ta hisiwa hi ndzilo lowu nga pfurheteriwangiki hi munhu;

Lava nga ta pona etendeni rakwe va ta weriwa hi khombo.

27 Tilo ri ta funungula xidyoho xakwe;

Misava yi ta n’wi pfukela.

28 Yindlu yakwe yi ta khukhuriwa hi ndhambi;

Ku ta va mpfula leyikulu hi siku leri Xikwembu xi nga ta hlundzuka ha rona.

29 Leyi i hakelo ya lowo homboloka leyi humaka eka Xikwembu,

I ndzhaka yakwe leyi a nyikiweke hi Xikwembu.”

 2 “Ndzi yingiseleni kahle;

Hikuva loko mi endla tano mi ta va mi ndzi chavelela.

 3 Ndzi lehiseleni mbilu loko ndzi ri karhi ndzi vulavula;

Mi ta ndzi hlekula loko ndzi hetile.+

 5 Ndzi honoleleni mi hlamala;

Ti pfaleni nomu hi voko.

 6 Loko ndzi anakanya hi swona, ndza karhateka,

Naswona miri wa mina hinkwawo wa rhurhumela.

 7 Hikwalaho ka yini lavo homboloka va ya emahlweni va hanya,+

Va dyuhala va tlhela va va swigwili?*+

 8 Vana va vona va hanya nkarhi wo leha,

Va hanya va kala va vona ni vatukulu va vona.

 9 Tiyindlu ta vona ti sirhelelekile, a va chavi nchumu,+

Naswona Xikwembu a xi va xupuli hi nhonga ya xona.

10 Tinkuzi ta vona ta mithisa;

Tihomu ta vona ta veleka, a ti holoti.

11 Majaha ya vona ma tsutsumatsutsuma hala handle ku fana ni ntlhambi wa swifuwo,

Ni vana va vona va tlanga.

12 Va yimbelela va ri karhi va chaya xingomana ni haripa,

Va tsaka loko va twa mpfumawulo wa xitiringo.+

13 Va heta vutomi bya vona va tsakile,

Naswona va ya eSirheni* va ri ni ku rhula.*

18 Xana va fana ni byanyi lebyi biwaka hi moya

Ni muhungu* lowu biwaka hi moya?

20 A a weriwe hi khombo,

Onge a nga nwa vukarhi bya Lowa Matimba Hinkwawo.+

21 Hikuva xana swi n’wi khumba kwihi leswi nga ta sala swi endleka endyangwini wa yena,

Loko masiku ya yena ya ku hanya ma hungutiwile?+

23 Ku ni loyi a faka a ha ri ni matimba,+

A ri karhi a nga karhatiwi hi nchumu naswona swi n’wi fambela kahle,+

24 Loko mindzhumbi yakwe ya ha nonile,

Ni marhambu yakwe ma ha tiyile.*

25 Kambe ku ni loyi a faka a tshikilelekile swinene,

A nga tiphinanga hi leswinene.

26 Hinkwavo va ta etlela swin’we entshurini,+

Hinkwavo va ta funengetiwa hi swivungu.+

28 Hikuva mi ri, ‘Yi kwihi yindlu ya lowa xiyimo xa le henhla,

Ri kwihi tende leri lowo homboloka a a tshama eka rona?’+

Xana ma swi kambisisa leswi va swi xiyeke,

30 Leswaku lowo biha wa ponisiwa hi siku ra khombo,

Wa kutsuriwa hi siku ra ku hlundzuka?

31 I mani la nga ta n’wi vutisa hi mahanyelo yakwe,

Naswona i mani la nga ta n’wi rihisa hi leswi a swi endleke?

32 Loko a yisiwa emasirheni,

Ku ta vekiwa murindzi esirheni rakwe.

33 Mabuwa ya le nkoveni ma ta n’wi nandzihela,+

Vanhu hinkwavo va ta n’wi landzela,+

Ku fana ni vo tala lava n’wi rhangeleke.

 3 Xana Lowa Matimba Hinkwawo u ni mhaka loko u lulamile,

Kumbe xana swi n’wi pfuna yini loko u tshama u tshembekile?+

 4 Xana xi ta ku xupula,

Xi tlhela xi ku yisa ehubyeni hileswi u xi chavaka?

 5 Xana a hi kwalaho ka leswi u hombolokeke swinene

Naswona u tshamelaka ku dyoha?+

 6 Hikuva u tekela vamakwenu swo khomela xikweleti ku nga ri na xivangelo,

U tekela vanhu swiambalo swa vona, va sala va nga ambalanga.+

 7 U tsona lava karhaleke mati yo nwa,

Naswona u tsona lava twaka ndlala swakudya.+

 8 Tiko i ra loyi a nga ni matimba,+

Naswona loyi a rhandziwaka u tshama eka rona.

 9 Kambe u tlherise tinoni ximandlamandla,

Naswona u xanise vana lava feriweke hi vatswari.

10 Hi yona mhaka u rhendzeriweke hi swirimbana,+

Ni makhombo ya xitshuketa ma ku chavisa;

11 Hi yona mhaka ku ri xinyami lerova a wu koti ku vona,

Ni mati ya ndhambi ma ku funengetile.

14 A xi koti ku vona hikuva xi pfaleriwe hi mapapa

Loko xi ri karhi xi fambafamba etilweni.’*

15 Xana u ta famba hi ndlela ya khale

Leyi vanhu vo homboloka a va famba ha yona,

16 Vanhu lava nga hatla va dlayiwa,

Lava khukhuriweke hi ndhambi?*+

19 Lavo lulama va ta swi vona kutani va tsaka,

Lava nga riki na nandzu va ta va hlekula, va ku:

20 ‘Valala va hina va lovisiwile,

Lava saleke va ta hisiwa hi ndzilo.’

21 Xi tive, u ta va ni ku rhula;

Kutani u ta kuma swilo leswinene.

22 Yingisa nawu wa xona,

U veka marito ya xona embilwini ya wena.+

23 Loko u tlhelela eka Lowa Matimba Hinkwawo, u ta tlhela u hanya;+

Loko u susa swo biha etendeni ra wena,

24 Loko wo cukumeta nsuku entshurini

U cukumeta nsuku wa le Ofiri+ emaribyeni ya le nkoveni,

25 Kutani Lowa Matimba Hinkwawo u ta va nsuku wa wena,

U ta va silivhere ya wena ya xiyimo xa le henhla.

26 Kutani u ta tsaka hikwalaho ka Lowa Matimba Hinkwawo,

U ta tshemba Xikwembu.

27 U ta xi kombela naswona xi ta ku twa;

U ta endla leswi u swi tshembiseke.

28 Lexi u nga ta lava ku xi endla xi ta endleka;

Ndlela ya wena yi ta voningeriwa.

29 Hikuva u ta khomisiwa tingana loko u tibuma,

Kambe xi ta ponisa lava titsongahataka.

30 Xi ta ponisa lava nga riki na nandzu;

Kutani loko u nga ri na nandzu u ta ponisiwa.”

 2 “Ninamuntlha ndza ha rila ndzi vilela swinene;+

Ndzi hele matimba hikwalaho ko konya.

 4 A ndzi ta andlala mhaka ya mina eka xona,

Ndzi vula vumbhoni lebyi ndzi nga na byona leswaku ndzi tiyimela emahlweni ka xona;

 5 A ndzi ta twa ndlela leyi xi nga ta ndzi hlamula ha yona,

Ndzi swi tekela enhlokweni leswi xi ndzi byelaka swona.

 7 Kutani lowo lulama a a ta lulamisa timhaka na xona,

Naswona Muavanyisi wa mina a a nga ha ta ndzi vona nandzu hilaha ku nga heriki.

 8 Kambe loko ndzi ya evuxeni, a xi kona;

Ni loko ndzi vuya a ndzi xi kumi.

 9 Loko xi tirhela etlhelweni ra ximatsi, a ndzi xi voni;

Ni loko xi ya exineneni, a ndzi xi voni.

11 Milenge ya mina yi landzelela mikondzo ya xona;

Ndzi fambe endleleni ya xona, a ndzi hambukanga.+

14 Hikuva xi ta swi endla hinkwaswo leswi ndzi kunguhateriweke swona,

Naswona swi tele.

15 Hi swona swi endlaka ndzi karhateka hikwalaho ka xona;

Loko ndzi ehleketa ha xona, ndzi taleriwa hi ku chava.

16 Xikwembu xi endle leswaku ndzi nga ha titshembi,

Lowa Matimba Hinkwawo u ndzi chavisile.

17 Kambe munyama a wu si ndzi miyeta,

Hambi xinyami lexi funengeteke xikandza xa mina.

 2 Vanhu va tlhentlhisa xipingwana;*+

Va yiva tinyimpfu va ti yisa emadyelweni ya vona.

 3 Va teka mbhongolo ya vana lava nga riki na tatana

Ni nkuzi ya noni yi va xo khomela xikweleti.+

 4 Va sindzisa swisiwana ku va nyizela endleleni;

Lava nga riki na mupfuni va fanele va tumbela loko va va vona.+

 5 Swisiwana swi hlota swakudya ku fana ni timbhongolo ta nhova+ emananga;

Swi lavela vana va swona swakudya emananga.

 6 Swi boheka ku tshovela ensin’wini ya un’wana,*

Ni ku khwaja ensin’wini ya madiriva ya lowo homboloka.

 7 Swi heta vusiku hinkwabyo swi nga ambalanga;+

A swi na swo ambala loko ku ri ni xirhami.

 8 Swi tsakamisiwa hi mpfula ya le tintshaveni;

Swi namarhela maribye hikuva a swi na vutumbelo.

 9 N’wana la nga riki na tatana u vutliwa eveleni;+

Naswona swiambalo swa swisiwana swa tekiwa swi va swo khomela xikweleti,+

10 Swi boheka ku famba swi nga ambalanga nchumu,

Swi rhwala tinyandza ta koroni swi ri ni ndlala.

11 Swi tirha bya mahlonga exikarhi ka makhumbi ri ri karhi ri vavula;*

Swi kama madiriva, kambe swi fa hi torha.+

12 Lava faka va tshamela ku konya emutini;

Lava vavisekeke ngopfu va rilela mpfuno,+

Kambe Xikwembu a xi na mhaka na swona.*

13 Ku ni lava va xandzukelaka ku vonakala;+

A va ti voni tindlela ta kona,

Naswona a va ti landzeli tindlela ta kona.

14 Mudlayi u pfuka nimpundzu;

A dlaya la nga riki na mupfuni ni xisiwana,+

Kasi nivusiku u ya eku yiveni.

15 Muoswi, u yimela ri pela,+

A ku, ‘A ku na la nga ta ndzi vona!’+

16 Va tshova tiyindlu ta vanhu nivusiku;

Ninhlikanhi a va humi.

17 Hikuva mixo wu fana ni xinyami lexikulu eka vona;

Va tolovele swilo swo chavisa swa munyama lowukulu.

19 Tanihi leswi dyandza ni mumu swi tekaka gamboko leyi n’okeke,

Sirha* ri teka lava dyoheke!+

21 U xanisa wansati la nga mhika,

A karhata noni.

22 Xikwembu xi ta herisa lava nga ni matimba hi ntamu wa xona;

Hambiloko vo tlhela va va ni matimba a va na ntshembo wa leswaku va ta hanya.

23 Xikwembu xi va tshika va titshemba ni ku tivona va sirhelelekile,+

Kambe xi vona hinkwaswo leswi va swi endlaka.*+

Va fana ni swichocho swa koroni leswi tsemiwaka ivi swi hlengeletiwa;

Va tsongahatiwa+ kutani va fa ku fana ni vanhu hinkwavo.

25 I mani la nga kombisaka leswaku ndza hemba

Kumbe ku kaneta leswi ndzi swi vulaka?”

 2 “Hi xona xi fumaka naswona xa chaviseka;

Xi endla leswaku ku va ni ku rhula etilweni.

 4 Kutani xana munhu a nga va la lulameke emahlweni ka Xikwembu hi ndlela yihi,+

Kumbe xana munhu la velekiweke hi wansati a nga pfumala nandzu hi ndlela yihi?+

 5 Hambi ku ri n’weti a wu voningi eka xona

Ni tinyeleti a ti basanga ematihlweni ya xona,

 6 A ndza ha vuli munhu loyi a ngo va xivungu,

Ni n’wana wa munhu, la nga xivungwana!”

 4 Xana u ringeta ku vulavula na mani,

Naswona i moya wa mani lowu ku leriseke leswi u swi vulaka?

 5 Lava feke va rhurhumela;

Va le hansi ka lwandle ni leswi tshamaka eka rona.

 6 Hinkwaswo leswi nga eSirheni* swi lo dlaa, eka Xikwembu,+

Ni ndhawu ya ndzoviso* a yi funengetiwanga.

 7 Xi andlala matilo* laha ku nga riki na nchumu,+

Xi hayeka misava empfhukeni;

 8 Xi tsondzela mati emapapeni ya xona,+

Leswaku mapapa ma nga tikiwi kutani ma buluka;

 9 Xi pfala xiluvelo xa xona,

Xi xi funengeta hi papa.+

10 Xi endla ndzilakano ehenhla ka mati;+

Xi hambanisa munyama ni ku vonakala.

11 Tiphuphu ta tilo ta tsekatseka;

Ti hlamarisiwa hi ku tshinya ka xona.

12 Xi dunga lwandle hi matimba ya xona,+

Xi tshovelela xivandzana* xa le lwandle hi ku twisisa ka xona.+

13 Xi basisa matilo hi moya wa xona;

Voko ra xona ri tlhava nyoka leyi balekaka.

14 Waswivo! Leswi ko va swiphemunyana swa tindlela ta xona;+

Ku hleveteriwe switsongo ntsena ha xona!

 2 “Ndza hlambanya hi Xikwembu lexi hanyaka, lexi alaka ku ndzi komba vululami,+

Ndza hlambanya hi Lowa Matimba Hinkwawo, loyi a ndzi twiseke ku vava,+

 3 Loko ntsena ndza ha hefemula

Naswona moya wa Xikwembu wa ha ri etinhompfini ta mina,+

 4 Nomu wa mina a wu nge vulavuli leswi nga lulamangiki;

Ni ririmi ra mina a ri nge vulavuli vuxisi!

 6 Ndzi ta tshama ndzi tshembekile;+

Mbilu ya mina a yi nge ndzi gwevi loko ntsena ndza ha hanya.

 7 Nala wa mina a a fane ni lowo homboloka,

Lava ndzi hlaselaka a va fane ni lava nga lulamangiki.

 8 Hikuva xana munhu la nga chaviki Xikwembu u va ni ntshembo wihi loko a lovisiwa,+

Loko Xikwembu xi n’wi herisa?

 9 Xana Xikwembu xi ta twa xirilo xakwe

Loko a weriwa hi maxangu?+

11 Ndzi ta mi dyondzisa matimba ya Xikwembu;

A ndzi nge mi tumbeteli nchumu hi Lowa Matimba Hinkwawo.

12 Loko ku ri hileswaku hinkwenu mi vone swivono,

Hikwalaho ka yini mi vulavula leswi nga pfuniki nchumu?

13 Yoleyo i hakelo ya lowo homboloka leyi humaka eka Xikwembu,+

Ndzhaka ya vaxanisi leyi humaka eka Lowa Matimba Hinkwawo.

14 Loko vana vakwe va tala, va ta dlayiwa hi banga,+

Naswona vatukulu vakwe va ta kayivela swakudya.

15 Lava nga ta sala endyangwini wakwe va ta dlayiwa hi ntungu,

Ni tinoni ta vona a ti nge va rileli.

16 Hambiloko o hlengeleta silivhere yi tala ku fana ni misava,

A hlengeleta swiambalo swo saseka ku fana ni vumba,

17 Hambiloko o swi hlengeleta,

Lowo lulama u ta swi ambala,+

Lavo lulama va ta avelana silivhere yakwe.

18 Yindlu leyi a yi akaka a yi tiyanga, yi fana ni xisaka xa nsumba,

Yi fana ni ndhawu yo tumbela eka yona+ leyi endliweke hi murindzi.

19 U ta ya eku etleleni a ri xigwili kambe a nge hlengeleti nchumu;

Loko a pfula matihlo, ku ta va ku nga ri na nchumu.

20 U ta weriwa hi ku chava ku fana ni ndhambi;

U ta vutliwa hi xidzedze nivusiku.+

21 U ta rhwariwa hi moya wa le vuxeni, a nga ha vi kona;

Wu n’wi susa wu n’wi yisa ekule ni ndhawu yakwe.+

23 Wu ta n’wi bela mavoko

Wu tlhela wu n’wi bela noti+ wu ri endhawini ya wona.*

28 “Ku ni laha silivhere yi ceriwaka kona

Ni laha nsuku wu tengisiwaka kona;+

 2 Nsimbhi yi ceriwa emisaveni,

Ni koporo yi humesiwa emaribyeni.+

 3 Munhu u voninga munyama;

U ya endhawini leyi nga munyama,

Leswaku a ya kuma swicelwa.*

 4 U cela mugodi ekule ni laha vanhu va tshamaka kona,

Etindhawini leti rivariweke, ekule ni laha vanhu va fambaka kona;

Vavanuna van’wana va nghena emugodini hi tintambhu.

 5 Swakudya swi mila ehenhla ka misava;

Kambe endzeni ka yona, ya hundzuriwa onge hiloko ku ri ni ndzilo.*

 6 Exikarhi ka maribye lama nga kwalaho ku ni safiri,

Misava ya kona yi ni nsuku.

 7 A ku na xinyenyana lexi dyaka nyama lexi tivaka ndlela yo ya kwalaho;

Ni n’warikapanyana wa ntima, a nga si tshama a yi vona.

 8 Swivandzana leswikulu a swi si tshama swi yi kandziyela;

Xinghalana a xi fambafambanga eka yona.

 9 Munhu u fayetela maribye yo tiya;

A yimbula tintshava ku sukela etshakwini ra tona.

10 U cela migerho* ya mati+ eribyeni;

Matihlo ya yena ma vona swilo hinkwaswo swa nkoka.

11 U endla madamu emikoveni,

A humesa leswi a swi tumberile.

12 Kambe vutlhari, xana byi nga kumeka kwihi,+

Naswona xi kwihi xihlovo xa ku twisisa?+

13 Munhu a nga wu twisisi nkoka wa byona,+

Naswona a byi kumeki etikweni ra lava hanyaka.

15 A byi nge xaviwi hi nsuku wo tenga;

Ni silivhere a yi nge pimiwi leswaku yi byi xava.+

16 A byi nge xaviwi hi nsuku wa le Ofiri,+

Kumbe hi ribye ra onikisi leri kalaka ni ra safiri.

17 Nsuku ni nghilazi a swi nge fanisiwi na byona;

A wu nge byi xavi hi xibya xa nsuku lowunene.*+

18 Korala ni kristala a hi nchumu,+

Hikuva nkwama lowu teleke hi vutlhari wu durha ngopfu ku tlula lowu teleke hi tiperela.

19 Ribye ra topazi+ ra le Kuxi a ri nge pimanisiwi na byona;

A byi nge xaviwi hambi ku ri hi nsuku wo tenga.

20 Kambe, xana vutlhari byi huma kwihi,

Naswona xi kwihi xihlovo xa ku twisisa?+

21 Byi fihleriwe hinkwaswo leswi hanyaka,+

Byi tumbeteriwe ni swinyenyana.

22 Ndhawu leyi ku lovisiwaka eka yona ni rifu swi te,

‘Hi lo twa xiviko xa byona ntsena.’

23 Xikwembu xi twisisa ndlela yo byi kuma;

Hi xona ntsena xi tivaka lomu byi tshamaka kona,+

24 Hikuva xi languta emakumu ka misava,

Xi vona hinkwaswo ehansi ka matilo.+

25 Loko xi pima matimba* ya moya,+

Xi pima ni mati,+

26 Loko xi vekela mpfula nawu,+

Ni ku endla ndlela ya papa leri dzindzaka,+

27 Hi kona xi nga vona vutlhari kutani xi byi hlamusela;

Xi byi sungurile xi tlhela xi byi kambela.

‘Yingisa! Ku chava Yehovha, i vutlhari,+

Naswona ku twisisa i ku fularhela leswo biha.’ ”+

 2 “Loko a ndzo tlhelela etin’hwetini leti hundzeke,

Emasikwini lawa a ndzi sirheleriwa hi Xikwembu,

 3 Loko xi voningela nhloko ya mina hi rivoni ra xona,

Loko xi ndzi voningela leswaku ndzi kota ku famba emunyameni,+

 4 Loko ndza ha ri ni matimba,

Loko ndza ha ri ni vuxaka ni Xikwembu,+

 5 Loko Lowa Matimba Hinkwawo a ha ri na mina,

Loko ndza ha ri ni vana* va mina,

 6 Loko ndza ha hlamba milenge hi botere,

Maribye ma ndzi chululela mafurha yo tala.+

Ndzi fika ndzi tshama erivaleni ra muti,+

 8 Loko vafana va ndzi vona, a va ndzi nyizela,*

Hambi ku ri vakhalabye a va suka va yima.+

 9 Tihosana a ti tshika ku vulavula;

A ti tipfala nomu hi voko.

10 Lava xiximiwaka a va miyela va ku whii;

Ririmi ra vona a ri tata nomu.

11 Lava a va ndzi twa a va ndzi ndhundhuzela,

Ni lava a va ndzi vona a va nyikela vumbhoni ha mina.

12 Hikuva a ndzi pfuna xisiwana lexi kombelaka mpfuno,+

Ni n’wana la nga riki na tatana ni hinkwavo lava nga riki na mupfuni.+

13 A ndzi katekisiwa hi loyi a nga le kusuhi ni ku fa,+

A ndzi endla noni yi tsaka.+

14 A ndzi ambala ku lulama;

Vululami bya mina a byi fana ni xiambalo* ni duku.

16 A ndzi ri tata wa swisiwana;+

A ndzi kambisisa mhaka ya loyi ndzi nga n’wi tiviki.+

17 A ndzi tshova tinhlaya ta la endlaka swo biha,+

Ndzi n’wi wutlela leswi nga enon’wini wakwe.

18 A ndzi hamba ndzi ku, ‘Ndzi ta fela ekaya ka mina,+

Ndzi ta hanya masiku yo tala ku fana ni swiribyana swa sava.

19 Timitsu ta mina ti ta nava ti fika ni le matini,

Ni mberha yi ta heta vusiku hinkwabyo emarhavini ya mina.

20 Vanhu va ta ya emahlweni va ndzi xixima,

Ni vurha lebyi ndzi byi khomeke a byi nge tshiki ku copa.’

21 Vanhu a va miyela va ku whii,

Va yimela xitsundzuxo xa mina.+

22 Loko ndzi heta ku vulavula a va nga ha ri na rito;

Marito ya mina a ma va tsakisa.

23 A va ndzi rindza onge hiloko va rindzele mpfula;

A va fana ni vanhu lava rindzeleke mpfula ya ximun’wana hi mahlongati.+

24 Loko ndzi va n’wayitelela a va nga swi kholwi;

Loko va vona ndzi tsakile a va chaveleleka.

25 A ndzi va kongomisa ku fana ni murhangeri wa vona,

Naswona a ndzi hanya ku fana ni hosi loko yi ri ni masocha ya yona,+

Ku fana ni munhu la chavelelaka lava rilaka.+

30 “Sweswi va ndzi hleka,+

Vavanuna lava nga vatsongo eka mina,

Lava a ndzi nga ta pfumela ku veka vatata wa vona

Ni timbyana leti rindzaka ntlhambi wa mina.

 3 A va ha ri na matimba hikwalaho ka ku pfumala ni ndlala;

Va handza endhawini leyi nga riki na mati,

Leyi onhiweke yi tlhela yi va rhumbi.

 4 Va hlengeleta swimilana swa munyu emakhwatini;

Va dya timitsu ta murhi wa brumu.

 5 Va hlongoriwa emutini;+

Vanhu va va hewula ku fana ni loko va hewula khamba.

 6 Va tshama emabakweni,

Emiceleni ni le maribyeni.

 7 Va huwelela va ri emakhwatini

Va vungana swin’we exikarhi ka swikhwatana.

 9 Kambe sweswi va yimbelela tinsimu ha mina va ndzi hlekula;+

Ndzi hundzuke xihlekiso eka vona.+

10 Va ndzi nyenya va tlhela va fambela ekule na mina;+

A va chavi ku ndzi tshwutela xikandza.+

11 Leswi Xikwembu xi ndzi tekeleke tlhari ra mina xi tlhela xi ndzi tsongahata,

Va tiendlela ku rhandza hi mina.

12 Va ndzi hlengela va ndzi hlasela hi tlhelo ra xinene;

Va ndzi hlongorisa

Va ndzi vekela swirimbana endleleni.

13 Va onha tindlela ta mina,

Va nyanyisa maxangu ya mina,+

Naswona a ku na loyi a va sivelaka.*

14 Va ta ku fana ni loko va nghene hi mbhovo lowukulu ekhumbini;

Va tela ku ta lovisa.

15 Ndzi khomiwe hi ku chava;

Xindzhuti xa mina xi susiwe onge hiloko xi biwe hi moya,

A ndza ha ri na ntshembo wo ponisiwa.

16 Ndzi le kusuhi ni ku fa;+

Ndza xaniseka siku ni siku.+

17 Marhambu ya mina ma pandza nivusiku;+

Switlhavi a swi miyeli.+

18 Xiambalo xa mina xi kokiwa hi matimba lamakulu;

Xi ndzi tlimba nkolo ku fana ni kholoro ya xiambalo xa mina.

19 Xikwembu xi ndzi cukumetele endzhopeni;

Ndzi hundzuke ntshuri ni nkuma.

20 Ndza ku rilela leswaku u ndzi pfuna, kambe a wu ndzi hlamuli;+

Ndza yima, kambe wo ndzi languta kunene.

21 U ndzi tshike hi ndlela ya tihanyi;+

U ndzi be hi voko ra wena ra matimba.

22 U ndzi tlakule hi moya wa wena;

Kutani u ndzi yisa hala ni hala hi xidzedze.

23 Hikuva ndza swi tiva leswaku u ta ndzi tshika ndzi fa,

Ndzi ta ya laha hinkwavo lava hanyaka va nga ta hlangana kona.

26 Hambileswi a ndzi rindzele leswinene, ku fike swo biha;

A ndzi rindzele ku vonakala, kambe ku fike munyama.

27 Khwiri ra mina ra duma a ri miyeli;

Masiku yo tika ma ndzi kumile.

29 Ndzi hundzuke makwavo wa timhungubye

Ni munghana wa swimbhahana swa yinca.+

30 Nhlonge ya mina i ya ntima naswona ya guvuka;+

Marhambu ya mina ma tshwa hikwalaho ko hisa.

31 Haripa ya mina yi tirhiseriwa ku chaya tinsimu ta nkosi ntsena,

Ni xitiringo* xa mina xi tirhiseriwa ku chaya tinsimu ta xirilo.

31 “Ndzi endle ntwanano ni matihlo ya mina,+

Wa leswaku a ndzi nge n’wi languti nhwana lerova ndzi n’wi navela.+

 2 Kutani xana Xikwembu lexi nga le henhla xi ta ndzi nyika yini,

Xana ku ni ndzhaka leyi ndzi nga ta yi kuma eka Lowa Matimba Hinkwawo la nga le henhla?

 3 Xana khombo a ri weli loyi a endlaka leswo biha

Ni maxangu a ma weli lavo homboloka?+

 4 Xana a xi ti voni tindlela ta mina+

Xi tlhela xi hlayela magoza ya mina hinkwawo?

 6 Xikwembu a xi ndzi kale hi swikalo leswinene;+

Kutani xi ta swi vona leswaku ndzi tshembekile.+

 7 Loko milenge ya mina yi hambuka endleleni,+

Kumbe mbilu ya mina yi landzele matihlo ya mina+

Kumbe ndzi thyakise mavoko ya mina,

 8 Kutani mbewu leyi ndzi yi byalaka a yi dyiwe hi un’wana,+

Ni leswi ndzi swi byalaka a swi tsuvuriwe.*

 9 Loko mbilu ya mina yi yengiwile hi wansati,+

Kutani ndzi n’wi tumbelela+ enyangweni ya muakelani wa mina,

10 Loko swi ri tano nsati wa mina a a silele wanuna un’wana mavele,

Naswona vavanuna van’wana a va etlele na yena.+

11 Hikuva sweswo ku ta va ku ri ku tikhoma loko biha,

Xidyoho lexi lavaka nxupulo wa vaavanyisi.+

12 Ku ta va ku ri ndzilo lowu nga ta lovisa,+

Wu hisa hinkwaswo leswi ndzi nga na swona.

13 Loko ndzi ale ku lulamisa mhaka ya malandza ya mina

Loko ma rila hi mina,

14 Xana ndzi nga endla yini loko Xikwembu xi ndzi vutisa?

16 Loko ndzi ale ku nyika swisiwana leswi swi swi lavaka+

Kumbe ndzi khunguvanyise noni;+

17 Loko ndzi dye swakudya swa mina,

Ndzi tsona vana lava nga riki ni vatswari;+

18 (Hikuva vana lava nga riki na tatana va kule na mina onge ndzi tata wa vona,

A ndzi pfuna noni ku sukela loko ndza ha ri ntsongo.)

19 Loko ndzi vone munhu a xaniseka hikwalaho ko pfumala swiambalo,

Kumbe xisiwana xi nga ri na swiambalo;+

20 Loko a nga ndzi khensanga,+

Loko a ri karhi a kufumetiwa hi voya bya tinyimpfu ta mina;

21 Loko ndzi xungete n’wana la nga riki na vatswari hi xibakele+

Loko a kombela mpfuno eka mina egedeni ya muti;*+

22 Voko ra mina a ri phatluke hi le katleni,

Voko ra mina a ri tshoveke hi le xikokolweni.

23 Hikuva a ndzi chavisiwa hi khombo leri humaka eka Xikwembu,

A ndzi tsandzeka ku yima emahlweni ka ku vangama ka xona.

25 Loko ndzi ve ni manyunyu hikwalaho ka rifuwo ra mina ro tala,+

Hikwalaho ka swilo swo tala leswi a ndzi ri na swona;+

26 Loko ndzi vone ku vonakala ka dyambu,

Kumbe ku famba ka n’weti wu ri karhi wu vangama;+

27 Ivi mbilu ya mina yi yengiwa,

Kutani nomu wa mina wu tswontswa voko ra mina, ndzi swi gandzela;+

28 Xexo a ku ta va xidyoho lexi lavaka nxupulo wa vaavanyisi,

Hikuva a ndzi ta va ndzi landzule Xikwembu xa ntiyiso lexi nga le henhla.

29 Xana ndzi tshame ndzi tsaka loko ndzi vona nala wa mina a lovisiwa,+

Kumbe ndzi khana loko a weriwa hi khombo?

30 A ndzi si tshama ndzi dyoha hi nomu wa mina

Hi ku n’wi rhukana ndzi n’wi navelela leswaku a fa.+

31 Xana vanhu lava tshamaka etendeni ra mina a va vulanga va ku,

‘I mani loyi a tivaka munhu loyi a nga xurhangiki hi swakudya*+ swakwe?’

32 A ku na muluveri loyi a nga tshama a etlela ehandle;+

A ndzi rhurhela ni vaendzi.

33 Xana ndzi tshame ndzi ringeta ku tumbeta swihoxo swa mina, ku fana ni vanhu van’wana,+

Hi ku fihla xidyoho xa mina exikhwameni?

34 Xana ndzi tshame ndzi chava leswaku vanhu va ta ku yini,

Kumbe xana ndzi tshame ndzi chava ku hlekiwa hi mindyangu yin’wana,

Lerova ndzi miyela ndzi ku whii, ndzi chava ni ku humela ehandle?

36 A ndzi ta swi rhwala hi katla,

Naswona a ndzi ta swi boha enhlokweni ku fana ni harhi.

37 A ndzi ta xi byela xin’wana ni xin’wana lexi ndzi nga xi endla;

A ndzi ta ya eka xona ndzi ri karhi ndzi titshemba, ku fana ni n’wana wa hosi.

38 Loko nsimu ya mina a yo rila hi mina,

Ni misava ya kona swi rila swin’we;

39 Loko ndzi dye mihandzu ya yona mahala,+

Kumbe loko ndzi dyise vini va yona mbitsi;+

40 A ku mile mitwa ematshan’weni ya koroni

Ni mfava wo nun’hwa ematshan’weni ya maxalana.”

“Ndzi ntsongo

N’wina mi vakulu.+

 7 Ndzi tibyele ndzi ku, ‘Malembe a ma vulavule,

Malembe yo tala a ma kombise vutlhari bya wona.’

 8 Kambe i moya lowu nga evanhwini,

Ku hefemula ka Lowa Matimba Hinkwawo loku va nyikaka ku twisisa.+

 9 Ku va ni malembe yo tala ntsena a swi endli munhu a tlhariha,

Naswona a hi vanhu lavakulu ntsena lava twisisaka leswinene.+

10 Kutani ndzi ri, ‘Ndzi yingiseni,

Na mina ndzi ta mi byela leswi ndzi swi tivaka.’

11 Maswivo! Ndzi rindzile leswaku ndzi ta twa leswi mi swi vulaka;

Ndzi ye emahlweni ndzi yingisa leswi mi swi anakanyaka,+

Loko mi ri karhi mi lavalava swo swi vula.+

12 Ndzi mi yingisele kahle,

Kambe a nga kona eka n’wina loyi a kombiseke leswaku Yobo u hoxile,

Kumbe ku hlamula marito yakwe.

13 Kutani mi nga vuli mi ku, ‘Hi kume vutlhari;

I Xikwembu lexi nga vulaka leswaku u hoxile, ku nga ri munhu.’

15 Va chavile, a va ha ri na tinhlamulo;

A va ha ri na xo xi vula.

16 Ndzi rindzile, kambe a va ha yi emahlweni va vulavula;

Vo yima va nga vuli nchumu.

17 Kutani na mina ndzi ta hlamula;

Na mina ndzi ta vula leswi ndzi swi tivaka,

18 Hikuva ndzi ni swo tala swo swi vula;

Moya lowu nga endzeni ka mina wu ndzi susumetela ku vulavula.

19 Khwiri ra mina ri fana ni vhinyo leyi pfaleriweke,

Ri fana ni magula lamantshwa ya vhinyo lama lavaka ku buluka.+

21 A ndzi nge vi na xihlawuhlawu eka munhu;+

Kumbe ku ringeta ku tlhoma munhu tinsiva,

22 Hikuva a ndzi swi koti ku tlhoma vanhu tinsiva;

Loko a ndzi swi kota Muendli wa mina a a ta hatla a ndzi herisa.

33 “Kambe sweswi, wena Yobo, ndzi kombela u yingisa marito ya mina;

Yingisa hinkwaswo leswi ndzi nga ta swi vula.

 2 Ndzi kombela ku pfula nomu wa mina;

Ririmi ra mina ri fanele ri vulavula.

 3 Leswi ndzi swi vulaka swi huma embilwini ya mina yo lulama,+

Ni nomu wa mina wu vula leswi ndzi swi tivaka.

 4 Moya wa Xikwembu hi wona wu ndzi endleke,+

Moya wa Lowa Matimba Hinkwawo wu ndzi nyike vutomi.+

 5 Ndzi hlamule loko u swi kota;

Lungheka u andlala mhaka ya wena ndzi yi twa.

 6 Vona! Mina na wena ha fana eka Xikwembu xa ntiyiso;

Na mina ndzi vumbiwe hi vumba.+

 7 Kutani u nga ndzi chavi,

A ndzi nge ku tikiseli hi marito.

 8 Kambe ndzi twe leswi u nga swi vula,

Ndzi ku twe ko tala u ku,

 9 ‘Ndzi tengile, a ndzi na nandzu;+

Ndzi basile, a ndzi na xidyoho.+

10 Kambe Xikwembu xi kanetana na mina;

Xi ndzi teka ndzi ri nala wa xona.+

11 Xi boha milenge ya mina;

Xi xopaxopa tindlela ta mina hinkwato.’+

14 Hikuva Xikwembu xi vulavula kan’we xi tlhela xi phindha,

Kambe vanhu a va xi yingisi,

15 Xi tirhisa norho, exivonweni xa vusiku+

Loko vanhu va khomiwe hi vurhongo lebyikulu,

Loko va ha etlele.

16 Kutani xi pfula tindleve ta vona,+

Xi va dyondzisa,

17 Leswaku munhu a fambela ekule ni leswo biha+

Ni ku n’wi sirhelela leswaku a nga tikukumuxi.+

18 Xikwembu a xi n’wi tshiki a fa,+

Kumbe a dlayiwa hi banga.*

19 Munhu u tlhela a tshinyiwa hi switlhavi loko a etlele

Ni loko marhambu yakwe ma tshamela ku pandza,

20 Lerova a nyenya ni xinkwa,

A ala ni ku dya swakudya swo nandziha.+

21 Wa ondza,

A sala a ri marhambu.

22 U nun’hwetela sirha;

Vutomi byakwe byi le kusuhi ni lava tisaka rifu.

23 Loko a ri ni ntsumi leyi nga ta n’wi vulavulela,

Gqweta rin’we eka ya 1 000,

Leswaku a byela munhu leswi nga swinene,

24 Kutani Xikwembu xi n’wi komba musa xi ku,

‘Mi nga n’wi tshiki a nghena esirheni!+

25 Nhlonge yakwe a yi ve yintshwa ku tlula loko a ha ri muntshwa;+

A a tlhele a va ni matimba ku fana ni loko a ha ri muntshwa.’+

26 U ta kombela Xikwembu+ naswona xi ta n’wi amukela,

U ta huwelela hi ntsako loko a vona xikandza xa xona,

Xi ta endla leswaku a va wo lulama.

27 Munhu yoloye u ta byela* vanhu a ku,

‘Ndzi dyohile+ naswona ndzi endle swo biha,

Kambe a ndzi xupuriwanga hi ku ya hi swiendlo swa mina.

28 Xi ndzi ponisile leswaku ndzi nga ngheni esirheni,+

Ndzi ta tlhela ndzi vona ku vonakala.’

29 Entiyisweni Xikwembu xi endlela munhu swilo leswi hinkwaswo

Kambirhi, hambi ku ri kanharhu,

30 Xi n’wi ponisa esirheni,

Leswaku a ta voningeriwa hi ku vonakala ka vutomi.+

33 Loko u nga ri na xo xi vula, ndzi yingisele;

Miyela, ndzi ta ku dyondzisa vutlhari.”

 2 “Ndzi yingiseni n’wina lavo tlhariha;

Ndzi yingiseni, n’wina mi tivaka swo tala.

 3 Hikuva ndleve yi ringa marito,

Hilaha ririmi ri ringaka swakudya hakona.

 4 A hi kambisiseni leswi nga swinene hina vini;

A hi tiendleleni xiboho xa leswi nga swinene.

 5 Hikuva Yobo u te, ‘Ndzi lulamile,+

Kambe Xikwembu a xi ndzi kombanga vululami.+

 7 I mani la fanaka na Yobo,

La nwaka ku sandziwa ku fana niloko a nwa mati?

 8 I munghana wa vanhu lava endlaka swo biha

Naswona u tshama ni vanhu vo homboloka.+

Xikwembu xa ntiyiso a xi nge pfuki xi endle leswo homboloka,+

Lowa Matimba Hinkwawo a nga endli leswo biha!+

11 Hikuva xi ta hakela munhu hi ku ya hi leswi a swi endlaka,+

Naswona u ta kuma vuyelo bya tindlela takwe.

12 Ntiyiso wa mhaka hi leswaku, Xikwembu a xi endli leswo homboloka;+

Lowa Matimba Hinkwawo a nga avanyisi hi ndlela yo biha.+

13 I mani la xi nyikeke misava,

I mani la xi vekeke ehenhla ka misava hinkwayo?

14 Loko xi jikela vanhu,

Loko xi tihlengeletela moya wa vona ni ku hefemula ka vona,+

15 Vanhu hinkwavo a va ta lova,

Naswona vanhu a va ta tlhelela entshurini.+

16 Kutani loko u ri munhu wa ku twisisa, yingisa leswi;

Yingisa hi vukheta leswi ndzi swi vulaka.

17 Xana munhu la vengaka vululami a nga va mulawuri,

Kumbe xana u nga sola munhu loyi a lulameke la nga ni vulawuri lebyikulu?

18 Xana u nga byela hosi u ku, ‘A wu pfuni nchumu,’

Kumbe u nga byela munhu wa xiyimo xa le henhla u ku, ‘U hombolokile’?+

19 Ku ni Loyi a khomaka tihosana ku fana,

Loyi a nga rhandziki swifumi ku tlula swisiwana,+

Hikuva hinkwavo va vumbiwe hi mavoko ya yena.+

20 Va nga ha fa swi nga languteriwanga+ exikarhi ka vusiku;+

Va rhurhumela kutani va hundza;

Hambi ku ri lava nga ni matimba va susiwa kambe ku nga ri hi vanhu.+

21 Hikuva matihlo ya Xikwembu ma vona tindlela hinkwato ta munhu,+

Xi vona hinkwaswo leswi a swi endlaka.

23 Hikuva Xikwembu a xi vekelanga munhu nkarhi

Lowu xi nga ta n’wi avanyisa ha wona.

24 Xi tshova lava nga ni matimba handle ko va kambisisa,

Xi va siva hi van’wana.+

25 Hikuva xi tiva leswi va swi endlaka;+

Xi va susa eswitulwini swa vona nivusiku ivi va lovisiwa.+

26 Xa va ba hikwalaho ka vubihi bya vona,

Endhawini leyi va nga voniwaka hi mani na mani,+

27 Hikuva va tshike ku xi landzela,+

A va na mhaka ni milawu ya xona;+

28 Va endla xisiwana xi rilela mpfuno eka xona,

Lerova xi twa xirilo xa loyi a nga riki na mupfuni.+

Hambi xi xi tumbetela tiko kumbe vanhu, vuyelo bya kona bya fana,

30 Leswaku munhu la nga chaviki Xikwembu a nga fumi,+

Kumbe a rhiya vanhu hi mintlhamu.

31 Hikuva xana u kona la nga byelaka Xikwembu a ku,

‘Ndzi xupuriwile ndzi nga dyanga xa munhu;+

32 Ndzi kombe xihoxo xa mina;

Loko ndzi onhile a ndzi nge he engeti’?

34 Vanhu lava twisisaka va ta ndzi byela va ku,

Tintlhari leti twaka leswi ndzi swi vulaka ti ta ku,

35 ‘Yobo u vulavula leswi a nga swi tiviki,+

Naswona marito yakwe ma kombisa leswaku a nga twisisi.’

36 Yobo a a ringiwe* hi ku helela

Hikuva u hlamula ku fana ni vanhu vo biha!

37 U ya a dyoha;+

U ba mavoko a ri karhi a hi monya,

 2 “Xana wa tiyiseka leswaku u lulamile leswi u vulaka u ku,

‘Ndzi lulame ku tlula Xikwembu’?+

 5 Languta ehenhla etilweni u vona,

Xiyisisa mapapa,+ lama nga le henhla ka wena.

 7 Loko u lulamile, u xi nyika yini;

Xi kuma yini leswi humaka eka wena?+

 8 Ku homboloka ka wena ku vavisa munhu la fanaka na wena ntsena,

Ni ku lulama ka wena ku vuyerisa yena.

 9 Vanhu va rila loko va khomiwa hi voko ra nsimbhi;

Va lava ku tshunxiwa eka munhu wa matimba loyi a va tshikilelaka.+

10 Kambe a nga kona la nge, ‘Xi kwihi Xikwembu, Muendli wa mina Lonkulu,+

Lexi endlaka leswaku ku yimbeleriwa tinsimu nivusiku?’+

11 Xi hi dyondzisa+ ku tlula swiharhi,+

Xi hi tlharihisa ku tlula swinyenyana.

12 Vanhu va xi huwelela, kambe a xi hlamuli,+

Hikwalaho ka leswi lavo homboloka va nga ni manyunyu.+

13 Entiyisweni Xikwembu a xi ma yingisi mavunwa;+

Lowa Matimba Hinkwawo a nga na mhaka na wona.

15 Hikuva a xi ku xupulanga xi hlundzukile;

Kumbe xi byi tekela enhlokweni vuphukuphuku bya wena lebyikulu.+

16 Yobo u ahlamisa nomu wakwe mahala;

U vula swilo swo tala leswi a nga swi tiviki.”+

 2 “Ndzi lehiselenyana mbilu ndzi hlamusela,

Hikuva ndza ha lava ku vulavulela Xikwembu.

 3 Ndzi ta swi hlamusela hi vuenti leswi ndzi swi tivaka,

Naswona ndzi ta vula leswaku Muvumbi wa mina u lulamile.+

 4 Ndzi vulavula ntiyiso;

Leswi ndzi swi vulaka swi huma eka Loyi a nga ni vutivi lebyi heleleke.+

 5 Kunene Xikwembu xi ni matimba+ naswona a xi fularheli munhu;

Matimba ya xona ya ku twisisa i makulu swinene.

 6 A xi nge n’wi tshiki munhu wo homboloka a ya emahlweni a hanya,+

Kambe xi ta komba lava xanisekaka vululami.+

 7 A xi ma susi matihlo ya xona eka lavo lulama;+

Xi va endla tihosi*+ naswona va tlakusiwa hilaha ku nga heriki.

 8 Kambe loko va bohiwe hi tinsimbhi,

Va bohiwe hi tintambhu ta ku xaniseka,

 9 Xi va byela leswi va swi endleke,

Milandzu ya vona leyi va yi endleke hi leswi va tikukumuxeke.

10 Xi pfula tindleve ta vona leswaku xi va lulamisa

Xi va byela leswaku va tshika ku endla swo biha.+

11 Loko va xi yingisa ni ku xi tirhela,

Va ta tiphina hi masiku ya vona,

Ni malembe ya vona ma ta tsakisa.+

12 Kambe loko va nga yingisi, va ta lovisiwa hi banga,*+

Va ta fa va nga tivi nchumu.

14 Va fa va ha ri vatsongo,+

Va heta vutomi bya vona exikarhi ka tinghwavava ta xinuna ta le tempeleni.+

15 Kambe Xikwembu xi ponisa lava xanisekaka hi nkarhi wa maxangu ya vona;

Xi pfula tindleve ta vona leswaku va xi twa loko va tshikileriwa.

16 Xi ku tsavula emaxangwini,+

Xi ku yisa endhawini leyi pfulekeke, leyi nga riki na swiphiqo,+

Xi veka swakudya swo tala etafuleni ra wena leswaku swi ku chavelela.+

17 Kutani u ta eneriseka hi ndlela leyi lavo biha va nga ta avanyisiwa ha yona,+

Loko vuavanyisi ni vululami byi va kona.

18 Kambe tivonele leswaku ku hlundzuka ku nga ku endli u va ni mona,+

U nga pfumeli ku xaviwa hikuva swi ta ku hambukisa.

19 Xana ku rila ka wena ko kombela ku pfuniwa ku ta ku herisela maxangu,

Kumbe xana ku tikarhata ka wena ko lava ku herisa maxangu ku ta ku pfuna?+

20 U nga naveli leswaku ku va vusiku,

Hi nkarhi lowu vanhu va nyamalalaka etindhawini ta vona.

21 U nga hlawuli ku endla swo biha,

Hileswi u nga laviki ku xaniseka.+

22 Waswivo! Xikwembu xi ni matimba swinene;

I mani muleteri la fanaka na xona?

24 U nga rivali ku twarisa ntirho wa xona+

Lowu vanhu va yimbeleleke ha wona.+

25 Vanhu hinkwavo va wu vonile,

Munhu u wu languta a ri ekule.

26 Xikwembu xi tlakuke ngopfu ku tlula leswi hina hi nga swi tivaka;+

Malembe ya xona ma tele, a ma hlayeki.*+

27 Xi teka mathonsi ya mati xi ma hlengeleta ma ya ehenhla;+

Ivi ma hundzuka mpfula ni hunguva;

28 Kutani mapapa ma chulula mpfula;+

Yi na ehenhla ka misava.

29 Xana u kona loyi a nga twisisaka xivumbeko xa mapapa,

Ku dzindza ka le tendeni ra xona?+

30 Vona ndlela leyi xi andlalaka rihati ra xona+ ehenhla ka wona

Xi funengeta swidziva swa le lwandle.

31 Hi ndlela leyi xi hlayisa vanhu;

Xi va nyika swakudya swo tala.+

32 Xi khoma rihati hi mavoko ya xona,

Kutani xi ri lerisa ku ya ba laha xi lavaka kona.+

33 Ku duma ka rona ku hi byela ha xona,

Ni swifuwo swa vula leswaku ku ta mani.*

37 “Loko ndzi ehleketa hi swona,

Mbilu ya mina yi bela ehenhla yi ba hi ku hatlisa.

 2 Ku yingisele kahle ku pfuma ka rito ra xona,

Ni ku dzindza loku humaka enon’wini wa xona.

 3 Xi rhumela ndlati ku suka etilweni

Xi rhumela rihati ra xona+ ri ya fika ni le makumu ka misava.

 4 Endzhaku ka sweswo ku twala ku bonga;

Xi dzindza hi rito lerikulu,+

Rihati ri tshamela ku ba loko xi vulavula.

 5 Xikwembu xi dzindza hi rito ra xona+ hi ndlela leyi hlamarisaka;

Xi endla swilo leswikulu leswi hi nga ta ka hi nga swi twisisi.+

 7 Xikwembu xi yimisa mitirho ya vanhu hinkwayo

Leswaku vanhu hinkwavo va ta tiva ntirho wa xona.

 8 Swiharhi swi ya laha swi tshamaka kona,

Swi tshama kona swi nga suki.

 9 Moya wu hunga ku suka ekamareni ra wona,+

Ni xirhami xi huma emoyeni wa le n’walungu.+

11 Xi endla leswaku mapapa ma tikiwa hi mathonsi ya mati;

Xi hangalasa rihati ra xona+ emapapeni;

12 Ma rhendzeleka ma ya laha xi ma yisaka kona;

Ma endla hinkwaswo leswi xi ma lerisaka swona+ ehenhla ka misava.

13 Xi ma tirhisa ku xupula,+ kumbe ku endla leswaku ma nisa mpfula

Kumbe ku kombisa rirhandzu ra xona.+

14 Yingisa mhaka leyi, wena Yobo;

Anakanyisisa hi mitirho yo hlamarisa ya Xikwembu.+

15 Xana wa yi tiva ndlela leyi Xikwembu xi lawulaka mapapa ha yona

Ni ndlela leyi xi endlaka rihati ri hatima ha yona emapapeni ya xona?

17 Hikwalaho ka yini swiambalo swa wena swi hisa

Loko misava yi rhurile hikwalaho ka moya wa le dzongeni?+

18 Xana u nga endla xibakabaka ku fana na xona+

Xi tiya ku fana ni xivoni xa nsimbhi?

19 Hi byele leswi hi faneleke hi xi byela swona;

A hi koti ku hlamula hikuva hi le munyameni.

21 Ni ku vonakala a va ku voni,

Hambileswi ku vangamaka exibakabakeni,

Ku fikela loko moya wu hunga wu hangalasa mapapa.

22 En’walungwini ku vonaka ku vangama ka nsuku;

Vukulu+ bya Xikwembu bya hlamarisa.

23 A hi nge pfuki hi twisise Lowa Matimba Hinkwawo;+

U ni matimba lamakulu,+

A nge pfuki a avanyise hi ndlela leyi lwisanaka ni vululami+ byakwe naswona u lulame swinene.+

 2 “I mani loyi, loyi a pfilunganyaka xitsundzuxo xa mina

A vulavula swilo leswi a nga swi tiviki?+

 3 Ndzi kombela u lungheka ku fana ni wanuna;

Ndzi ta ku vutisa, wena u ndzi hlamula.

 5 Loko u swi tiva, xana yi pimiwe hi mani

Kumbe, i mani a nga yi pima hi ntambhu yo pima?

 6 Xana tiphuphu ta yona ti dzimiwe eka yini,

Kumbe, i mani la vekeke ribye ra yona ra le khonweni,+

 7 Loko tinyeleti ta nimixo+ ti huwelela hi ntsako,

Ni vana va Xikwembu*+ hinkwavo va sungula ku huwelela va dzunisa?

 8 I mani la pfaleleke lwandle hi rivanti,+

Loko ri velekiwa,

 9 Loko ndzi ri ambexa hi mapapa

Ndzi ri tsondzela hi munyama lowukulu,

10 Loko ndzi ri vekela swipimelo

Ndzi ri vekela tinyangwa ni swo goga ha swona,+

11 Kutani ndzi ku, ‘U helela kwala, u nga hundzi;

Magandlati ya wena lamakulu ma ta helela laha’?+

12 Xana u tshama u endla leswaku ri xa

Kumbe u endla leswaku vurhonga byi tiva ndhawu ya byona,+

13 Leswaku byi fika ni le makumu ya misava,

Byi hlongola ni lavo homboloka?+

14 Ya hundzuriwa ku fana ni vumba ehansi ka xo fungha ha xona,

Ivi xivumbeko xa yona xi vonaka kahle ku fana ni xa lapi.

15 Kambe ku vonakala ka lavo homboloka ka timiwa,

Ku tshoviwa ni voko ra vona leri tlakukeke.

16 Xana u tshama u fika laha lwandle ri sungulaka kona,

Kumbe u valanga exikarhi ka rona?+

17 Xana u tshama u kombiwa tinyangwa ta rifu,+

Kumbe, xana u tshama u vona tinyangwa ta munyama lowukulu?+

Xana munyama wu huma kwihi,

20 Leswaku u ta wu heleketa endhawini ya wona

U tiva ni ndlela leyi yaka ekaya ka wona?

21 Xana u swi tiva hileswi u nga ni malembe* yo tala

Ni hileswi a wu velekiwile hi nkarhi wolowo?

22 Xana u tshama u nghena exitlatini xa gamboko,+

Kumbe, xana u tshama u vona dulu ra xihangu,+

23 Leswi ndzi swi hlayiseleke nkarhi wa maxangu,

Siku ra ku lwa ni ra nyimpi?+

24 Xana ku vonakala* ku huma kwihi,

Ni moya wa le vuxeni wu hunga wu huma kwihi?+

25 I mani la nga boxela ndhambi ndlela

Ni ndlela ya papa leri dzindzaka,+

26 Leswaku a nisa mpfula laha ku nga tshamiki munhu,

Emananga laha ku nga riki na vanhu,+

27 Leswaku a pfuxa tindhawu leti omeke

A endla leswaku ku mila byanyi?+

28 Xana mpfula yi na tatana,+

Kumbe i mani tata wa mberha?+

29 Xana ayisi yi huma ekhwirini ra mani,

Xana gwitsi ri tswariwe hi mani+

30 Loko mati ma tiye onge mo va ribye,

Ma tiya ma ku raa, ni le ndzeni ka wona?+

31 Xana u nga ti tsimba tintambu ta ntlawa wa tinyeleti wa Kima,*

Kumbe, xana u nga tshunxa tintambhu ta ntlawa wa tinyeleti wa Kesili?*+

32 Xana u nga rhangela ntlawa wa tinyeleti* hi nguva ya tona

Kumbe u kongomisa ntlawa wa tinyeleti wa Axi* ku katsa ni vana va tona?

33 Xana wa yi tiva milawu leyi lawulaka matilo,+

Kumbe, xana u nga endla leswaku milawu yoleyo yi tirha ni laha misaveni?

34 Xana u nga huwelela mapapa,

U ma byela leswaku ma ku nisela mpfula?+

36 I mani la vekeke vutlhari emapapeni,*+

Kumbe, i mani la endleke leswaku xibakabaka xi va ni ku twisisa?+

37 I mani la nga ni vutlhari lerova a nga kota ku hlayela mapapa,

Kumbe i mani la nga voyamisaka makhuwana ya mati ya le tilweni+

38 Loko ntshuri wu hlengeletana wu va nhulu,

Ni mabuwa ya misava ma namarhelana?

39 Xana u nga yi hlotela nghala

Kumbe xana u nga swi phamela swinghalana loko swi ri ni ndlala,+

40 Loko swi bvutame laha swi tshamaka kona,

Kumbe loko swi tumbelerile?

41 I mani la nyikaka wukuwuku* swakudya+

Loko mavondlo ya rona ma rilela Xikwembu ma lava mpfuno,

Naswona ma tsendzeleka hikwalaho ka leswi ku nga riki na swakudya?

 3 Ta khinsama loko ti tswala,

Kutani ku lun’wa ka tona ku hela.

 4 Vana va tona va tiyela, va tlhela va kula enhoveni;

Va famba va nga ha tlheleli eka tona.

 5 I mani la tshunxeke mbhongolo ya nhova,+

Naswona i mani la tshunxeke tintambhu ta mbhongolo ya nhova?

 6 Ndzi endle leswaku yi tshama emananga

Kaya ra yona i tiko ra munyu.

 7 Ya hleka loko muti wu pfilunganyeka;

A yi ri twi ni pongo ra loyi a khayimaka swiharhi.

 8 Yi famba yi lava swakudya etintshaveni,

Yi lava swimilana swa rihlaza.

10 Xana u nga boha nkuzi ya nhova u yi yisa eku rimeni,

Kumbe, xana u nga famba na yona yi ya rima masimu?

11 Xana u nga tshemba matimba ya yona lamakulu,

U yi tirhisa ntirho wa wena wo tika?

12 Xana u nga yi tshemba leswaku yi vuyisa ntshovelo wa wena,

Xana yi nga wu rhwala yi wu yisa exivuyeni* xa wena?

13 Yinca yi kavata timpapa ta yona yi tsakile,

Kambe xana timpapa ni tinsiva ta yona swi nga fanisiwa ni swa ntavila?*+

14 Hikuva yi tshikela matandza ya yona ehansi,

Yi tlhela yi ma fukamela kwalaho.

15 Ya rivala leswaku ma nga ha kandziyiwa

Kumbe swiharhi swi nga ma pyanya.

16 Yi khoma vana va yona hi nsele, onge hiloko va nga ri va yona;+

A yi chavi leswaku yi nga va yi velekele swa hava.

17 Hikuva Xikwembu xi yi tsone vutlhari,*

A xi yi nyikanga ku twisisa.

18 Kambe loko yi yima yi kavatela,

Yi hleka hanci ni mugadi wa yona.

21 Yi handza ehansi yi tlhela yi tsaka swinene;+

Yi tsutsumela enyimpini.+

23 Nkwama wa miseve wa ketlaketla loko yi ri karhi yi tsutsuma,

Banga ni tlhari swa hatima.

24 Yi tlulatlula hikwalaho ko nyanyuka, yi ya emahlweni,

A yi tshamiseki loko yi twa mpfumawulo wa nanga.

Yi nun’hwetela nyimpi ya ha ri ekule,

Yi twa ku huwelela ka tindhuna ta nyimpi ni pongo ra le nyimpini.+

26 Xana hi wena u endlaka leswaku xikhozana xi haha,

Xi ya edzongeni?

Ni ku tlhela ri aka xisaka xa rona emaninginingini,+

28 Ri etlela eriweni

Ri tshama emaribyeni?

29 Ri hlota swakudya ri ri kwalaho;+

Matihlo ya rona ma vona ekule swinene.

30 Mavondlo ya rona ma nwa ngati;

Naswona ri tshama ri ri laha ku dlayiweke nchumu wo karhi.”+

 5 Ndzi vulavule kan’we kambe a ndzi nge he hlamuli;

Kambirhi, kambe a ndzi nge he vulavuli nchumu.”

 7 “Ndzi kombela u lungheka ku fana ni wanuna;

Ndzi ta ku vutisa, wena u ndzi hlamula.+

 9 Xana u ni voko ra matimba ro fana ni ra Xikwembu xa ntiyiso,+

Kumbe, xana rito ra wena ri nga dzindza ku fana ni ra xona?+

10 Ndzi kombela u tiambexa ku vangama ni vukulu;

Tiambexe xindzhuti ni ku xiximeka.

11 Chulula vukarhi bya wena;

Languta un’wana ni un’wana la titlakusaka, u n’wi tsongahata.

12 Languta hinkwavo lava nga ni manyunyu, u va chicha xindzhuti,

Kandziyela lavo homboloka laha va nga kona.

13 Va tumbete hinkwavo ehansi ka misava;

Va pfalele endhawini leyi fihlekeke,

14 Kutani ndzi ta pfumela

Leswaku voko ra wena ra xinene ri nga ku ponisa.

16 Vona matimba lama nga le masengeni ya yona,

Ni matimba ya tinyama leti nga le khwirini ra yona.

17 Yi tiyisa ncila wa yona ku fana ni mukedari;

Misiha ya mindzhumbi ya yona yi tsondzelanile.

18 Marhambu ya yona i tiphayiphi ta koporo;

Mavoko ni milenge ya yona ma fana ni tinsimbhi.

19 Exikarhi ka mitirho ya Xikwembu hi yona yi rhangaka emahlweni;

Muendli wa yona hi yena ntsena a nga yi tshinelelaka a khome banga.

20 Hikuva tintshava ti yi mirisela swakudya,

Laha swiharhi hinkwaswo swi tlangaka kona.

21 Yi etlela ehansi ka murhi wa lothasi,

Endzhutini wa mahlanga lama nga enhlangasini.

22 Mirhi ya lothasi yi yi endlela ndzhuti,

Yi rhendzeriwe hi misinya ya phopla.

24 Xana u kona la nga yi khomaka yi n’wi langutile,

Kumbe a yi boxa nhompfu hi xinjovo?

41 “Xana u nga phasa Levhiyathani*+ hi xinjovo,

Kumbe u bohelela ririmi ra yona hi ntambhu?

 2 Xana u nga nghenisa ntambhu etinhompfini ta yona,

Kumbe u nga yi boxa tinhlaya hi ntlhavo?*

 3 Xana yi nga ku xavelela ko tala,

Kumbe, xana yi nga vulavula kahle na wena?

 4 Xana yi nga endla ntwanano na wena,

Leswaku u yi endla hlonga ra wena hilaha ku nga heriki?

 5 Xana u nga tlanga na yona ku fana niloko u tlanga ni xinyenyana,

Kumbe, xana u nga yi tsimba leswaku yi tlanga ni vana va wena va vanhwanyana?

 7 Xana u nga tata dzovo ra yona hi miseve yo copa tihlampfi letikulu,+

Kumbe, xana u nga tata nhloko ya yona hi matlhari yo tlhava tihlampfi?

 8 Veka voko ra wena ehenhla ka yona;

Nyimpi ya kona a wu nge yi rivali naswona a wu nge he engeti!

12 Ndzi ta ku byela swo tala hi milenge ni mavoko ya yona,

Hi matimba ni miri wa yona lowu vumbekeke kahle.

15 Nhlana wa yona wu ni tilayini ta mahakatimba,

Lama pfalekeke swi tiya.

16 Ma hlangane kahle,

Lerova ni moya a wu koti ku nghena exikarhi ka wona.

17 Ma namarhelanile;

Ma khomananile naswona a ma nge hambaniseki.

18 Loko yi entshemula ku humelela ku vonakala,

Matihlo ya yona ma tshwukile ku fana ni vurhonga.

19 Enon’wini wa yona ku pfurha malangavi;

Ku baleka ni tinhlahle ta ndzilo.

20 Tinhompfu ta yona ti huma musi,

Ku fana ni xitiko lexi lumekiweke hi mahlanga.

21 Moya wa yona loko yi hefemula wu lumeka makala,

Ku huma malangavi enon’wini wa yona.

22 Nhamu ya yona yi ni matimba swinene,

Hinkwavo lava hlanganaka na yona va chava.

23 Tinyama ta yona ti namarhelanile;

Ku fana ni tipuleti ta nsimbhi leti khomaneke.

24 Mbilu ya yona yi tiye ku fana ni ribye,

Yi tiye ku fana ni ribye ro silela eka rona.

25 Loko yi yima, hambi lava nga ni matimba va chava;

Ku mpfhumpfha ka yona ku vanga ku pfilunganyeka.

26 A yi nge hluriwi hi banga;

Hambi ku ri tlhari kumbe nseve.+

27 Eka yona nsimbhi yo fana ni byanyi,

Koporo yi fana ni mhandzi yo bola.

28 A yi wu chavi nseve;

Maribye ya xipelupelu mo fana ni mahlanga eka yona.

29 Xigombo* xo fana ni rihlanga rinene eka yona,

Loko yi twa ku ketlaketla ka tlhari yo hleka.

30 Khwiri ra yona ri fana ni swirhengele;

Yi famba ehenhla ka ndzhope ku fana ni xileyi.+

31 Yi endla xidziva xa mati xi vila ku fana ni mbita;

Yi pfindlusa lwandle ku fana ni mbita ya mafurha.

33 Ku hava xo fana na yona emisaveni,

Xivumbiwa lexi endliweke leswaku xi nga chavi nchumu.

 2 “Se ndza swi tiva leswaku u kota ku endla swilo hinkwaswo,

Naswona a wu tsandziwi hi nchumu.+

Hikwalaho ndzi vulavule swilo leswi ndzi nga swi twisisiki

Swilo swo hlamarisa, leswi ndzi nga tiviki nchumu ha swona.+

 5 Ndzi twe mavarivari ha wena,

Kambe sweswi ndza ku vona hi matihlo ya mina.

 6 Hikwalaho ndza tisola hileswi ndzi swi vuleke,+

Ndzi tshame enkumeni ni le ntshurini.”+