Vutomi Bya Yena Ntsena

“U VELEKIWE eximutanini lexi nga tivekiki ngopfu, n’wana wa wansati wa xisiwana. U kulele eximutanini xin’wana, laha a nga tirha endhawini ya ku vatla ku kondza loko a ri na malembe ya makume manharhu. Kutani a va muchumayeri la hisekaka swinene hi malembe manharhu.

“A nga tsalanga buku. A nga vanga na xikhundlha. A nga vanga na ndyangu hambi yindlu leyi nga ya yena. A nga yanga ekholechini. A nga kalanga a ya edoroba-nkulu. A nga fambanga [tikhilomitara ta 300] ku suka laha a nga velekeriwa kona. A nga endlanga nchumu ni un’we wa leswi hi ntolovelo swi fambisanaka ni ku tlakuka. A a nga ri na maphepha ya vutitivisi kambe a tiyimela hi yexe.

“A ri na malembe ya makume nharhu-nharhu loko gandlati ra langutelo ra vanhu ri n’wi wela ehenhla. Vanghana va yena va tsutsuma. A yisiwa eka valala va yena ivi a nghena endzingweni wa ku hlekuriwa. U beleriwe [emhandzeni] exikarhi ka makhamba mambirhi. Loko a ri karhi a fa, vadlayi va yena va gembula hi swiambalo swa yena, nchumu lowu a a ri na wona ntsena emisaveni. Loko se a file, u vekiwe esirheni leri lombiweke hi ntwelo-vusiwana wa munghana.

“Malembe xidzana ya khume-kaye ya tile ya tlhela ya hundza, naswona namuntlha wa ha ri nchumu wukulu eka rixaka ra vanhu, ni murhangeri wa nhluvuko wa vanhu. Mavuthu hinkwawo lama tshameke ya macha, ni swikepe hinkwaswo swa nyimpi leswi tshameke swi akiwa, tipalamendhe hinkwato leti tshameke ti va kona, ni tihosi hinkwato leti tshameke ti fuma, loko swi hlanganisiwile hinkwaswo, a swi vanga na nkucetelo wa matimba evuton’wini bya munhu emisaveni leyi ku fana na yena.”a—Marito ya munhu la nga tiboxiki malunghana ni vutomi bya Yesu Kreste.

[Nhlamuselo ya le hansi]