Xitirho Xa Nkoka Lexi Dyondzisaka

Xirho xa palamendhe xa tiko ra Sri Lanka xi tsalele “Muhleri wa ‘Xalamuka!’” Papila rakwe ri humesiwe laha hansi:

“Eka Nkulukumba,

“Hambi leswi magazini wa Xalamuka! lowu mi wu kandziyisaka wu nga wutsongo, hi fanele ku boxa leswaku i wa nkoka swinene naswona wu le nkarhini. Xihloko xin’wana ni xin’wana xi pfuna vantshwa va namuntlha ku swi hambanisa kahle leswinene ni leswo biha.

“Ndzi hlaye swihloko hinkwaswo. Langutelo ra mina hi leswaku mudyondzisi wa xikolo, xichudeni, ni mutswari un’wana ni un’wana swo boha leswaku va hlaya magazini lowu.

“Ndzi wu tlangela ngopfu ntirho lowunene lowu mi wu endlaka. Ndzi mi navelela ku hambeta mi humelela eka matshalatshala ya n’wina.”

Ku kandziyisiwa kwalomu ka 16 wa timiliyoni ta tikopi ta nkandziyiso wun’wana ni wun’wana wa Xalamuka!, hi tindzimi ta 78. Emisaveni hinkwayo, magazini lowu wu tekiwa wu ri xitirho xa nkoka lexi dyondzisaka. Na wena u nga vuyeriwa hi ku wu hlaya nkarhi na nkarhi. Loko u tsakela ku kuma kopi kumbe u tsakela ku va ni dyondzo ya Bibele ya mahala ya le kaya, hi kombela u tsalela Watch Tower, Private Bag X2067, Krugersdorp, 1740, kumbe eka adirese leyi faneleke eka leti longoloxiweke eka tluka 5.