Wa Swi Tiva Xana?

(Tinhlamulo ta swivutiso leswi ti nga kumeka ematsalweni ya Bibele lama kombisiweke, naswona nxaxamelo wa tinhlamulo wu kandziyisiwe eka tluka 24. Leswaku u kuma rungula leri engetelekeke, vona buku leyi nge “Insight on the Scriptures,” leyi humesiweke hi Watchtower Bible and Tract Society of New York, Inc.)

1. I yini lexi siveleke Yesu leswaku a endla masingita eka vanhu va le tikweni ra ka vona? (Marka 6:5, 6)

2. Hi swihi swimilana swimbirhi leswi boxiweke hi Yesu loko a vulavula hi ku humesa ka Vafarisi vukhume hi ndlela yo hundzeleta? (Luka 11:42)

3. Hi xihi xiharhi lexi tirhisiweke eka vuprofeta lexi a xi kombisa ndlela leyi ha yona Yesu a a ta hambeta “a nga pfuli nomu” loko a xanisiwa? (Esaya 53:7)

4. Xana a a ri mani muprista lonkulu la avanyisiweke hi ndlela yo vava hikwalaho ka leswi a fundzheke vana vakwe ku tlula Yehovha? (1 Samuwele 2:27-29)

5. I yini lexi Yesu a nga xi “tshinya,” lexi nga suka eka mana wa nkata Simoni ivi a hanya? (Luka 4:38, 39)

6. Xana vanhu lava rhangeke enxaxamelweni va vuriwa yini? (Eksoda 14:19, NW)

7. Xana ku hundzuka ka xiviri ka vutomi bya munhu ku fanisiwe na yini, ku hambana ni “rito ra Yehovha” leri tshamaka hilaha ku nga heriki? (1 Petro 1:24, 25, NW)

8. Hi wahi mananga lawa Vaisrayele va dyeke manna ro sungula eka wona ni laha nawu wa Savata wu sunguleke ku tirha kona? (Eksoda 16:1, 13-31)

9. Hi swihi swilo swin’wana leswi swifaniso swi hlulekaka ku swi endla? (Pisalema 115:5-7)

10. Hikwalaho ka leswi va tsandzekeke ku kwetsimisa ni ku fundzha Xikwembu ematini ya Meriba, i vamani lava aleriweke ku nghena eTikweni leri Tshembisiweke? (Tinhlayo 20:12)

11. I xirho xihi xa miri lexi tirhisiwaka hi ndlela yo fanekisela ku hlamusela vuswikoti byo kombisa matimba kumbe ntamu? (Esaya 51:9)

12. Leswaku a kombisa ku tlakuka ka vuprista bya Kreste, Levhi u humese yini loko a ha ri emasengeni ya Abrahama, hilaha Pawulo a vuleke hakona? (Vaheveru 7:9, 10)

13. I nhlamuselo yihi leyi tirhisiwaka eBibeleni leyi kombisaka leswaku hosi ya Israyele a yi yimela mfumo wa Yehovha wa le tilweni? (1 Tikronika 29:23)

14. Xana xivumbiwa xin’wana ni xin’wana eka swa mune leswi nga exivonweni xa Yohane a swi yimela yini? (Nhlavutelo 4:7)

15. Xana a ku ta humelela yini emisaveni endzhaku ka loko Diyavulosi a hlongoriwile etilweni? (Nhlavutelo 12:12)

16. Xana a ku tirhisiwa yini leswaku ku avanyisiwa Tiko leri Tshembisiweke ri va tinyimba ta 12? (Tinhlayo 26:55, 56)

17. I nyanyana yihi leyi nga ni mahlo lama languteke emahlweni, leyi kotaka ku vona xilo hi mahlo mambirhi hi nkarhi wun’we? (Pisalema 102:6)

18. I yini lexi Timotiya a ta xi kombisa van’wana hi ku hambeta a tinyiketela eka swilo swa moya? (1 Timotiya 4:15)

19. Xana Daniyele a a ri ni xikhundlha xihi emfun’weni wa Babilona? (Daniyele 2:48)

20. Xana Adamu na Evha va rhungelele yini leswaku va endla swiambalo? (Genesa 3:7)

21. Loko a kandziyisa yinhla ya ku nga tirhisi ririmi hi ndlela yo biha, xana Yakobo u te nkuwa a wu nge tswali yini? (Yakobo 3:12)

22. I xiphemu xihi xa nguvu ya Yesu lexi vanhu lava vabyaka a va fanele va khumba xona ntsena leswaku va ta hanyisiwa? (Matewu 14:36)

23. Xana mavandla ya le tilweni ma tirha ku kombisa yini? (Genesa 1:14)

24. I vamani lava ngopfu-ngopfu a va fanele va tiviwa hi mikhuva leyinene, xichavo ni mintirho leyinene? (Tito 2:2, 3)

25. I yini lexi Esaya a vuleke leswaku vanhu va ta rivaleriwa xona, leswaku “ku nga v̌i na munhu l’a akeke Yerusalem l’a nga ta ku: nḍa v̌abya”? (Esaya 33:24)

26. Hambileswi tsalwa leri a ri tshaheke, ku nga Pisalema 140:3, ri yi vuleke “mhiri,” i vito rihi leri tolovelekeke ra nyoka ya vuxungu leri Pawulo a ri tirhiseke? (Varhoma 3:13)

27. Hi rihi letere ra vutsevu eka maletere ya Xiheveru?

28. Hi rihi rito leri tirhiseriwaka ku hlawula la nga riki Muyuda? (Varhoma 2:9, 10)

29. A ri ri rihi vito ra hlaluko ra le Italiya laha Pawulo a heteke vhiki kona ni Vakreste-kulobye loko a ri endleleni yo ya eka Khezari? (Mintirho 28:13, 14)

30. Pawulo u hi tsundzuxa leswaku hi veka mahlo ya hina eka swilo swihi leswi nga heriki? (2 Vakorinto 4:18)

31. I yini lexi Vakreste va nga fanelangiki va xi endla hi voxe, tanihi leswi ku nga Yehovha la nga ta xi endla? (Varhoma 12:19)

32. Loko a kandziyisa ku lovisa ka Gehena, xana Yesu u te i yini lexi nga fiki kwalaho? (Marka 9:48)

Tinhlamulo Ta Swivutiso

1. Ku pfumala ka vona ripfumelo

2. Ximbowa-mbowani, mbowa

3. Nyimpfu

4. Heli

5. Vuvabyi byakwe

6. Mabula-ndlela

7. Byanyi lebyi vunaka

8. Mananga ya Sin

9. Vulavula, vona, twa, nunh’weta, khumba, famba

10. Muxe na Aroni

11. Voko

12. Vukhume

13. “A ṭhamisa e šiluv̌elweni ša Yehova”

14. Nghala, nkuzi, munhu, gama

15. Khombo

16. Vuhlolotwana

17. Xinkhovha

18. Nhluvuko wakwe

19. Ndhuna

20. Matluka ya nkuwa

21. Mitlhwari

22. Dziva

23. Tinguva, masiku, malembe

24. Vavanuna ni vavasati lava kuleke

25. Swidyoho swa vona

26. Xihiridyana

27. Waw

28. Wa matiko

29. Puteyoli

30. “Leswi nga voniwiki”

31. Ku lava ku rihisela

32. “Xivungu lexi xi va dyaka”