“Nchumu Wo Hlawuleka”

Endzhaku ka loko a hlaye buku leyi nge Nghwazi Leyi Tshameke Yi Hanya, ku nga buku leyi hlamuselaka kwalomu ka xiendlakalo xin’wana ni xin’wana xa vutomi bya Yesu bya la misaveni lebyi kumekaka eka Tievangeli ta mune, kokwana wa malembe ya 70 hi vukhale wa le Moscow, eRussia, u te: “A ndzi si tshama ndzi hlaya buku yo fana na yona. Ndzi lava ku tiva leswi engetelekeke malunghana ni Xikwembu na Yesu Kreste swin’we ni ku dyondza Bibele.”

Hakanyingi hofisi ya rhavi ya Timbhoni ta Yehova le Russia yi kuma mapapila yo tano malunghana ni tibuku ta Bibele. Papila leri fanaka ni leri ri rhumeriwe hi wansati wa le Chelyabinsk, doroba leri nga ni vanhu lava tlulaka miliyoni leri nga eka tikhilomitara ta kwalomu ka 1500 edzonga-vuxa bya Moscow.

Wansati loyi u vule leswi malunghana ni Nghwazi Leyi Tshameke Yi Hanya: “Buku leyi i nchumu wo hlawuleka. Yi nyika vanhu ntshembo malunghana ni vumundzuku lebyinene naswona yi tlhela yi va pfuna ku tiva matimu ya khale. Loko ndzi nga si kuma buku leyi, a ndzi nga si tshama ndzi anakanya hi Xikwembu naswona a ndzi nga lavi ku twa nchumu hi vukhongeri, kambe sweswi ndzi lava ku khuvuriwa. Ndzi swi lava ngopfu ku dyondza tibuku ta n’wina. Ndzi lava ku bula ni vanghana, vanhu lava ndzi va toloveleke ni maxaka ya mina hi swilo leswi ndzi swi hlayeke.”

Na wena u nga yi kuma buku leyi nga ta ku pfuna leswaku u dyondza swo tala malunghana na Yesu swin’we ni ntshembo wa vutomi emisaveni leyintshwa lowu sekeriweke eBibeleni. Loko u swi tsakela ku kuma rungula leri engetelekeke malunghana ni ndlela leyi u nga kumaka ha yona kopi ya buku leyi nge Nghwazi Leyi Tshameke Yi Hanya, kumbe u swi tsakela leswaku un’wana a ku endzela ekaya leswaku a ta dyondza Bibele na wena mahala, hi kombela u tsalela eka Watch Tower, Private Bag X2067, Krugersdorp, 1740, South Africa, kumbe eka adirese leyi faneleke eka leti nga eka tluka 5.