“Mawaku Rungula Lerinene Swonghasi!”

Xana vantshwa va nga xi kuma njhani xikongomelo evuton’wini, va nga titwisisa njhani, kumbe va nga dyondzisa ku yini ku hanyisana ni vatswari va vona? Ku nga ri khale, hofisi ya rhavi ya Timbhoni ta Yehovha eSpain yi kume papila, leri marito man’wana ya rona a ma hlayekisa xileswi:

“Xikongomelo xa mina xa ku tsala i ku mi ndhundhuzela hi mbilu ya mina hinkwayo hi ntirho wa n’wina lowunene lowu mi wu endlaka hi ku kandziyisa tibuku to xonga, ku fana ni leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka. Mawaku rungula lerinene swonghasi! Ndzi ndhundhuzela vatsari ni vakandziyisi, lava endleleke vantshwa va magidi xilo lexi a va xi lava.

“Ndzi nhwanyana wa malembe ya 21 hi vukhale naswona ndzi tshame ndzi yi tirhisa Bibele ni ku yi dyondza. . . . Hi xiwelo, ndzi kume buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka eka munghana wa mina.

“Eku sunguleni ndzi ehlekete leswaku a yi nge ndzi pfuni nchumu, kambe hakatsongo-tsongo, ndzi sungule ku tsakela ku yi hlaya. Yi ndzi endle ndzi ehleketa hi swilo swo tala, swo fana ni leswaku ndzi fanele ndzi endla yini hi vutomi bya mina, kutani hakatsongo-tsongo yi hlamule swivutiso swa mina. Hi xuma lexi ndzi xi kumeke, ndzi dyondze ndlela yo twisisa vatswari va mina, ndlela yo rivalela, ni ndlela ya ku va wansati ni ya ku endla swilo tanihi wansati.”

Loko u lava ku vuyeriwa eka rungula leri nga eka buku leyi nge Vantshwa, u nga ha yi kuma hi ku tata xiphephana lexi nga laha hansi kutani u xi rhumela eka adirese leyi kombisiweke eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Ndzi rhumeleni buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka.

Kombisa ririmi leri u ri lavaka

□ Ndzi kombela mi tihlanganisa na mina malunghana ni dyondzo ya le kaya ya mahala ya Bibele.