‘Swi Ndzi Pfune Ku Kambisisa Vutomi Bya Mina’

HI LESWI vuriweke hi nhwanyana wa malembe ya 18 hi vukhale la vuriwaka Maria, wa le doroba-nkulu ra Cherepovets, malunghana ni buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka. U tsale rungula leri landzelaka a ri kongomisa ehofisini ya rhavi ya Timbhoni ta Yehovha leyi nga ekusuhi na St. Petersburg, le Russia, ku nga mpfhuka wa kwalomu ka 400 wa tikhilomitara ku suka eCherepovets.

“Buku leyi yi ndzi pfunile leswaku ndzi tikambisisa, ndzi kambisisa tipakani ta mina ni ku kambisisa vanhu lava ndzi hanyaka na vona. Ndzi kume tinhlamulo ta swivutiso leswi a swi ndzi karhata ngopfu. Loko ndzi ri karhi ndzi hlaya buku leyi, ku xiririke mihloti ya ku nkhensa emarhameni ya mina.”

Maria u engeterile: “A ndzi twa onge ku susiwe nguvu leyi a yi ndzi sirhile ematihlweni, kutani ndzi pfuleka matihlo hi ku tsaka. Buku leyi yi ti tlula hinkwato tibuku leti ndzi tshameke ndzi ti hlaya evuton’wini bya mina hinkwabyo. A yi kona leyi fanaka na yona, tanihi leswi yi sekeriweke eBibeleni, naswona xitsundzuxo xa Yehovha Xikwembu i xinene ngopfu.”

Loko u lava ku vuyeriwa hi rungula leri nga ebukwini leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka, u nga kuma kopi ya yona hi ku tata u tlhela u rhumela xiphephana lexi eka adirese leyi nga eka xona kumbe eka adirese leyi faneleke eka leti longoloxiweke eka tluka 5 ra magazini lowu.

□ Ndzi rhumeleni buku leyi nge Swivutiso Leswi Vantshwa Va Swi Vutisaka—Tinhlamulo Leti Tirhaka.

Kombisa ririmi leri u ri lavaka.

□ Ndzi kombela mi tihlanganisa na mina malunghana ni dyondzo ya mahala ya Bibele.