“Yi Fike Hi Nkarhi”

MARITO wolawo ma vuriwe epapileni leri wanuna la humaka edorobeni ra Abakaliki a ri tsaleleke rhavi ra le Nigeria ra Timbhoni ta Yehovha. A a vulavula hi broxara leyi a a ha ku yi kuma, leyi nge Loko U Feriwa Hi Loyi U N’wi Rhandzaka. U te:

“Tochi, nsati wa mina la rhandzekaka u file loko a heta ku bebula hi June 18, 2000. Hambileswi se ku hundzeke n’hweti, ndza ha hele matimba, ndza ha kavanyetekile emintlhavekweni, ndzi titwa ndzi lahlekeriwile naswona swa tika ku amukela leswaku ndzi weriwe hi khombo leri tsemaka nhlana swonghasi. Kutani hi July, Mbhoni yin’wana ya Yehovha yi ndzi nyike broxara ya n’wina, leyi nge Loko U Feriwa Hi Loyi U N’wi Rhandzaka. Broxara leyi a yi fana ni murhi eka mina naswona hikwalaho ka xitsundzuxo lexi humaka eka yona, ndzi sungule ku hlakarhela hakatsongo-tsongo. Yi ndzi nyike ntshembo wa leswaku ku hlunama ka mina ku ta hela.”

Kumbexana na wena kumbe un’wana loyi u n’wi tivaka, a nga chaveleriwa hi ku hlaya broxara leyi ya matluka ya 32. U nga kombela leswaku u rhumeriwa yona hi ku tata ni ku rhumela xiphephana eka adirese leyi kombisiweke eka xona kumbe eka leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi tisela broxara leyi nge, Loko U Feriwa Hi Loyi U N’wi Rhandzaka.

Kombisa ririmi leri u ri lavaka.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.