Wa rhambiwa Eka Nhlangano Wa Nkoka Ngopfu eLembeni!

Hi Ravumune, March 24, 2005, ku ta va ni xiendlakalo lexi u nga fanelangiki u xi kayela. Rero i siku leri Timbhoni ta Yehovha leti tlulaka timiliyoni ta tsevu emisaveni hinkwayo ti nga ta hlangana ni vanghana va tona va timiliyoni ku tsundzuka xilalelo xo hetelela xa Yesu ni vadyondzisiwa vakwe. Hi ku ya hi swileriso swa Yesu, xinkwa xo kala comela ni vhinyo yo tshwuka swi ta va kona enhlanganweni ha wun’we, naswona ku ta hlamuseriwa leswaku ha yini nkhuvo lowu wu ri wa nkoka.—Marka 14:22-24.

Vanhu vo tala va tiva xiendlakalo lexi ku ri Xilalelo xa Hosi. Timbhoni ta Yehovha ti xi vitana Xitsundzuxo xa rifu ra Kreste. I xitsundzuxo xa nkoka xa gandzelo leri Yesu Kreste a ri endleke loko a fa hikwalaho ka leswi vanhu va dyoheke. (Yohane 3:16; 1 Yohane 2:2) Endzhaku ko lalela, Yesu u khomiwile kutani endzhakunyana a fela emhandzini onge hiloko a ri mudyohi.—Yohane 19:17, 18.

U ta amukeriwa hi mandla mambirhi enhlanganweni lowu wo hlawuleka, lowu nga wa nkoka swinene elembeni eka Timbhoni ta Yehovha. Hi kombela u vutisa eHolweni ya Mfumo ya ndhawu ya ka n’wina malunghana ni nkarhi lowu kongomeke ni ndhawu leyi wu nga ta va eka yona.