Rivoni Ra Xitsayitsayi Leri Nga Hisiki Loko Ri Voninga

Xana Ri Lo Endliwa?

● Etindhawini leti hisaka ni leti holeke, xitsayitsayi xi voniwa hi rivoni ra xona leri tsayitelaka, leri xi ri tirhisaka ku koka lexa xisati. Lexi tsakisaka, rivoni ra xitsayitsayi ri ti tlula swinene timboni leti voningaka ngopfu ni leti vangamaka swinene ta gezi leti endliweke hi vanhu. Entiyisweni, loko u languta xilipi xa wena xa gezi enkarhini lowu taka, ehleketa hi leswi xitsotswana lexi xi kotaka ku swi endla.

Xiya: Rivoni ra gezi leri voningaka swinene ri tirhisa tiphesente ta khume ntsena ta gezi leswaku ri voninga; tiphesente letin’wana hinkwato kahle-kahle ku tlangiwa ha tona hikuva gezi rolero ro endla leswaku rivoni ri hisa ntsena. Rivoni leri vangamaka swinene ri antswa ngopfu hikuva rona ri tirhisa tiphesente ta 90 ta gezi leswaku ri voninga. Kambe ku hava ni rin’we ra tona leri tirhaka kahle handle ko tlangisa gezi ku fana ni ra xitsayitsayi. Ku vonakala loku humesiwaka hi xitsotswana lexi ku lave ku ringana 100 wa tiphesente ta gezi naswona a ku humesi miseve yo tala ya ultraviolet!

Xitsayitsayi xi kota ku voninga loko khemikhali ya luciferin, luciferase swin’we ni okisijini swi hlangana. Tisele to hlawuleka leti vuriwaka photocytes ti tirhisa luciferase leswaku ti voninga naswona okisijini hi yona leyi endlaka leswaku ku va ni ku vonakala. Ku vonakala koloko ka hlamarisa swinene hikuva a ku vangi ku hisa nikatsongo. Sandra Mason, mudyondzisi wa dyondzo ya ku byala swimilana ni ku sirhelela misava, u vule leswaku Thomas Edison, muendli wa rivoni ra gezi, “u fanele a navele rivoni ra xitsayitsayi.”

U anakanya yini? Xana rivoni leri nga hisiki ra xitsayitsayi ri lo tiendlekela kumbe ri lo endliwa?

[Dayagramu/Swifaniso leswi nga eka tluka 15]

(Leswaku u vona rungula leri hleriweke hi ku helela, vona nkandziyiso wa kona)

NDLELA LEYI SWI TIRHISAKA GEZI HA YONA

10% 90% 96%

[Laha Swifaniso Swi Humaka Kona eka tluka 15]

Firefly on leaf: © E. R. Degginger/Photo Researchers, Inc.; firefly in flight: © Darwin Dale/Photo Researchers, Inc.