Xingheniso
Swilo Swa 12 Leswi Nga Endlaka Leswaku Mindyangu Yi Tsaka
Ku ni swilo swo tala leswi endlaka leswaku mindyangu yi hohloka. Kambe a hi kambisiseni leswi nga endlaka leswaku ku va ni ntsako endyangwini.
Xiviko xa Stats SA xi kombisa leswaku eAfrika-Dzonga, nhlayo ya vanhu lava dlayeke vukati hi 2015 yi ve 25 260.
Vatswari a va ha tivi lexi va nga xi endlaka: Vativi van’wana va khutaza vatswari leswaku va tshamela ku bumabumela vana va vona, kasi van’wana va vula leswaku vatswari va fanele va tiyisa voko loko va pfuna vana va vona.
Vana va fika emalembeni ya vuntshwa va nga ri na vutivi lebyi eneleke.
Hambiswiritano, ntiyiso wa mhaka hileswaku . . .
Vukati byi nga tsakisa naswona byi nga tshama hilaha ku nga heriki.
Vatswari va nga swi kota ku tshinya vana va vona hi ndlela ya rirhandzu.
Vana va nga dyondzisiwa vuswikoti lebyi nga ta va pfuna loko se va kurile.
Njhani? Nkandziyiso lowu wa Xalamuka! wu ta hlamusela swilo swa 12 leswi nga endlaka leswaku mindyangu yi tsaka.