Swivutiso Swa Dyondzo Swa Buku Yanga Ya Timhaka Ta Bibele
Xikwembu Xi Sungula Ku Tumbuluxa Swilo
1. Xana swilo hinkwaswo leswinene swi huma kwihi, naswona hi swihi swin’wana swa swona?
2. I yini lexi Xikwembu xi xi endleke ku sungula?
3. Hikwalaho ka yini ntsumi yo sungula a yi hlawulekile?
4. Hlamusela leswi misava a yi ri xiswona eku sunguleni. (Languta xifaniso.)
5. Xana Xikwembu xi yi lunghiselele njhani misava leswaku swiharhi ni vanhu va kota ku tshama eka yona?
Swivutiso swo engetela:
1. Hlaya Yeremiya 10:12.
Hi tihi timfanelo ta Xikwembu leti vonakaka eka ntumbuluko wa xona? (Esa. 40:26; Rhom. 11:33)
2. Hlaya Vakolosa 1:15-17.
Yesu u ve ni xiphemu xihi eku tumbuluxeni, naswona leswi swi fanele swi endla leswaku hi n’wi languta njhani? (Kol. 1:15-17)
3. Hlaya Genesa 1:1-10.
(a) Hi wahi masungulo ya misava? (Gen. 1:1)
(b) Xana ku humelele yini eka siku ro sungula ro tumbuluxa? (Gen. 1:3-5)
(c) Hlamusela leswi humeleleke eka siku ra vumbirhi ro tumbuluxa. (Gen. 1:7, 8)
Ntanga Wo Saseka
1. Xana Xikwembu xi yi lunghiselele njhani misava leswaku yi va kaya ra hina?
2. Hlamusela swiharhi swo hambana-hambana leswi Xikwembu xi swi endleke. (Languta xifaniso.)
3. Ha yini ntanga wa Edeni a wu hlawulekile?
4. Xana Xikwembu a xi lava leswaku misava hinkwayo yi va yini?
Swivutiso swo engetela:
1. Hlaya Genesa 1:11-25.
(a) Xana Xikwembu xi tumbuluxe yini hi siku ra vunharhu ro tumbuluxa? (Gen. 1:12)
(b) Ku humelele yini hi siku ra vumune ro tumbuluxa? (Gen. 1:16)
(c) I swiharhi swa njhani leswi Xikwembu xi swi endleke hi siku ra vuntlhanu ni ra vutsevu ro tumbuluxa? (Gen. 1:20, 21, 25)
2. Hlaya Genesa 2:8, 9.
Hi yihi mirhi yimbirhi yo hlawuleka leyi Xikwembu xi yi vekeke entangeni naswona a yi fanekisela yini?
Wanuna Ni Wansati Vo Sungula
1. Xana xifaniso lexi nga eka Dyondzo 3 xi hambane njhani ni xifaniso lexi nga eka Dyondzo 2?
2. I mani loyi a endleke wanuna wo sungula naswona a ku ri mani vito ra wanuna wa kona?
3. Hi wihi ntirho lowu Xikwembu xi nyikeke Adamu leswaku a wu endla?
4. Hikwalaho ka yini Xikwembu xi etlerise Adamu vurhongo lebyikulu?
5. Xana Adamu na Evha a va ta hanya nkarhi wo tanihi kwihi naswona hi wihi ntirho lowu Yehovha a a lava leswaku va wu endla?
Swivutiso swo engetela:
1. Hlaya Pisalema 83:18.
Vito ra Xikwembu i mani, naswona hi xihi xikhundlha xa xona xo hlawuleka emisaveni? (Yer. 16:21; Dan. 4:17)
2. Hlaya Genesa 1:26-31.
(a) Hi xihi xivumbiwa xa nkoka lexi Xikwembu xi xi vumbeke hi siku ra vutsevu naswona xivumbiwa lexi a xi hambane njhani ni swiharhi? (Gen. 1:26)
(b) Hi swihi swakudya leswi Yehovha a swi nyikeke vanhu ni swiharhi? (Gen. 1:30)
3. Hlaya Genesa 2:7-25.
(a) Ntirho wa Adamu wo thya swiharhi mavito a wu katsa yini? (Gen. 2:19)
(b) Xana Genesa 2:24 yi hi pfuna njhani ku twisisa ndlela leyi Yehovha a byi langutaka ha yona vukati, ku hambana ka vatekani ni ku dlaya vukati? (Mat. 19:4-6, 9)
Lexi Endleke Va Hlongoriwa Ekaya Ra Vona
1. Exifanisweni lexi, xana ku humelela yini hi Adamu na Evha?
2. Ha yini Yehovha a va xupurile?
3. Xana nyoka yi n’wi byele yini Evha?
4. I mani loyi a endleke leswaku nyoka yi vulavula na Evha?
5. Ha yini Adamu na Evha va hlongoriwile ekaya ra vona ra Paradeyisi?
Swivutiso swo engetela:
1. Hlaya Genesa 2:16, 17 na 3:1-13, 24.
(a) Xana xivutiso lexi nyoka yi xi vutiseke Evha a xi n’wi hehla njhani Yehovha? (Gen. 3:1-5; 1 Yoh. 5:3)
(b) Xikombiso xa Evha i xilemukiso eka hina hi ndlela yihi? (Filp. 4:8; Yak. 1:14, 15; 1 Yoh. 2:16)
(c) Xana Adamu na Evha va byi landzule njhani vutihlamuleri bya leswi va swi endleke? (Gen. 3:12, 13)
(d) Xana makerubu lama vekiweke evuxeni bya ntanga wa Edeni ma byi seketele njhani vuhosi bya Yehovha? (Gen. 3:24)
2. Hlaya Nhlavutelo 12:9.
Xana Sathana u humelela hi ndlela yihi eku xiseni ka vanhu leswaku va lwisana ni vulawuri bya Xikwembu? (1 Yoh. 5:19)
Vutomi Byi Sungula Ku Tika
1. Xana Adamu na Evha a va hanya njhani ehandle ka ntanga wa Edeni?
2. I yini lexi sunguleke ku humelela eka Adamu na Evha naswona ha yini?
3. Ha yini vana va Adamu na Evha a va ta dyuhala ni ku fa?
4. Loko Adamu na Evha a va lo yingisa Yehovha, vutomi a byi ta va fambela njhani vona ni vana va vona?
5. Xana Evha u langutane ni maxangu wahi hikwalaho ka leswi a nga yingisangiki?
6. A ku ri vamani mavito ya vana vambirhi vo sungula va Adamu na Evha?
7. I vamani vana lavan’wana lava nga exifanisweni lexi?
Swivutiso swo engetela:
1. Hlaya Genesa 3:16–23 na 4:1, 2.
(a) Xana vutomi bya Adamu byi khumbeke njhani hi ku rhukaniwa ka misava? (Gen. 3:17-19; Rhom. 8:20, 22)
(b) Ha yini vito leri nge Evha leri vulaka leswaku “Lava Hanyaka” ri faneleka? (Gen. 3:20)
(c) Xana Yehovha u swi kombise njhani leswaku wa va khathalela Adamu na Evha hambiloko va dyohile? (Gen. 3:7, 21)
2. Hlaya Nhlavutelo 21:3, 4.
Hi swihi “swilo swo sungula” leswi u swi languteleke hi mahlo-ngati leswaku swi susiwa?
N’wana Lonene Ni Lowo Homboloka
1. Hi yihi mintirho leyi a yi endliwa hi Kayini na Avele?
2. Hi tihi tinyiko leti Kayini na Avele va ti nyikeke Yehovha?
3. Ha yini Yehovha a tsakisiwe hi nyiko ya Avele naswona ha yini ya Kayini yi nga n’wi tsakisanga?
4. Xana Kayini a a ri munhu wa njhani, naswona Yehovha u ringete njhani ku n’wi lulamisa?
5. Xana Kayini u endle yini loko a ri swakwe ni makwavo enhoveni?
6. Hlamusela leswi humeleleke Kayini endzhaku ka loko a dlaye makwavo.
Swivutiso swo engetela:
1. Hlaya Genesa 4:2-26.
(a) Xana Yehovha u xi hlamusele njhani xiyimo xo biha lexi Kayini a a ri eka xona? (Gen. 4:7)
(b) Xana Kayini u xi kombise njhani xiyimo xa mbilu yakwe? (Gen. 4:9)
(c) Yehovha u swi languta njhani ku halata ngati leyi nga riki na nandzu? (Gen. 4:10; Esa. 26:21)
2. Hlaya 1 Yohane 3:11, 12.
(a) Ha yini Kayini a a hlundzukile swinene, naswona swi hi lemukisa ha yini namuntlha? (Gen. 4:4, 5; Swiv. 14:30; 28:22)
(b) Xana Bibele yi swi kombisa njhani leswaku hambiloko swirho swa ndyangu wa ka hina hinkwaswo swi kaneta Yehovha, hi nga swi kota ku tshama hi tshembekile? (Ps. 27:10; Mat. 10:21, 22)
3. Hlaya Yohane 11:25.
Hi xihi xitiyisekiso lexi Yehovha a xi nyikaka hinkwavo lava faka hikwalaho ka ku lulama? (Yoh. 5:24)
Wanuna Wa Vurhena
1. Xana Enoko a a hambane njhani ni vanhu van’wana?
2. Hikwalaho ka yini vanhu va le nkarhini wa Enoko a va endla swilo swo tala swo biha?
3. Hi swihi swilo swo biha leswi vanhu a va swi endla? (Languta xifaniso.)
4. Ha yini Enoko a a fanele a va ni xivindzi?
5. Xana vanhu a va hanya nkarhi wo tanihi kwihi enkarhini wolowo, kambe Enoko u hanye nkarhi wo tanihi kwihi?
6. Ku humelele yini endzhaku ka loko Enoko a file?
Swivutiso swo engetela:
1. Hlaya Genesa 5:21-24, 27.
(a) Xana Enoko a a ri ni vuxaka bya njhani na Yehovha? (Gen. 5:24)
(b) Hi ku ya hi Bibele, i mani munhu loyi a hanyeke malembe yo tala ku tlula vanhu hinkwavo lava tshameke va hanya, naswona a a ri ni malembe mangani loko a fa? (Gen. 5:27)
2. Hlaya Genesa 6:5.
Xana swiyimo emisaveni a swi bihe ku fika kwihi endzhaku ka ku fa ka Enoko, naswona sweswo swi fambisana njhani ni nkarhi wa hina? (2 Tim. 3:13)
3. Hlaya Vaheveru 11:5.
Hi yihi mfanelo leyinene ya Enoko leyi “tsakiseke Xikwembu” naswona vuyelo byi ve byihi? (Gen. 5:22)
4. Hlaya Yudha 14, 15.
Xana Vakreste namuntlha va nga xi tekelela njhani xivindzi xa Enoko loko va ri karhi va tsundzuxa vanhu malunghana ni nyimpi leyi taka ya Armagedoni? (2 Tim. 4:2; Hev. 13:6)
Swihontlovila eMisaveni
1. Ku humelele yini loko tintsumi tin’wana ta Xikwembu ti yingise Sathana?
2. Ha yini tintsumi tin’wana ti tshike ntirho wa tona etilweni kutani ti ta emisaveni?
3. Ha yini a swi hoxile leswaku tintsumi ti ta emisaveni kutani ti tihundzula vanhu?
4. Xana vana va tintsumi a va hambane njhani ni vana van’wana?
5. Hilaha u swi vonaka hakona laha xifanisweni, xana vana va tintsumi va endle yini loko se va ri swihontlovila?
6. Endzhaku ka Enoko, i mani wanuna wo lulama loyi a hanyeke emisaveni naswona ha yini Xikwembu xi n’wi tsakerile?
Swivutiso swo engetela:
1. Hlaya Genesa 6:1-8.
Xana Genesa 6:6 yi swi kombisa njhani leswaku ndlela leyi hi hanyaka ha yona yi nga khumba mintlhaveko ya Yehovha? (Ps. 78:40, 41; Swiv. 27:11)
2. Hlaya Yudha 6.
Xana tintsumi letiya ti “nga hlayisangiki xiyimo xa tona xo sungula” esikwini ra Nowa i xitsundzuxo eka hina hi ndlela yihi? (1 Kor. 3:5-9; 2 Pet. 2:4, 9, 10)
Nowa A Aka Ngalava
1. A va ri vangani endyangwini wa Nowa, naswona mavito ya vana vakwe vanharhu a ku ri vamani?
2. Hi wihi nchumu lowu nga tolovelekangiki lowu Xikwembu xi kombeleke Nowa leswaku a wu endla, naswona ha yini?
3. Xana vaakelani va Nowa va angule njhani loko a va byela hi ta ngalava?
4. Xana Xikwembu xi byele Nowa leswaku a endla yini hi swiharhi?
5. Endzhaku ka loko Xikwembu xi pfale nyangwa wa ngalava, Nowa ni ndyangu wakwe a va fanele va endla yini?
Swivutiso swo engetela:
1. Hlaya Genesa 6:9-22.
(a) I yini lexi endleke leswaku Nowa a va mugandzeri wo hlawuleka wa Xikwembu? (Gen. 6:9, 22)
(b) Xana Yehovha u titwa njhani hi madzolonga, naswona leswi swi fanele swi yi khumba njhani ndlela leyi hi hlawulaka vuhungasi ha yona? (Gen. 6:11, 12; Ps. 11:5)
(c) Xana hi nga n’wi tekelela njhani Nowa loko hi kuma nkongomiso lowu taka hi nhlengeletano ya Yehovha? (Gen. 6:22; 1 Yoh. 5:3)
2. Hlaya Genesa 7:1-9.
Xana mhaka ya leswaku Yehovha u teke Nowa munhu la nga hetisekangiki a ri lowo lulama yi hi khutaza njhani namuntlha? (Gen. 7:1; Swiv. 10:16; Esa. 26:7)
Ndhambi Leyikulu
1. Ha yini ku nga ri na munhu la swi koteke ku nghena engalaveni loko mpfula yi sungula ku na?
2. Xana Yehovha u nise mpfula ku ringana masiku ni vusiku byingani, naswona mati a ma ente ku fikela kwihi?
3. Ku humelele yini hi ngalava loko mati ma sungula ku funengeta misava?
4. Xana swihontlovila swi ponile eka Ndhambi, naswona ku humelele yini hi vatata wa swona?
5. Ku humelele yini hi ngalava endzhaku ka tin’hweti ta ntlhanu?
6. Ha yini Nowa a humese wukuwuku engalaveni?
7. Xana Nowa u swi tivise ku yini leswaku mati ma phyile emisaveni?
8. Xana Xikwembu xi te yini eka Nowa ni ndyangu wakwe endzhaku ka loko va hete nkarhi lowu tlulaka lembe va ri engalaveni?
Swivutiso swo engetela:
1. Hlaya Genesa 7:10-24.
(a) I yini leswi lovisiweke emisaveni? (Gen. 7:23)
(b) Xana mati ya Ndhambi ma hete nkarhi wo tanihi kwihi leswaku ma phya? (Gen. 7:24)
2. Hlaya Genesa 8:1-17.
Xana Genesa 8:17 yi swi kombisa njhani leswaku xikongomelo xo sungula xa Yehovha hi misava a xi cincanga? (Gen. 1:22)
3. Hlaya 1 Petro 3:19, 20.
(a) Loko tintsumi leti xandzukeke ti tlhelela etilweni, ti avanyisiwe njhani? (Yuda 6)
(b) Xana mhaka ya Nowa ni ndyangu wakwe yi wu tiyisa njhani ntshembo wa hina malunghana ni vuswikoti bya Yehovha byo ponisa vanhu vakwe? (2 Pet. 2:9)
Nkwangulatilo Wo Sungula
1. Hilaha swi kombisiweke hakona laha xifanisweni, hi wihi nchumu wo sungula lowu Nowa a wu endleke loko a huma engalaveni?
2. Hi xihi xileriso lexi Xikwembu xi xi nyikeke Nowa ni ndyangu wakwe endzhaku ka Ndhambi?
3. Hi xihi xitshembiso lexi Xikwembu xi xi endleke?
4. Loko hi vona nkwangulatilo, wu fanele wu hi tsundzuxa yini?
Swivutiso swo engetela:
1. Hlaya Genesa 8:18-22.
(a) Xana namuntlha hi nga n’wi nyika njhani Yehovha ku “nun’hwela loku tsakisaka?” (Gen. 8:21; Hev. 13:15, 16)
(b) Xana Yehovha u xiye yini hi xiyimo xa mbilu ya munhu naswona i yini lexi hi faneleke hi xi endla? (Gen. 8:21; Mat. 15:18, 19)
2. Hlaya Genesa 9:9-17.
(a) Hi wihi ntwanano lowu Yehovha a wu endleke ni swivumbiwa hinkwaswo leswi nga emisaveni? (Gen. 9:10, 11)
(b) Xana ntwanano wa nkwangulatilo wu ta tirha ku fikela rini? (Gen. 9:16)
Vanhu Va Aka Xihondzo Lexikulu
1. Nimrodo a a ri mani, naswona Xikwembu a xi titwa njhani ha yena?
2. Exifanisweni lexi, ha yini vanhu va endla switina?
3. Ha yini Yehovha a a nga wu tsakeli ntirho wo aka muako lowu?
4. Xana Xikwembu xi wu yimise njhani ntirho wo aka xihondzo?
5. Xana muti lowu a wu thyiwe vito rihi, naswona vito rero a ri vula yini?
6. Ku humelele yini hi vanhu endzhaku ka loko Xikwembu xi pfilunganye tindzimi ta vona?
Swivutiso swo engetela:
1. Hlaya Genesa 10:1, 8-10.
Xana Nimrodo a a ri munhu wa njhani, naswona leswi swi hi lemukisa yini? (Swiv. 3:31)
2. Hlaya Genesa 11:1-9.
A xi ri xihi xikongomelo xo aka xihondzo, naswona ha yini ntirho lowu wu nga ha yanga emahlweni? (Gen. 11:4; Swiv. 16:18; Yoh. 5:44)
Abrahama—Munghana Wa Xikwembu
1. A ku tshama vanhu va njhani emutini wa Ura?
2. I mani wanuna loyi a nga laha xifanisweni, u velekiwe rini, naswona a a tshama kwihi?
3. Xana Xikwembu xi byele Abrahama leswaku a endla yini?
4. Ha yini Abrahama a a vitaniwa munghana wa Xikwembu?
5. I mani loyi a fambeke na Abrahama loko a suka eUra?
6. Xana Xikwembu xi n’wi byele yini Abrahama loko a fika etikweni ra Kanana?
7. Xana Xikwembu xi n’wi tshembise yini Abrahama loko a ri ni malembe ya 99?
Swivutiso swo engetela:
1. Hlaya Genesa 11:27-32.
(a) Xana Abrahama na Lota a va ri maxaka hi ndlela yihi? (Gen. 11:27)
(b) Hambileswi Tera a pfumeleke ku famba ni ndyangu wakwe eKanana, xana hi swi tivisa ku yini leswaku entiyisweni a ku ri Abrahama loyi a vuleke leswaku va famba, naswona ha yini a endle tano? (Gen. 11:31; Mint. 7:2-4)
2. Hlaya Genesa 12:1-7.
Xana Yehovha u kurise ntwanano wa Abrahama ku ya fika kwihi endzhaku ka loko a fike etikweni ra Kanana? (Gen. 12:7)
3. Hlaya Genesa 17:1-8, 15-17.
(a) Vito ra Abrama ri cinciwe njhani loko a ri ni malembe ya 99, naswona ha yini ri cinciwile? (Gen. 17:5)
(b) Hi yihi mikateko ya nkarhi lowu taka leyi Yehovha a yi tshembiseke Sara? (Gen. 17:15, 16)
4. Hlaya Genesa 18:9-19.
(a) Eka Genesa 18:19, hi byihi vutihlamuleri lebyi vatatana va nga na byona? (Det. 6:6, 7; Efe. 6:4)
(b) Hi wihi ntokoto wa Sara lowu kombisaka leswaku a hi nge n’wi fihleli nchumu Yehovha? (Gen. 18:12, 15; Ps. 44:21)
Xikwembu Xi Ringa Ripfumelo Ra Abrahama
1. Xana Xikwembu xi n’wi tshembise yini Abrahama, naswona Xikwembu xi xi hetisise njhani xitshembiso xa xona?
2. Hilaha swi kombisiweke hakona laha xifanisweni, Xikwembu xi ri ringe njhani ripfumelo ra Abrahama?
3. Xana Abrahama u endle yini hambileswi a a nga xi twisisi xivangelo xa xileriso xa Xikwembu?
4. Ku humelele yini loko Abrahama a humesa mukwana leswaku a ta dlaya n’wana wakwe?
5. Xana ripfumelo ra Abrahama a ri tiye ku fikela kwihi eka Xikwembu?
6. Xana Xikwembu xi n’wi nyike yini Abrahama leswaku a endla magandzelo, naswona xi n’wi nyike njhani?
Swivutiso swo engetela:
1. Hlaya Genesa 21:1-7.
Ha yini Abrahama a yimbise n’wana wakwe hi siku ra vunhungu? (Gen. 17:10-12; 21:4)
2. Hlaya Genesa 22:1-18.
Xana Isaka u titsongahate njhani eka tata wakwe Abrahama, naswona leswi a swi xi fanekisela njhani xiendlakalo xa nkoka xa nkarhi lowu taka? (Gen. 22:7-9; 1 Kor. 5:7; Filp. 2:8, 9)
Nsati Wa Lota U Langute Endzhaku
1. Ha yini Abrahama na Lota va hambanile?
2. Ha yini Lota a hlawule ku ya tshama eSodoma?
3. Vanhu va le Sodoma a va ri vanhu va njhani?
4. Xana tintsumi timbirhi ti n’wi tsundzuxe yini Lota?
5. Ha yini nsati wa Lota a hundzuke tshuka ra munyu?
6. Xana hi dyondza yini eka mhaka ya nsati wa Lota?
Swivutiso swo engetela:
1. Hlaya Genesa 13:5-13.
Hi dyondza yini eka Abrahama emhakeni yo lulamisa swiphiqo exikarhi ka vanhu? (Gen. 13:8, 9; Rhom. 12:10; Filp. 2:3, 4)
2. Hlaya Genesa 18:20-33.
Xana ndlela leyi Yehovha a tirhisaneke ha yona na Abrahama yi hi tiyisekisa njhani leswaku Yehovha na Yesu va ta avanyisa hi vululami? (Gen. 18:25, 26; Mat. 25:31-33)
3. Hlaya Genesa 19:1-29.
(a) Xana mhaka leyi ya Bibele yi ri kombisa njhani langutelo ra Xikwembu hi vusodoma? (Gen. 19:5, 13; Lev. 20:13)
(b) Hi kwihi ku hambana loku nga kona eka tindlela leti Lota na Abrahama va anguleke ha tona eka nkongomiso wa Xikwembu naswona hi nga dyondza yini eka swona? (Gen. 19:15, 16, 19, 20; 22:3)
4. Hlaya Luka 17:28-32.
Xana nsati wa Lota a a ri ni langutelo rihi hi swilo leswi vonakaka naswona leswi swi hi lemukisa yini? (Luka 12:15; 17:31, 32; Mat. 6:19-21, 25)
5. Hlaya 2 Petro 2:6-8.
Ku fana na Lota, xana hi fanele hi va ni langutelo rihi hi misava leyi hi hanyaka exikarhi ka yona leyi nga xi xiximiki Xikwembu? (Ezek. 9:4; 1 Yoh. 2:15-17)
Isaka U Kuma Nsati Lonene
1. I mani wanuna ni wansati lava va nga laha xifanisweni?
2. Xana Abrahama u endle yini leswaku a kumela n’wana wakwe nsati naswona ha yini a endle tano?
3. Xana xikhongelo xa nandza wa Abrahama xi hlamuriwe njhani?
4. Xana Raveka u te yini loko a vutisiwa leswaku wa swi lava ku tekiwa hi Isaka?
5. I yini lexi endleke leswaku Isaka a tlhela a tsaka?
Swivutiso swo engetela:
1. Hlaya Genesa 24:1-67.
(a) Hi tihi timfanelo letinene leti Raveka a ti kombiseke loko a hlangana ni nandza wa Abrahama exihlobyeni? (Gen. 24:17-20; Swiv. 31:17, 31)
(b) Hi xihi xikombiso lexinene lexi Vakreste va namuntlha va xi kumaka eka leswi Abrahama a swi endleleke Isaka? (Gen. 24:37, 38; 1 Kor. 7:39; 2 Kor. 6:14)
(c) Ha yini hi fanele hi tinyika nkarhi wo anakanyisisa hilaha Isaka a endleke hakona? (Gen. 24:63; Ps. 77:12; Filp. 4:8)
Mahahla Lawa A Ma Nga Fani
1. Xana Esawu na Yakobe a ku ri vamani, naswona a va hambane njhani?
2. Esawu na Yakobe a va ri ni malembe mangani loko kokwa wa vona Abrahama a fa?
3. Esawu u endle yini leswi hlundzukiseke mana wakwe ni tata wakwe?
4. Ha yini Esawu a n’wi hlundzukele ngopfu makwavo Yakobe?
5. Hi xihi xileriso lexi Isaka a xi nyikeke n’wana wakwe Yakobe?
Swivutiso swo engetela:
1. Hlaya Genesa 25:5-11, 20-34.
(a) Xana Yehovha u vule yini ka ha ri emahlweni malunghana ni vana vambirhi va Raveka? (Gen. 25:23)
(b) Hi kwihi ku hambana loku a ku ri kona exikarhi ka Yakobe na Esawu malunghana ni ndlela leyi a va yi languta ha yona mfanelo ya vukulu? (Gen. 25:31-34)
2. Hlaya Genesa 26:34, 35; 27:1-46; na Ge 28:1-5.
(a) Xana Esawu u swi kombise njhani leswaku a nga swi tlangeli swilo swa moya? (Gen. 26:34, 35; 27:46)
(b) Xana Isaka u n’wi byele ku endla yini Yakobe leswaku a ta kuma mikateko ya Xikwembu? (Gen. 28:1-4)
3. Hlaya Vaheveru 12:16, 17.
Xana xikombiso xa Esawu xi byi kombisa njhani vuyelo bya ku swi tekela ehansi swilo swo kwetsima?
Yakobe U Ya eHarani
1. I mani nhwanyana loyi a nga laha xifanisweni, naswona Yakobe u n’wi endlele yini?
2. Xana Yakobe a a tiyimisele ku endla yini leswaku a ta teka Rahele?
3. Xana Labani u endle yini loko ku fika nkarhi wa leswaku Yakobe a teka Rahele?
4. Xana Yakobe u pfumele ku endla yini leswaku a ta teka Rahele a va nsati wakwe?
Swivutiso swo engetela:
1. Hlaya Genesa 29:1-30.
(a) Hambileswi Labani a n’wi kanganyiseke, xana Yakobe u kombise ku tshembeka hi ndlela yihi naswona hi nga dyondza yini eka leswi? (Gen. 25:27; 29:26-28; Mat. 5:37)
(b) Xana xikombiso xa Yakobe xi ku kombisa njhani ku hambana exikarhi ka rirhandzu ni ku tekeka? (Gen. 29:18, 20, 30; Risim. 8:6)
(c) I vamani vavasati va mune lava veke swirho swa ndyangu wa Yakobe kutani endzhaku va n’wi tswalela vana va majaha? (Gen. 29:23, 24, 28, 29)
Yakobe A A Ri Ni Ndyangu Lowukulu
1. A ku ri vamani vana va tsevu va Yakobe lava a velekeriweke vona hi nsati wakwe wo sungula Leya?
2. Hi vahi vana vambirhi lava nandza wa Leya la vuriwaka Zilpa a va velekeleke Yakobe?
3. A ku ri vamani mavito ya vana vambirhi lava Biliha nandza wa Rahele a va velekeleke Yakobe?
4. I vamani vana vambirhi va Rahele, kambe ku humelele yini loko n’wana wa vumbirhi a velekiwile?
5. Hi ku ya hi xifaniso lexi, Yakobe a a ri ni vana vangani, naswona va endle yini?
Swivutiso swo engetela:
1. Hlaya Genesa 29:32–35 na 30:1-26.
Hilaha swi kombisiweke hakona emhakeni ya vana va Yakobe va 12, xana vana va vafana va Vaheveru hakanyingi a va thyiwa njhani mavito eminkarhini ya khale?
2. Hlaya Genesa 35:16–19 na 37:35.
Hambileswi ku boxiweke vito ra Dina ntsena eBibeleni, hi swi tiva njhani leswaku Yakobe a a ri ni vana van’wana va vanhwanyana? (Gen. 37:34, 35)
Dina A Nghena eKhombyeni
1. Ha yini Abrahama na Isaka a va nga swi lavi leswaku vana va vona va teka vanhu lava humaka etikweni ra Kanana?
2. Xana Yakobe a a swi tsakela leswaku n’wana wakwe wa nhwanyana a tolovelana ni vanhwanyana va Vakanana?
3. I mani wanuna loyi a languteke Dina laha xifanisweni, naswona hi byihi vubihi lebyi a byi endleke?
4. Xana vamakwavo wa Dina ku nga Simiyoni na Levhi va endle yini loko va twa leswi humeleleke?
5. Xana Yakobe u pfumelelane ni leswi Simiyoni na Levhi va swi endleke?
6. Xana swi tise ku yini leswaku ndyangu hinkwawo wu weriwa hi khombo?
Swivutiso swo engetela:
1. Hlaya Genesa 34:1-31.
(a) Xana Dina a a sungula ku endzela vanhwanyana va tiko ra Kanana? Hlamusela. (Gen. 34:1)
(b) Ha yini Dina a byarhe vutihlamuleri bya ku ka a nga ha vi nhwanyana? (Gal. 6:7)
(c) Xana vantshwa namuntlha va nga swi kombisa njhani leswaku va swi tekela enhlokweni leswi humeleleke Dina? (Swiv. 13:20; 1 Kor. 15:33; 1 Yoh. 5:19)
Yosefa A Vengiwa Hi Vamakwavo
1. Ha yini vamakwavo wa Yosefa va ri ni mavondzo eka yena, naswona va endle yini?
2. Xana vamakwavo wa Yosefa a va lava ku n’wi endla yini, kambe Ruveni u te yini?
3. Ku humelele yini loko ku fika vaxavisi va Vaiximayele?
4. Xana vamakwavo wa Yosefa va endle yini ku endlela leswaku tata wa vona a tshemba leswaku Yosefa u file?
Swivutiso swo engetela:
1. Hlaya Genesa 37:1-35.
(a) Xana Vakreste va nga xi tekelela njhani xikombiso xa Yosefa hi ku vika xidyoho evandlheni? (Gen. 37:2; Lev. 5:1; 1 Kor. 1:11)
(b) I yini lexi endleke leswaku vamakwavo wa Yosefa va n’wi kanganyisa? (Gen. 37:11, 18; Swiv. 27:4; Yak. 3:14-16)
(c) I yini lexi Yakobe a xi endleke ku nga ndlela leyi tolovelekeke ya ku rila mufi? (Gen. 37:35)
Yosefa A Hoxiwa eKhotsweni
1. Yosefa a a ri ni malembe mangani loko a yisiwa aEgipta, naswona ku humelele yini loko a fika kona?
2. Swi tise ku yini leswaku Yosefa a pfaleriwa ekhotsweni?
3. Hi wihi ntirho lowu Yosefa a nyikiweke wona ekhotsweni?
4. Xana loko Yosefa a ri ekhotsweni u n’wi endlele yini mucheri wa vhinyo ya Faro ni mubaki wa xinkwa?
5. Ku humelele yini endzhaku ka loko mucheri wa vhinyo a humesiwile ekhotsweni?
Swivutiso swo engetela:
1. Hlaya Genesa 39:1-23.
Tanihi leswi a ku nga ri na nawu lowu tsariweke lowu humaka eka Xikwembu lowu a wu lwisana ni vuoswi eminkarhini ya Yosefa, i yini lexi n’wi susumeteleke ku balekela nsati wa Potifaro? (Gen. 2:24; 20:3; 39:9)
2. Hlaya Genesa 40:1-23.
(a) Hlamusela norho wa mucheri wa vhinyo hi ku komisa ni nhlamuselo ya wona leyi Yehovha a yi nyikeke Yosefa. (Gen. 40:9-13)
(b) Xana mubaki wa xinkwa u lorhe yini, naswona a swi vula yini? (Gen. 40:16-19)
(c) Xana namuntlha hlonga ro tshembeka ni ro tlhariha ri ri tekelela njhani langutelo ra Yosefa? (Gen. 40:8; Ps. 36:9; Yoh. 17:17; Mint. 17:2, 3)
(d) Xana Genesa 40:20 yi ri kombisa njhani langutelo ra Vakreste hi ku tlangela masiku ya ku velekiwa? (Ekl. 7:1; Mar. 6:21-28)
Milorho Ya Faro
1. Ku humelele yini hi Faro vusiku byin’wana?
2. Ha yini mucheri wa vhinyo a hetelele a tsundzuke Yosefa?
3. Hilaha swi kombisiweke hakona laha xifanisweni, hi yihi milorho yimbirhi leyi Faro a yi lorheke?
4. Xana Yosefa u vule leswaku milorho leyi yi vula yini?
5. Xana swi tise ku yini leswaku Yosefa a tlakusiwa swinene aEgipta a va ekusuhi na Faro?
6. Ha yini vamakwavo wa Yosefa va ya Egipta naswona ha yini va nga ha n’wi tsundzuki?
7. Hi wihi norho lowu Yosefa a wu tsundzukaka, naswona wu n’wi pfuna ku twisisa yini?
Swivutiso swo engetela:
1. Hlaya Genesa 41:1-57.
(a) Xana Yosefa u yise nyingiso eka Yehovha hi ndlela yihi, naswona namuntlha Vakreste va nga xi tekelela njhani xikombiso xa yena? (Gen. 41:16, 25, 28; Mat. 5:16; 1 Pet. 2:12)
(b) Xana malembe ya ndzalo le Egipta lama landzeleke hi malembe ya ndlala ma ku kombisa njhani ku hambana lokukulu loku nga kona exikarhi ka xiyimo xa moya xa vanhu va Yehovha namuntlha ni xa Vujagana? (Gen. 41:29, 30; Amo. 8:11, 12)
2. Hlaya Genesa 42:1-8 na 50:20.
Xana swi hoxile eka vagandzeri va Yehovha ku nkhinsama emahlweni ka munhu ku ri ndlela yo kombisa xichavo ni ku xixima xikhundlha xa yena loko sweswo ku ri mukhuva wa tiko? (Gen. 42:6)
Yosefa A Ringa Vamakwavo
1. Ha yini Yosefa a hehle vamakwavo hi ku vula leswaku i vakamberi?
2. Ha yini Yakobe a pfumelele Benjamini n’wana wakwe lontsongo leswaku a ya aEgipta?
3. Xana xinwelo xa Yosefa xa silivhere xi nghenise ku yini enkwameni wa Benjamini?
4. Xana Yuda u tinyiketele ku endla yini leswaku Benjamini a ntshunxiwa?
5. Xana vamakwavo wa Yosefa va cince njhani?
Swivutiso swo engetela:
1. Hlaya Genesa 42:9-38.
Xana marito ya Yosefa lama nga eka Genesa 42:18 ma nga va pfuna njhani lava nga ni vutihlamuleri enhlengeletanweni ya Yehovha namuntlha? (Neh. 5:15; 2 Kor. 7:1, 2)
2. Hlaya Genesa 43:1-34.
(a) Hambileswi Ruveni a a ri mativula, swi ve erivaleni hi ndlela yihi leswaku Yuda u ve muvulavuleri wa vamakwavo? (Gen. 43:3, 8, 9; 44:14, 18; 1 Tikr. 5:2)
(b) Xana Yosefa u va ringe njhani vamakwavo, naswona ha yini? (Gen. 43:33, 34)
3. Hlaya Genesa 44:1-34.
(a) I yini swin’wana leswi Yosefa a swi vuleke ku endlela leswaku vamakwavo va nga n’wi voni leswaku hi yena mani? (Gen. 44:5, 15; Lev. 19:26)
(b) Xana vamakwavo wa Yosefa va swi kombise njhani leswaku mavondzo lawa a va ri na wona eka makwavo a va nga ha ri na wona? (Gen. 44:13, 33, 34)
Ndyangu Wu Rhurhela Le Egipta
1. Ku humelele yini loko Yosefa a byela vamakwavo leswaku hi yena mani?
2. Xana Yosefa u va hlamusele yini vamakwavo hi tintswalo?
3. Xana Faro u te yini loko a twa hi ta vamakwavo wa Yosefa?
4. Xana ndyangu wa Yakobe a wu kule ku fikela kwihi loko va rhurhela aEgipta?
5. Xana vandyangu wa Yakobe a va vuriwa vamani naswona ha yini?
Swivutiso swo engetela:
1. Hlaya Genesa 45:1-28.
Xana mhaka ya Yosefa leyi tsariweke eBibeleni yi swi kombisa njhani leswaku Yehovha a nga hundzula nchumu lowu vonakaka wu vava eka malandza ya yena wu va nchumu lowu tsakisaka? (Gen. 45:5-8; Esa. 8:10; Filp. 1:12-14)
2. Hlaya Genesa 46:1-27.
Hi xihi xitiyisekiso lexi Yehovha a xi nyikeke Yakobe loko a ri endleleni yo ya aEgipta? (Gen. 46:1-4; NW, tsalwa ra le hansi)
Yobo A A Tshembekile Eka Xikwembu
1. Yobo a ku ri mani?
2. Xana Sathana a a lava ku endla yini, xana u swi kotile?
3. Xana Yehovha u nyike Sathana mpfumelelo wo endla yini, naswona ha yini?
4. Ha yini nsati wa Yobo a te eka yena, “rhukana Xikwembu u fa”? (Languta xifaniso)
5. Hilaha u swi vonaka hakona eka xifaniso xa vumbirhi, Yehovha u n’wi katekise njhani Yobo naswona ha yini?
6. Loko na hina hi tshembeka eka Yehovha ku fana na Yobo, hi yihi mikateko leyi hi nga ta yi kuma?
Swivutiso swo engetela:
1. Hlaya Yobo 1:1-22.
Xana namuntlha Vakreste va nga n’wi tekelela njhani Yobo? (Yobo 1:1; Filp. 2:15; 2 Pet. 3:14)
2. Hlaya Yobo 2:1-13.
Xana ndlela leyi Yobo a anguleke ha yona loko a xanisiwa hi Sathana yi hambane njhani ni ya nsati wakwe? (Yobo 2:9, 10; Swiv. 19:3; Mik. 7:7; Mal. 3:14)
3. Hlaya Yobo 42:10-17.
(a) Hi kwihi ku yelana loku nga kona exikarhi ka vuyelo lebyi kumiweke hi Yobo ni lebyi kumiweke hi Yesu hikwalaho ko tshembeka ka vona? (Yobo 42:12; Filp. 2:9-11)
(b) Xana yi hi khutaza njhani mikateko leyi kumiweke hi Yobo hikwalaho ko tshama a tshembekile eka Xikwembu? (Yobo 42:10, 12; Hev. 6:10; Yak. 1:2-4, 12; 5:11)
Hosi Ya Nsele Yi Fuma Egipta
1. Exifanisweni lexi, i mani wanuna loyi a khomeke ximoko naswona i vamani lava a va baka?
2. Endzhaku ka loko Yosefa a file, ku humelele yini hi Vaisrayele?
3. Hikwalaho ka yini Vaegipta va sungule ku chava Vaisrayele?
4. Hi wihi nawu lowu Faro a wu nyikeke vavasati lava a va pfuna vamanana va Vaisrayele ku veleka?
Swivutiso swo engetela:
1. Hlaya Eksoda 1:6-22.
(a) Xana Yehovha u sungule ku hetisisa xitshembiso xa yena eka Abrahama hi ndlela yihi? (Eks. 1:7; Gen. 12:2; Mint. 7:17)
(b) Xana vavasati Vaheveru lava a va pfuna vamanana ku veleka va swi kombise njhani leswaku va xixima vutomi? (Eks. 1:17; Gen. 9:6)
(c) Xana vavasati volavo a va pfuna van’wana ku veleka va hakeriwe hi ndlela yihi hikwalaho ko tshembeka ka tona eka Yehovha? (Eks. 1:20, 21; Swiv. 19:17)
(d) Xana Sathana u ringete njhani ku kavanyeta xikongomelo xa Yehovha malunghana ni Mbewu ya Abrahama leyi tshembisiweke? (Eks. 1:22; Mat. 2:16)
Ndlela Leyi Muxe A Ponisiweke Ha Yona
1. I mani n’wana loyi a nga exifanisweni, naswona i rintiho ra mani leri a ri khomeke?
2. Xana mana wa Muxe u endle yini ku n’wi ponisa leswaku a nga dlayiwi?
3. I mani xinhwanyatana lexi nga laha xifanisweni, naswona xi endle yini?
4. Loko n’wana Faro a thumba n’wana, xana Meriyamu u vule yini?
5. Xana n’wana Faro u te yini eka mana wa Muxe?
Swivutiso swo engetela:
1. Hlaya Eksoda 2:1-10.
Hi rihi lunghelo leri mana wa Muxe a ri kumeke ro letela ni ku dyondzisa Muxe loko a ha ri ricece, naswona xikombiso lexi xi va pfuna njhani namuntlha vatswari? (Eks. 2:9, 10; Det. 6:6-9; Swiv. 22:6; Efe. 6:4; 2 Tim. 3:15)
Leswi Endleke Leswaku Muxe A Baleka
1. Xana Muxe u kulele kwihi, kambe i yini leswi a a swi tiva hi vatswari vakwe?
2. Xana Muxe u endle yini loko a ri ni malembe ya 40?
3. Xana Muxe u vule yini eka wanuna wa Muisrayele loyi a a ri eku lweni, naswona wanuna loyi u n’wi hlamule njhani?
4. Ha yini Muxe a balekile Egipta?
5. Xana Muxe u balekele kwihi naswona u hlangane na mani kwalaho?
6. Xana Muxe a a endla yini eka malembe ya 40 lama a ma heteke endzhaku ka loko a balekile Egipta?
Swivutiso swo engetela:
1. Hlaya Eksoda 2:11-25.
Ku nga khathariseki malembe lawa a ma heteke a dyondzisiwa vutlhari bya Vaegipta, xana Muxe u kombise ku tshemba Yehovha ni vanhu va ka vona hi ndlela yihi? (Eks. 2:11, 12; Hev. 11:24)
2. Hlaya Mintirho 7:22-29.
Hi dyondza yini eka matshalatshala ya Muxe yo lava ku humesa Vaisrayele evuhlongeni bya le Egipta hi byakwe? (Mint. 7:23-25; 1 Pet. 5:6, 10)
Xihlahla Lexi Pfurhaka
1. I mani vito ra ntshava leyi nga laha xifanisweni?
2. Hlamusela nchumu lowu nga tolovelekangiki lowu Muxe a wu voneke loko a ya entshaveni ni tinyimpfu ta yena.
3. Xana rito leri humaka exihlahleni lexi pfurhaka ri te yini naswona a ku ri rito ra mani?
4. Xana Muxe u te yini loko Xikwembu xi n’wi byele leswaku u ta rhangela vanhu va xona ku huma le Egipta?
5. Xana Xikwembu xi byele Muxe leswaku a ku yini loko vo n’wi vutisa leswaku u rhumiwe hi mani?
6. Xana Muxe a a ta swi tiyisekisa njhani leswaku u rhumiwe hi Xikwembu?
Swivutiso swo engetela:
1. Hlaya Eksoda 3:1-22.
Xana mhaka ya Muxe yi hi tiyisekisa njhani leswaku hambiloko hi vona onge a hi faneleki ku endla xiavelo xo karhi lexi humaka eka Xikwembu, Yehovha u ta hi seketela? (Eks. 3:11, 13; 2 Kor. 3:5, 6)
2. Hlaya Eksoda 4:1-20.
(a) Xana langutelo ra Muxe ri cince hi ndlela yihi eka malembe ya 40 lawa a ma heteke a ri eMidiyani, naswona i dyondzo yihi leyi kumiwaka hi lava va lavaka ku kuma malunghelo yo karhi evandlheni? (Eks. 2:11, 12; 4:10, 13; Mik. 6:8; 1 Tim. 3:1, 6, 10)
(b) Hambiloko Yehovha o hi tshinya hi ku tirhisa nhlengeletano ya yena, xana xikombiso xa Muxe xi hi nyika ntshembo wihi? (Eks. 4:12-14; Ps. 103:14; Hev. 12:4-11)
Muxe Na Aroni Va Ri Eka Faro
1. Xana masingita lama endliweke hi Muxe na Aroni ma va khumbe njhani Vaisrayele?
2. Xana Muxe na Aroni va n’wi byele yini Faro, naswona Faro u hlamule a ku yini?
3. Hilaha swi kombisiweke hakona exifanisweni lexi, ku humelele yini loko Aroni a hoxe nhonga yakwe ehansi?
4. Xana Yehovha u n’wi dyondzise njhani Faro, naswona Faro u angurise ku yini?
5. Ku humelele yini endzhaku ka khombo ra vukhume?
Swivutiso swo engetela:
1. Hlaya Eksoda 4:27-31 na 5:1-23.
Xana Faro a a vula yini loko a ku: “A ndzi n’wi tivi Yehovha nikatsongo”? (Eks. 5:2; 1 Sam. 2:12; Rhom. 1:21)
2. Hlaya Eksoda 6:1-13, 26-30.
(a) Xana Yehovha a nga titivisanga eka Abrahama, Isaka na Yakobe hi ndlela yihi? (Eks. 3:13, 14; 6:3; Gen. 12:8)
(b) Xana swi hi endla hi titwa njhani ku tiva leswaku Yehovha u n’wi tirhisile Muxe, hambileswi Muxe a a titwa a nga faneleki eka ntirho lowu a nyikiweke wona? (Eks. 6:12, 30; Luka 21:13-15)
3. Hlaya Eksoda 7:1-13.
(a) Loko Muxe na Aroni hi xivindzi va byele Faro hi ta vuavanyisi bya Yehovha, xana hi xihi xikombiso lexi va xi vekeleke malandza ya Xikwembu namuntlha? (Eks. 7:2, 3, 6; Mint. 4:29-31)
(b) Xana Yehovha u ma kombise njhani matimba yakwe lamakulu eka swikwembu swa le Egipta? (Eks. 7:12; 1 Tikr. 29:12)
Makhombo Ya 10
1. Hi ku tirhisa swifaniso leswi nga laha, hlamusela makhombo manharhu yo sungula lama Yehovha a ma tiseke aEgipta.
2. Xana makhombo manharhu layo sungula a ma hambane njhani ni laman’wana?
3. Xana a ku ri rihi khombo ra vumune, ra vuntlhanu ni ra vutsevu?
4. Hlamusela khombo ra vunkombo, ra vunhungu ni ra vukaye.
5. Xana Yehovha u byele Vaisrayele leswaku va endla yini loko ku nga si tisiwa khombo ra vu-10?
6. Xana khombo ra vu-10 a ku ri rihi, naswona ku endleke yini endzhaku ka rona?
Swivutiso swo engetela:
1. Hlaya Eksoda 7:19–8:23.
(a) Hambileswi vaprista va le Egipta lava endlaka masalamusi va koteke ku endla makhombo mambirhi yo sungula lama endliweke hi Yehovha, i yini leswi va bohekeke ku swi pfumela endzhaku ka khombo ra vunharhu? (Eks. 8:18, 19; Mat. 12:24-28)
(b) Xana khombo ra vumune ri byi kombise njhani vuswikoti bya Yehovha byo sirhelela vanhu vakwe, naswona ku tiva leswi swi endla leswaku vanhu va Xikwembu va titwa njhani leswi va langutaneke ni “nhlomulo lowukulu” lowu profetiweke? (Eks. 8:22, 23; Nhlav. 7:13, 14; 2 Tikr. 16:9)
2. Hlaya Eksoda 8:24; 9:3, 6, 10, 11, 14, 16, 23-24; na 10:13-15, 21-23.
(a) Hi yihi mintlawa yimbirhi leyi paluxiweke hi Makhombo ya Khume, naswona sweswo swi ri khumba njhani langutelo ra hina hi mintlawa yoleyo namuntlha? (Eks. 8:10, 18, 19; 9:14)
(b) Xana Eksoda 9:16 yi hi pfuna njhani leswaku hi twisisa xivangelo lexi endleke leswaku Yehovha a pfumelela Sathana a hambeta a hanya ku fikela namuntlha? (Rhom. 9:21, 22)
3. Hlaya Eksoda 12:21-32.
Xana Paseka yi endle leswaku vo tala va ponisiwa hi ndlela yihi, naswona Paseka a yi fanekisela yini? (Eks. 12:21-23; Yoh. 1:29; Rhom. 5:18, 19, 21; 1 Kor. 5:7)
Ku Pela Lwandle Ro Tshwuka
1. I vangani vavanuna, vavasati ni vana lava nga Vaisrayele lava rhurheke aEgipta, naswona i vamani lava va rhurheke na vona?
2. Xana Faro u titwe njhani endzhaku ka loko a ntshunxe Vaisrayele va famba, naswona u endle yini?
3. Xana Yehovha u endle yini leswaku a yimisa Vaegipta leswaku va nga hlaseli vanhu vakwe?
4. Ku humelele yini loko Muxe a tshambulute nhonga yakwe ehenhla ka Lwandle ro Tshwuka, naswona Vaisrayele va endle yini?
5. Ku humelele yini loko Vaegipta va nghene elwandle va hlongorisa Vaisrayele?
6. Vaisrayele va endle yini ku kombisa leswaku a va tsakile naswona a va nkhensa Yehovha leswi va poneke?
Swivutiso swo engetela:
1. Hlaya Eksoda 12:33-36.
Xana Yehovha u tiyiseke njhani leswaku vanhu va yena va hakeriwa hikwalaho ka malembe hinkwawo lawa va ma heteke va ri mahlonga ehansi ka Vaegipta? (Eks. 3:21, 22; 12:35, 36)
2. Hlaya Eksoda 14:1-31.
Xana marito ya Muxe lama rhekhodiweke eka Eksoda 14:13, 14 ma wa khumba njhani malandza ya Yehovha namuntlha tanihi leswi ma langutaneke ni nyimpi leyi taka ya Armagedoni? (2 Tikr. 20:17; Ps. 91:8)
3. Hlaya Eksoda 15:1-8, 20, 21.
(a) Ha yini malandza ya Yehovha ma fanele ma n’wi yimbelelela swidzuniso? (Eks. 15:1, 2; Ps. 105:2, 3; Nhlav. 15:3, 4)
(b) Loko va ri eLwandle ro Tshwuka, xana Meriyamu ni vavasati van’wana va va vekele xikombiso xihi vavasati lava nga Vakreste namuntlha? (Eks. 15:20, 21; Ps. 68:11)
Swakudya Leswintshwa
1. Exifanisweni, i yini leswi vanhu va swi rholelaka ehansi, naswona swi vuriwa yini?
2. Hi swihi swiletelo leswi Muxe a swi nyikeke vanhu malunghana ni ku rholela manna?
3. Xana Yehovha u byele vanhu leswaku va endla yini hi siku ra vutsevu, naswona ha yini?
4. Hi rihi singita leri endliweke hi Yehovha loko manna yi hlayiseriwa siku ra vunkombo?
5. Xana Yehovha u phamele vanhu manna nkarhi wo tanihi kwihi?
Swivutiso swo engetela:
1. Hlaya Eksoda 16:1-36 na Tinhlayo 11:7-9.
(a) Xana Eksoda 16:8 yi hi dyondzisa yini malunghana ni ku xixima lava hlawuriweke hi moya leswaku va rhangela evandlheni ra Vukreste? (Hev. 13:17)
(b) Xana Vaisrayele a va hamba va tsundzuxiwa njhani siku ni siku leswaku va titshega hi Yehovha loko va ri emananga? (Eks. 16:14-16, 35; Det. 8:2, 3)
(c) Hi yihi nhlamuselo yo fanekisela leyi nyikeriweke hi Yesu malunghana ni manna, naswona hi vuyeriwa njhani hi “xinkwa [lexi] xo huma etilweni”? (Yoh. 6:31-35, 40)
2. Hlaya Yoxuwa 5:10-12.
Xana Vaisrayele va yi dye malembe mangani manna, sweswo swi va ringe njhani, naswona hi dyondza yini emhakeni leyi? (Eks. 16:35; Tinhl. 11:4-6; 1 Kor. 10:10, 11)
Yehovha U Va Nyika Milawu Yakwe
1. Kwalomu ka tin’hweti timbirhi endzhaku ka loko Vaisrayele va suke aEgipta, xana va fike va tshama kwihi swa xinkarhana?
2. Xana Yehovha u vule leswaku a a lava leswaku vanhu va endla yini, naswona va hlamule njhani?
3. Ha yini Yehovha a nyike Muxe maribye mambirhi ya swiphepherhele?
4. Handle ka Swileriso swa Khume, hi swihi swileriso swin’wana leswi Yehovha a swi nyikeke Vaisrayele?
5. Hi yini milawu yimbirhi leyi Yesu Kreste a vuleke leswaku i yikulu eka hinkwayo?
Swivutiso swo engetela:
1. Hlaya Eksoda 19:1-25; 20:1-21; 24:12-18; na Eks 31:18.
Xana marito lama rhekhodiweke eka Eksoda 19:8 ma hi pfuna njhani leswaku hi twisisa leswi katsekaka loko munhu a tinyiketela ku va Mukreste? (Mat. 16:24; 1 Pet. 4:1-3)
2. Hlaya Deteronoma 6:4-6; Levhitika 19:18; na Matewu 22:36-40.
Xana Vakreste va swi kombisa njhani leswaku va rhandza Xikwembu ni vaakelani va vona? (Mar. 6:34; Mint. 4:20; Rhom. 15:2)
Ta Rhole Ra Nsuku
1. Exifanisweni lexi, xana vanhu va endla yini, naswona ha yini va endla tano?
2. Hikwalaho ka yini Yehovha a hlundzukile, naswona Muxe u endle yini loko a vona leswi vanhu va swi endlaka?
3. Xana Muxe u byele vavanuna van’wana leswaku va endla yini?
4. Hi dyondza yini eka mhaka leyi?
Swivutiso swo engetela:
1. Hlaya Eksoda 32:1-35.
(a) Xana mhaka leyi yi ri kombisa njhani langutelo leri Yehovha a nga na rona loko munhu a katsa vukhongeri bya mavunwa ni bya ntiyiso? (Eks. 32:4-6, 10; 1 Kor. 10:7, 11)
(b) Hi xihi xitsundzuxo lexi Vakreste va nga fanelangiki va xi honisa loko va hlawula vuhungasi, ku fana ni ku yimbelela ni ku cina? (Eks. 32:18, 19; Efe. 5:15, 16; 1 Yoh. 2:15-17)
(c) Xana nyimba ya Levhi yi xi veke njhani xikombiso lexinene emhakeni ya ku va munhu a tshembeka? (Eks. 32:25-28; Ps. 18:25)
Tende Ro Gandzelela Eka Rona
1. Xana muako lowu nga exifanisweni lexi wu vuriwa yini, naswona a wu tirhiseriwa yini?
2. Ha yini Yehovha a byele Muxe ku aka tende leswaku ri ta kota ku hahluriwa hi ku olova?
3. I yini bokisi leri nga exikamaranini emakumu ka ntsonga, naswona ku na yini endzeni ka bokisi leri?
4. I mani loyi Yehovha a n’wi hlawuleke ku va muprista lonkulu, naswona muprista lonkulu a a endla yini?
5. Boxa swilo swinharhu leswi nga ekamareni lerikulu ra ntsoga.
6. Hi swihi swilo swimbirhi leswi nga erivaleni ra tabernakela, naswona swi tirhisiwa ku endla yini?
Swivutiso swo engetela:
1. Hlaya Eksoda 25:8-40; 26:1-37; 27:1-8; na Eks 28:1.
Xana makerubu lama nga ehenhla “ka areka ya vumbhoni” a ma yimela yini? (Eks. 25:20, 22; Tinhl. 7:89; 2 Tih. 19:15)
2. Hlaya Eksoda 30:1-10, 17-21; 34:1, 2; na Vaheveru 9:1-5.
(a) Ha yini Yehovha a kombise leswaku i swa nkoka leswaku vaprista lava tirhaka etabernakeleni va tshama va basile, naswona mhaka leyi yi fanele yi hi khumba njhani namuntlha? (Eks. 30:18-21; 40:30, 31; Hev. 10:22)
(b) Xana muapostola Pawulo u swi kombise njhani leswaku tabernakele ni Nawu wa ntwanano a wu nga ha tirhi enkarhini lowu a tsaleleke Vakreste va Vaheveru papila ha wona? (Hev. 9:1, 9; 10:1)
Ta Vakamberi Va 12
1. I yini lexi u xi xiyaka hi xichocho xa madiriva lexi nga laha xifanisweni lexi, naswona xi huma kwihi?
2. Ha yini Muxe a rhume vakamberi va 12 etikweni ra Kanana?
3. Xana vakamberi va khume va te yini loko va tlhelela eka Muxe?
4. Xana vakamberi vambirhi va swi kombise njhani leswaku va tshemba Yehovha, naswona i vamani mavito ya vona?
5. Ha yini Yehovha a hlundzukile, naswona u byele Muxe a ku yini?
Swivutiso swo engetela:
1. Hlaya Tinhlayo 13:1-33.
(a) I vamani lava hlawuriweke ku ya kambela tiko, naswona hi rihi lunghelo lerikulu leri a va ri na rona? (Tinhl. 13:2, 3, 18-20)
(b) Ha yini langutelo ra Yoxuwa ni ra Kalebe a ri hambanile ni ra vakamberi lavan’wana, naswona hi dyondza yini emhakeni leyi? (Tinhl. 13:28-30; Mat. 17:20; 2 Kor. 5:7)
2. Hlaya Tinhlayo 14:1-38.
(a) Hi xihi xitsundzuxo lexi hi faneleke hi xi yingisa malunghana ni ku gungulela vanhu lava yimelaka Yehovha laha misaveni? (Tinhl. 14:2, 3, 27; Mat. 25:40, 45; 1 Kor. 10:10)
(b) Xana Tinhlayo 14:24 yi swi kombisa njhani leswaku Yehovha u tsakela malandza ya yena hinkwawo? (1 Tih. 19:18; Swiv. 15:3)
Nhonga Ya Aroni Yi Hluka Swiluva
1. I vamani lava xandzukeleke vulawuri bya Muxe na Aroni, naswona va te yini eka Muxe?
2. Xana Muxe u byele Kora swin’we ni valandzeri vakwe va 250 leswaku va endla yini?
3. Xana Muxe u va byele yini vanhu, naswona ku humelele yini loko a heta ku vulavula?
4. Xana ku humelele yini hi Kora swin’we ni valandzeri vakwe va 250?
5. Xana Eliyazara lowa n’wana Aroni u endle yini hi tinhlambeto ta vanhu lava feke, naswona ha yini?
6. Ha yini Yehovha a endle leswaku nhonga ya Aroni yi hluka swiluva? (Vona xifaniso)
Swivutiso swo engetela:
1. Hlaya Tinhlayo 16:1-49.
(a) I yini leswi Kora ni valandzeri vakwe va swi endleke, naswona ha yini xiendlo xexo a xi kombisa ku xandzukela Yehovha? (Tinhl. 16:9, 10, 18; Lev. 10:1, 2; Swiv. 11:2)
(b) Hi rihi langutelo leri hoxeke leri Kora ni “tindhuna ta ntshungu” ta 250 va veke na rona? (Tinhl. 16:1-3; Swiv. 15:33; Esa. 49:7)
2. Hlaya Tinhlayo 17:1-11 na 26:10.
(a) Xana ku hluka ka nhonga ya Aroni a swi kombisa yini, naswona ha yini Yehovha a lerise leswaku yi tshama earekeni? (Tinhl. 17:5, 8, 10)
(b) Hi yihi dyondzo ya nkoka leyi hi nga yi kumaka eka xikombiso xa nhonga ya Aroni? (Tinhl. 17:10; Mint. 20:28; Filp. 2:14; Hev. 13:17)
Muxe A Ba Ribye
1. Xana Yehovha u va khathalele njhani Vaisrayele loko va ri emananga?
2. Xana Vaisrayele a va rila ha yini loko va dzime mixaxa eKadexi?
3. Xana Yehovha u va nyike njhani mati vanhu swin’we ni swifuwo swa vona?
4. Exifanisweni lexi, i mani wanuna la tikombeke hi rintiho naswona ha yini a endla tano?
5. Ha yini Yehovha a hlundzukele Muxe na Aroni, naswona va xupuriwe njhani?
6. Ku humelele yini eNtshaveni ya Hore, naswona i mani loyi a veke muprista lonkulu wa tiko ra Israyele?
Swivutiso swo engetela:
1. Hlaya Tinhlayo 20:1-13, 22-29 na Deteronoma 29:5.
(a) Hi yihi dyondzo leyi hi yi kumaka eka ndlela leyi Yehovha a khathaleleke Vaisrayele ha yona emananga? (Det. 29:5; Mat. 6:31; Hev. 13:5; Yak. 1:17)
(b) Xana Yehovha u ku langute njhani ku tsandzeka ka Muxe na Aroni leswaku va n’wi hlawulekisa emahlweni ka Vaisrayele? (Tinhl. 20:12; 1 Kor. 10:12; Nhlav. 4:11)
(c) I yini leswi hi nga swi dyondzaka eka ndlela leyi Muxe a anguleke ha yona loko a xupuriwa hi Yehovha? (Tinhl. 12:3; 20:12, 27, 28; Det. 32:4; Hev. 12:7-11)
Nyoka Ya Koporo
1. Exifanisweni, i yini lexi tsondzeleke emhandzini naswona ha yini Yehovha a byele Muxe leswaku a xi veka kwalaho?
2. Xana vanhu va swi kombise njhani leswaku a va na wona moya wo nkhensa hinkwaswo leswi Xikwembu xi va endleleke swona?
3. I yini leswi vanhu va kombeleke Muxe leswaku a swi endla endzhaku ka loko Yehovha a rhumele tinyoka ta vuxungu leswaku ti va luma?
4. Ha yini Yehovha a byele Muxe leswaku a endla nyoka ya koporo?
5. Hi dyondza yini emhakeni leyi?
Swivutiso swo engetela:
1. Hlaya Tinhlayo 21:4-9.
(a) Hi xihi xitsundzuxo lexi hi nyikiweke xona hi ku gungula ka Vaisrayele malunghana ni malunghiselelo ya Yehovha? (Tinhl. 21:5, 6; Rhom. 2:4)
(b) Eka malembe-xidzana lama hundzeke, xana Vaisrayele va yi tirhise njhani nyoka ya koporo naswona hi rihi goza leri tekiweke hi Hosi Hezekiya? (Tinhl. 21:9; 2 Tih. 18:1-4)
2. Hlaya Yohane 3:14, 15.
Xana ku vekiwa ka nyoka ya koporo emhandzini ku ku fanekisela hi ndlela yihi ku beleriwa ka Yesu Kreste emhandzini? (Gal. 3:13; 1 Pet. 2:24)
Mbhongolo Yi Vulavula
1. I mani Balaka, naswona ha yini a rhume Balama?
2. Ha yini mbhongolo ya Balama yi pavalale endleleni?
3. Xana mbhongolo yi te yini eka Balama?
4. Xana ntsumi yi te yini eka Balama?
5. Ku humelele yini loko Balama a ringeta ku rhukana Vaisrayele?
Swivutiso swo engetela:
1. Hlaya Tinhlayo 21:21-35.
Ha yini Vaisrayele va hlule Hosi Sihoni ya Vaamori na Hosi Ogo ya Baxani? (Tinhl. 21:21, 23, 33, 34)
2. Hlaya Tinhlayo 22:1-40.
I yini lexi endleke leswaku Balama a ringeta ku rhukana Vaisrayele, naswona hi dyondza yini emhakeni leyi? (Tinhl. 22:16, 17; Swiv. 6:16, 18; 2 Pet. 2:15; Yudha 11)
3. Hlaya Tinhlayo 23:1-30.
Hambileswi Balama a a vulavula ku fana niloko a ri mugandzeri wa Yehovha, xana swiendlo swa yena swi kombise njhani leswaku a a nga ri yena? (Tinhl. 23:3, 11-14; 1 Sam. 15:22)
4. Hlaya Tinhlayo 24:1-25.
Xana rungula leri ra Bibele ri ri tiyisa njhani ripfumelo ra hina eku hetisiseni ka swikongomelo swa Yehovha? (Tinhl. 24:10; Esa. 54:17)
Yoxuwa A Va Murhangeri
1. Exifanisweni lexi, i vamani vavanuna vambirhi lava yimeke na Muxe?
2. Xana Yehovha u te yini eka Yoxuwa?
3. Ha yini Muxe a khandziye enhlohlorhini ya Ntshava ya Nebo, naswona Yehovha u te yini eka yena?
4. Muxe a a ri ni malembe mangani loko a fa?
5. Ha yini vanhu va twa ku vava, kambe hi xihi xivangelo lexi endlaka leswaku va tsaka?
Swivutiso swo engetela:
1. Hlaya Tinhlayo 27:12-23.
Hi xihi xiavelo xo tika lexi Yoxuwa a nyikiweke xona hi Yehovha, naswona Yehovha u swi kombisa njhani namuntlha leswaku wa va khathalela vanhu Vakwe? (Tinhl. 27:15-19; Mint. 20:28; Hev. 13:7)
2. Hlaya Deteronoma 3:23-29.
Ha yini Yehovha a nga va pfumelelanga Muxe na Aroni ku nghena etikweni leri tshembisiweke, naswona hi dyondza yini emhakeni leyi? (Det. 3:25-27; Tinhl. 20:12, 13)
3. Hlaya Deteronoma 31:1-8, 14-23.
Xana marito man’wana ya Muxe lama a ma byeleke tiko ra Israyele ma swi kombisa njhani leswaku u swi amukele hi mbilu hinkwayo ku xupuriwa hi Yehovha? (Det. 31:6-8, 23)
4. Hlaya Deteronoma 32:45-52.
Xana Rito ra Xikwembu ri fanele ri byi khumba njhani vutomi bya hina? (Det. 32:47; Lev. 18:5; Hev. 4:12)
5. Hlaya Deteronoma 34:1-12.
Hambileswi Muxe a nga si tshamaka a vona Yehovha hi ku kongoma, xana Deteronoma 34:10 yi kombisa yini malunghana ni vuxaka bya yena na Yehovha? (Eks. 33:11, 20; Tinhl. 12:8)
Rahava A Tumbeta Tinhlori
1. Xana Rahava u tshama kwihi?
2. I vamani vavanuna lavambirhi lava nga exifanisweni, naswona ha yini va ri eYeriko?
3. Xana hosi ya le Yeriko yi lerise Rahava leswaku a endla yini, naswona u hlamule a ku yini?
4. Xana Rahava u va pfune njhani vavanuna lavambirhi, naswona i yini leswi a swi kombeleke eka vona?
5. Xana vakamberi lavambirhi va n’wi tshembise yini Rahava?
Swivutiso swo engetela:
1. Hlaya Yoxuwa 2:1-24.
Xana xitshembiso xa Yehovha lexi rhekhodiweke eka Eksoda 23:28 xi hetiseke njhani loko Vaisrayele va fika ekusuhi ni muti wa Yeriko? (Yox. 2:9-11)
2. Hlaya Vaheveru 11:31.
Xana xikombiso xa Rahava xi wu kandziyisa njhani nkoka wa ku va ni ripfumelo? (Rhom. 1:17; Hev. 10:39; Yak. 2:25)
Ta Ku Pela Nambu Wa Yordani
1. Hi rihi singita leri endliweke hi Yehovha leswaku Vaisrayele va kota ku pela Nambu wa Yordani?
2. Vaisrayele a va fanele va endla yini ku kombisa leswaku va ni ripfumelo leswaku va ta kota ku pela Nambu wa Yordani?
3. Ha yini Yehovha a byele Yoxuwa leswaku a hlengeleta maribye ya 12 lamakulu eribuweni ra nambu?
4. Ku humelele yini loko vaprista va humile eYordani?
Swivutiso swo engetela:
1. Hlaya Yoxuwa 3:1-17.
(a) Hilaha swi kombisiweke hakona emhakeni leyi, xana hi fanele ku endla yini leswaku Yehovha a hi pfuna ni ku hi katekisa? (Yox. 3:13, 15; Swiv. 3:5; Yak. 2:22, 26)
(b) Xana xiyimo a xi ri njhani eNambyeni wa Yordani loko Vaisrayele va pelela eTikweni leri Tshembisiweke, naswona sweswo swi ri tlakuse njhani vito ra Yehovha? (Yox. 3:15; 4:18; Ps. 66:5-7)
2. Hlaya Yoxuwa 4:1-18.
Maribye ya 12 lama tekiweke eYordani ma ya vekiwa eGiligala a ma tirha yini? (Yox. 4:4-7)
Makhumbi Ya Yeriko
1. Xana Yehovha u byele vavanuna va nyimpi ni vaprista leswaku va endla yini ku ringana masiku ya tsevu?
2. Xana vavanuna a va fanele va endla yini hi siku ra vunkombo?
3. Hilaha u swi vonaka hakona exifanisweni, xana ku humelela yini hi makhumbi ya Yeriko?
4. Ha yini ku ri ni ntambhu yo tshwuka leyi lengalengaka efasitereni?
5. Xana Yoxuwa u byele vavanuna va nyimpi leswaku va va endla yini vanhu swin’we ni muti, kambe ku vuriwa yini hi silivhere, nsuku, koporo ni nsimbi?
6. Xana vakamberi vambirhi va byeriwe ku endla yini?
Swivutiso swo engetela:
1. Hlaya Yoxuwa 6:1-25.
(a) Xana ku macha ka Vaisrayele va rhendzela Yeriko hi siku ra vunkombo ku fana njhani ni ntirho wo chumayela wa Timbhoni ta Yehovha emasikwini lawa ya makumu? (Yox. 6:15, 16; Esa. 60:22; Mat. 24:14; 1 Kor. 9:16)
(b) Xana vuprofeta lebyi rhekhodiweke eka Yoxuwa 6:26 byi hetiseke njhani emalembeni ya kwalomu ka 500 lama landzeleke, naswona leswi swi hi dyondzisa yini hi rito ra Yehovha? (1 Tih. 16:34; Esa. 55:11)
Khamba eIsrayele
1. Exifanisweni lexi, i mani wanuna la celelaka rifuwo leri tekiweke eYeriko, naswona i vamani lava n’wi pfunaka?
2. Ha yini goza leri tekiweke hi Akani swin’we ni ndyangu wakwe ku ri xidyoho lexikulu?
3. Xana Yehovha u te yini loko Yoxuwa a vutisa leswaku ha yini Vaisrayele va hluriwile enyimpini le Ayi?
4. Endzhaku ka loko Akani swin’we ni ndyangu wakwe va yisiwe eka Yoxuwa, ku humelele yini ha vona?
5. Hi yihi dyondzo ya nkoka leyi hi yi kumaka eka ndlela leyi Akani a avanyisiweke ha yona?
Swivutiso swo engetela:
1. Hlaya Yoxuwa 7:1-26.
(a) Xana swikhongelo swa Yoxuwa swi paluxe yini malunghana ni vuxaka bya yena ni Muvumbi wakwe? (Yox. 7:7-9; Ps. 119:145; 1 Yoh. 5:14)
(b) Leswi humeleleke Akani swi kombisa yini, naswona ha yini sweswo ku ri xilemukiso eka hina? (Yox. 7:11, 14, 15; Swiv. 15:3; 1 Tim. 5:24; Hev. 4:13)
2. Hlaya Yoxuwa 8:1-29.
Hi byihi vutihlamuleri lebyi un’wana ni un’wana wa hina a nga na byona evandlheni ra Vukreste namuntlha? (Yox. 7:13; Lev. 5:1; Swiv. 28:13)
Vagibiyoni Vo Tlhariha
1. Xana vanhu va le Gibiyoni a va hambane njhani ni Vakanana va le mitini ya le kusuhi?
2. Hilaha swi kombisiweke hakona exifanisweni lexi, xana Vagibiyoni va endle yini, naswona ha yini?
3. Xana Yoxuwa ni varhangeri va Vaisrayele va va tshembise yini Vagibiyoni, kambe i yini lexi va xi kumeke endzhaku ka masiku manharhu?
4. Xana ku humelele yini loko tihosi ta le mitini yin’wana ti twa leswaku Vagibiyoni va endle ku rhula ni Vaisrayele?
Swivutiso swo engetela:
1. Hlaya Yoxuwa 9:1-27.
(a) Leswi Yehovha a a byele tiko ra Israyele leswaku ri “lovisa vaaki hinkwavo va tiko,” ku tsetseleriwa ka Vagibiyoni ku kombise timfanelo takwe tihi? (Yox. 9:22, 24; Mat. 9:13; Mint. 10:34, 35; 2 Pet. 3:9)
(b) Xana Yoxuwa u xi veke njhani xikombiso lexinene eka Vakreste namuntlha hi ku namarhela ntwanano lowu a wu endleke ni Vagibiyoni? (Yox. 9:18, 19; Mat. 5:37; Efe. 4:25)
2. Hlaya Yoxuwa 10:1-5.
Xana ntshungu lowukulu namuntlha wu va tekelela njhani Vagibiyoni, naswona hi ku endla tano wu va valala va mani? (Yox. 10:4; Zak. 8:23; Mat. 25:35-40; Nhlav. 12:17)
Dyambu Ri Yima
1. Exifanisweni lexi, xana Yoxuwa u ri yini, naswona ha yini?
2. Xana Yehovha u n’wi pfune njhani Yoxuwa ni vavanuna va yena va nyimpi?
3. I tingani tihosi leti hluriweke hi Yoxuwa leti a ti ri valala vakwe, naswona swi teke nkarhi wo tanihi kwihi?
4. Ha yini Yoxuwa a ave tiko ra Kanana?
5. Xana Yoxuwa u fe a ri ni malembe mangani, naswona endzhaku ka sweswo vanhu va endle yini?
Swivutiso swo engetela:
1. Hlaya Yoxuwa 10:6-15.
Hi ku tiva leswaku Yehovha u yimisele Vaisrayele dyambu ni n’weti, hi wihi ntshembo lowu hi vaka na wona namuntlha? (Yox. 10:8, 10, 12, 13; Ps. 18:3; Swiv. 18:10)
2. Hlaya Yoxuwa 12:7-24.
Kahle-kahle i mani la hluleke tihosi ta 31 eKanana, naswona ha yini mhaka leyi yi ri ya nkoka eka hina namuntlha? (Yox. 12:7; 24:11-13; Det. 31:8; Luka 21:9, 25-28)
3. Hlaya Yoxuwa 14:1-5.
Xana tiko ri aviwe njhani exikarhi ka tinyimba ta Israyele, naswona mhaka leyi yi kombisa yini malunghana ni ndzhaka ya le Paradeyisini? (Yox. 14:2; Esa. 65:21; Ezek. 47:21-23; 1 Kor. 14:33)
4. Hlaya Yoxuwa 2:8-13.
Ku fana na Yoxuwa eIsrayele, i vamani namuntlha va jamelaneke ni vagwinehi? (Vaav. 2:8, 10, 11; Mat. 24:45-47; 2 Tes. 2:3-6; Tito 1:7-9; Nhlav. 1:1; 2:1, 2)
Vavasati Vambirhi Lava Nga Ni Xivindzi
1. I vamani lava a va rhangela eIsrayele, naswona mavito ya van’wana va vona a ku ri vamani?
2. Hi rihi lunghelo ro hlawuleka leri Debora a a ri na rona, naswona a ri katsa yini?
3. Loko Vaisrayele va xungetiwa hi Hosi Yabini ni murhangeri wa vuthu rakwe, ku nga Sisera, hi rihi rungula leri humaka eka Yehovha leri Debora a ri byeleke Muavanyisi Baraka, naswona i mani loyi Debora a nga te u ta hlula?
4. Xana Yayele u swi kombise njhani leswaku i wansati la nga ni xivindzi?
5. Ku humelele yini endzhaku ka ku fa ka Hosi Yabini?
Swivutiso swo engetela:
1. Hlaya Vaavanyisi 2:14-22.
Xana Vaisrayele va endle yini leswi endleke leswaku Yehovha a va hlundzukela, naswona hi nga dyondza yini eka leswi? (Vaav. 2:20; Swiv. 3:1, 2; Ezek. 18:21-23)
2. Hlaya Vaavanyisi 4:1-24.
Hi yihi dyondzo leyi vavasati va Vakreste namuntlha va nga yi kumaka malunghana ni ripfumelo ni xivindzi leswi kombisiweke hi Debora na Yayele? (Vaav. 4:4, 8, 9, 14, 21, 22; Swiv. 31:30; 1 Kor. 16:13)
3. Hlaya Vaavanyisi 5:1-31.
Xana risimu ra ku hlula ra Baraka na Debora ri nga tirhisiwa njhani tanihi xikhongelo malunghana ni nyimpi leyi taka ya Har–Magedoni? (Vaav. 5:3, 31; 1 Tikr. 16:8-10; Nhlav. 7:9, 10; 16:16; 19:19-21)
Rhuti Na Nawomi
1. Swi tise ku yini leswaku Nawomi a tikuma a ri etikweni ra Mowabu?
2. Xana Rhuti na Orpa i vamani?
3. Xana Rhuti na Orpa va te yini loko Nawomi a va byela leswaku va tlhelela eka vanhu va ka vona?
4. Bowasi a a ri mani, naswona u n’wi pfune njhani Rhuti na Nawomi?
5. I mani vito ra n’wana wa Bowasi na Rhuti, naswona ha yini hi fanele hi n’wi tsundzuka?
Swivutiso swo engetela:
1. Hlaya Rhuti 1:1-17.
(a) Hi wahi marito lama kombisaka rirhandzu ra ntiyiso lawa Rhuti a ma vuleke? (Rhu. 1:16, 17)
(b) Xana langutelo ra Rhuti ri ri kombisa njhani langutelo leri “tinyimpfu tin’wana” ti nga na rona hi vatotiwa lava nga emisaveni namuntlha? (Yoh. 10:16; Zak. 8:23)
2. Hlaya Rhuti 2:1-23.
Xana Rhuti u va vekela njhani xikombiso lexinene vanhwanyana va namuntlha? (Rhu. 2:17, 18; Swiv. 23:22; 31:15)
3. Hlaya Rhuti 3:5-13.
(a) Xana Bowasi u ku langute njhani ku tiyimisela ka Rhuti ku tekana na yena ematshan’weni yo tekiwa hi jaha ro karhi?
(b) Langutelo ra Rhuti ri hi dyondzisa yini malunghana ni rirhandzu ra ntiyiso? (Rhu. 3:10; 1 Kor. 13:4, 5)
4. Hlaya Rhuti 4:7-17.
Xana vavanuna lava nga Vakreste va nga n’wi tekelela njhani Bowasi namuntlha? (Rhu. 4:9, 10; 1 Tim. 3:1, 12, 13; 5:8)
Gidiyoni Ni Vavanuna Vakwe Va 300
1. Vaisrayele va nghene ekhombyeni lerikulu hi ndlela yihi naswona ha yini?
2. Ha yini Yehovha a byele Gidiyoni leswaku u ni vavanuna vo tala swinene evuthwini ra yena?
3. Xana ku sale vavanuna vangani endzhaku ka loko Gidiyoni a byele vavanuna lava chavaka leswaku va tlhelela ekaya?
4. Hi ku tirhisa xifaniso lexi, hlamusela ndlela leyi Yehovha a ri hunguteke ha yona vuthu ra Gidiyoni ri va vavanuna va 300 ntsena.
5. Xana Gidiyoni u va hlele njhani vavanuna va yena va 300, naswona Vaisrayele va hlule njhani enyimpini?
Swivutiso swo engetela:
1. Hlaya Vaavanyisi 6:36-40.
(a) Xana Gidiyoni u endle yini leswaku a tiyiseka hi ku rhandza ka Yehovha?
(b) Xana namuntlha hi nga ku tiva njhani ku rhandza ka Yehovha? (Swiv. 2:3-6; Mat. 7:7-11; 2 Tim. 3:16, 17)
2. Hlaya Vaavanyisi 7:1-25.
(a) Hi dyondza yini eka vavanuna va 300 lava tshameke va xalamukile ku hambana ni lava kombiseke ku nga khathali? (Vaav. 7:3, 6; Rhom. 13:11, 12; Efe. 5:15-17)
(b) Hilaha vavanuna va 300 va dyondzeke hakona hi ku languta Gidiyoni, xana hina hi nga dyondza njhani hi ku languta Gidiyoni Lonkulu, Yesu Kreste? (Vaav. 7:17; Mat. 11:29, 30; 28:19, 20; 1 Pet. 2:21)
(c) Xana Vaavanyisi 7:21 yi hi pfuna njhani leswaku hi eneriseka hi ku tirha kun’wana ni kun’wana laha hi averiweke kona enhlengeletanweni ya Yehovha? (1 Kor. 4:2; 12:14-18; Yak. 4:10)
3. Hlaya Vaavanyisi 8:1-3.
Loko swi ta emhakeni ya ku lulamisa swiphiqo ni makwerhu wa xinuna kumbe wa xisati, xana hi nga dyondza yini eka ndlela leyi Gidiyoni a lulamiseke mholovo ha yona ni Vaefrayimi? (Swiv. 15:1; Mat. 5:23, 24; Luka 9:48)
Xitshembiso Xa Yefta
1. Yefta a a ri mani, naswona u hanye enkarhini wihi?
2. Xana Yefta u n’wi tshembise yini Yehovha?
3. Ha yini Yefta a ve ni gome loko a vuya eku hluleni ka Vaamone?
4. Xana n’wana wa Yefta wa nhwanyana u te yini loko a twa hi ta xitshembiso xa tata wakwe?
5. Ha yini vanhu a va rhandza n’wana wa Yefta wa nhwanyana?
Swivutiso swo engetela:
1. Hlaya Vaavanyisi 10:6-18.
Hi fanele hi dyondza yini eka rhekhodo ya Vaisrayele ya ku nga tshembeki eka Yehovha? (Vaav. 10:6, 15, 16; Rhom. 15:4; Nhlav. 2:10)
2. Hlaya Vaavanyisi 11:1-11, 29-40.
(a) Xana hi swi tivisa ku yini leswaku ku nyikela ka Yefta hi n’wana wakwe a va “gandzelo ro hisiwa” a swi nga vuli swona leswaku u nyikele ha yena endzilweni tanihi xitlhavelo? (Vaav. 11:31; Lev. 16:24; Det. 18:10, 12)
(b) Xana Yefta u nyikele hi n’wana wakwe a va xitlhavelo hi ndlela yihi?
(c) Hi nga dyondza yini eka langutelo ra Yefta malunghana ni ku hlambanya ka yena eka Yehovha? (Vaav. 11:35, 39; Ekl. 5:4, 5; Mat. 16:24)
(d) Xana n’wana wa Yefta i xikombiso lexinene hi ndlela yihi eka vantshwa lava nga Vakreste emhakeni ya ku nghenela ntirho wa nkarhi hinkwawo? (Vaav. 11:36; Mat. 6:33; Filp. 3:8)
Wanuna Wa Matimba Lamakulu Ngopfu
1. I mani vito ra wanuna wa matimba lamakulu la tshameke a hanya, naswona i mani loyi a n’wi nyikeke matimba?
2. Xana Samsoni u tshame a yi endla yini nghala leyikulu, hilaha u swi vonaka hakona laha xifanisweni?
3. Hi xihi xihundla lexi Samsoni a xi byeleke Delila exifanisweni lexi, naswona sweswo swi va pfune njhani Vafilisita ku n’wi khoma?
4. Xana Samsoni u va dlaye njhani Vafilisita va 3 000 lava a va ri valala hi siku leri a feke ha rona?
Swivutiso swo engetela:
1. Hlaya Vaavanyisi 13:1-14.
Xana Manowa ni nsati wakwe va va vekele njhani vatswari xikombiso lexinene eku dyondziseni ka vana va vona? (Vaav. 13:8; Ps. 127:3; Efe. 6:4)
2. Hlaya Vaavanyisi 14:5-9 na 15:9-16.
(a) Xana mhaka ya Samsoni ya ku dlaya nghala, ku tsema mapindza lamantshwa lawa a a bohiwe ha wona ni ku tirhisa rihlaya ra mbhongolo ya xinuna ku dlaya vanhu va 1 000, yi ku kombisa njhani ku tirha ka moya lowo kwetsima wa Yehovha?
(b) Xana moya lowo kwetsima wu hi pfuna njhani namuntlha? (Vaav. 14:6; 15:14; Zak. 4:6; Mint. 4:31)
3. Hlaya Vaavanyisi 16:18-31.
Xana Samsoni xi n’wi khumbe njhani xinakulobye xo biha, naswona hi nga dyondza yini eka leswi? (Vaav. 16:18, 19; 1 Kor. 15:33)
Xifanyetana Xi Tirhela Xikwembu
1. I mani vito ra xifanyetana lexi nga laha xifanisweni naswona lavan’wana i vamani?
2. Xana Hana u khongele a ku yini loko a ri etabernakeleni ya Yehovha siku rin’wana, naswona Yehovha u n’wi hlamule njhani?
3. Xana Samuwele a a ri ni malembe mangani loko a tekiwa leswaku a ya tirha etendeni ra Yehovha, naswona mana wakwe a a n’wi endlela yini lembe ni lembe?
4. I vamani mavito ya vana va Eli, naswona i vanhu va njhani?
5. Xana Yehovha u n’wi vitane njhani Samuwele, naswona U n’wi byele yini?
6. Xana Samuwele u ve yini loko a kula, naswona ku endleke yini loko se a dyuharile?
Swivutiso swo engetela:
1. Hlaya 1 Samuwele 1:1-28.
(a) Hi xihi xikombiso lexinene lexi Elkana a xi vekeleke tinhloko ta mindyangu malunghana ni ku rhangela evugandzerini bya ntiyiso? (1 Sam. 1:3, 21; Mat. 6:33; Filp. 1:10)
(b) Hi dyondza yini eka xikombiso xa Hana xo langutana ni xiphiqo xo tika? (1 Sam. 1:10, 11; Ps. 55:22; Rhom. 12:12)
2. Hlaya 1 Samuwele 2:11-36.
Xana Eli u va xixime njhani vana vakwe ku tlula Yehovha, naswona leswi swi nga tirha tanihi xitsundzuxo eka hina hi ndlela yihi? (1 Sam. 2:22-24, 27, 29; Det. 21:18-21; Mat. 10:36, 37)
3. Hlaya 1 Samuwele 4:16-18.
Hi wahi makhombo ya mune lama humeleleke enyimpini, naswona ma n’wi khumbe njhani Eli?
4. Hlaya 1 Samuwele 8:4-9.
Xana Vaisrayele va hlundzukise Yehovha swinene hi ndlela yihi, naswona hina namuntlha hi nga wu seketela njhani Mfumo wakwe hi ku tshembeka? (1 Sam. 8:5, 7; Yoh. 17:16; Yak. 4:4)
Sawulo—Hosi Yo Sungula eIsrayele
1. Xana Samuwele u endla yini exifanisweni lexi, naswona ha yini?
2. Ha yini Yehovha a rhandze Sawulo, naswona a a ri munhu wa njhani?
3. I mani vito ra n’wana wa Sawulo, naswona n’wana yoloye u endle yini?
4. Ha yini Sawulo a endle magandzelo ematshan’weni yo rindza Samuwele leswaku a ta ma endla?
5. Hi nga dyondza yini emhakeni ya Sawulo?
Swivutiso swo engetela:
1. Hlaya 1 Samuwele 9:15-21 na 10:17-27.
Xana langutelo ra Sawulo ra ku titsongahata ri n’wi pfune njhani leswaku a papalata ku hatlisela ku teka goza loko vanhu vo karhi va vulavula ku biha ha yena? (1 Sam. 9:21; 10:21, 22, 27; Swiv. 17:27)
2. Hlaya 1 Samuwele 13:5-14.
Hi xihi xidyoho lexi Sawulo a xi endleke eGiligala? (1 Sam. 10:8; 13:8, 9, 13)
3. Hlaya 1 Samuwele 15:1-35.
(a) Hi xihi xidyoho lexikulu lexi Sawulo a xi endleke malunghana na Agaga, hosi ya Amaleke? (1 Sam. 15:2, 3, 8, 9, 22)
(b) Xana Sawulo u ringete ku tiyimelela ni ku veka van’wana nandzu hi ndlela yihi? (1 Sam. 15:24)
(c) Hi xihi xitsundzuxo lexi hi faneleke ku xi yingisa namuntlha loko hi nyikiwa ndzayo? (1 Sam. 15:19-21; Ps. 141:5; Swiv. 9:8, 9; 11:2)
Xikwembu Xi Hlawula Davhida
1. I mani vito ra mufana loyi a nga laha xifanisweni, naswona hi swi tiva njhani leswaku u ni xivindzi?
2. Xana Davhida a a tshama kwihi, naswona i mani vito ra tata wakwe ni ra kokwa wakwe?
3. Ha yini Yehovha a byele Samuwele leswaku a ya endlwini ya Yese eBetlehema?
4. Xana ku humelele yini loko Yese a tisa vana vakwe va nkombo eka Samuwele?
5. Loko ku tisiwa Davhida, xana Yehovha u n’wi byele yini Samuwele?
Swivutiso swo engetela:
1. Hlaya 1 Samuwele 17:34, 35.
Xana swiendlakalo leswi swi swi kandziyisa njhani leswaku Davhida a a ri ni xivindzi naswona a a titshege hi Yehovha? (1 Sam. 17:37)
2. Hlaya 1 Samuwele 16:1-14.
(a) Xana marito ya Yehovha lama nga eka 1 Samuwele 16:7 ma hi pfuna njhani leswaku hi nga hlawuli vanhu hi ku ya hi leswi va langutekisaka xiswona? (Mint. 10:34, 35; 1 Tim. 2:4)
(b) Xikombiso xa Sawulo xi swi kombisa njhani leswaku loko Yehovha a susa moya wa yena lowo kwetsima emunhwini, xivandla xa wona xi nga siva hi moya wo biha, kumbe ku navela ka ku endla vudyoho? (1 Sam. 16:14; Mat. 12:43-45; Gal. 5:16)
Davhida Na Goliyadi
1. Goliyadi u tlhontlhe vuthu ra Vaisrayele hi ndlela yihi?
2. Xana Goliyadi a ri tanihi kwihi, naswona Hosi Sawulo u n’wi tshembise yini munhu loyi a a ta dlaya Goliyadi?
3. Xana Davhida u te yini loko Sawulo a n’wi byela leswaku a nga ka a nga lwi na Goliyadi hikuva Davhida i xifanyetana?
4. Xana Davhida u swi kombise njhani leswaku u tshemba Yehovha loko a hlamula Goliyadi?
5. Hilaha u nga swi vonaka hakona laha xifanisweni, xana Davhida u tirhise yini ku dlaya Goliyadi, naswona Vafilisita va endle yini endzhaku ka sweswo?
Swivutiso swo engetela:
1. Hlaya 1 Samuwele 17:1-54.
(a) I yini lexi a xi endla leswaku Davhida a va ni xivindzi naswona hi nga xi tekelela njhani xivindzi xa yena? (1 Sam. 17:37, 45; Efe. 6:10, 11)
(b) Ku hambana na Goliyadi, ha yini Vakreste va fanele va papalata moya wa ku phikizana loko va tlanga mintlango kumbe va ri eku tihungaseni? (1 Sam. 17:8; Gal. 5:26; 1 Tim. 4:8)
(c) Marito ya Davhida ma swi kombisa njhani leswaku a a ri ni ntshembo wa leswaku Xikwembu xi ta n’wi seketela? (1 Sam. 17:45-47; 2 Tikr. 20:15)
(d) Ematshan’weni yo hlamusela ntsena mphikizano lowu a wu ri kona exikarhi ka mavuthu mambirhi lama kanetanaka, xana mhaka leyi yi swi kombisa njhani leswaku nyimpi a yi ri exikarhi ka swikwembu swa mavunwa ni Xikwembu xa ntiyiso, Yehovha? (1 Sam. 17:43, 46, 47)
(e) Xana masalela lama totiweke ma xi tekelela njhani xikombiso xa Davhida xa ku tshemba Yehovha? (1 Sam. 17:37; Yer. 1:17-19; Nhlav. 12:17)
Lexi Endlaka Davhida A Boheka Ku Baleka
1. Ha yini Sawulo a a ri ni mavondzo eka Davhida, kambe n’wana wa yena Yonathani a a hambane njhani na yena?
2. Ku humelele yini siku rin’wana loko Davhida a ri karhi a tlangela Sawulo haripa?
3. Sawulo u vule leswaku Davhida u fanele ku endla yini loko a nga si teka n’wana wakwe Mikala a va nsati wakwe, naswona ha yini Sawulo a vula leswi?
4. Loko Davhida a tlangela Sawulo haripa, i yini lexi humeleleke ra vunharhu, hilaha xifaniso xi swi kombisaka hakona?
5. Xana Mikala u byi ponise njhani vutomi bya Davhida, naswona Davhida a a fanele a endla yini ku ringana malembe ya nkombo?
Swivutiso swo ngetela:
1. Hlaya 1 Samuwele 18:1-30.
(a) Ndlela leyikulu leyi Yonathani a a rhandza Davhida ha yona yi ri fanekisela njhani rirhandzu leri nga kona exikarhi ka “tinyimpfu tin’wana” ni “ntlhambinyana”? (1 Sam. 18:1; Yoh. 10:16; Luka 12:32; Zak. 8:23)
(b) Leswi Yonathani a a ta va mudyandzhaka wa Sawulo hi ku ya hi nawu, xana 1 Samuwele 18:4 yi swi kombisa njhani leswaku Yonathani u titsongahatele loyi a hlawuriweke ku va hosi?
(c) Xana xikombiso xa Sawulo xi swi kombisa njhani leswaku mavondzo ma nga yisa eka xidyoho lexikulu, naswona swi hi lemukisa yini leswi? (1 Sam. 18:7-9, 25; Yak. 3:14-16)
2. Hlaya 1 Samuwele 19:1-17.
Xana Yonathani u veke vutomi bya yena ekhombyeni hi ndlela yihi loko a vula marito lama tsariweke eka 1 Samuwele 19:4, 5? (1 Sam. 19:1, 6)
Abigayele Na Davhida
1. I mani vito ra wansati loyi a hlangavetaka Davhida laha xifanisweni, naswona i munhu wa njhani?
2. Nabali a a ri mani?
3. Ha yini Davhida a rhume vavanuna lava a ri na vona ku ya kombela mpfuno eka Nabali?
4. Xana Nabali u va byele yini vavanuna lava a va ri na Davhida, naswona Davhida u angule hi ndlela yihi?
5. Xana Abigayele u swi kombise njhani leswaku i wansati wo tlhariha?
Swivutiso swo engetela:
1. Hlaya 1 Samuwele 22:1-4.
Xana vandyangu wa Davhida va veke xikombiso lexinene hi ndlela yihi malunghana ni ndlela leyi hi faneleke hi seketelana ha yona ni Vakreste-kulorhi? (Swiv. 17:17; 1 Tes. 5:14)
2. Hlaya 1 Samuwele 25:1-43.
(a) Ha yini Nabali a a sandziwa hi ndlela leyi? (1 Sam. 25:2-5, 10, 14, 21, 25)
(b) Namuntlha vavasati lava nga Vakreste va nga dyondza yini eka xikombiso xa Abigayele? (1 Sam. 25:32, 33; Swiv. 31:26; Efe. 5:24)
(c) Hi swihi swilo swimbirhi swo biha leswi Abigayele a siveleke Davhida ku swi endla? (1 Sam. 25:31, 33; Rhom. 12:19; Efe. 4:26)
(d) Xana ndlela leyi Davhida a n’wi anguleke ha yona Abigayele yi va pfuna njhani vavanuna namuntlha leswaku va va ni langutelo ra Yehovha hi vavasati? (Mint. 21:8, 9; Rhom. 2:11; 1 Pet. 3:7)
Davhida A Endliwa Hosi
1. Xana Davhida na Abixayi va endle yini loko Sawulo a ha etlele enxaxeni wa yena?
2. I swivutiso swihi leswi Davhida a swi vutiseke Sawulo?
3. Davhida u ye kwihi loko a hambana na Sawulo?
4. I yini lexi twiseke Davhida ku vava swinene lerova a tsala risimu ro saseka?
5. Davhida a a ri ni malembe mangani loko a vekiwa ku va hosi eHebroni, naswona i vamani mavito ya vana va yena van’wana?
6. Xana Davhida u tlhele a va hosi kwihi?
Swivutiso swo engetela:
1. Hlaya 1 Samuwele 26:1-25.
(a) Marito ya Davhida lama tsariweke eka 1 Samuwele 26:11 ma kombisa langutelo rihi malunghana ni nkongomiso wa Xikwembu? (Ps. 37:7; Rhom. 13:2)
(b) Loko hi endla matshalatshala yo kombisa tintswalo eka van’wana kambe va nga kombisi ku tlangela, xana marito ya Davhida lama kumekaka eka 1 Samuwele 26:23 ma nga hi pfuna njhani leswaku hi tshama hi ri ni langutelo lerinene? (1 Tih. 8:32; Ps. 18:20)
2. Hlaya 2 Samuwele 1:26.
Xana Vakreste namuntlha va nga ri hlakulela njhani “rirhandzu ro enta” leri Davhida na Yonathani a va ri na rona? (1 Pet. 4:8; Kol. 3:14; 1 Yoh. 4:12)
3. Hlaya 2 Samuwele 5:1-10.
(a) Xana Davhida u fume malembe mangani, naswona nkarhi wa ku fuma ka yena a wu avanyisiwe njhani? (2 Sam. 5:4, 5)
(b) I mani la endleke leswaku Davhida a va munhu wo xiximeka, naswona leswi swi tirha njhani tanihi xitsundzuxo eka hina namuntlha? (2 Sam. 5:10; 1 Sam. 16:13; 1 Kor. 1:31; Filp. 4:13)
Khombo eNdlwini Ya Davhida
1. Hi ku pfuniwa hi Yehovha, ku endleke yini hi tiko ra Kanana?
2. I yini lexi humeleleke madyambu man’wana loko Davhida a ri elwangwini ra yindlu yakwe?
3. Ha yini Yehovha a hlundzukele Davhida swinene?
4. Exifanisweni lexi, i mani loyi Yehovha a n’wi rhumeke ku ya byela Davhida swidyoho swa yena, naswona wanuna loyi u vule leswaku Davhida u ta humeleriwa hi yini?
5. Hi wahi makhombo lama weleke Davhida?
6. I mani loyi a veke hosi ya Israyele endzhaku ka Davhida?
Swivutiso swo engetela:
1. Hlaya 2 Samuwele 11:1-27.
(a) Xana ku tshama hi khomekile entirhweni wa Yehovha swi hi sirhelela njhani?
(b) Davhida u nghene njhani exidyohweni, naswona leswi swi ma lemukisa yini malandza ya Yehovha namuntlha? (2 Sam. 11:2; Mat. 5:27-29; 1 Kor. 10:12; Yak. 1:14, 15)
2. Hlaya 2 Samuwele 12:1-18.
(a) Hi yihi dyondzo leyi vakulu ni vatswari va nga yi dyondzaka eka ndlela leyi Natani a yeke eka Davhida ha yona loko a ya n’wi nyika ndzayo? (2 Sam. 12:1-4; Swiv. 12:18; Mat. 13:34)
(b) Ha yini Yehovha a kombise Davhida tintswalo? (2 Sam. 12:13; Ps. 32:5; 2 Kor. 7:9, 10)
Solomoni Hosi Yo Tlhariha
1. Yehovha u n’wi vutise yini Solomoni, naswona yena u hlamurise ku yini?
2. Leswi xikombelo xa Solomoni xi tsakiseke Yehovha, xana u n’wi tshembise ku n’wi nyika yini?
3. Hi xihi xiphiqo lexikulu lexi vavasati vambirhi va xi tiseke eka Solomoni?
4. Hilaha u nga swi vonaka hakona laha xifanisweni, xana Solomoni u xi tlhantlha njhani xiphiqo lexi?
5. Xana mfumo wa Solomoni a wu ri njhani naswona ha yini?
Swivutiso swo engetela:
1. Hlaya 1 Tihosi 3:3-28.
(a) Xana vavanuna lava nga ni vutihlamuleri enhlengeletanweni ya Xikwembu namuntlha va nga dyondza yini eka marito ya Solomoni lama humaka embilwini lama nga eka 1 Tihosi 3:7? (Ps. 119:105; Swiv. 3:5, 6)
(b) Xikombelo xa Solomoni i xikombiso lexinene xa swilo leswi faneleke ku khongeleriwa hi ndlela yihi? (1 Tih. 3:9, 11; Swiv. 30:8, 9; 1 Yoh. 5:14)
(c) Ndlela leyi Solomoni a xi tlhantlheke ha yona xiphiqo exikarhi ka vavasati vambirhi yi hi nyika ntshembo wihi malunghana ni vulawuri bya le nkarhini lowu taka bya Solomoni Lonkulu, Yesu Kreste? (1 Tih. 3:28; Esa. 9:6, 7; 11:2-4)
2. Hlaya 1 Tihosi 4:29-34.
(a) Xana Yehovha u xi hlamule njhani xikombelo xa Solomoni xa mbilu leyi yingisaka? (1 Tih. 4:29)
(b) Loko hi xiya matshalatshala lawa vanhu va ma endleke leswaku va ya twa vutlhari bya Solomoni, hi rihi langutelo leri hi faneleke hi va na rona malunghana ni ku dyondza Rito ra Xikwembu? (1 Tih. 4:29, 34; Yoh. 17:3; 2 Tim. 3:16)
Solomoni A Aka Tempele
1. Solomoni swi n’wi tekele nkarhi wo tanihi kwihi ku heta ku aka tempele ya Yehovha, naswona ha yini swi dye mali yo tarisa xileswi?
2. Tempele a yi ri ni makamara mangani lamakulu, naswona i yini leswi vekiweke ekamareni ra le ndzeni?
3. Solomoni u vule yini exikhongelweni xa yena loko tempele yi herile?
4. Yehovha u swi kombise njhani leswaku xikhongelo xa Solomoni xi n’wi tsakisile?
5. Vavasati va Solomoni va n’wi kucetele ku endla yini, naswona ku humelele yini hi Solomoni?
6. Ha yini Yehovha a hlundzukele Solomoni, naswona Yehovha u n’wi byele yini?
Swivutiso swo engetela:
1. Hlaya 1 Tikronika 28:9, 10.
Hi ku ya hi marito ya Davhida lama tsariweke eka 1 Tikronika 28:9, 10, i yini leswi hi faneleke hi lwela ku swi endla evuton’wini bya hina bya siku ni siku? (Ps. 19:14; Filp. 4:8, 9)
2. Hlaya 2 Tikronika 6:12-21, 32-42.
(a) Solomoni u swi kombise njhani leswaku Xikwembu Lexi nge Henhla-henhla a xi nge tshami emuakweni lowu endliweke hi mavoko ya vanhu? (2 Tikr. 6:18; Mint. 17:24, 25)
(b) Marito ya Solomoni lama kumekaka eka 2 Tikronika 6:32, 33 ma paluxa yini hi Yehovha? (Mint. 10:34, 35; Gal. 2:6)
3. Hlaya 2 Tikronika 7:1-5.
Leswi vana va Israyele va susumetelekeke ku vula marito yo dzunisa Yehovha endzhaku ka loko va vone ku vangama ka yena, xana hina namuntlha hi fanele hi khumbeka njhani loko hi anakanyisisa hi mikateko leyi vanhu va Yehovha va yi kumaka? (2 Tikr. 7:3; Ps. 22:22; 34:1; 96:2)
4. Hlaya 1 Tihosi 11:9-13.
Xana ndlela leyi Solomoni a hanyeke ha yona yi wu kombise njhani nkoka wa ku tshama hi tshembekile ku ya fika emakumu? (1 Tih. 11:4, 9; Mat. 10:22; Nhlav. 2:10)
Mfumo Wu Avana
1. I vamani mavito ya vavanuna vambirhi lava nga laha xifanisweni, naswona ntirho wa vona i yini?
2. Xana Ahiya u endle yini hi nguvu leyi a a yi ambarile, naswona xiendlo xexo a xi vula yini?
3. Solomoni u ringete ku n’wi endla yini Yerobuwamu?
4. Ha yini vanhu va endle Yerobuwamu hosi eka tinyimba ta khume?
5. Ha yini Yerobuwamu a endle marhole mambirhi ya nsuku, naswona tiko ri endla yini endzhaku ka sweswo?
6. Ku humelele yini hi mfumo wa tinyimba timbirhi swin’we ni tempele ya Yehovha eYerusalema?
Swivutiso swo engetela:
1. Hlaya 1 Tihosi 11:26-43.
Yerobuwamu a a ri munhu wa njhani, naswona Yehovha u n’wi tshembise yini loko a hlayisa milawu yakwe? (1 Tih. 11:28, 38)
2. Hlaya 1 Tihosi 12:1-33.
(a) Vatswari ni vakulu va nga dyondza yini eka xikombiso xo biha xa Rehobuwama malunghana ni ku tirhisa vulawuri hi ndlela yo biha? (1 Tih. 12:13; Ekl. 7:7; 1 Pet. 5:2, 3)
(b) Vantshwa namuntlha va fanele va lava nkongomiso lowu tshembekaka eka mani loko va endla swiboho leswikulu evuton’wini? (1 Tih. 12:6, 7; Swiv. 1:8, 9; 2 Tim. 3:16, 17; Hev. 13:7)
(c) I yini lexi susumeteleke Yerobuwamu ku endla tindhawu timbirhi to gandzelela marhole eka tona, naswona sweswo swi kombise njhani leswaku a a nga n’wi tshembi Yehovha? (1 Tih. 11:37; 12:26-28)
(d) I mani loyi a vangeleke mfumo wa tinyimba ta khume leswaku wu xandzukela vugandzeri bya ntiyiso? (1 Tih. 12:32, 33)
Yezabele—Nkosikazi Yo Homboloka
1. A a ri mani Yezabele?
2. Ha yini Hosi Akabu a a nga tsakanga siku rin’wana?
3. Yezabele u endle yini leswaku a kumela nuna wakwe Akabu nsimu ya vhinyo ya Naboti?
4. I mani loyi Yehovha a n’wi rhumeke leswaku a ya xupula Yezabele?
5. Hilaha u swi vonaka hakona laha xifanisweni, ku humelele yini loko Yehu a fika endlwini ya vuhosi ya Yezabele?
Swivutiso swo engetela:
1. Hlaya 1 Tihosi 16:29-33 na 18:3, 4.
Xana swiyimo eIsrayele a swi bihe ku fikela kwihi hi nkarhi wa Hosi Akabu? (1 Tih. 14:9)
2. Hlaya 1 Tihosi 21:1-16.
(a) Xana Naboti u kombise xivindzi ni ku tshembeka eka Yehovha hi ndlela yihi? (1 Tih. 21:1-3; Lev. 25:23-28)
(b) Eka xikombiso xa Akabu, hi nga dyondza yini malunghana ni ku langutana ni ku hela matimba? (1 Tih. 21:4; Rhom. 5:3-5)
3. Hlaya 2 Tihosi 9:30-37.
Hi nga dyondza yini eka ndlela leyi Yehu a a hisekela ku endla ku rhandza ka Yehovha ha yona? (2 Tih. 9:4-10; 2 Kor. 9:1, 2; 2 Tim. 4:2)
Yehoxafati A Tshemba Yehovha
1. Xana Yehoxafati a a ri mani, naswona u hanye enkarhini wihi?
2. Ha yini Vaisrayele va chuhile, naswona xana vo tala eka vona va endle yini?
3. Xana Yehovha u xi hlamurise ku yini xikhongelo xa Yehoxafati?
4. I yini leswi Yehovha a endleke leswaku swi humelela loko nyimpi yi nga si sungula?
5. Hi yihi dyondzo leyi hi yi kumaka emhakeni ya Yehoxafati?
Swivutiso swo engetela:
1. Hlaya 2 Tikronika 20:1-30.
(a) Xana Yehoxafati u swi kombise njhani leswi malandza yo tshembeka ya Xikwembu ma faneleke ma swi endla loko ma langutane ni swiyimo leswi xungetaka? (2 Tikr. 20:12; Ps. 25:15; 62:1)
(b) Tanihi leswi minkarhi hinkwayo Yehovha a a tirhisa ndlela yo karhi leswaku a vulavurisana ni vanhu va yena, hi yihi ndlela leyi a yi tirhisaka namuntlha? (2 Tikr. 20:14, 15; Mat. 24:45-47; Yoh. 15:15)
(c) Loko Xikwembu xi lwa “nyimpi ya siku lerikulu ra Xikwembu xa Matimba Hinkwawo,” xana xiyimo xa hina xi ta fana njhani ni lexiya xa Yehoxafati? (2 Tikr. 20:15, 17; 32:8; Nhlav. 16:14, 16)
(d) Xana maphayona ni varhumiwa va hoxa xandla hi ndlela yihi entirhweni wo chumayela wa misava hinkwayo namuntlha tanihi leswi ma tekelelaka Valevhi? (2 Tikr. 20:19; Rhom. 10:13-15; 2 Tim. 4:2)
Ku Pfuxiwa Ka Vafana Vambirhi
1. I vamani vanhu lavanharhu laha xifanisweni, naswona ku humelela yini eka xifanyetana lexi?
2. Xana Eliya u khongele a ku yini malunghana ni xifanyetana lexi, naswona i yini leswi humeleleke endzhaku ka sweswo?
3. I mani vito ra mupfuni wa Eliya?
4. Ha yini Elixa a vitaniwe ekaya ra wansati wa le Xunemi?
5. Xana Elixa u endle yini, naswona ku humelela yini hi n’wana la feke?
6. I matimba ya njhani lawa Yehovha a nga na wona, hilaha ma kombisiweke hakona hi ku tirhisa Eliya na Elixa?
Swivutiso swo engetela:
1. Hlaya 1 Tihosi 17:8-24.
(a) Xana ku yingisa ka Eliya swin’we ni ripfumelo rakwe swi ringiwe njhani? (1 Tih. 17:9; 19:1-4, 10)
(b) Ha yini ripfumelo ra noni ya le Sarepta a ri hlamarisa? (1 Tih. 17:12-16; Luka 4:25, 26)
(c) Xana ntokoto wa noni ya le Sarepta wu swi kombise njhani leswaku marito ya Yesu lama rhekhodiweke eka Matewu 10:41, 42 i ntiyiso? (1 Tih. 17:10-12, 17, 23, 24)
2. Hlaya 2 Tihosi 4:8-37.
(a) Xana wansati wa le Xunemi u hi dyondzisa yini malunghana ni malwandla? (2 Tih. 4:8; Luka 6:38; Rhom. 12:13; 1 Yoh. 3:17)
(b) Xana hi tihi tindlela leti hi nga kombisaka musa ha tona eka malandza ya Xikwembu namuntlha? (Mint. 20:35; 28:1, 2; Gal. 6:9, 10; Rhom. 6:10)
Xinhwanyatana Xi Pfuna Nhenha
1. Exifanisweni lexi, xana xinhwanyatana lexi xi n’wi byela yini wansati loyi?
2. I mani wansati la nga exifanisweni lexi, naswona xinhwanyatana lexi xi endla yini endlwini ya wansati loyi?
3. Xana Elixa u lerise nandza wakwe leswaku a ku yini eka Namani, naswona ha yini Namani a hlundzukile?
4. Xana ku humelele yini loko Namani a yingisa nandza wakwe?
5. Ha yini Elixa a ale nyiko ya Namani, kambe Gehazi u endle yini?
6. Ku humelele yini hi Gehazi, naswona hi nga dyondza yini emhakeni leyi?
Swivutiso swo engetela:
1. Hlaya 2 Tihosi 5:1-27.
(a) Xana xikombiso lexi vekiweke hi xinhwanyatana xa Muisrayele xi nga va khutaza njhani vantshwa namuntlha? (2 Tih. 5:3; Ps. 8:2; 148:12, 13)
(b) Ha yini swi ri swinene ku tshama hi ri karhi hi tsundzuka xikombiso xa Namani loko hi kuma ndzayo ya Matsalwa? (2 Tih. 5:15; Hev. 12:5, 6; Yak. 4:6)
(c) Hi dyondza yini eka xikombiso xa Elixa ni lexiya xa Gehazi? (2 Tih. 5:9, 10, 14-16, 20; Mat. 10:8; Mint. 5:1-5; 2 Kor. 2:17)
Yonasi Ni Nhlampfi Leyikulu
1. I mani Yonasi, naswona Yehovha u n’wi byele leswaku a endla yini?
2. Leswi a a nga swi lavi ku ya laha Yehovha a n’wi byeleke ku ya kona, xana Yonasi u endle yini?
3. Xana Yonasi u byele vatluti ku endla yini leswaku xidzedze xi ta miyela?
4. Hilaha u swi vonaka hakona exifanisweni, ku humelele yini loko Yonasi a mbombomela ematini?
5. Xana Yonasi u tshame nkarhi wo tanihi kwihi endzeni ka nhlampfi leyikulu, naswona u endle yini kwalaho?
6. Yonasi u ye kwihi endzhaku ko huma enhlampfini leyikulu, naswona hi dyondza yini eka leswi?
Swivutiso swo engetela:
1. Hlaya Yonasi 1:1-17.
Entiyisweni, Yonasi a a titwa njhani hi xiavelo xa yena xo chumayela vanhu va le Ninivha? (Yon. 1:2, 3; Swiv. 3:7; Ekl. 8:12)
2. Hlaya Yonasi 2:1, 2, 10.
Xana ntokoto wa Yonasi wu hi nyika ntshembo hi ndlela yihi leswaku Yehovha u ta swi hlamula swikhongelo swa hina? (Ps. 22:24; 34:6; 1 Yoh. 5:14)
3. Hlaya Yonasi 3:1-10.
(a) Hi xihi xikhutazo lexi hi xi kumaka hikwalaho ka leswi Yehovha a hambeteke a tirhisa Yonasi ku nga khathariseki leswi eku sunguleni a tsandzekeke ku hetisisa xiavelo xakwe? (Ps. 103:14; 1 Pet. 5:10)
(b) Xana ntokoto wa Yonasi eka Vaninivha wu hi dyondzisa yini malunghana ni ku avanyisa vanhu hi nga si vulavula na vona ensin’wini ya hina? (Yon. 3:6-9; Ekl. 11:6; Mint. 13:48)
Xikwembu Xi Tshembisa Paradeyisi
1. Esaya a a ri mani, xana u hanye enkarhini wihi, naswona i yini leswi Yehovha a n’wi kombeke swona?
2. Xana rito leri nge “paradeyisi” ri vula yini, naswona ri ku tsundzuxa yini?
3. I yini leswi Yehovha a byeleke Esaya ku swi tsala malunghana ni Paradeyisi leyintshwa?
4. Ha yini Adamu na Evha va lahlekeriwe hi kaya ra vona ro saseka?
5. Xana Yehovha u va tshembisa yini lava va n’wi rhandzaka?
Swivutiso swo engetela:
1. Hlaya Esaya 11:6-9.
(a) Xana Rito ra Xikwembu ri ku kombisa njhani ku rhula loku nga ta va kona exikarhi ka swiharhi ni vanhu emisaveni leyintshwa? (Ps. 148:10, 13; Esa. 65:25; Ezek. 34:25)
(b) Xana marito ya Esaya ma hetiseka njhani hi tlhelo ra moya exikarhi ka vanhu va Yehovha namuntlha? (Rhom. 12:2; Efe. 4:23, 24)
(c) I mani loyi a faneriwaka hi ku dzunisiwa hikwalaho ko hundzula vumunhu bya vanhu sweswi swin’we ni le misaveni leyintshwa? (Esa. 48:17, 18; Gal. 5:22, 23; Filp. 4:7)
2. Hlaya Nhlavutelo 21:3, 4.
(a) Xana Matsalwa ma kombisa njhani leswaku ku tshama ka Xikwembu ni vanhu swi vula leswaku xi ta tshama na vona hi ndlela yo fanekisela, ku nga ri hi xiviri, emisaveni? (Lev. 26:11, 12; 2 Tikr. 6:18; Esa. 66:1; Nhlav. 21:2, 3, 22-24)
(b) Xana i mihloti ni switlhavi swa njhani leswi nga ta herisiwa? (Luka 8:49-52; Rhom. 8:21, 22; Nhlav. 21:4)
Xikwembu Xi Pfuna Hosi Hezekiya
1. I mani wanuna loyi a nga exifanisweni, naswona ha yini a ri ekhombyeni lerikulu?
2. I mapapila ya yini lawa Hezekiya a ma vekeke emahlweni ka Xikwembu, naswona Hezekiya u khongelela yini?
3. Xana Hezekiya i hosi ya njhani, naswona hi rihi rungula leri Yehovha a ri rhumeleke eka yena hi ku tirhisa muprofeta Esaya?
4. Xana ntsumi ya Yehovha yi va endle yini Vaasiriya, hilaha swi kombisiweke hakona exifanisweni?
5. Hambileswi mfumo wa tinyimba timbirhi a wu ri ni ku rhula swa xinkarhana, xana ku humelele yini endzhaku ka ku fa ka Hezekiya?
Swivutiso swo engetela:
1. Hlaya 2 Tihosi 18:1-36.
(a) Xana Rabuxake lowa muvulavuleri wa Vaasiriya u ringete njhani ku tsanisa ripfumelo ra Vaisrayele? (2 Tih. 18:19, 21; Eks. 5:2; Ps. 64:3)
(b) Xana Timbhoni ta Yehovha ti xi landzela njhani xikombiso xa Hezekiya loko ti tirhisana ni vakaneti? (2 Tih. 18:36; Ps. 39:1; Swiv. 26:4; 2 Tim. 2:24)
2. Hlaya 2 Tihosi 19:1-37.
(a) Xana vanhu va Yehovha namuntlha va n’wi tekelela njhani Hezekiya eminkarhini ya maxangu? (2 Tih. 19:1, 2; Swiv. 3:5, 6; Hev. 10:24, 25; Yak. 5:14, 15)
(b) Hi tihi tinyimpi tinharhu leti Hosi Senakeribi a ti hluleke, naswona hi ku ya hi vuprofeta u fanekisela mani? (2 Tih. 19:32, 35, 37; Nhlav. 20:2, 3)
3. Hlaya 2 Tihosi 21:1-6, 16.
Ha yini ku nga vuriwaka leswaku Manase a a ri un’wana wa tihosi to homboloka swinene leti tshameke ti fuma eYerusalema? (2 Tikr. 33:4-6, 9)
Hosi Leyinene Yo Hetelela eIsrayele
1. Xana Yosiya a a ri ni malembe mangani loko a va hosi, naswona u sungule ku endla yini hi lembe ra vunkombo ra ku fuma kakwe?
2. Xana u vona Yosiya a ri karhi a endla yini exifanisweni xo sungula?
3. Xana muprista lonkulu u kume yini loko vavanuna va ri karhi va pfuxeta tempele?
4. Ha yini Yosiya a handzulele tinguvu ta yena?
5. Hi rihi rungula leri humaka eka Yehovha leri muprofeta Hulida a ri nyikeke Yosiya?
Swivutiso swo engetela:
1. Hlaya 2 Tikronika 34:1-28.
(a) Hi xihi xikombiso lexi Yosiya a xi nyikeke lava swi nga ha endlekaka va kula ku vava? (2 Tikr. 33:21-25; 34:1, 2; Ps. 27:10)
(b) Hi wahi magoza ya nkoka lama Yosiya a ma tekeke leswaku a yisa vugandzeri bya ntiyiso emahlweni hi lembe ra vu-8, ra vu-12 ni ra vu-18, ya ku fuma kakwe? (2 Tikr. 34:3, 8)
(c) Xana xikombiso lexi vekiweke hi Hosi Yosiya na Muprista Lonkulu Hilkiya xi nga hi dyondzisa yini malunghana ni ku hlayisa tindhawu ta hina ta vugandzeri? (2 Tikr. 34:9-13; Swiv. 11:14; 1 Kor. 10:31)
Wanuna La Nga Chaviki
1. I mani jaha leri nga exifanisweni lexi?
2. Xana Yeremiya u anakanya yini hi ku va muprofeta, kambe Yehovha u te yini eka yena?
3. Hi rihi rungula leri Yeremiya a tshamelaka ku ri byela vanhu?
4. Xana vaprista va ringete njhani ku miyeta Yeremiya, kambe u kombise njhani leswaku a nga chavi?
5. Xana ku humelele yini loko Vaisrayele va nga cinci tindlela ta vona to homboloka?
Swivutiso swo engetela:
1. Hlaya Yeremiya 1:1-8.
(a) Hi ku ya hi xikombiso xa Yeremiya, i yini lexi endlaka leswaku munhu a faneleka entirhweni wa Yehovha? (2 Kor. 3:5, 6)
(b) Xikombiso xa Yeremiya xi va khutaza njhani vantshwa lava nga Vakreste namuntlha? (Ekl. 12:1; 1 Tim. 4:12)
2. Hlaya Yeremiya 10:1-5.
Hi xihi xikombiso lexi pfunaka swinene lexi Yeremiya a xi tirhiseke ku kombisa vuhava bya ku tshembela eka swifaniso? (Yer. 10:5; Esa. 46:7; Hab. 2:19)
3. Hlaya Yeremiya 26:1-16.
(a) Loko ma twarisiwa rungula ra xitsundzuxo namuntlha, xana masalela lama totiweke ma xi tekele njhani enhlokweni xileriso lexi Yehovha a xi nyikeke Yeremiya xa ku ka ‘a nga susi rito ni rin’we’? (Yer. 26:2; Det. 4:2; Mint. 20:27)
(b) Hi xihi xikombiso lexinene lexi Yeremiya a xi vekeleke Timbhoni ta Yehovha namuntlha xa ku twarisa xilemukiso xa Yehovha etinxakeni ta vanhu? (Yer. 26:8, 12, 14, 15; 2 Tim. 4:1-5)
4. Hlaya 2 Tihosi 24:1-17.
Hi byihi vuyelo byo biha lebyi kumiweke hi Vayuda lava nga tshembekangiki eka Yehovha? (2 Tih. 24:2-4, 14)
Majaha Ya Mune eBabilona
1. I vamani majaha ya mune lama nga laha xifanisweni, naswona ha yini ma ri eBabilona?
2. Hi wahi makungu lama Nebukadnetsara a nga na wona malunghana ni majaha lawa ya mune, naswona u ma lerise yini malandza yakwe?
3. Hi xihi xikombelo lexi Daniyele a xi endleke malunghana ni swakudya ni swakunwa swakwe swin’we ni swa vanghana va yena vanharhu?
4. Endzhaku ko dya matsavu ku ringana masiku ya khume, xana Daniyele ni vanghana va yena vanharhu a va hambane njhani ni majaha laman’wana?
5. Xana Daniyele ni vanghana vakwe vanharhu va fike njhani endlwini ya vuhosi, naswona a va tlula vaprista ni vavanuna vo tlhariha hi ndlela yihi?
Swivutiso swo engetela:
1. Hlaya Daniyele 1:1-21.
(a) Hi wahi matshalatshala lama lavekaka loko hi lava ku hlula miringo ni ku tsana? (Dan. 1:8; Gen. 39:7, 10; Gal. 6:9)
(b) Xana vantshwa namuntlha va nga ringeka kumbe ku tshikileleka hi tindlela tihi leswaku va tipeta eka leswi van’wana va swi tekaka ku ri “switshongo”? (Dan. 1:8; Swiv. 20:1; 2 Kor. 6:17–7:1)
(c) Xana rungula ra le Bibeleni ra vantshwa va mune va Vaheveru ri hi pfuna njhani malunghana ni tidyondzo ta misava? (Dan. 1:20; Esa. 54:13; 1 Kor. 3:18-20)
Yerusalema Yi Lovisiwa
1. I yini leswi humelelaka hi muti wa Yerusalema swin’we ni Vaisrayele lava nga exifanisweni lexi?
2. I mani Ezekiyele, naswona hi swihi swilo leswi chavisaka leswi Yehovha a n’wi kombeke swona?
3. Leswi Vaisrayele va nga n’wi xiximiki Yehovha, xana u va tshembisa yini?
4. Xana Hosi Nebukadnetsara u endla yini endzhaku ka loko Vaisrayele va n’wi xandzukerile?
5. Ha yini Yehovha a pfumelele ndzoviso lowu wo chavisa wu wela Vaisrayele?
6. Swi endlekise ku yini leswaku tiko ra Israyele ri sala ri ri hava vanhu, naswona swi ve tano nkarhi wo tanihi kwihi?
Swivutiso swo engetela:
1. Hlaya 2 Tihosi 25:1-26.
(a) Sedekiyasi a a ri mani, ku humelele yini ha yena, naswona mhaka leyi yi byi hetisisa njhani vuprofeta bya Bibele? (2 Tih. 25:5-7; Ezek. 12:13-15)
(b) I mani loyi Yehovha a n’wi voneke nandzu malunghana ni swilo hinkwaswo swo biha leswi Vaisrayele va swi endleke? (2 Tih. 25:9, 11, 12, 18, 19; 2 Tikr. 36:14, 17)
2. Hlaya Ezekiyele 8:1-18.
Xana Vujagana byi va tekelele njhani Vaisrayele lava a va gandzela dyambu? (Ezek. 8:16; Esa. 5:20, 21; Yoh. 3:19-21; 2 Tim. 4:3)
Va Arile Ku Nkhinsama
1. Hi xihi xileriso lexi Nebukadnetsara, hosi ya Babilona, a xi nyikeke vanhu?
2. Ha yini vanghana va Daniyele vanharhu va nga xi nkhinsameli xifaniso xa nsuku?
3. Loko Nebukadnetsara a nyike Vaheveru vanharhu nkarhi wun’wana wo nkhinsama, xana va swi kombise njhani leswaku va tshemba Yehovha?
4. Xana Nebukadnetsara u byele vavanuna va yena leswaku va va endla yini Xadraka, Mixaka na Abedinigo?
5. Xana Nebukadnetsara u vone yini loko a languta ekheleni ra ndzilo?
6. Ha yini hosi yi dzunise Xikwembu xa Xadraka, Mixaka na Abedinigo, naswona hi xihi xikombiso lexi va hi vekelaka xona?
Swivutiso swo engetela:
1. Hlaya Daniyele 3:1-30.
(a) Hi rihi langutelo leri kombisiweke hi vantshwa vanharhu va Vaheveru leri malandza hinkwawo ya Xikwembu ma faneleke ma ri tekelela loko ma ringiwa ku tshembeka ka wona? (Dan. 3:17, 18; Mat. 10:28; Rhom. 14:7, 8)
(b) Hi yihi dyondzo ya nkoka leyi Yehovha Xikwembu a yi dyondziseke Nebukadnetsara? (Dan. 3:28, 29; 4:34, 35)
Voko Ri Tsala eKhumbini
1. Xana ku humelele yini loko hosi ya le Babilona yi ri ni nkhuvo lowukulu naswona yi ri karhi yi tirhisa swinwelo ni minkambana leyi tekiweke etempeleni ya Yehovha eYerusalema?
2. Xana Belxatsara u te yini eka vavanuna wa yena vo tlhariha, kambe i yini leswi va tsandzekeke ku swi endla?
3. Xana mana wa hosi u n’wi byele ku endla yini?
4. Hi ku ya hi leswi Daniyele a swi byelaka hosi, ha yini Xikwembu xi rhumele voko leswaku ri tsala ekhumbini?
5. Xana Daniyele u ma hlamusele njhani marito lama nga ekhumbini?
6. Ku humelele yini loko Daniyele a ha vulavula?
Swivutiso swo engetela:
1. Hlaya Daniyele 5:1-31.
(a) Hlamusela ku hambana exikarhi ka ku chava Xikwembu ni ku chava loku Belxatsara a veke na kona loko a vona voko ri tsala ekhumbini. (Dan. 5:6, 7; Ps. 19:9; Rhom. 8:35-39)
(b) Xana Daniyele u xi kombise njhani xivindzi loko a vulavula na Belxatsara ni vavanuna va yena? (Dan. 5:17, 18, 22, 26-28; Mint. 4:29)
(c) Xana Daniyele ndzima 5 yi byi kandziyisa njhani vuhosi bya vuako hinkwabyo bya Yehovha? (Dan. 4:17, 25; 5:21)
Daniyele U Le Kheleni Ra Tinghala
1. Dariyosi a a ri mani, naswona a a n’wi languta njhani Daniyele?
2. Xana vavanuna van’wana va mavondzo va hlohlotele Dariyosi ku endla yini?
3. Xana Daniyele u endle yini loko a twa hi ta nawu lowuntshwa?
4. Ha yini Dariyosi a a hlundzuke ngopfu lerova a tsandzeka ni ku etlela, naswona u endle yini eka mixo lowu landzelaka?
5. Xana Daniyele u n’wi hlamule njhani Dariyosi?
6. Ku humelele yini hi vavanuna vo homboloka lava ringeteke ku dlaya Daniyele, naswona Dariyosi u va tsalele yini vanhu hinkwavo va le mfun’weni wa yena?
Swivutiso swo engetela:
1. Hlaya Daniyele 6:1-28.
(a) Xana ku khirhiwa ka Daniyele ku hi tsundzuxa yini leswi vakaneti va swi endleke loko va ringeta ku sivela ntirho wa Timbhoni ta Yehovha eminkarhini ya manguva lawa? (Dan. 6:7; Ps. 94:20; Esa. 10:1; Rhom. 8:31)
(b) Xana malandza ya Xikwembu namuntlha ma nga n’wi tekelela njhani Daniyele hi ku tshama ma tiveke ehansi ka “valawuri lava tlakukeke”? (Dan. 6:5, 10; Rhom. 13:1; Mint. 5:29)
(c) Hi nga xi tekelela njhani xikombiso xa Daniyele hi ku tirhela Yehovha “nkarhi hinkwawo”? (Dan. 6:16, 20; Filp. 3:16; Nhlav. 7:15)
Vanhu Va Xikwembu Va Huma eBabilona
1. Hilaha swi kombisiweke hakona exifanisweni, xana Vaisrayele va endla yini?
2. Xana Korexe u byi hetisise njhani vuprofeta lebyi Yehovha a byi nyikeleke hi ku tirhisa Esaya?
3. Xana Korexe u te yini eka Vaisrayele lava a va nga ta swi kota ku tlhelela eYerusalema?
4. I yini leswi Korexe a swi nyikeke vanhu leswaku va tlhelela na swona eYerusalema?
5. Xana Vaisrayele va hete nkarhi wo tanihi kwihi ku tlhelela eYerusalema?
6. Xana ku hele malembe mangani ku nga tshami munhu etikweni?
Swivutiso swo engetela:
1. Hlaya Esaya 44:28 na 45:1-4.
(a) Xana Yehovha u ku kandziyise njhani ku hetiseka kun’wana ka vuprofeta lebyi vulavulaka hi Korexe? (Esa. 55:10, 11; Rhom. 4:17)
(b) Xana vuprofeta bya Esaya malunghana na Korexe byi kombisa yini hi vuswikoti bya Yehovha Xikwembu byo hlamusela vumundzuku? (Esa. 42:9; 45:21; 46:10, 11; 2 Pet. 1:20)
2. Hlaya Ezra 1:1-11.
Loko hi landzela xikombiso xa vanhu lava a va nga swi koti ku tlhelela eYerusalema, xana hina namuntlha hi nga ma ‘tiyisa njhani mavoko’ ya lava kotaka ku nghenela ntirho wa nkarhi hinkwawo? (Ezra 1:4, 6; Rhom. 12:13; Kol. 4:12)
Ku Tshemba Mpfuno Wa Xikwembu
1. I vanhu vangani lava fambeke riendzo ro leha ku suka eBabilona ku ya eYerusalema, kambe va kume yini loko va fika?
2. I yini lexi Vaisrayele va sunguleke ku xi aka loko va fika, kambe valala va vona va endle yini?
3. Xana Hagayi na Zakariya a ku ri vamani, naswona va te yini eka vanhu?
4. Hikwalaho ka yini Tatenayi a rhumele papila eBabilona, naswona nhlamulo ya kona a yi ku yini?
5. Xana Ezra u endle yini loko a twa hi ta xilaveko xo pfuxeta tempele ya Xikwembu?
6. Xana Ezra u khongelela yini laha xifanisweni, xana xikhongelo xakwe xi hlamuriwe njhani, naswona hi dyondza yini emhakeni leyi?
Swivutiso swo engetela:
1. Hlaya Ezra 3:1-13.
Loko ho tikuma hi ri endhawini leyi ku nga riki na vandlha ra vanhu va Xikwembu, i yini leswi hi faneleke ku hambeta hi swi endla? (Ezra 3:3, 6; Mint. 17:16, 17; Hev. 13:15)
2. Hlaya Ezra 4:1-7.
Hi xihi xikombiso lexi Zerubabele a xi vekeleke vanhu va Yehovha malunghana ni ku pfanganisa vupfumeri? (Eks. 34:12; 1 Kor. 15:33; 2 Kor. 6:14-17)
3. Hlaya Ezra 5:1-5, 17 na 6:1-22.
(a) Ha yini vakaneti va tsandzekile ku sivela ntirho wo aka tempele? (Ezra 5:5; Esa. 54:17)
(b) Xana xiendlo xa vavanuna lava kuleke va Vayuda xi va khutaza njhani vakulu va Vakreste leswaku va lava nkongomiso wa Yehovha loko va langutane ni vakaneti? (Ezra 6:14; Ps. 32:8; Rhom. 8:31; Yak. 1:5)
4. Hlaya Ezra 8:21-23, 28-36.
Loko hi nga si sungula ku endla xiendlo xo karhi, i xikombiso xihi xa Ezra lexi swi nga vaka swinene leswaku hi xi tekelela? (Ezra 8:23; Ps. 127:1; Swiv. 10:22; Yak. 4:13-15)
Mordekayi Na Estere
1. Xana Mordekayi na Estere a ku ri vamani?
2. Hikwalaho ka yini Hosi Ahasuwerusi a a lava nsati lontshwa, naswona u hlawule mani?
3. Hamani a ku ri mani, naswona u hlundzukisiwe hi yini?
4. Hi wihi nawu lowu vekiweke, naswona Estere u endle yini endzhaku ko kuma rungula leri humaka eka Mordekayi?
5. Ku endleke yini hi Hamani, naswona ku endleke yini hi Mordekayi?
6. Xana Vaisrayele va sirheleriwe njhani eka valala va vona?
Swivutiso swo engetela:
1. Hlaya Estere 2:12-18.
Xana Estere u wu kombise njhani nkoka wa ku hlakulela “moya wo rhula ni wo olova”? (Est. 2:15; 1 Pet. 3:1-5)
2. Hlaya Estere 4:1-17.
Ku fana nileswi Estere a a nyikiwe lunghelo ro seketela vugandzeri bya ntiyiso, xana hi rihi lunghelo leri hi nyikiweke rona namuntlha ro kombisa ku tinyiketela ni ku tshembeka ka hina eka Yehovha? (Est. 4:13, 14; Mat. 5:14-16; 24:14)
3. Hlaya Estere 7:1-6.
Xana vanhu va Xikwembu vo tala namuntlha va tihoxe ekhombyeni ro xanisiwa ku fana na Estere hi ndlela yihi? (Est. 7:4; Mat. 10:16-22; 1 Pet. 2:12)
Marhangu Ya Yerusalema
1. Xana Vaisrayele a va titwa njhani hi ku tshama va nga ri na marhangu emutini wa vona wa Yerusalema?
2. Nehemiya a a ri mani?
3. Nehemiya a a tirha yini, naswona ha yihi a ku ri ntirho wa nkoka?
4. Hi rihi rungula leri hlundzukiseke Nehemiya, naswona u endle yini?
5. Xana Hosi Atazekiseki u kombise musa eka Nehemiya hi ndlela yihi?
6. Xana Nehemiya u wu hlele njhani ntirho wo aka leswaku valala va Vaisrayele va nga swi koti ku wu yimisa?
Swivutiso swo engetela:
1. Hlaya Nehemiya 1:4-6 na 2:1-20.
Xana Nehemiya u wu lave njhani nkongomiso wa Yehovha? (Neh. 2:4, 5; Rhom. 12:12; 1 Pet. 4:7)
2. Hlaya Nehemiya 3:3-5.
Xana vakulu ni malandza ya vutirheli va nga dyondza yini eka ku hambana loku nga kona exikarhi ka vanhu va le Tekowa ni “lavakulu va vona”? (Neh. 3:5, 27; 2 Tes. 3:7-10; 1 Pet. 5:5)
3. Hlaya Nehemiya 4:1-23.
(a) I yini lexi khutazeke Vaisrayele ku hambeta va aka ku nga khathariseki nkaneto lowukulu? (Neh. 4:6, 8, 9; Ps. 50:15; Esa. 65:13, 14)
(b) Xana xikombiso xa Vaisrayele xi hi khutaza hi ndlela yihi namuntlha?
4. Hlaya Nehemiya 6:15.
Xana mhaka ya leswaku rirhangu ra Yerusalema ri hetiwe ku nga si hela tin’hweti timbirhi yi kombisa yini malunghana ni matimba ya ripfumelo? (Ps. 56:3, 4; Mat. 17:20; 19:26)
Ntsumi Yi Endzela Mariya
1. I mani wansati la nga laha xifanisweni?
2. Gabriyele u n’wi byele yini Mariya?
3. Xana Gabriyele u n’wi hlamusele njhani Mariya leswaku u ta kuma n’wana hambileswi a nga si tshamaka a hlangana ni wanuna?
4. Ku humelele yini loko Mariya a endzela xaka rakwe Elizabeta?
5. Xana Yosefa u ehlekete yini loko a twa leswaku Mariya u ta kuma n’wana, kambe ha yini a cince xiboho xakwe?
Swivutiso swo engetela:
1. Hlaya Luka 1:26-56.
(a) Xana Luka 1:35 yi kombisa yini malunghana ni ku nga hetiseki kun’wana ni kun’wana loku vangiweke hi Adamu ekhwirini ra Mariya loko vutomi bya N’wana wa Xikwembu byi hundziseriwa eka yena byi suka exivandleni xa moya? (Hag. 2:11-13; Yoh. 6:69; Hev. 7:26; 10:5)
(b) Xana Yesu u xiximiwe njhani hambiloko a nga si velekiwa? (Luka 1:41-43)
(c) Hi xihi xikombiso lexinene lexi Mariya a xi vekeleke Vakreste lava kumaka malunghelo yo hlawuleka ya ntirho namuntlha? (Luka 1:38, 46-49; 17:10; Swiv. 11:2)
2. Hlaya Matewu 1:18-25.
Hambileswi Yesu a nga thyiwangiki vito leri nge Emanuwele, xana ntirho lowu a wu endleke loko a ri munhu wa nyama wu yi hetisise njhani nhlamuselo ya rona? (Mat. 1:22, 23; Yoh. 14:8-10; Hev. 1:1-3)
Yesu A Velekiwa eXivaleni
1. I mani n’wana la nga exifanisweni lexi, naswona Mariya u n’wi late kwihi?
2. Ha yini Yesu a velekeriwe exivaleni ni swiharhi?
3. Exifanisweni lexi, i vamani vavanuna lava nghenaka exivaleni, naswona ntsumi yi va byele yini?
4. Ha yini Yesu a a hlawulekile?
5. Ha yini Yesu a nga vitaniwaka N’wana wa Xikwembu?
Swivutiso swo engetela:
1. Hlaya Luka 2:1-20.
(a) Xana Khezari Awugusto u endle yini eku hetisiseni ka vuprofeta bya ku velekiwa ka Yesu? (Luka 2:1-4; Mik. 5:2)
(b) Xana munhu a nga katseka njhani eka lava ku vulavuriwaka ha vona tanihi “vanhu lava amukelekaka”? (Luka 2:14; Mat. 16:24; Yoh. 17:3; Mint. 3:19; Hev. 11:6)
(c) Loko varisi volavo va Vayuda lava titsongahataka a va ri ni xivangelo xo tsakela ku velekiwa ka Muponisi, xana hi xihi xivangelo lexikulu xa ku tsaka lexi malandza ya Xikwembu ma nga na xona namuntlha? (Luka 2:10, 11; Efe. 3:8, 9; Nhlav. 11:15; 14:6)
Vavanuna Lava Kongomisiweke Hi Nyeleti
1. I vamani vavanuna lava nga exifanisweni, naswona ha yini un’wana wa vona a kombetela nyeleti leyi hatimaka?
2. Hosi Heroda a a hlundzukisiwe hi yini, naswona u endle yini?
3. Xana nyeleti leyi hatimaka yi va kongomise kwihi vavanuna lava, kambe ha yini va tlhelele etikweni ra ka vona hi ndlela yin’wana?
4. Hi xihi xileriso lexi Heroda a xi nyikelaka, naswona ha yini?
5. Xana Yehovha u byele Yosefa leswaku a endla yini?
6. I mani la endleke leswaku nyeleti leyintshwa yi vangama, naswona ha yini?
Swivutiso swo engetela:
1. Hlaya Matewu 2:1-23.
Xana Yesu a a ri ni malembe mangani naswona a a tshama kwihi loko vangoma va tinyeleti va n’wi endzela? (Mat. 2:1, 11, 16)
Yesu A Ha Ri Ntsongo eTempeleni
1. Xana Yesu a a ri ni malembe mangani laha xifanisweni, naswona a a ri kwihi?
2. Xana Yosefa ni ndyangu wakwe a va endla yini lembe ni lembe?
3. Endzhaku ka siku rin’we loko va ri eriendzweni ro tlhelela ekaya, ha yini Yosefa na Mariya va tlhelele eYerusalema?
4. Xana Yosefa na Mariya va n’wi kume kwihi Yesu, naswona ha yini vanhu lava a va ri kwalaho va hlamarile?
5. Xana Yesu u te yini eka mana wakwe, Mariya?
6. Xana hi nga fana njhani na Yesu eku dyondzeni hi Xikwembu?
Swivutiso swo engetela:
1. Hlaya Luka 2:41-52.
(a) Hambileswi Nawu a wu boha vavanuna ntsena leswaku va va kona eka nkhuvo wa lembe ni lembe, xana hi xihi xikombiso lexinene lexi Yosefa na Mariya va xi vekeleke vatswari namuntlha? (Luka 2:41; Det. 16:16; 31:12; Swiv. 22:6)
(b) Xana Yesu u vekele vantshwa va namuntlha xikombiso lexinene hi ndlela yihi emhakeni ya ku titsongahata eka vatswari va vona? (Luka 2:51; Det. 5:16; Swiv. 23:22; Kol. 3:20)
2. Hlaya Matewu 13:53-56.
Hi vahi vamakwavo wa Yesu va mune lava boxiweke eBibeleni, naswona vambirhi eka vona va tirhisiwe njhani evandlheni ra Vukreste? (Mat. 13:55; Mint. 12:17; 15:6, 13; 21:18; Gal. 1:19; Yak. 1:1; Yudha 1)
Yohane A Khuvula Yesu
1. Xana i vamani vavanuna vambirhi lava nga laha xifanisweni?
2. Xana munhu u khuvuriwa njhani?
3. Xana Yohane hi ntolovelo a a khuvula vamani?
4. Hi xihi xivangelo xo hlawuleka lexi endleke leswaku Yesu a kombela leswaku Yohane a n’wi khuvula?
5. Xana Xikwembu xi swi kombise njhani leswaku xi tsakile hileswi Yesu a khuvuriweke?
6. Xana ku humelele yini loko Yesu a ri swakwe masiku ya 40?
7. I vamani van’wana va valandzeri kumbe vadyondzisiwa va Yesu vo sungula, naswona hi rihi singita ra yena ro sungula?
Swivutiso swo engetela:
1. Hlaya Matewu 3:13-17.
Hi wihi ntila lowu Yesu a wu vekeleke vadyondzisiwa vakwe malunghana ni ku khuvuriwa? (Ps. 40:7, 8; Mat. 28:19, 20; Luka 3:21, 22)
2. Hlaya Matewu 4:1-11.
Xana ku tirhisa ka Yesu Matsalwa hi vutlhari swi hi khutaza njhani leswaku hi dyondza Bibele nkarhi ni nkarhi? (Mat. 4:5-7; 2 Pet. 3:17, 18; 1 Yoh. 4:1)
3. Hlaya Yohane 1:29-51.
Xana Yohane Mukhuvuri a a va kongomisa eka mani vadyondzisiwa vakwe, naswona hi nga n’wi tekelela njhani namuntlha? (Yoh. 1:29, 35, 36; 3:30; Mat. 23:10)
4. Hlaya Yohane 2:1-12.
Xana singita ra Yesu ro sungula ri swi kombisa njhani leswaku Yehovha a nga ma tsoni swilo leswinene malandza Yakwe? (Yoh. 2:9, 10; Ps. 84:11; Yak. 1:17)
Yesu A Basisa Tempele
1. Ha yini ku xavisiwa swifuwo etempeleni?
2. I yini leswi endlaka leswaku Yesu a hlundzuka?
3. Hilaha u nga swi vonaka hakona laha xifanisweni, xana Yesu u endla yini naswona u va lerisa ku endla yini vavanuna lava xavisaka matuva?
4. Loko valandzeri va Yesu va vona leswi a swi endlaka, swi va tsundzuxe yini?
5. Hi xihi xifundzha lexi Yesu a hundzeke eka xona loko a tlhelela eGaleliya?
Swivutiso swo engetela:
1. Hlaya Yohane 2:13-25.
Loko hi kambisisa mhaka ya Yesu ya ku hlundzukela vacincisi va mali lava a va ri etempeleni, xana hi rihi langutelo lerinene malunghana ni ku endla bindzu eHolweni ya Mfumo? (Yoh. 2:15, 16; 1 Kor. 10:24, 31-33)
A Ri Ni Wansati eXihlobyeni
1. Ha yini Yesu a wisa ekusuhi ni xihlovo eSamariya, naswona u n’wi byela yini wansati loyi a a ri kwalaho?
2. Ha yini wansati loyi a hlamarile, xana Yesu u te yini eka yena naswona ha yini?
3. Xana wansati a a ehleketa leswaku Yesu u vulavula hi mati ya njhani, naswona hi wahi mati lawa Yesu kahle-kahle a a vulavula ha wona?
4. Ha yini wansati loyi a hlamarisiwe hi leswi Yesu a swi tivaka ha yena, naswona Yesu u swi tivise ku yini leswi?
5. Hi dyondza yini eka mhaka ya wansati wa le xihlobyeni?
Swivutiso swo engetela:
1. Hlaya Yohane 4:5-43.
(a) Hi ku landza xikombiso xa Yesu, xana hi fanele hi va languta njhani vanhu va tinxaka tin’wana? (Yoh. 4:9; 1 Kor. 9:22; 1 Tim. 2:3, 4; Tito 2:11)
(b) Xana munhu loyi a vaka mudyondzisiwa wa Yesu u vuyeriwa njhani hi tlhelo ra moya? (Yoh. 4:14; Esa. 58:11; 2 Kor. 4:16)
(c) Xana hi nga ku kombisa njhani ku tlangela loku fanaka ni ka wansati wa Musamariya, loyi a hisekeleke ku byela van’wana leswi a swi dyondzeke? (Yoh. 4:7, 28; Mat. 6:33; Luka 10:40-42)
Yesu A Dyondzisa eNtshaveni
1. Laha xifanisweni, xana Yesu u dyondzisa kwihi, naswona i vamani lava tshameke ekusuhi na yena?
2. I vamani vaapostola va 12?
3. Hi wihi Mfumo lowu Yesu a dyondziseke ha wona?
4. Yesu u dyondzise vanhu leswaku va khongelela yini?
5. Yesu u vule leswaku vanhu va fanele va khomana njhani?
Swivutiso swo engetela:
1. Hlaya Matewu 5:1-12.
Hi nga swi kombisa njhani leswaku ha khathala hi xilaveko xa hina xa moya? (Mat. 5:3; Rhom. 10:13-15; 1 Tim. 4:13, 15, 16)
2. Hlaya Matewu 5:21-26.
Xana Matewu 5:23, 24 yi swi kandziyisa njhani leswaku vuxaka bya hina ni vamakwerhu byi khumba vuxaka bya hina na Yehovha? (Mat. 6:14, 15; Ps. 133:1; Kol. 3:13; 1 Yoh. 4:20)
3. Hlaya Matewu 6:1-8.
Hi tihi tindlela ta ku tiendla mululami leti Vakreste va faneleke va ti papalata? (Luka 18:11, 12; 1 Kor. 4:6, 7; 2 Kor. 9:7)
4. Hlaya Matewu 6:25-34.
Yesu u dyondzise yini malunghana ni ku tshemba Yehovha leswaku a hi phamela hi tlhelo ra nyama? (Eks. 16:4; Ps. 37:25; Filp. 4:6)
5. Hlaya Matewu 7:1-11.
Xana xifaniso xo olova lexi kumekaka eka Matewu 7:5 xi hi dyondzisa yini? (Swiv. 26:12; Rhom. 2:1; 14:10; Yak. 4:11, 12)
Yesu A Pfuxa Mufi
1. I mani tata wa xinhwanyatana lexi nga laha xifanisweni, naswona ha yini tatana loyi ni nsati wakwe va karhatekile swinene?
2. Xana Yayiro u endle yini loko a kuma Yesu?
3. Ku humelele yini loko Yesu a ya ekaya ra Yayiro, naswona hi rihi rungula leri Yayiro a ri kumeke loko a ha ri endleleni?
4. Ha yini vanhu lava a va ri ekaya ka Yayiro va hleke Yesu?
5. Endzhaku ko teka vaapostola vanharhu ni vatswari va n’wana a nghena na vona ekamareni ra xinhwanyatana lexi, xana Yesu u endle yini?
6. I vamani van’wana lava Yesu a va pfuxeke eku feni, naswona leswi swi kombisa yini?
Swivutiso swo engetela:
1. Hlaya Luka 8:40-56.
Xana Yesu u wu kombise njhani ntwela-vusiwana ni ku anakanyela eka wansati loyi a a khomiwe hi vuvabyi byo khuluka ngati, naswona vakulu lava nga Vakreste namuntlha va nga dyondza yini emhakeni leyi? (Luka 8:43, 44, 47, 48; Lev. 15:25-27; Mat. 9:12, 13; Kol. 3:12-14)
2. Hlaya Luka 7:11-17.
Ha yini lava feriweke hi varhandziwa va vona yi va chavelela swinene ndlela leyi Yesu a anguleke ha yona eka noni ya le Nayini? (Luka 7:13; 2 Kor. 1:3, 4; Hev. 4:15)
3. Hlaya Yohane 11:17-44.
Yesu u swi kombise njhani leswaku i swa ntumbuluko ku rila munhu la feke? (Yoh. 11:33-36, 38; 2 Sam. 18:33; 19:1-4)
Yesu A Phamela Mintshungu
1. Hi wihi nchumu wo biha lowu humeleleke Yohane Mukhuvuri, naswona Yesu u titwa njhani ha wona?
2. Xana Yesu u wu phamele njhani ntshungu lowu a wu n’wi landzela, naswona ku sele swakudya swo tanihi kwihi?
3. Ha yini vadyondzisiwa a va chava ni vusiku, naswona ku humelele yini hi Petro?
4. Xana Yesu u va phamele njhani vanhu va magidi ra vumbirhi?
5. Ha yini swi ta tsakisa loko Yesu a fuma misava a ri Hosi leyi vekiweke hi Xikwembu?
Swivutiso swo engetela:
1. Hlaya Matewu 14:1-32.
(a) Xana mhaka leyi nga eka Matewu 14:23-32 yi endla leswaku hi twisisa yini hi vumunhu bya Petro?
(b) Xana rungula ra Matsalwa ri swi kombisa njhani leswaku Petro u hetelele a va munhu la wupfeke ni ku hlula swifafa leswi a a ri na swona? (Mat. 14:27-30; Yoh. 18:10; 21:7; Mint. 2:14, 37-40; 1 Pet. 5:6, 10)
2. Hlaya Matewu 15:29-38.
Xana Yesu u swi kombise njhani leswaku wa ri xixima lunghiselelo ra swilo swa nyama leri humaka eka Tata wakwe? (Mat. 15:37; Yoh. 6:12; Kol. 3:15)
3. Hlaya Yohane 6:1-21.
Xana Vakreste namuntlha va nga xi tekelela njhani xikombiso xa Yesu hi ku xixima valawuri? (Yoh. 6:15; Mat. 22:21; Rhom. 12:2; 13:1-4)
A A Rhandza Vana Lavatsongo
1. Xana vaapostola a va kanetana ha yini loko va ri karhi va vuya eriendzweni ra vona ro leha?
2. Ha yini Yesu a vitane n’wana kutani a n’wi yimisa exikarhi ka vaapostola?
3. Xana vaapostola va fanele va dyondza ku fana ni vana hi ndlela yihi?
4. Xana Yesu u swi kombise njhani leswaku u rhandza vana eka tin’hweti ti nga ri tingani leti hundzeke?
Swivutiso swo engetela:
1. Hlaya Matewu 18:1-4.
Ha yini Yesu a a tirhisa swifaniso loko a dyondzisa? (Mat. 13:34, 36; Mar. 4:33, 34)
2. Hlaya Matewu 19:13-15.
Hi tihi timfanelo leti vana va nga na tona leti hi faneleke hi ti tekelela loko hi lava ku kuma mikateko ya Mfumo? (Ps. 25:9; 138:6; 1 Kor. 14:20)
3. Hlaya Marka 9:33-37.
Xana Yesu u va dyondzise yini vadyondzisiwa vakwe malunghana ni ku lava swikhundlha? (Mar. 9:35; Mat. 20:25, 26; Gal. 6:3; Filp. 2:5-8)
4. Hlaya Marka 10:13-16.
Xana Yesu a ngheneka ku fikela kwihi, naswona vakulu lava nga Vakreste va nga dyondza yini eka xikombiso xa yena? (Mar. 6:30-34; Filp. 2:1-4; 1 Tim. 4:12)
Ndlela Leyi Yesu A A Dyondzisa Ha Yona
1. Hi xihi xivutiso lexi wanuna un’wana a xi vutiseke Yesu, naswona ha yini?
2. Xana Yesu a a tirhisa yini ku dyondzisa minkarhi yin’wana, naswona se hi dyondze yini hi Vayuda ni Vasamariya?
3. Eka xifaniso lexi Yesu a vulavuleke ha xona, ku endleke yini hi Muyuda loyi a a kongome eYeriko?
4. Ku humelele yini loko muprista wa Muyuda ni Mulevhi va famba hi ndlela yoleyo?
5. Exifanisweni lexi, i mani loyi a pfunaka Muyuda loyi a vavisekeke?
6. Endzhaku ka loko Yesu a hete ku hlamusela xifaniso lexi, hi xihi xivutiso lexi a xi vutiseke, naswona wanuna loyi u n’wi hlamule njhani?
Swivutiso swo engetela:
1. Hlaya Luka 10:25-37.
(a) Ematshan’weni yo nyikela nhlamulo leyi kongomeke, xana Yesu u n’wi pfune njhani wanuna loyi a a ri ni vutivi bya Nawu leswaku a anakanyisisa hi mhaka leyi a va vulavula ha yona? (Luka 10:26; Mat. 16:13-16)
(b) Xana Yesu u swi tirhise njhani swikombiso leswaku a hlula xihlawuhlawu eka vayingiseri va yena? (Luka 10:36, 37; 18:9-14; Tito 1:9)
Yesu A Hanyisa Lava Vabyaka
1. Xana Yesu u endle yini loko a ri karhi a famba etikweni?
2. Endzhaku ka malembe manharhu Yesu a khuvuriwile, u va byele yini vadyondzisiwa vakwe?
3. I vamani vanhu lava nga laha xifanisweni, naswona Yesu u n’wi endlela yini wansati loyi?
4. Ha yini leswi Yesu a swi endleke swi karihise varhangeri va vukhongeri?
5. Loko Yesu ni vaapostola vakwe va ri ekusuhi ni le Yeriko, xana Yesu u va endlele yini vanhu vambirhi lavo fe mahlo lava a va kombela?
6. Ha yini Yesu a endle masingita?
Swivutiso swo engetela:
1. Hlaya Matewu 15:30, 31.
Hi xihi xikombiso xa matimba ya Yehovha lexi vonakeke ha Yesu, naswona leswi swi ku khumba njhani ku twisisa ka hina ka swilo leswi Yehovha a swi tshembiseke emisaveni leyintshwa? (Ps. 37:29; Esa. 33:24)
2. Hlaya Luka 13:10-17.
Xana mhaka ya leswaku Yesu u endle man’wana ya masingita yakwe yo hlamarisa hi Savata yi swi kombisa njhani leswaku u ta tisa ntshunxeko lowu fanaka eka Mfumo wakwe wa Gidi ra malembe? (Luka 13:10-13; Ps. 46:9; Mat. 12:8; Kol. 2:16, 17; Nhlav. 21:1-4)
3. Hlaya Matewu 20:29-34.
Xana mhaka leyi yi swi kombisa njhani leswaku Yesu a a tinyika nkarhi wo pfuna vanhu, naswona hi nga dyondza yini eka swona? (Det. 15:7; Yak. 2:15, 16; 1 Yoh. 3:17)
Yesu A Ta Tanihi Hosi
1. Loko Yesu a fika eximutanini lexi nga ekusuhi na Yerusalema, xana u byele vadyondzisiwa vakwe leswaku va endla yini?
2. Exifanisweni lexi, ku humelele yini loko Yesu a tshinela emutini wa Yerusalema?
3. Xana vana va endle yini loko va vona Yesu a hanyisa vanhu lavo fe mahlo ni swigono?
4. Xana Yesu u te yini eka vaprista lava hlundzukeke?
5. Xana hi nga fana njhani ni vana lava dzuniseke Yesu?
6. Xana vadyondzisiwa a va lava ku tiva yini?
Swivutiso swo engetela:
1. Hlaya Matewu 21:1-17.
(a) Xana ku nghena ka Yesu eYerusalema tanihi Hosi a ku hambane njhani ni ka tindhuna ta le nkarhini wa Rhoma leti hluleke enyimpini? (Mat. 21:4, 5; Zak. 9:9; Filp. 2:5-8; Kol. 2:15)
(b) Xana vana va nga dyondza yini eka vafana va Vaisrayele lava tshahiweke eka Pisalema 118 loko Yesu a nghena etempeleni? (Mat. 21:9, 15; Ps. 118:25, 26; 2 Tim. 3:15; 2 Pet. 3:18)
2. Hlaya Yohane 12:12-16.
Xana ku tirhisiwa ka marhavi ya mirhi ya mincindzu hi vanhu lava a va dzunisa Yesu a swi fanekisela yini? (Yoh. 12:13; Filp. 2:10; Nhlav. 7:9, 10)
ENtshaveni Ya Mitlhwari
1. Exifanisweni lexi, Yesu hi wihi, naswona i vamani lava nga na yena?
2. Xana vaprista va ringete ku n’wi endla yini Yesu etempeleni, naswona u te yini eka vona?
3. Xana vaapostola va n’wi vutise yini Yesu?
4. Ha yini Yesu a byele vaapostola vakwe swin’wana swa swilo leswi nga ta humelela emisaveni loko a fuma a ri Hosi ematilweni?
5. Xana Yesu u te ku ta humelela yini loko a nga si herisa vubihi hinkwabyo emisaveni?
Swivutiso swo engetela:
1. Hlaya Matewu 23:1-39.
(a) Hambileswi Matsalwa ma kombisaka leswaku swi nga ha fanela ku tirhisa swithopo, xana marito ya Yesu lama kumekaka eka Matewu 23:8-11 ma kombisa yini malunghana ni ku tirhisa swithopo leswi tlakusaka munhu evandlheni ra Vukreste? (Mint. 26:25; Rhom. 13:7; 1 Pet. 2:13, 14)
(b) Xana Vafarisi va endle yini leswaku va sivela vanhu ku va Vakreste, naswona varhangeri va vukhongeri va swi endle njhani sweswo enkarhini wa hina? (Mat. 23:13; Luka 11:52; Yoh. 9:22; 12:42; 1 Tes. 2:16)
2. Hlaya Matewu 24:1-14.
(a) Xana nkoka wa ku tiyisela wu kandziyisiwe njhani eka Matewu 24:13?
(b) Xana rito leri nge “emakumu” eka Matewu 24:13 ri vula yini? (Mat. 16:27; Rhom. 14:10-12; 2 Kor. 5:10)
3. Hlaya Marka 13:3-10.
Xana marito lama nga eka Marka 13:10 ma swi kombisa njhani leswaku ntirho wo chumayela mahungu lamanene i wa xihatla, naswona marito ya Yesu ma fanele ma hi khumba njhani? (Rhom. 13:11, 12; 1 Kor. 7:29-31; 2 Tim. 4:2)
Ekamareni Ra Xithezi Xa Le Henhla
1. Hilaha swi kombisiweke hakona laha xifanisweni, ha yini Yesu ni vaapostola vakwe va 12 va ri ekamareni lerikulu ra le henhla?
2. I mani wanuna loyi a fambaka, naswona u ya endla yini?
3. Hi swihi swakudya swo hlawuleka leswi Yesu a swi sunguleke endzhaku ka loko va hete ku dya Paseka?
4. Xana Paseka a yi va tsundzuxa yini Vaisrayele, naswona swakudya leswi swo hlawuleka swi va tsundzuxa yini valandzeri va Yesu?
5. Endzhaku ka Xilalelo xa Hosi, Yesu u va byele yini valandzeri vakwe, naswona va endle yini?
Swivutiso swo engetela:
1. Hlaya Matewu 26:14-30.
(a) Xana Matewu 26:15 yi swi kombisa njhani leswaku Yudasi u xenge Yesu hi vomu?
(b) Hi swihi swikongomelo swimbirhi swa ku halatiwa ka ngati ya Yesu? (Mat. 26:27, 28; Yer. 31:31-33; Efe. 1:7; Hev. 9:19, 20)
2. Hlaya Luka 22:1-39.
Xana Sathana u nghene eka Yudasi hi ndlela yihi? (Luka 22:3; Yoh. 13:2; Mint. 1:24, 25)
3. Hlaya Yohane 13:1-20.
(a) Loko hi languta mhaka leyi nga eka Yohane 13:2, xana hi nga veka Yudasi nandzu eka leswi a swi endleke, naswona malandza ya Xikwembu ma nga dyondza yini eka leswi? (Gen. 4:7; 2 Kor. 2:11; Gal. 6:1; Yak. 1:13, 14)
(b) Hi yihi dyondzo leyikulu leyi Yesu a hi vekeleke yona? (Yoh. 13:15; Mat. 23:11; 1 Pet. 2:21)
4. Hlaya Yohane 17:1-26.
Xana Yesu u va khongelele njhani valandzeri vakwe leswaku “va va un’we”? (Yoh. 17:11, 21-23; Rhom. 13:8; 14:19; Kol. 3:14)
Yesu eNtangeni
1. Xana Yesu ni vaapostola vakwe va ye kwihi endzhaku ka loko va sukile ekamareni ra le henhla, naswona u va byele leswaku va endla yini?
2. Xana Yesu u kume yini loko a tlhelela laha a ku ri ni vaapostola, naswona leswi swi humelele kangani?
3. I vamani lava nghenaka entangeni, naswona Yudasi Iskariyota u endla yini, hilaha xifaniso xi kombisaka hakona?
4. Ha yini Yudasi a ntswontswe Yesu, naswona Petro u endle yini?
5. Xana Yesu u te yini eka Petro, naswona ha yini Yesu a nga kombelanga Xikwembu leswaku xi rhumela tintsumi?
Swivutiso swo engetela:
1. Hlaya Matewu 26:36-56.
(a) Xana ndlela leyi Yesu a nyikeke vadyondzisiwa vakwe ndzayo ha yona i xikombiso lexinene eka vakulu lava nga Vakreste namuntlha hi ndlela yihi? (Mat. 20:25-28; 26:40, 41; Gal. 5:17; Efe. 4:29, 31, 32)
(b) Xana Yesu u ku languta njhani ku tirhisela munhu un’wana matlhari? (Mat. 26:52; Luka 6:27, 28; Yoh. 18:36)
2. Hlaya Luka 22:39-53.
Loko ntsumi yi humelela eka Yesu entangeni wa Getsemani leswaku yi n’wi tiyisa, xana leswi a swi kombisa leswaku Yesu a a tsekatseka eripfumelweni? Hlamusela. (Luka 22:41-43; Esa. 49:8; Mat. 4:10, 11; Hev. 5:7)
3. Hlaya Yohane 18:1-12.
Xana Yesu u va sirhelele njhani vadyondzisiwa vakwe eka vakaneti, naswona hi nga dyondza yini eka xikombiso lexi? (Yoh. 10:11, 12; 18:1, 6-9; Hev. 13:6; Yak. 2:25)
Yesu A Dlayiwa
1. I mani loyi a nga ni vutihlamuleri lebyikulu eka rifu ra Yesu?
2. Xana vaapostola va endle yini loko Yesu a khomiwa hi varhangeri va vukhongeri?
3. Ku humelele yini endlwini ya Kayafasi, muprista lonkulu?
4. Ha yini Petro a humile a ya rila?
5. Loko Yesu a tlhelele eka Pilato, xana vaprista lavakulu va huwelele va ku yini?
6. Ku humelele yini hi Yesu hi Ravuntlhanu nindzhenga, naswona u n’wi tshembise yini mudyohi loyi a a vambiwe emhandzini etlhelo ka yena?
7. Xana Paradeyisi leyi Yesu a a vulavula ha yona yi le kwihi?
Swivutiso swo engetela:
1. Hlaya Matewu 26:57-75.
Xana swirho swa huvo-nkulu ya Vayuda swi kombise njhani leswaku a swi bihe timbilu? (Mat. 26:59, 67, 68)
2. Hlaya Matewu 27:1-50.
Ha yini hi nga vulaka leswaku ku tisola ka Yudasi a ku nga ri ka xiviri? (Mat. 27:3, 4; Mar. 3:29; 14:21; 2 Kor. 7:10, 11)
3. Hlaya Luka 22:54-71.
Hi yihi dyondzo leyi hi nga yi dyondzaka emhakeni ya Petro ya ku landzula Yesu hi vusiku lebyi a xengiweke ni ku khomiwa ha byona? (Luka 22:60-62; Mat. 26:31-35; 1 Kor. 10:12)
4. Hlaya Luka 23:1-49.
Yesu u angule njhani eka vuhomboloki lebyi va n’wi endleke byona, naswona hi nga dyondza yini emhakeni leyi? (Luka 23:33, 34; Rhom. 12:17-19; 1 Pet. 2:23)
5. Hlaya Yohane 18:12-40.
I yini lexi kombisaka leswaku hambileswi Petro a a ngheniwe hi moya wa ku chava vanhu swa xinkarhana, endzhaku u hlule xiyimo xo tano ivi a va muapostola wo hlawuleka? (Yoh. 18:25-27; 1 Kor. 4:2; 1 Pet. 3:14, 15; 5:8, 9)
6. Hlaya Yohane 19:1-30.
(a) Hi rihi langutelo leri ringaniseriweke hi swilo leswi vonakaka leri Yesu a a ri na rona? (Yoh. 2:1, 2, 9, 10; 19:23, 24; Mat. 6:31, 32; 8:20)
(b) Xana marito lawa Yesu a ma vuleke loko a fa ma kombise njhani leswaku u seketele vuhosi bya Yehovha? (Yoh. 16:33; 19:30; 2 Pet. 3:14; 1 Yoh. 5:4)
Yesu Wa Hanya
1. I mani wansati loyi a nga laha xifanisweni, i vamani vavanuna lavambirhi naswona va le kwihi?
2. Ha yini Pilato a byele vaprista leswaku va rhumela masocha ma ya rindza sirha ra Yesu?
3. Ntsumi yi endle yini hi mixo wa siku ra vunharhu endzhaku ka loko Yesu a file, kambe vaprista va endle yini?
4. Ha yini vavasati van’wana va hlamarile loko va ya esirheni ra Yesu?
5. Ha yini Petro na Yohane va tsutsumele esirheni ra Yesu, naswona xana va kume yini?
6. Ku humelele yini hi ntsumbu wa Yesu, naswona xana u endle yini leswaku a komba vadyondzisiwa vakwe leswaku wa hanya?
Swivutiso swo engetela:
1. Hlaya Matewu 27:62-66 na 28:1-15.
Hi nkarhi wa ku pfuxiwa ka Yesu, xana vaprista lavakulu, Vafarisi ni vakulukumba va wu dyohele njhani moya lowo kwetsima? (Mat. 12:24, 31, 32; 28:11-15)
2. Hlaya Luka 24:1-12.
Xana mhaka ya ku pfuxiwa ka Yesu yi swi kombisa njhani leswaku Yehovha u languta vavasati tanihi timbhoni leti tshembekaka? (Luka 24:4, 9, 10; Mat. 28:1-7)
3. Hlaya Yohane 20:1-12.
Xana Yohane 20:8, 9 yi hi pfuna njhani ku vona xilaveko xo lehisa mbilu loko hi nga ku twisisi kahle ku hetiseka ka vuprofeta byo karhi bya Bibele? (Swiv. 4:18; Mat. 17:22, 23; Luka 24:5-8; Yoh. 16:12)
A Nghena eNdlwini Leyi Lotleriweke
1. Mariya u te yini eka wanuna loyi a a anakanya leswaku i murimi, kambe i yini lexi endleke leswaku a swi xiya leswaku i Yesu hi xiviri?
2. Ku humelele yini eka vadyondzisiwa vambirhi lava a va ya eximutanini xa Emawusi?
3. Hi wihi nchumu wo hlamarisa lowu humeleleke loko vadyondzisiwa vambirhi va byela vaapostola leswaku va vone Yesu?
4. Yesu u humelele kangani eka valandzeri vakwe?
5. Tomasi u te yini loko a twa leswaku vadyondzisiwa va vone Hosi, naswona ku humelele yini endzhaku ka masiku ya nhungu?
Swivutiso swo engetela:
1. Hlaya Yohane 20:11-29.
Eka Yohane 20:23, xana Yesu a a vula leswaku vanhu va nyikiwe mpfumelelo wo rivalela swidyoho? Hlamusela. (Ps. 49:2, 7; Esa. 55:7; 1 Tim. 2:5, 6; 1 Yoh. 2:1, 2)
2. Hlaya Luka 24:13-43.
Xana hi nga tilunghisa njhani timbilu ta hina leswaku ti amukela tidyondzo ta Bibele? (Luka 24:32, 33; Ezra 7:10; Mat. 5:3; Mint. 16:14; Hev. 5:11-14)
Yesu A Tlhelela eTilweni
1. I vadyondzisiwa vangani lava voneke Yesu hi siku rin’we, naswona u vulavule na vona hi yini?
2. Xana Mfumo wa Xikwembu i yini, naswona vutomi byi ta va njhani emisaveni loko Yesu a fuma a ri Hosi ku ringana gidi ra malembe?
3. Xana Yesu u humelele eka vadyondzisiwa vakwe ku ringana masiku mangani, kambe sweswi i nkarhi wa leswaku a endla yini?
4. Loko Yesu a nga si siya vadyondzisiwa vakwe, xana u va byele ku endla yini?
5. Ku humelela yini eka xifaniso lexi, naswona swi te njhani leswaku Yesu a nga ha vonaki?
Swivutiso swo engetela:
1. Hlaya 1 Vakorinto 15:3-8.
Ha yini muapostola Pawulo a vulavule hi ku tiyiseka malunghana ni ku pfuxiwa ka Yesu, naswona hi swihi swilo leswi Vakreste namuntlha va nga vulavulaka ha swona hi ku tiyiseka? (1 Kor. 15:4, 7, 8; Esa. 2:2, 3; Mat. 24:14; 2 Tim. 3:1-5)
2. Hlaya Mintirho 1:1-11.
Xana ntirho wo chumayela wu andze ku ya fika kwihi, hilaha Mintirho 1:8 yi swi hlamuseleke hakona ka ha ri emahlweni? (Mint. 6:7; 9:31; 11:19-21; Kol. 1:23)
Va Rindzile eYerusalema
1. Hilaha swi kombisiweke hakona laha xifanisweni, ku humelele yini hi valandzeri va Yesu lava a va rindzile eYerusalema?
2. Xana vanhu lava a va endzele eYerusalema va hlamarisiwe hi yini?
3. Xana Petro u va hlamusele yini vanhu?
4. Xana vanhu va titwe njhani endzhaku ka loko va yingisele Petro, naswona u va byele ku endla yini?
5. Ku khuvuriwe vanhu vangani hi siku ra Pentekosta ya 33 C.E.?
Swivutiso swo engetela:
1. Hlaya Mintirho 2:1-47.
(a) Xana marito ya Petro lama kumekaka eka Mintirho 2:23, 36 ma swi kombisa njhani leswaku Vayuda hinkwavo va katsekile eku dlayiweni ka Yesu? (1 Tes. 2:14, 15)
(b) Xana Petro u veke xikombiso lexinene xa ku kombisana ni vanhu hi Matsalwa hi ndlela yihi? (Mint. 2:16, 17, 29, 31, 36, 39; Kol. 4:6)
(c) Xana Petro u xi tirhise njhani ‘xilotlelo xo sungula xa mfumo wa matilo’ lexi Yesu a tshembiseke ku n’wi nyika xona? (Mint. 2:14, 22-24, 37, 38; Mat. 16:19)
Va Ntshunxiwa eKhotsweni
1. Petro na Yohane va humelele hi yini ndzhenga wun’wana loko va ri karhi va ya etempeleni?
2. Petro u te yini eka wanuna la lamaleke, naswona u n’wi nyike yini lexi nga xa nkoka swinene ku tlula mali?
3. Ha yini varhangeri va vukhongeri va hlundzukile, naswona va va endle yini Petro na Yohane?
4. Xana Petro u te yini eka varhangeri va vukhongeri, naswona vaapostola va lemukisiwe yini?
5. Ha yini varhangeri va vukhongeri va ve ni mavondzo, kambe ku humelele yini loko vaapostola va hoxiwe ekhotsweni ra vumbirhi?
6. Xana vaapostola va hlamurise ku yini loko va yisiwe eholweni ya Sanedri?
Swivutiso swo engetela:
1. Hlaya Mintirho 3:1-10.
Hambileswi hi nga riki na wona matimba yo endla masingita namuntlha, xana marito ya Petro lama tsariweke eka Mintirho 3:6 ma hi pfuna njhani leswaku hi tlangela nkoka wa rungula ra Mfumo? (Yoh. 17:3; 2 Kor. 5:18-20; Filp. 3:8)
2. Hlaya Mintirho 4:1-31.
Loko hi kanetiwa ensin’wini, xana hi nga va tekelela njhani vamakwerhu lava nga Vakreste va lembe-xidzana ro sungula? (Mint. 4:29, 31; Efe. 6:18-20; 1 Tes. 2:2)
3. Hlaya Mintirho 5:17-42.
Xana vanhu van’wana lava nga riki Timbhoni, va le nkarhini wa khale ni wa namuntlha, va ku kombise njhani ku anakanyela emhakeni ya ntirho wo chumayela? (Mint. 5:34-39)
Stefano A Khandliwa Hi Maribye
1. A a ri mani Stefano, naswona Xikwembu xi n’wi pfune ku endla yini?
2. Stefano u vule yini leswi hlundzukiseke varhangeri va vukhongeri swinene?
3. Loko vanhu va kokele Stefano ehandle ka muti, va fike va n’wi endla yini?
4. Laha xifanisweni, i mani jaha leri yimeke ekusuhi ni tinguvu?
5. Loko a nga si fa, xana Stefano u khongele a ku yini eka Yehovha?
6. Hi nga n’wi tekelela njhani Stefano loko un’wana a hi endla nchumu wo biha?
Swivutiso swo engetela:
1. Hlaya Mintirho 6:8-15.
Hi byihi vunwa lebyi varhangeri va vukhongeri va byi tirhisaka ku ringeta ku yimisa ntirho wo chumayela wa Timbhoni ta Yehovha? (Mint. 6:9, 11, 13)
2. Hlaya Mintirho 7:1-60.
(a) I yini lexi pfuneke Stefano leswaku a humelela eku lweleni ka mahungu lamanene emahlweni ka Sanedri, naswona hi nga dyondza yini eka xikombiso xa yena? (Mint. 7:51-53; Rhom. 15:4; 2 Tim. 3:14-17; 1 Pet. 3:15)
(b) Hi fanele hi va ni langutelo rihi eka vanhu lava kanetaka ntirho wa hina? (Mint. 7:58-60; Mat. 5:44; Luka 23:33, 34)
Endleleni Leyi Yaka eDamaska
1. Sawulo u endle yini endzhaku ka loko Stefano a dlayiwile?
2. Loko Sawulo a ri endleleni yo ya eDamaska, hi wihi nchumu wo hlamarisa lowu humeleleke?
3. Yesu u byele Sawulo leswaku a endla yini?
4. Hi swihi swiletelo leswi Yesu a swi nyikeke Ananiya, naswona Sawulo u swi kotise ku yini ku tlhela a vona?
5. Xana Sawulo u tiviwe hi vito rihi, naswona u tirhisiwe njhani?
Swivutiso swo engetela:
1. Hlaya Mintirho 8:1-4.
Xana ku xanisiwa ka vandlha ra Vukreste leri a ra ha ku simekiwa ku pfune njhani leswaku Vukreste byi andza, naswona hi wihi nchumu lowu fanaka lowu endlekeke manguva lawa? (Mint. 8:4; Esa. 54:17)
2. Hlaya Mintirho 9:1-20.
Hi yihi mintirho yinharhu leyi Yesu a a lava leswaku Sawulo a yi endla? (Mint. 9:15; 13:5; 26:1; 27:24; Rhom. 11:13)
3. Hlaya Mintirho 22:6-16.
Hi nga fana njhani na Ananiya, naswona ha yini sweswo swi ri swa nkoka? (Mint. 22:12; 1 Tim. 3:7; 1 Pet. 1:14-16; 2:12)
4. Hlaya Mintirho 26:8-20.
Xana ku hundzuka ka Sawulo a va Mukreste swi tirha tanihi xikhutazo hi ndlela yihi eka lava nga ni vanghana va vukati lava nga riki vapfumeri namuntlha? (Mint. 26:11; 1 Tim. 1:14-16; 2 Tim. 4:2; 1 Pet. 3:1-3)
Petro A Endzela Korneliyo
1. I mani wanuna loyi a nkhinsameke laha xifanisweni?
2. Ntsumi yi te yini eka Korneliyo?
3. Xana Xikwembu xi endle leswaku Petro a vona yini loko a ri elwangwini ra yindlu ya Simoni eYopa?
4. Ha yini Petro a byele Korneliyo leswaku a nga fanelanga a nkhinsama a n’wi gandzela?
5. Ha yini vadyondzisiwa va Vayuda lava a va ri na Petro va hlamarile?
6. Hi yihi dyondzo ya nkoka leyi hi faneleke hi yi dyondza eka mhaka ya Petro ya ku endzela Korneliyo?
Swivutiso swo engetela:
1. Hlaya Mintirho 10:1-48.
Marito ya Petro lama kumekaka eka Mintirho 10:42 ma kombisa yini malunghana ni ntirho wo chumayela mahungu lamanene ya Mfumo? (Mat. 28:19; Mar. 13:10; Mint. 1:8)
2. Hlaya Mintirho 11:1-18.
Petro u kombise langutelo rihi loko nkongomiso wa Yehovha malunghana ni Vamatiko wu ve erivaleni, naswona hi nga xi tekelela njhani xikombiso xa yena? (Mint. 11:17, 18; 2 Kor. 10:5; Efe. 5:17)
Timotiya—Mupfuni Lontshwa Wa Pawulo
1. I mani jaha leri nga laha xifanisweni, xana ri tshama kwihi naswona i mani vito ra mana wa rona ni ra kokwa wa rona?
2. Xana Timotiya u te yini loko Pawulo a n’wi vutisa leswaku wa swi tsakela ku famba na Silasi na Pawulo eku chumayeleni ka vanhu etindhawini ta le kule?
3. Hi kwihi laha valandzeri va Yesu va sunguleke kona ku vuriwa Vakreste?
4. Endzhaku ka loko Pawulo na Barnaba va suke eAntiyoka, hi yihi miti yin’wana leyi va yeke eka yona?
5. Timotiya u n’wi pfune njhani Pawulo, naswona hi xihi xivutiso lexi vantshwa namuntlha va faneleke va tivutisa xona?
Swivutiso swo engetela:
1. Hlaya Mintirho 9:19-30.
Muapostola Pawulo u byi kombise njhani vuxiyaxiya loko a kanetiwa hileswi a a chumayela mahungu lamanene? (Mint. 9:22-25, 29, 30; Mat. 10:16)
2. Hlaya Mintirho 11:19-26.
Xana mhaka leyi tsariweke eka Mintirho 11:19-21, 26 yi swi kombisa njhani leswaku moya wa Yehovha wu kongomisa ntirho wo chumayela?
3. Hlaya Mintirho 13:13-16, 42-52.
Mintirho 13:51, 52 yi swi kombisa njhani leswaku vadyondzisiwa a va pfumelanga leswaku ku kanetiwa ku va heta matimba? (Mat. 10:14; Mint. 18:6; 1 Pet. 4:14)
4. Hlaya Mintirho 14:1-6, 19-28.
Xana marito lama nge “va va nyikela eka Yehovha,” ma hi pfuna njhani leswaku hi nga vileli loko hi ri karhi hi pfuna vanhu lava ha riki vantshwa evandlheni? (Mint. 14:21-23; 20:32; Yoh. 6:44)
5. Hlaya Mintirho 16:1-5.
Xana ku pfumela ka Timotiya ku yimba swi wu kandziyisa njhani nkoka wa ku endla “swilo hinkwaswo hikwalaho ka mahungu lamanene”? (Mint. 16:3; 1 Kor. 9:23; 1 Tes. 2:8)
6. Hlaya Mintirho 18:1-11, 18-22.
Xana Mintirho 18:9, 10 yi kombisa yini malunghana ni ku katseka ka Yesu eku kongomiseni ka ntirho wo chumayela, naswona leswi swi endla hi tiyiseka hi yini namuntlha? (Mat. 28:20)
Jaha Leri Khudzeheleke
1. Exifanisweni, i mani jaha leri etleleke laha hansi, naswona ri lo yini?
2. Pawulo u endle yini loko a vona leswaku jaha leri ri file?
3. Xana Pawulo, Timotiya swin’we ni lava a va famba na vona va ye kwihi, naswona ku humelele yini loko va yime eMileta?
4. Hi xihi xitsundzuxo lexi muprofeta Agabo a xi nyikeke Pawulo, naswona swilo swi endleke hilaha muprofeta a vuleke hakona hi ndlela yihi?
Swivutiso swo engetela:
1. Hlaya Mintirho 20:7-38.
(a) Xana hi nga tshama njhani hi ‘basile engatini ya vanhu hinkwavo,’ hi ku ya hi marito ya Pawulo lama tsariweke eka Mintirho 20:26, 27? (Ezek. 33:8; Mint. 18:6, 7)
(b) Ha yini vakulu va fanele va ‘khomelela swinene eritweni ro tshembeka’ loko va dyondzisa? (Mint. 20:17, 29, 30; Tito 1:7-9; 2 Tim. 1:13)
2. Hlaya Mintirho 26:24-32.
Pawulo u ri tirhise njhani lunghelo ra ku va muaka-tiko wa le Rhoma leswaku a hetisisa ntirho wa ku chumayela lowu a nyikiweke wona hi Yesu? (Mint. 9:15; 16:37, 38; 25:11, 12; 26:32; Luka 21:12, 13)
Xikepe Xi Tshoveka eXihlaleni
1. Ku humelele yini hi xikepe lexi Pawulo a a ri eka xona loko xi ri karhi xi hundza ekusuhi ni xihlala xa Kreta?
2. Pawulo u te yini eka lava a va ri exikepeni?
3. Xikepe xi faye hi yini xi va swiphemu-phemu?
4. Hi swihi swiletelo leswi humesiweke hi ndhuna ya vuthu, naswona i vanhu vangani lava fikeke eribuweni va hlayisekile?
5. Va fike eka xihlala xihi, naswona ku endleke yini hi Pawulo loko maxelo ma va lamanene?
Swivutiso swo engetela:
1. Hlaya Mintirho 27:1-44.
Ku hlaya rungula leri vulavulaka hi ta riendzo ra Pawulo ro ya eRhoma swi hi tiyisekisa njhani leswaku rungula ra Bibele ra pakanisa? (Mint. 27:16-19, 27-32; Luka 1:3; 2 Tim. 3:16, 17)
2. Hlaya Mintirho 28:1-14.
Loko vanhu va le Melita lava a va ri vahedeni va susumeteleke ku khoma muapostola Pawulo ni lava a a ri na vona hi “musa lowu nga tolovelekangiki wa vumunhu,” loko xikepe xi tshoveka, xana Vakreste va fanele va susumeteleka ku kombisa yini naswona ngopfu-ngopfu hi ndlela yihi? (Mint. 28:1, 2; Hev. 13:1, 2; 1 Pet. 4:9)
Pawulo eRhoma
1. I vamani lava Pawulo a va chumayeleke loko a ri ekhotsweni eRhoma?
2. Exifanisweni lexi, i mani muendzi loyi a tshameke kusuhi ni tafula, naswona u endlela Pawulo yini?
3. A a ri mani Epafrodito, naswona u fambe na yini loko a tlhelela eFilipiya?
4. Ha yini Pawulo a tsalele Filemoni munghana wakwe lonkulu papila?
5. Pawulo u endle yini loko a ntshunxiwile, naswona endzhakunyana u endliwe yini?
6. I mani loyi Yehovha a n’wi tirhiseke ku tsala buku yo hetelela ya Bibele, naswona buku ya Nhlavutelo yi vulavula ha yini?
Swivutiso swo engetela:
1. Hlaya Mintirho 28:16-31 na Vafilipiya 1:13.
Pawulo u wu tirhise njhani nkarhi wakwe loko a ri ekhotsweni eRhoma, naswona xana ripfumelo ra yena leri tiyeke ri ri khumbe njhani vandlha ra Vukreste? (Mint. 28:23, 30; Filp. 1:14)
2. Hlaya Vafilipiya 2:19-30.
Pawulo u n’wi bumabumele njhani Timotiya na Epafrodito, naswona hi nga xi tekelela njhani xikombiso xa Pawulo? (Filp. 2:20, 22, 25, 29, 30; 1 Kor. 16:18; 1 Tes. 5:12, 13)
3. Hlaya Filemoni 1-25.
(a) Xana Pawulo u khutaze Filemoni ku endla leswinene exisekelweni xihi, naswona leswi swi tirha njhani tanihi xitsundzuxo eka vakulu namuntlha? (Film. 9; 2 Kor. 8:8; Gal. 5:13)
(b) Xana marito ya Pawulo lama kumekaka eka Filemoni 13, 14 ma swi kombisa njhani leswaku a a xixima ripfalo ra van’wana evandlheni? (1 Kor. 8:7, 13; 10:31-33)
4. Hlaya 2 Timotiya 4:7-9.
Ku fana na muapostola Pawulo, xana hi nga tiyiseka njhani leswaku Yehovha u ta hi hakela loko hi tshembeka ku ya fika emakumu? (Mat. 24:13; Hev. 6:10)
Ku Hela Ka Vubihi Hinkwabyo
1. Ha yini Bibele yi vulavula hi tihanci leti nga etilweni?
2. I yini vito ra nyimpi leyi Xikwembu xi nga ta lwa ni vanhu lavo biha emisaveni eka yona, naswona hi xihi xikongomelo xa nyimpi leyi?
3. Exifanisweni lexi, i mani Loyi a nga ta rhangela enyimpini leyi, ha yini a ambale harhi, naswona savula ra yena ri vula yini?
4. Loko hi languta endzhaku eka Dyondzo 10 na 15, ha yini hi nga fanelanga hi hlamala leswaku Xikwembu xi ta lovisa vanhu lavo biha?
5. Xana Dyondzo 33, 36 na 76 ti swi kombisa njhani leswaku Xikwembu xi ta lovisa vanhu lavo biha hambiloko va vula leswaku va xi gandzela?
Swivutiso swo engetela:
1. Hlaya Nhlavutelo 19:11-16.
(a) Xana Matsalwa ma swi veka njhani erivaleni leswaku Yesu Kreste i mugadi wa hanci yo basa? (Nhlav. 1:5; 3:14; 19:11; Esa. 11:4)
(b) Nguvu ya le handle ya Yesu leyi xuviweke hi ngati yi swi tiyisekisa njhani leswaku ku hlula ka yena ku hetisekile? (Nhlav. 14:18-20; 19:13; Esa. 63:1-6)
(c) I vamani van’wana lava swi nga ha endlekaka va ri kona eka vuthu leri landzelaka Yesu ni hanci ya yena yo basa? (Nhlav. 12:7; 19:14; Mat. 25:31, 32)
Paradeyisi Leyintshwa eMisaveni
1. Hi swihi swiyimo leswi Bibele yi kombisaka leswaku hi ta swi tsakela eParadeyisini ya laha misaveni?
2. Bibele yi va tshembisa yini vanhu lava nga ta hanya eParadeyisini?
3. Yesu u ta ku endla rini ku cinca loku ko hlamarisa?
4. Loko Yesu a ri laha misaveni, xana u endle yini ku kombisa leswi a nga ta swi endla loko a ri Hosi ya Mfumo wa Xikwembu?
5. I yini lexi Yesu ni vafumi-kulobye va nga ta tiyiseka leswaku va xi endla loko va fuma misava va ri etilweni?
Swivutiso swo engetela:
1. Hlaya Nhlavutelo 5:9, 10.
Ha yini hi nga tiyisekaka leswaku lava nga ta fuma misava hi nkarhi wa ku Fuma ka Gidi ra Malembe va ta va tihosi ni vaprista lava nga ni ntwela-vusiwana ni tintswalo? (Efe. 4:20-24; 1 Pet. 1:7; 3:8; 5:6-10)
2. Hlaya Nhlavutelo 14:1-3.
Swi vula yini leswaku vito ra Tatana ni vito ra Xinyimpfana ma tsariwile emimombyeni ya lava 144 000? (1 Kor. 3:23; 2 Tim. 2:19; Nhlav. 3:12)
Ndlela Leyi Hi Nga Hanyaka Hilaha Ku Nga Heriki Ha Yona
1. I yini leswi hi faneleke hi swi tiva loko hi lava ku hanya hilaha ku nga heriki?
2. Xana hi nga dyondza njhani hi Yehovha Xikwembu na hi Yesu, hilaha swi kombisiweke hakona hi xinhwanyatana lexi ni vanghana va xona laha xifanisweni?
3. Hi yihi buku yin’wana leyi u yi vonaka exifanisweni, naswona ha yini hi fanele hi yi hlaya nkarhi ni nkarhi?
4. Handle ko dyondza hi Yehovha na hi Yesu, i yini swin’wana leswi lavekaka leswaku hi ta kuma vutomi lebyi nga heriki?
5. Hi yihi dyondzo leyi hi yi dyondzeke eka Dyondzo 69?
6. Xikombiso lexinene xa Samuwele lontsongo eka Dyondzo 55 xi kombisa yini?
7. Xana hi nga xi tekelela njhani xikombiso xa Yesu Kreste, naswona loko hi endla tano, i yini lexi hi nga ta kota ku xi endla enkarhini lowu taka?
Swivutiso swo engetela:
1. Hlaya Yohane 17:3.
Xana Matsalwa ma swi kombisa njhani leswaku ku nghenisa vutivi hi Yehovha Xikwembu na hi Yesu Kreste a swo vula ku tiva rungula ntsena? (Mat. 7:21; Yak. 2:18-20; 1 Yoh. 2:17)
2. Hlaya Pisalema 145:1-21.
(a) Hi swihi swivangelo swin’wana leswi hi nga na swona swo dzunisa Yehovha? (Ps. 145:8-11; Nhlav. 4:11)
(b) Xana Yehovha hi “lonene eka hinkwavo” hi ndlela yihi, naswona leswi swi fanele swi hi tshineta njhani ekusuhi na yena? (Ps. 145:9; Mat. 5:43-45)
(c) Loko hi rhandza Yehovha hakunene, xana hi ta susumeteleka ku endla yini? (Ps. 119:171, 172, 175; 145:11, 12, 21)