Risimu 91

Ku Dyondzisiwa Hi Yehovha

(Esaya 54:13)

1. Yehovha i Muleteri,

U hi nyika rivoni.

U hi fambisa hi musa

Ku fana ni Murisi.

I nkarhi wo va hi dyondza

Leswaku i Xikwembu,

U nyika swiletelo hi rirhandzu eka vo rhula.

Mesiya, N’wana wa Yena

U vile mudyondzisi.

U dyondzise hi ta Mfumo

Ni dyondzo ya Yehovha.

U vunga vanhu hi musa

Leswaku a ta va pfuna.

Ni sweswi vanhu va yena

U va dyondzisa hi musa.

2. Varisi verhu i nyiko

Hi hiwe hi Yehovha.

Ku leteriwa ka vona

Ku komba ku lulama.

Va pfuna lava nga tsana.

Va laya vo tifuma.

Hi ku dyondzisa hi ntiyiso,

va tsakisa Yehovha.

Yehovha wa hi dyondzisa,

Hi ku tirhisa Yesu.

Kunene hi ni lunghelo

Ra ku kuma ntiyiso.

Loko hi tele rirhandzu,

Ntiyiso hi ta wu yisa

’Ka lava wu tsakelaka,

Va ta gandzela Yehovha.

3. ‘A hi dyondzeni hi Hosi,’

Hi mi rhamba hinkwenu.

Hi ya mahlweni ni dyondzo

Ley’ nga ta hi ponisa.

Mahungu lawa ya Mfumo,

Hi nomu ni tibuku,

Ma byeriwa hinkwavo vanhu

va tinxaka va ma twa.

Hinkwerhu, sweswi hi lava

Ku aka ripfumelo

Hi tiva leswi nga swintshwa,

Hi tiya ku dyondzisa.

Ha wona Mfumo wa Yesu,

Lava va nga ta pfuxiwa

Hinkwavo va leteriwa

Leswaku va hetiseka.