Risimu 197

Yimbelelelani Yehovha!

(Psalma 47:6)

1. Xikwembu ha xi dzunisa,

Hi ndlela ya vutlharhi.

Xi nyike Yesu matimba,

I Hosi ya misava.

Hi ba mavoko hi khensa

Leswi xi nga swi endla!

Hi yimbelela hi ntsako,

Hi vun’we bya matimba.

Mufumi sweswi i Yesu,

Vanhu a va tive;

Se u sungule ku fuma.

Hi byela hinkwavo.

2. Hi le nkarhini wo biha,

Wa mbitsi ni maxangu;

Wu fanisiwa ni nguva,

Yo vava ya vuxika.

Eku fumeni ka Yesu

Ku ta hela vubihi.

Ku ta va ni Paradey’si.

Vanhu va ta tiphina.

Hi rindze siku ra nkoka

Ra swilo leswintshwa.

Leswaku hi ta swi vona,

A hi lulameni.

3. Yehovha u ni matimba.

Sweswi vanhu va vona

Ku khathalela ka yena

Vahuweleri vakwe.

Yehovha Hosi ya hina,

U hi ha mikateko.

Kutani ha yimbelela,

Hi ku tsaka ka mbilu.

A hi khenseni Yehovha

Hi ku yimbelela.

U tshame ’xiluvelweni;

A hi n’wi chaveni.