Hi Lava Ku Va Lava Pfunaka

Broxara leyi yi endleriwe ku ku endla leswaku u tolovelana ni mintirho ya Timbhoni ta Yehova ni malunghiselelo ya tona ku ku pfuna ku kula evutivini bya Bibele. U nga ha va u vhakeriwe hi Timbhoni ta Yehova, kumbexana u vulavule na tona exitarateni kumbe etindzhawini tin’wana. Un’wana wa Timbhoni a nga ha va a dyondza na wena.

Xana a wu swi tiva leswaku mahungu ya vona hi ta Mfumo wa Xikwembu se ya twarisiwile emisaveni hinkwayo? Hikwalaho ka yini? Hi leswi Xikwembu, Muvumbi wa hina, a lavaka leswaku vanhu va tinxaka hinkwato va hlangana eku n’wi gandzeleni. U vhumbile hi nkarhi wa hina a ku: “Matiko layo tala ma ta ta kona, ma ku: Tanani, hi ta tlhandlukela entshaveni ya Yehova, endlwini ya Xikwembu xa Yakobo; xi ta hi dyondzisa tindlela ta xona, kutani hi ta famba emintileni ya xona.”—Esaya 2:2, 3.

Ntirho wa Timbhoni ta Yehova wo ku byela hi tindlela ta Xikwembu i ku hetiseka ka vuprofeta lebyi. Matluka lama landzelaka ya ta komba leswaku ha yini ntirho lowu wu ri wa risima sweswi ni hi laha u nga pfunekaka ha kona eka wona.