XIYENGE 6

I Yini Leswi Hi Swi Dyondzaka Eka Ndhambi Leyikulu?

Xikwembu xi lovise vanhu vo homboloka kambe xi ponise Nowa ni ndyangu wakwe. Genesa 7:11, 12, 23

Ngalava yi le henhla ka mati, vanhu vo homboloka va nwela naswona tintsumi leti xandzukeke ti tlhelela eka mimiri ya tona ya khale

Ndhambi yi ne masiku ya 40 ni vusiku bya 40, hiloko mati ma funengeta misava hinkwayo. Vanhu hinkwavo vo homboloka va file.

Tintsumi leti xandzukeke ti siye mimiri ya tona ya nyama kutani ti va madimona.

Nowa u huma engalaveni ni ndyangu wakwe swin’we ni swiharhi ivi ku vonaka nkwangulatilo

Lava a va ri engalaveni va ponile. Hambileswi hi ku famba ka nkarhi Nowa ni ndyangu wakwe va feke, Xikwembu xi ta va pfuxa leswaku va hanya hilaha ku nga heriki.

Xikwembu xi ta tlhela xi lovisa vanhu vo homboloka kutani xi ponisa vanhu lavanene. Matewu 24:37-39

Sathana ni madimona yakwe va tirhisa tindlela to hambanahambana ku hambukisa vanhu

Sathana ni madimona yakwe va ya emahlweni va hambukisa vanhu.

Ku fana ni le nkarhini wa Nowa, vanhu vo tala namuntlha va fularhela nkongomiso wa Yehovha wa rirhandzu. Ku nga ri khale, Yehovha u ta lovisa vanhu hinkwavo vo homboloka.—2 Petro 2:5, 6.

Timbhoni ta Yehovha ti tirhisa Bibele loko ti chumayela wanuna; wanuna a ri karhi a hlaya Bibele

Timbhoni ta Yehovha ti fana na Nowa. Ti yingisa Xikwembu ni ku endla leswi xi swi vulaka.