Ndlela Yo Tirhisa Xibukwana Lexi

Eka matluka lama landzelaka, u ta kuma Tsalwa ra siku rin’wana ni rin’wana ni nhlamuselo ya kona. Hambileswi ndzimana ni nhlamuselo swi nga ha hlayiwaka nkarhi wihi ni wihi, vo tala va kuma swi pfuna ku swi hlaya nimixo. Kutani va kota ku anakanyisisa ha swona siku hinkwaro. Ku kambisisa ndzimana tanihi ndyangu swa pfuna swinene. Mindyangu ya Bethele emisaveni hinkwayo yi dyondza ndzimana ya siku hinkarhi wo fihlula.

Tinhlamuselo ti tekiwe eka Xihondzo xo Rindza (w) xa April 2015 ku ya eka March 2016. Tinomboro leti landzelaka siku ra Xihondzo xo Rindza ti kombisa leswaku rungula ra kona ri huma eka xihloko xa vungani lexi dyondziwaka loko u hlayela ku sukela eka xo sungula ku ya fika eka xo hetelela (1, 2, 3, 4, kumbe 5) eka nkandziyiso wolowo. Endzhaku ka tona, ku landzela tinomboro ta tindzimana leti nhlamuselo yi tshahiweke eka tona. (Vona xikombiso laha hansi.) Rungula leri engetelekeke hi ta ndzimana ya siku rero, ri nga kumeka eka xihloko hi xoxe. Leswaku u kuma laha xihloko ha xin’we xi sungulaka kona, vona tluka ro sungula kumbe ra vumbirhi ra Xihondzo xo Rindza lexi kombisiweke.