Munhu La Tekeke Tshengwe Ni Mungoma A Kuma Ntiyiso

WANUNA wa Wantima la vitaniwaka Isaac, kun’we ni vavanuna van’wana vo hlayanyana, va tshike Kereke ya Apostola ya muti wa ka vona hikuva a yi nga endli leswi a yi chumayela swona. Endzhakunyana hinkwavo, ku katsa ni vasati va vona, va ve Timbhoni ta Yehova—handle ka Isaac. Va kunguhate ku n’wi endzela ivi va n’wi byela leswaku va kume ntiyiso. Eka nkarhi wolowo, Isaac a a ri mungoma la humelelaka naswona a a ri ni vasati vo tala. Endzhaku ko dyondza broxara leyi nge Tsakela Vutomi eMisaveni Hi Masiku! Leyi vulavulaka hi mahanyelo yakwe, Isaac u tshike mukhuva wa yena wa vungoma, lowu a wu n’wi vuyerisa swinene, ni vasati vakwe handle ka lonkulu. U tsarise vukati byakwe ni nsati wakwe lonkulu, loyi enkarhini wolowo a a ri na 63 (yena a a ri na 68). U vula leswaku u titwa “a tsakile ni ku ntshunxeka, a nga ha chavi mimoya.”