Wa Tsundzuka Xana?

Xana u kume minkandziyiso ya sweswinyana ya Xihondzo xo Rindza yi ri ya nkoka lowu tirhaka? Kona vona loko u nga tsundzuka leyi landzelaka:

◻ Xana swi vula yini ku fungheriwa ku pona hi wanuna wa vuprofeta la nga ni nkotloto wa mutsari exivonweni xa Ezekiyele? (Ezekiel 9:2-6)

Swi vula leswaku munhu u tinyiketele eka Xikwembu eku endla ku rhandza ka xona, u khuvuriwile tanihi mudyondzisiwa wa Yesu Kriste, naswona u ambale vumunhu bya ku fana na Kriste.—4/15, matluka 11, 12.

◻ I swikongomelo swihi leswi tirhisiweke hi vuprofeta bya Bibele?

Vuprofeta byi tivisa ntiyiso hi ta Xikwembu, ku rhandza ka xona ni mimpimanyeto ya mahanyelo ya xona. Byi hlamusela vuxaka bya munhu eka Yehova leswaku a ta tlhela a twanana ni xikongomelo xa Yena, swi yisa eku hetisekeni ka xona loku heleleke. (Esaya 1:18-20; 2:1-5; 55:8-11)—5/1, tluka 5.

◻ Hi yihi ndlala leyikulu leyi funengetaka misava hinkwayo namuntlha?

Ndlala ya moya, “ndlala ya marito ya Šikwembu.” (Amos 8:11)—5/1, matluka 10, 11.

◻ I yini “ku tšhav̌a Yehova”? (Swivuriso 1:7)

I nchavo lowunene wo hlundzukisa Yehova hikuva hi tlangela tintswalo ni vunene bya yena. Nakambe swi vula ku pfumela leswaku Yehova i Muavanyisi la Tlakukeke ni wa Matimba Hinkwawo, hi tshembela eka yena hi laha ku heleleke, naswona hi venga leswo biha emahlweni yakwe. (Psalma 2:11; 115:11; Swivuriso 8:13)—5/15, tluka 28.

◻ I vukongomisi byihi lebyi longoloxiweke eka 1 Timotiya 5 malunghana ni ku khathalela vadyuhari?

Hambi leswi swirho swa ndyangu swi nga ni vutihlamuleri byo sungula, swiphiqo swa vadyuhari i swa nkoka eka bandlha hinkwaro; ku khathaleriwa ka vona ku fanele ku hleriwa hi laha ku faneleke; ku khathalela ko tano ku fanele ku yisiwa eka lava hakunene va lavaka mpfuno.—6/1, matluka 9, 10.

◻ I tindlela tihi ta mune leti tolovelekeke leti Yehova a basiseke vanhu vakwe hi malembe ya 69 lama hundzeke ha tona?

(1) Hi nhlengeletano; (2) ku hlanganyela evutirhelini bya nsimu; (3) ku vonakala loku andzaka ka ntiyiso; (4) ku papalata swiendlo leswi nga tengangiki.—6/15, matluka 17-20.

◻ Rito ku “yima” ri tirhisiwe mayelana na Mikayele eka Daniel 12:1 hi tindlela tihi timbirhi?

Mikayele u hlamuseriwe tanihi ‘loyi a yimelaka vana va tiko ra wena.’ Kriste Yesu a a ri karhi a tirhisa vuhosi emhakeni leyi mayelana ni vanhu vakwe emisaveni ku sukela hi 1914 loko a vekiwe exiluvelweni tanihi Hosi leyi fumaka ya Mfumo wa Xikwembu. Daniyele nakambe u ri: “E nkarini wolowo, Mikael, o ta humelela.” Leswi swi kombetela eka ku nghena ka vuhosi byakwe eka xiphemu lexintshwa lexi eka xona a nga ta endla hi ndlela leyi hlawulekeke yo ponisa vanhu va Daniyele. Xisweswo, va nga ka va nga herisiwi hi tihulumendhe ta vanhu “e mikarini ya makumu” hi hosi ya le n’walungwini ni hosi ya le dzongeni. (Daniel 11:40-45)—7/1, matluka 18, 19.