Xana U Fanele Ku Pfumela Eka Vunharhu-un’we?

Ian Boyne, mutsari wa vukhongeri wa The Sunday Gleaner, eJamaica, West Indies, u hlamusele broxara ya sweswinyana leyi humesiweke hi Timbhoni ta Yehova, hi ku komisa a ku:

“Timbhoni ti faneriwa hi ‘A’ eka xibukwana lexi, hambi leswi xi tsariweke hi ku olova lerova ni n’wana wa kondlo-a-ndzi-dyi a nga xi hlaya, xi tele—handle ko swi hundzeleta—hi ku tshaha ko huma eka vadyondzi ni swihlovo leswi dumeke. . . . Xibukwana lexi nge Xana U Fanele Ku Pfumela Eka Vunharhu-un’we? i xiyayarheli lexi tirhisiwaka hi Timbhoni naswona sweswi a ku na la pfumelaka eka Vunharhu-un’we—kumbe vumbirhi-un’we—la hlayisekeke. Xibukwana lexi xi tlhandlekela ku tshaha ehenhla ka ku tshaha ko huma eka swihlovo swa matimu ni swa ntivo vukwembu ku kombisa leswaku dyondzo ya Vunharhu-un’we a yi kumiwanga eBibeleni. Xi tshaha Encyclopedia of Religion leyi nga enawini yi ri leyi nge, ‘Vativi va ntivo-vukwembu va pfumela leswaku Testamente Leyintshwa na yona yi hava dyondzo ya Vunharhu-un’we.’”

Nakambe Boyne wa xiya: “Swi tika ngopfu eka mutsari loyi wa vukhongeri ku kuma ndlela leyi ha yona avhareji—kumbe hambi ku ri avhareji leyi nga henhla ya swirho swa kereke—yi nga hlamulaka mphikamakaneta leyi tlhontlhaka, leyi lerisaka, leyi lunghiseleriweke hi Timbhoni ehenhleni ka mianakanyo ya leswaku Yesu i Xikwembu.”

Loko u lava ku kuma kopi ya broxara leyi, u komberiwa ku tata ni ku rhumela xiphephana lexi landzelaka.

Ndzi nga tsakela ku amukela broxara ya matluka ya 32 leyi nge Xana U Fanele Ku Pfumela Eka Vunharhu-un’we? (Ehandle ka R.S.A., tsalela rhavi ra Watch Tower ra kwalaho leswaku u kuma vuxokoxoko. Vona tluka 2.)

[Laha Swifaniso Swi Humaka Kona eka tluka 32]

Musée du Louvre, Paris

Musée des Beaux-Arts de Troyes

Musée du Louvre, Paris

Museo Bardini, Florence

Museo Egizio, Turin