‘A A Va Tshamela Ku Hleka’

Wanuna loyi a tirhaka evuthwini le Hungary u vula leswaku ku nga ri khale ngopfu vanhu a a va hleka lava vulavulaka hi Bibele. Kambe minkarhi yi cincile. Socha leri ra ha ku tsalela hofisi ya Sosayiti ya Watch Tower le Budapest, ri ku:

“Masiku ma nga ri mangani lama hundzeke, ndzi hlaye buku ya n’wina leyi nge U Nga Hanya Hi Masiku aParadeyisini eMisaveni. Un’wana a a ndzi lombe yona ku kondza ndzi heta ku yi hlaya. Leswi tsariweke ebukwini leyi swi ndzi khumbe hi vuenti naswona swi ndzi endle ndzi anakanya.” Socha ri lave Bibele ni rungula leri engetelekeke. N’wangulo wo tano wu tolovelekile sweswi le Yuropa Vuxa.

Papila rin’wana leri amukeriweke ehofisini ya le Budapest ri ri: “Ndzi hlaye buku leyi nge U Nga Hanya Hi Masiku aParadeyisini eMisaveni. Buku leyi yi ndzi khumbe hi laha ku enteke, kutani ndzi mi tsalela leswaku ndzi kombela Mbhoni yi endza ekaya ka mina leswaku ndzi va na dyondzo ya Bibele ya nkarhi na nkarhi.”

U Nga Hanya Hi Masiku aParadeyisini eMisaveni i buku leyi nyikaka ntshembo hi ku ku yisa eka tinhlamulo ta le Bibeleni. Yi ve xitirho lexi tirhaka eku hundzuleni ka vutomi bya vanhu vo tala. Loko u tsakela ku amukela kopi, hi kombela u tata ni ku rhula xiphephana lexi landzelaka.

Ndzi nga tsakela ku amukela buku ya xifunengeto xo tsindziyela ya matluka ya 256 leyi nge U Nga Hanya Hi Masiku aParadeyisini eMisaveni. (Ehandle ka R.S.A., tsalela rhavi ra kwalaho ra Watch Tower leswaku u kuma vuxokoxoko. Vona tluka 2.)

[Xifaniso lexi nga eka tluka 32]

Hi xivangelo lexinene, mutswari a nga pfumelela n’wana la n’wi rhandzaka ku endla vuhandzuri lebyi vavisaka. Xikwembu na xona xi na swivangelo leswinene swo tshika vanhu va xaniseka swa xinkarhana