Nkarhi Lowu “Swi Nga Riki Na Mhaka Leswaku Moya Wu Hungela Kwihi”

“LOKO munhu a nga swi tivi leswaku u kongome eka hlaluko rihi, a nga na mhaka leswaku moya wu hungela kwihi.” Marito lawa, lawa ku vuriwaka leswaku i ya mutivi wa filosofi wa Murhoma wa lembe-xidzana ro sungula, Lucius Annaeus Seneca, ma seketela ntiyiso lowu ku nga khale wu ri karhi wu tiviwa: Leswaku vutomi byi va ni xikongomelo, ku laveka tipakani.

Hambi swi ri tano, hakanyingi vutomi a byi na xikongomelo. Vo tala va eneriseka ntsena hi ku papalata maribye ni ti-“whirlpool” ta vutomi bya siku na siku. Hikwalaho ko pfumala ko khomelela kona, va fana ni magandlati lawa ma “biwaka hi mheho ma ya emahlweni ni le ndzhaku.” (Yakobo 1:6, “Phillips”) Vanhu vo tano, a va “na mhaka leswaku moya wu hungela kwihi.”

Bibele yi nyikela swikombiso swa vanhu lava a va tivekela pakani, xisweswo va tirhaka tanihi xikombiso lexinene eka Vakreste namuntlha. Muxe “a a langutela hakelo leya ha taka.” (Vaheveru 11:26) Pawulo u tsarile: “Ndzi tsutsuma ndzi kongome pakani leswaku ndzi ta kuma hakelo.” U khutaze vapfumeri-kulobye leswaku “va va ni langutelo leri fanaka.”—Vafilipiya 3:14, 15, “Today’s English Version.”

Leswi mahlo ya hina ma languteke switshembiso swa Bibele, onge hi nga tekelela ripfumelo ra vanhu vo tano lava tivekeleke pakani.—Ringanisa Vaheveru 13:7.