Xiendlakalo Lexi U Nga Fanelangiki U Lahlekeriwa Hi Xona

“Nyiko yin’wana ni yin’wana leyo saseka” yi huma eka Xikwembu, Tata wa hina wa le tilweni. (Yakobo 1:17) Nyiko leyikulu leyi Xikwembu xi yi nyikeke vanhu lava dyoheke i lunghiselelo ra ku kondleteriwa ka vona hi ku tirhisa N’wana wa xona la tswariweke a ri swakwe, Yesu Kreste. Rifu ra Yesu Mukutsuri wa hina ri endla vutomi lebyi nga heriki emisaveni byi koteka. Eka Luka 22:19, hi lerisiwa ku tsundzuka rifu ra yena.

Timbhoni ta Yehovha hi rirhandzu ta ku rhamba leswaku u hlanganyela na tona eku yingiseni ka xileriso xa Yesu. Nkhuvo lowu wa lembe wu ta endliwa endzhaku ka ku pela ka dyambu hi siku leri fambisanaka na Nisan 14 eka khalendara ya n’hweti ya Bibele, ku nga Ravumbirhi, April 2, 1996. Fungha siku leri leswaku u ta ka u nga ri rivali. Timbhoni ta Yehovha endhawini ya ka n’wina ti nga ku byela ndhawu leyi kongomeke ya minhlangano ni nkarhi wa kona.