Nkandziyiso Wa Vandlha

XIKONGOMELO XA SWIHLOKO LESWI DYONDZIWAKA EVANDLHENI

XIHLOKO LEXI DYONDZIWAKA EVANDLHENI 1 MATLUKA 4-8

Xihloko lexi xi ta kombisa ndlela leyi Vakreste va ntiyiso a va tiyimisele ha yona ku kongomisiwa hi Rito ra Xikwembu ku sukela khale. Xi ta tlhela xi hlamusela ndzimana ya hina ya lembe ya 2012.

XIHLOKO LEXI DYONDZIWAKA EVANDLHENI 2 MATLUKA 9-13

Xihloko lexi xi vulavula hi tidyondzo tinharhu malunghana ni ku tshama hi rindzile leti hi nga ti dyondzaka eka vaapostola ni le ka Vakreste van’wana va lembe-xidzana ro sungula. Xihloko lexi xi ta hi pfuna leswaku hi tiyimisela swinene ku nyikela vumbhoni bya rixaladza malunghana ni Mfumo wa Xikwembu.

SWIHLOKO LESWI DYONDZIWAKA EVANDLHENI 3, 4 MATLUKA 16-25

Nawu wa Muxe a wu lava leswaku Vaisrayele va khale va endlela Yehovha magandzelo minkarhi yo hlayanyana. Vakreste a va le hansi ka wona Nawu wolowo. Hambiswiritano, milawu leyi nga eka wona yi hi dyondzisa tidyondzo to karhi malunghana ni moya wo tlangela lowu Yehovha a languteleke leswaku vagandzeri vakwe namuntlha va va na wona, hilaha xihloko lexi xi nga ta hlamusela hakona.

XIHLOKO LEXI DYONDZIWAKA EVANDLHENI 5 MATLUKA 26-30

Nchumu lowukulu lowu vanhu va wu lavaka i ku vuyelelana ni Xikwembu. Xihloko lexi xi hlamusela ndlela leyi vaprista lava nga tihosi va nga ta pfuna vanhu ha yona leswaku va vuyelelana ni Xikwembu ni ndlela leyi hina hi nga ta vuyeriwa ha yona.