Nkandziyiso Wa Vandlha

XIKONGOMELO XA SWIHLOKO LESWI DYONDZIWAKA EVANDLHENI

SWIHLOKO LESWI DYONDZIWAKA EVANDLHENI 1, 2 MATLUKA 3-12

Swihloko leswi swi hlamusela leswaku ha yini swi ri swa nkoka ku tirhisa switsundzuxo swa Yehovha malunghana ni vukati. Swi ta endla leswaku hi yi tlangela swinene nyiko ya Xikwembu ya vukati. Ku tlula kwalaho, swi kombisa leswaku ha yini swi ri swa nkoka ku va ni langutelo lerinene hi vukati lebyi tsekatsekaka ni ndlela leyi ku tirhisa switsundzuxo swa Matsalwa swi nga va pfunaka ha yona vatekani leswaku va va ni ntsako evukatini.

XIHLOKO LEXI DYONDZIWAKA EVANDLHENI 3 MATLUKA 17-21

Xihloko lexi xi hlamusela tindlela leti ha tona Yehovha a nga Muhlayisi Lonkulu wa Nkarhi. Xi ta endla leswaku hi tshemba Yehovha swinene swin’we ni Rito rakwe, ku nga Bibele. Xi ta tlhela xi hi pfuna leswaku hi tiyimisela swinene ku tirhisa nkarhi wa hina hi vutlhari loko ha ha rindzele ku ponisiwa hi Yehovha.

XIHLOKO LEXI DYONDZIWAKA EVANDLHENI 4 MATLUKA 23-27

Hambileswi hi rhandzaka Xikwembu, kambe a hi hetisekanga. Hambiswiritano, hi lava ku vonakarisa ku vangama ka Yehovha. Xihloko lexi xi hlamusela ndlela leyi hi nga swi kotaka ha yona ku endla tano. Xi kombisa leswi hi faneleke hi swi endla leswaku hi tekelela Xikwembu ni ku xi tsakisa. (Efe. 5:1) Xi hlamusela ni ndlela leyi hi nga hambetaka hi xi vangamisa ha yona.