Nkandziyiso Wa Vandlha

XIKONGOMELO XA SWIHLOKO LESWI DYONDZIWAKA EVANDLHENI

SWIHLOKO LESWI DYONDZIWAKA EVANDLHENI 1, 2 MATLUKA 3-12

Bibele yi kombisa leswaku ku nga ri khale ku ta endleka swiendlakalo swa nkoka. Swihloko leswi swi vulavula hi swiendlakalo swa khume leswi nga swa nkoka leswaku hi swi tiva. Ntlhanu wa swona swi fambisana ni ku lovisiwa ka misava ya Sathana kasi leswin’wana swa ntlhanu swi fambisana ni misava leyintshwa.

XIHLOKO LEXI DYONDZIWAKA EVANDLHENI 3 MATLUKA 18-22

Hinkwerhu ha swi navela leswaku mafambiselo lawa yo homboloka ya swilo ma herisiwa kutani ku ta Paradeyisi emisaveni. Ku nga khathariseki leswaku se u ni tin’hweti kumbe malembe yo tala u rindzile, ha yini ku lehisa mbilu swi ri swa nkoka? Xihloko lexi xi ta hi pfuna ku twisisa leswaku hi nga yi lehisa njhani mbilu swinene.

XIHLOKO LEXI DYONDZIWAKA EVANDLHENI 4 MATLUKA 23-27

Vanhu hinkwavo va Xikwembu va ku langutele hi mahlo-ngati ku herisiwa ka mafambiselo lawa yo homboloka. Xihloko lexi xi ta kombisa leswaku a swi bohi leswaku hi tiva siku kumbe nkarhi lowu makumu ma nga ta fika ha wona.

XIHLOKO LEXI DYONDZIWAKA EVANDLHENI 5 MATLUKA 28-32

I khale mintsombano yi ri xiyenge xa nkoka xa vugandzeri lebyi tengeke. Xihloko lexi xi hi nyika swikombiso swin’wana swa mintsombano yo hlawuleka ya le minkarhini ya ku tsariwa ka Bibele ni ya le minkarhini ya hina xi tlhela xi hi tsundzuxa hi vuyelo lebyi hi nga byi kumaka loko hi va kona eka yona.