Nkandziyiso Wa Vandlha

XIKONGOMELO XA SWIHLOKO LESWI DYONDZIWAKA EVANDLHENI

XIHLOKO LEXI DYONDZIWAKA EVANDLHENI 1 MATLUKA 3-7

Hosi Davhida wa le Israyele wa khale a a ri xixima swinene vito ra Yehovha ni xikongomelo xa Yena. Davhida a a dyondze ni misinya ya Nawu wa Xikwembu naswona u kombele Yehovha leswaku a n’wi dyondzisa ku endla ku rhandza ka Yena, hilaha xihloko lexi xi kombisaka hakona. Xihloko lexi xi ta tlhela xi hi pfuna ku vona leswaku ha yini hi fanele hi languta timhaka hilaha Yehovha a ti langutaka hakona minkarhi hinkwayo.

SWIHLOKO LESWI DYONDZIWAKA EVANDLHENI 2, 3 MATLUKA 10-19

Vakreste va ntiyiso va swi tiva leswaku va fanele va titsongahata hilaha Yesu a endleke hakona. Eka xihloko xo sungula, hi ta dyondza hi xikombiso xa Yesu xa ku titsongahata leswaku hi ta n’wi tekelela. Xihloko xa vumbirhi xi ta hlamusela ndlela leyi hi nga tikhomaka ha yona tanihi lontsongo naswona hi titsongahata.

SWIHLOKO LESWI DYONDZIWAKA EVANDLHENI 4, 5 MATLUKA 21-30

Swihloko leswi swi ta hi tiyisekisa leswaku Yehovha u tiyimisele ku rivalela hambi ku ri swidyoho leswikulu ngopfu. Minkarhi yin’wana swa hi tikela ku tiyimisela ku rivalela vanhu van’wana. Kambe leswi hi swi dyondzaka eMatsalweni swi nga hi pfuna ku tiyimisela swinene ku rivalela van’wana.