NKANDZIYISO WA VANDLHA

SWIHLOKO LESWI DYONDZIWAKA EVANDLHENI

▪ Vana Ni Xivindzi—Yehovha U Na Wena!

Vanhu vo tala lava ku vulavuriweke ha vona eMatsalweni va kombise ripfumelo ni xivindzi. Loko hi kambisisa yin’wana ya mintokoto ya vona, hi ta tiyisiwa leswaku hi kombisa ripfumelo naswona hi tirhela Yehovha hi xivindzi. Xihloko lexi xi hlamusela ndzimana ya hina ya lembe ya 2013.

▪ U Nga Pfumeleli Nchumu Xi Ku Hambanisa Na Yehovha

▪ Tshama U Ri Karhi U Tshinela Eka Yehovha

Ku ni swilo swo tala evuton’wini leswi hi nga tihlawuleliki, leswi katsaka vatswari va hina, vamakwavo va hina ni ndhawu leyi hi velekeriweke eka yona. Ku va ni vuxaka na Yehovha swi hambanile na sweswo. Hi nga hlawula ku tshama hi ri ekusuhi na yena kumbe hi nga vi ekusuhi na yena. Swihloko leswi swi ta vulavula hi tindhawu ta nkombo evuton’wini leti hi nga fanelangiki hi pfumelela nchumu xi hi hambanisa na Yehovha.

▪ Ku Tirhela Yehovha Handle Ko Tisola

Hinkwerhu ka hina hi tshame hi endla swilo leswi hi navelaka onge hi nga tlhela hi swi endla naswona hi swi endla hi ndlela leyi hambaneke. Kambe loko hi tshamela ku vilela hi swihoxo leswi hi tshameke hi swi endla, hi nga ha tsandzeka ku tirhela Xikwembu hi mbilu hinkwayo. Exihlokweni lexi hi ta dyondza ndlela leyi xikombiso xa muapostola Pawulo xi nga hi pfunaka ha yona ku tirhela Yehovha handle ko tisola.

▪ Vakulu Lava Nga Vakreste ‘I Vatirhi-kulorhi Leswaku Hi Tsaka’

Eka papila ra yena ra vumbirhi leri yaka eka Vakorinto, Pawulo u hlamusele leswaku yena ni vanghana va yena lavakulu a va ri ‘vatirhi-kulobye entsakweni wa vona.’ (2 Kor. 1:24) Marito wolawo ya Pawulo ma fanele ma va khumba njhani ngopfu-ngopfu vakulu lava nga Vakreste? Naswona un’wana ni un’wana wa hina a nga endla njhani leswaku ku va ni ntsako evandlheni? Tinhlamulo ta swivutiso leswi ti ta tlhuvutsiwa exihlokweni lexi.