NKANDZIYISO WA VANDLHA

SWIHLOKO LESWI DYONDZIWAKA EVANDLHENI

▪ Leyi I Ndzhaka Ya Hina Ya Moya

▪ Xana Wa Yi Tlangela Ndzhaka Ya Hina Ya Moya?

Eswihlokweni leswi ku vulavuriwa hi ndzhaka leyi fuweke yo hlawuleka ya moya ya vanhu va Yehovha. Swi kombisa ndlela leyi Xikwembu xi ri sirheleleke ha yona Rito ra xona, xi ku katekiseke ha yona ku tirhisiwa ka vito ra xona xi tlhela xi endla swi koteka leswaku ntiyiso wa moya wu hlayisiwa leswaku wu hi sirhelela eka mavunwa ya vukhongeri.

▪ Tshama eNkoveni Wa Yehovha Wa Nsirhelelo

Xihloko lexi xi hlamusela leswaku i yini nkova wa nsirhelelo lowu ku vulavuriwaka ha wona eka Zakariya 14:4 naswona xi kombisa leswaku ha yini hi fanele hi tshama enkoveni wolowo. Xi tlhela xi hlamusela leswaku i yini mati lama hanyaka lawa ku vulavuriwaka ha wona eka Zakariya 14:8 ni leswaku ku ma nwa swi nga vula yini eka hina.

▪ U Nga Pfumeleli Nchumu Xi Ku Sivela Ku Amukela Ku Vangama

Xihloko lexi xi kombisa ndlela leyi hi nga ku amukelaka ha yona ku vangama loku Yehovha a ku nyikaka vanhu. Xi tlhela xi hlamusela leswi nga hi sivelaka ku ku amukela nileswaku ku ya emahlweni hi lava ku vangama swi nga va pfuna njhani van’wana.