SWIHLOKO LESWI DYONDZIWAKA EVANDLHENI

SWIHLOKO LESWI DYONDZIWAKA EVANDLHENI

▪ Endla Ntirho Wa Wena Wa Ku Va Muevhangeli

Swi vula yini ku va muevhangeli? Xihloko lexi xi ta hlamula xivutiso lexi naswona xi ta kombisa leswaku ha yini vanhu va fanele va twa mahungu lamanene. Xi ta tlhela xi hlamusela leswaku hi nga humelela njhani loko hi endla ntirho wa hina wa ku va vaevhangeli.

▪ Xana U ‘Hisekela Mintirho Leyinene’?

Xihloko lexi xi hlamusela tindlela timbirhi leti ha tona ‘ku hisekela ka hina ku endla mintirho leyinene’ ku kokaka vanhu leswaku va lava ku tiva Xikwembu. (Tito 2:14) Ndlela yo sungula i ntirho wa hina wo chumayela kasi ya vumbirhi i ku tikhoma ka hina lokunene ka Vukreste.

▪ Tiyisa Vukati Bya Wena Hi Mavulavulelo Lamanene

▪ Vatswari Ni Vana—Vulavurisanani Hi Ndlela Ya Rirhandzu

Ku vulavurisana hi ndlela leyinene i ka nkoka eka mpatswa leswaku wu va ni vukati ni vutomi bya ndyangu lebyi tsakisaka. Xihloko xo sungula xi kombisa timfanelo leti nga hi pfunaka leswaku hi vulavurisana kahle. Xihloko xa vumbirhi xi hlamusela ndlela leyi vatswari ni vana va nga swi tlhantlhaka ha yona swiphiqo swo vulavurisana.

▪ Sirhelela Ndzhaka Ya Wena Hi Ku Endla Swiboho Swa Vutlhari

Hi yihi ndzhaka ya moya leyi vekeriweke Vakreste? Hi nga dyondza yini malunghana ni ndzhaka ya hina eka ndlela leyi Esawu a a yi teka ha yona ndzhaka ya yena? I yini leswi nga hi pfunaka ku endla swiboho swa vutlhari kutani hi sirhelela ndzhaka ya hina? Swivutiso leswi swa hlamuriwa exihlokweni lexi.