NKANDZIYISO WA VANDLHA

SWIHLOKO LESWI DYONDZIWAKA EVANDLHENI

▪ Ti Tlangele Swinene Timfanelo Ta Yehovha

▪ Tlangela Ku Hanana Ni Ku Anakanyela Ka Yehovha

▪ Tlangela Ku Tshembeka Ni Ku Rivalela Ka Yehovha

Tanihi Vakreste, ha swi tiva leswaku Yehovha u ni timfanelo letikulu ta mune. Kambe swihloko leswinharhu swi ta hi pfuna ku twisisa ni ku ti teka ti ri ta nkoka timfanelo letin’wana ta Yehovha leti hi nga taliki ku dyondza ha tona. Eka mfanelo ha yin’we, hi ta hlamula swivutiso leswi: Mfanelo leyi yi vula yini? Yehovha u yi kombisa njhani? Naswona hi nga n’wi tekelela njhani hi ku yi kombisa?

▪ Pfumelela Ku Tshinyiwa Hi Yehovha Ku Ku Vumba

Loko Matsalwa ma hlamusela vulawuri lebyi Yehovha a nga na byona evanhwini hi ndlela yo fanekisela, ma vula leswaku Yehovha i “Muvumbi” wa hina. (Esa. 64:8) Xihloko lexi xi kombisa leswi hi nga swi dyondzaka hi Muvumbi Lonkulu eka ndlela leyi a va vumbeke ha yona vanhu ni matiko enkarhini lowu hundzeke. Xi tlhela xi hlamusela ndlela leyi hi nga vuyeriwaka ha yona namuntlha loko a hi vumba.