NKANDZIYISO WA VANDLHA

Twana hi vuyelo lebyi veke kona eka vavanuna ni vavasati hikwalaho ka ku xandzukela Xikwembu le Edeni. Hlaya hi mintokoto ya vavasati van’wana lava a va chava Xikwembu va le nkarhini lowu hundzeke. Nakambe twana hi xiphemu lexi vavasati lava nga Vakreste va xi hetisisaka eka xikongomelo xa Xikwembu namuntlha.

Muhuweleri un’wana ni wun’wana wa Mfumo u lava leswaku swilo swi n’wi fambela kahle ensin’wini. Twana swiringanyeto swin’wana leswi pfunaka swa ndlela yo tirhisa Bibele ni swiphephana swa hina leswaku hi sungula mabulo ni vanhu hi tlhela hi fikelela timbilu ta vona hi ku tirhisa Rito ra Yehovha leri hanyaka.

Hi fanele hi va ni vuxaka lebyikulu ni Muvumbi wa hina. Twana ndlela leyi lunghiselelo ra Yehovha ra nkutsulo ni Rito ra yena leri tsariweke swi swi kombisaka ha yona leswaku hi yena a tekeke goza ku sungula leswaku a hi kokela eka yena.

Leswaku hi famba endleleni ya ntiyiso, hi fanele hi yingisa leswi Yehovha a swi vulaka. Twana ndlela leyi hi nga yingisaka rito ra Yehovha ha yona ku nga khathariseki swihinga swa Sathana ni mukhuva lowu hi nga na wona wo endla xidyoho. Xihloko lexi xi ta hi pfuna leswaku hi vona ndlela leyi swi nga swa nkoka ha yona ku vulavula ni Xikwembu xa ntiyiso nkarhi na nkarhi.