NKANDZIYISO WA VANDLHA

Xihloko lexi xi ta hlamusela swivangelo swin’wana leswi endlaka vanhu vo tala va vula leswaku Timbhoni ta Yehovha ti kume ntiyiso. Hi ta tlhela hi kambisisa swivangelo leswi endlaka Timbhoni ti khorwiseka leswaku ti kume ntiyiso.

Hinkwerhu ka hina hi ta langutana ni maxangu leswi hi hanyaka emisaveni ya Sathana. Miringo yin’wana i minhlaselo leyi kongomeke ya ripfumelo ra hina; kasi yin’wana yi tumberile swinene. Xihloko lexi xi ta hi pfuna leswaku hi kota ku vona ndlela leyi Sathana a ringetaka ku tsanisa ripfumelo ra hina ha yona ni ndlela leyi hi nga lunghekelaka ku langutana ni minhlaselo ya yena ha yona.

Vatswari va fanele va kurisa vana va vona “hi ku tshinya ni nkongomiso wa mianakanyo wa Yehovha.” (Efe. 6:4) Xihloko lexi xi hlamusela tindlela tinharhu leti va nga kongomisaka vana va vona ha tona va tlhela va va pfuna ku rhandza Yehovha.

Swi tise ku yini leswaku vanhu va fa? ‘Rifu, nala wo hetelela, ri ta herisiwa njhani’? (1 Kor. 15:26) Vona ndlela leyi tinhlamulo ta swivutiso leswi ti byi kandziyisaka ha yona vululami, vutlhari ngopfu-ngopfu rirhandzu ra Yehovha.

I khale Yehovha a ri ni malandza yo tshembeka lama n’wi tirheleke nkarhi hinkwawo ku nga khathariseki swiphiqo leswi a ma langutana na swona emafambiselweni lawa ya swilo. Hi nga endla yini leswaku hi ‘tsundzuka ntirho wa wona wo tshembeka ni ku tikarhata ka wona ka rirhandzu’?—1 Tes. 1:3.