Tilulamisele Tsima Ra Xikhokhelo Xa Xihondzo Xo Rindza

Hi ku langutela tsima leri xiyekaka ra xikhokhelo xa Xihondzo xo Rindza hi April na May, Sosayiti yi lunghiselela minkandziyiso leyi tsakisaka hi ndlela yo hlawuleka ya Xihondzo xo Rindza na Awake! Swihloko swa le handle swi ta nyikela tinhloko-mhaka to hambana-hambana leti ngopfu-ngopfu ti nga emianakanyweni ya vanhu hinkwako.

Xihondzo xo Rindza xi ta hlamusela tinhloko-mhaka leti landzelaka: “Xana Nkarhi Wu Hundzile Ku Tlula Leswi U Ehleketisisaka Xiswona?” (April 1), “Ku Rhula Ku Ta Ta Rini Hakunene?” (April 15), “Ku Hlangavetana Ni Vugevenga eMisaveni Ya Mpfilumpfilu” (May 1) na “Rhangisa Xikwembu eVuton’wini Bya Wena Bya Ndyangu!” (May 15) Swihloko swa Awake! swi ta vulavula hi tinhloko-mhaka leti: “Loko Vanhu Ni Swiharhi Swi Hanya Hi Ku Rhula” (April 8), “Mpfuno Wa Vana Va Ku Dlaya Vukati” (April 22), “Mathikithi Ya Ku Gembula—I Mani La Winaka? I Mani La Lahlekeriwaka?” (May 8) na “Thelevhixini—Bokisi Leri Cinceke Misava” (May 22).

Vahuweleri hinkwavo, ngopfu-ngopfu maphayona, va fanele va xiya swilaveko swa vona swa ntirho lowu engetelekeke eku nyikeleni ka swikhokhelo ni ku hangalasa timagazini ta vona. Tiyiseka leswaku u kombela nhlayo leyi engetelekeke ya timagazini hi nkarhi lowu faneleke leswaku u kuma mphakelo lowu aneleke eku sunguleni ka tsima ra Xihondzo xo Rindza.