Ku Tirha Laha Xilaveko Xi Kuleke Kona

1 Eka Ntsombano wa hina wa Muganga wa “Ririmi Leri Tengeke” hi khutaziwe ku endla hinkwaswo leswi hi nga swi kotaka ku pfuna vanhu vo tala ku hlanganyela hi ku hiseka ni nhlengeletano ya Xikwembu. Hi ku tekelela Pawulo, xana hi nga tikarhata leswaku hi fikelela nsimu leyi nga khumbiwangiki? Ku vuriwa yini hi ku tirha etindhawini leti ku nga na xilaveko lexikulu xa vahuweleri va Mfumo eka tona? Hinkwerhu ka hina hi fanele ku lava ku hangalasa mahungu lamanene ensin’wini ya le kule.—Varhoma 15:20, 21.

2 Hi tsakela ku mi nyika nxaxamelo wa tindhawu leti xilaveko xi kuleke eka tona. Hi ku rhamba leswaku u xiya xiyimo xa wena hi xikhongelo naswona u vona loko u ta tiendla u kumeka ku tirha eka yin’wana ya tindhawu leti landzelaka:

NSIMU YA XITSONGA:

DZUMERI: En’walungwini wa Tzaneen. Nsimu leyikulu leyi nga na vahuweleri va 15 ni maphayona manharhu ya xisati kambe a ku na makwerhu wa xinuna wo rhangela. Nkulu kumbe nandza wa vutirheli la nga ni ndyangu lowu tiyeke va laveka.

GIYANI: Nsimu leyikulu swinene ni leyi vekaka mihandzu. Bandlha ra vahuweleri va 26 na maphayona ya 6 ya nkarhi hinkwawo a ri swi koti ku yi hlanganisi nsimu leyi yi nga ni vaaki lava ringaniseriwaka eka 25 000. Maphayona lama engetelekeke ni mindyangu leyi tiyeke ya laveka.

MBOKOTA: Ekusuhi na Louis Trichardt. Ku na bandlha lerintsongo ra vahuweleri va 22, a ku na makwerhu wa xinuna la rhangelaka. Vakulu ni malandza ya vutirheli va laveka.

NSIMU YA XIVENDA:

GANDLANI: Ku na ntlawa wa vahuweleri va nhungu. Vakulu, malandza ya vutirheli ni maphayona va laveka.

FEFE: Ekusuhi na Mudale. Ku na vahuweleri vanharhu ntsena lava chivirikaka. Vakulu kumbe malandza ya vutirheli lava nga ni mindyangu leyi tiyeke va nga pfuna swinene hi ku tiyisa ntlawa ni ku pfuna ku nyikela vumbhoni lebyinene endhawini leyi.

FOLOVHODWE: Ku na vahuweleri va tsevu lava chivirikaka. Ku laveka un’wana la nga ta rhangela. Maphayona lama engetelekeke na wona ma laveka.

MAKHUSHU: Ekusuhi na Messina. Nsimu leyikulu leyi tirhiwaka hi vamakwerhu vanharhu va xisati ntsena. Ku laveka makwerhu wa xinuna loyi a nga phayona kumbe ndyangu lowu tiyeke.

3 Loko u ri eka xiyimo xo ya eka tindhawu leti nga laha henhla, hi ku rhamba leswaku u vulavurisana ni vakulu va ka n’wina. Endzhaku ka sweswo u nga tsalela Sosayiti, u kombela komiti ya ntirho ku sayina papila ra wena. (Hi kombela u languta buku leyi nge Our Ministry, matluka 112 na 113.) Ha tshemba leswaku vo tala swinene va ta swi kota ku hlamula xirhambo xo tirha laha xilaveko xi nga xikulu kona.—Mintirho 16:9, 10.