Vutirheli Bya Hina Bya Mfumo Byi Kuma Xivumbeko Lexintshwa

Eka nkandziyiso wa byona wa September, Vutirheli Bya Hina Bya Mfumo byi humelela hi xivumbeko lexintshwa. Xivumbeko lexi antswisiweke xi ta olovisa tindlela ta ntirho eku humeseni ka nkandziyiso lowu wa n’hweti na n’hweti hi tindzimi to tala ni ku olovisela vahlayi ku kuma rungula ro karhi.

Hi xivumbeko lexi lexintshwa, swihloko ni tindzimana hinkwato swi nga humesiwa hi khophyutara. Ku ta va ni mavekelo lama fanaka, xisweswo swi endla xivumbeko xa Vutirheli Bya Hina Bya Mfumo xi koka mahlo.

Eka muhlayi, ku na ku antswisiwa ko talanyana. Ku na mimpimo leyi fanaka ya matsalelo, naswona matsalelo lama hlawuriweke ya ndzima ma hlayeka kahle, hambi loko ma ri ni mpimo lowutsongo. Xiviko xa ntirho wa nsimu xi ta hlayeka hi ku olova. Nakambe swihloko-nkulu hakanyingi swi ta humelela eka matluka ya le handle, naswona swihloko swo tala swi ta hetiwa eka tluka leri fanaka. Nongonoko wa Nhlangano wa Ntirho, xiyimiso xa Dyondzo ya Buku ya Bandlha, xiviko xa ntirho, Switiviso, Marungula Ya Swa Mfumo, Minhlangano Ya Ntirho Wa Nsimu, Nhloko-mhaka Ya Mbulavurisano ni Bokisi Ra Swivutiso swi ta humelela eka matluka ya le ndzeni.

Hi tshemba leswaku xitirho lexi xa nkoka mi ta xi kuma xi ri mpfuno lowu kokaka mahlo swinene ni lowu humelelaka entirhweni wo chumayela mahungu lamanene ya Mfumo ni ku endla vadyondzisiwa.