Switiviso

◼ Nyiko ya buku ya October: Swikhokhelo swa Awake! kumbe Xihondzo xo Rindza kumbe swa timagazini ha timbirhi hi munyikelo wa R17,00 xin’we eka minkandziyiso leyi humaka kambirhi hi n’hweti. Swikhokhelo swa lembe rin’we eka minkandziyiso leyi humaka kan’we hi n’hweti ni le ka swikhokhelo swa tin’hweti ta tsevu eka minkandziyiso leyi humaka kambirhi hi n’hweti i R8,50. November: Bibele—I Rito Ra Xikwembu Kumbe I Ra Munhu? hi munyikelo wa R2,60. December: Buku Yanga Ya Timhaka Ta Bibele hi munyikelo wa R8,00. January na February: Buku yihi na yihi ya matluka ya 192 leyi humesiweke emahlweni ka 1980 leyi bandlha ri nga na yona exitokweni hi munyikelo wa R1,00. Mabandlha ma nga ha oda tibuku leti landzelaka ta nyiko yo hlawuleka eka Sosayiti naswona ma nga ha kombela ku hunguteriwa nxavo eka tibuku leti kumiweke hi vahuweleri ni maphayona: Ntiyiso Lowu Yisaka eVuton’wini Lebyi Nga Heriki, Xana Vutomi Lebyi Byo Va Na Sweswi Ntsena? Hi nkarhi wa tsima leri ntsena, nxavo wa maphayona ya nkarhi hinkwawo ni lama hlawulekeke i 60c. Eka vahuweleri va bandlha ni maphayona ya nkarhinyana, nxavo i R1,00.

◼ Mabandlha ma fanele ma sungula ku oda Ku Kambisisa Matsalwa Siku Na Siku—1992 hi odara ya wona leyi tolovelekeke ku sukela hi November 1. Swibukwana swi ta kumeka hi Xibunu, Xinghezi, Xifurwa, Xijarimani, Xigriki, Xintariyana, Xiputukezi, Xipedi, Xisuthu, Xitsonga, Xitswana, Xivenda, Xixhosa ni Xizulu. Ku kondza swibukwana leswi swi kumeka ni ku rhumeriwa ku endliwile, leswi swi ta humelela tanihi “Will Send Later” eka ti-invoice ta bandlha. Swibukwana leswi nge Ku Kambisisa Matsalwa i swilo swa xitoko lexi lawuriwaka naswona swi ta chajiwa eka akhawunti ya tibuku hi 85c xin’we, ku nga nxavo wa vahuweleri. Maphayona ya nkarhi hinkwawo ni lama hlawulekeke lama nga enxaxamelweni emahlweni ka July 1, 1991, ma nga ha amukela kopi yin’we ya mahala kutani ma kuma tikopi leti engetelekeke hi 55c yin’we. Mabandlha lama nga hava akhawunti ni Sosayiti kumbe lama nga ni xikweleti eka akhawunti ya wona ya tibuku, ma fanele ku rhumela khexe ni odara ya wona. Nxaxamelo lowu hambaneke wu fanele wu endliwa eka “Remittance and Credit Request” (S-AB-20) ku kombisiwa tikopi ta mahala leti yaka eka maphayona. Hi khutaza xirho xin’wana ni xin’wana xa ndyangu leswaku xi va ni kopi ya xibukwana lexi. Leswi swi fanele ku odiwa hi bandlha.

◼ Hi tsundzuxa MABANDLHA HINKWAWO leswaku ma komberiwa ku oda “Medical Document” na “Identity Card” hi xihatla hi laha swi kotekaka ha kona eka fomo ya nkarhi na nkarhi ya “Literature Order” (S-AB-14). Mabandlha lama nga ni xikweleti eka akhawunti ya wona ya tibuku ma fanele ma rhumela khexe ni odara ya wona. Makhadi lawa i 5c rin’we. Hi kombela mi nga avi makhadi lawa, kambe ma hlayiseni ku kondza mi kuma swiletelo leswi engetelekeke leswi humaka eka Sosayiti.