Minhlangano Ya Ntirho Ya October

Vhiki Leri Sungulaka Hi September 30

Risimu 199

12 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Tanihi leswi October yi nga ta va n’hweti yo hetelela ya tsima ra nsimu leyi nga aviwangiki, hi rirhandzu, khutaza vo tala hi laha swi kotekaka ha kona ku hlanganyela entirhweni lowu. Kunguhatani ku hlanganisa nsimu ya n’wina eku heleni ka n’hweti leyi. Yi ta tameriwa hi mulanguteri wa ntirho loyi nakambe a faneleke a bula hi malunghiselelo ya bandlha yo tirha nsimu leyi nga aviwangiki.

18 min: “Ku Twisisa Nhlamuselo Ya Swiendlakalo Swa Sweswinyana.” Swivutiso ni tinhlamulo. Endzhaku ko kambisisa ndzimana 6, nyikela nkombiso u tirhisa Nhloko-mhaka ya Mbulavurisano leyintshwa. Kombisa xihloko lexi kongomeke lexi humaka eka magazini wa sweswinyana wa Xihondzo xo Rindza.

15 min: Ndlela leyi magazini wa Awake! wu hi pfuneke ha yona hi hexe. Makwerhu la fanelekaka u vulavurisana ni vahuweleri vanharhu kumbe mune. Loko swi koteka katsa muntshwa un’we la nghenaka xikolo.

Risimu 174 na xikhongelo xo pfala.

Vhiki Leri Sungulaka Hi October 7

Risimu 27

5 min: Switiviso swa bandlha.

15 min: “Tinyiketele eVutirhelini Bya Nsimu—Xiyenge 4.” Nkulumo. Khutaza tinhloko ta mindyangu ku pfuna hinkwavo endyangwini leswaku va hleleka ni ku simeka tipakani letinene ta ntirho.

15 min: “Ku Twarisa Mahungu Lamanene—Hi Ku Tirhisa Tibuku Hi Vutlhari.” Swivutiso ni tinhlamulo. Endla rungula leri ri tirha kwalaho. Kandziyisa yinhla ya leswaku vahuweleri a va fanelanga va siya timagazini handle ko xiya ehansi ka rivanti loko vini va miti va nga ri kona ekaya, kumbe va ti nyika lava nga tsakeliki hi xiviri lava vulaka leswaku a va na mali.

10 min: “Ha Yini U Ambala Ku Titsongahata?” Nkulumo leyi khutazaka leyi sekeriweke eka xihloko lexi nga eka Xihondzo xo Rindza xa July 15, 1991, matluka 27-30.

Risimu 92 na xikhongelo xo pfala.

Vhiki Leri Sungulaka Hi October 14

Risimu 107

10 min: Switiviso swa bandlha, Marungula Ya Swa Mfumo, xiviko xa timali ni swibumabumelo swa minyikelo. Tivisa bandlha hi xiviko xa ntirho wa nsimu xa September.

20 min: Ku Lavisisa Ni Ku Dyondzisa Lava Fanelaka. Nkulumo ni mimbulavurisano. Kandziyisa Matewu 10:11. Ku kuma vanhu ekaya i xiphiqo lexi andzaka naswona xi nga va ni vuyelo lebyi kongomeke eku humeleleni ni le ka ntsako wa hina. Ku nga endliwa yini? (km 6/85 tl. 4) Tshinelela vanhu emajarateni ya vona. Hlayisa rhekhodo ya lava nga riki kona ekaya ivi u tlhela u endza hi ku hatlisa. Van’wana va humelerile swinene hi ku kuma vanhu vo tano va ri ekaya ni madyambu, kutani hlanganyela eku nyikeleni ka vumbhoni ni madyambu. (kmTS 6/87 tl. 4) Ku nyikela vumbhoni hi xitarata ku nga humelela. Loko u hlangana ni vanhu lava tsakelaka exitarateni, teka vito ni adirese. Endla malunghiselelo yo va endzela emakaya ya vona. (Hi ku komisa vulavurisana ni vahuweleri vambirhi kumbe vanharhu ni/kumbe maphayona lama humeleleke eku nyikeleni ka vumbhoni ni madyambu kumbe exitarateni.) Sathana u ta tirhisa tindlela tin’wana ni tin’wana leti kotekaka ku hi sivela leswaku hi nga va kumi lava fanelaka. Hi fanele hi va lavisisa. “Tinyimpfu” i ta Yesu Kriste. U hi lerise leswaku hi ti kuma ni ku ti wundla. (Yoh. 21:15-17) Leswi swi hi pfuna ku twisisa xilaveko xo fikelela vaaki va kaya rin’wana ni rin’wana loko swi koteka.

15 min: Ku Pfuneka Hi Timhaka Ta Vutomi Bya Timbhoni Ta Yehova. Bulo hi vamakwerhu vambirhi. Nkarhi na nkarhi, timhaka ta vutomi ta malandza ya manguva lawa ya Xikwembu ta humelela eka Xihondzo xo Rindza ni Awake! Ti xaxametiwa eka Watch Tower Publications Index hi vito ni xihloko. (Kombisa ndlela yo kuma swihloko leswi kongomeke.) I swa nkoka leswaku hi hlaya swihloko leswi hi vukheta ni ku kuma matimba ni xikhutazo eka swona. Tirhisa rungula ku khutaza vamakwerhu ni swichudeni swa Bibele. Hi ku komisa pfuxeta xihloko lexi nge “Mawaku Ntsako Wonghasi Wo Tshama eTafuleni Ra Yehova!” lexi humaka eka Xihondzo xo Rindza xa August 1, 1991, matluka 25-9. Kandziyisa tinhla leti kongomeke leti humaka eka xihloko lexi leti hi pfunaka (a) evutirhelini bya hina bya nsimu, (b) ku tiyisela miringo, (c) ku tlangela Yehova ni nhlengeletano ya yena hi laha ku antswaka ni (d) ku tlangela vumakwerhu bya misava hinkwayo. Hi pfuneka ngopfu hi ku “fana ni vanhu lava sweswi va kumaka leswi va tshembisiweke swona, hi mhaka ya ku pfumela ka vona ni ku lehisa timbilu.”—Vahev. 6:11, 12.

Risimu 18 na xikhongelo xo pfala.

Vhiki Leri Sungulaka Hi October 21

Risimu 59

10 min: Switiviso swa bandlha. Hi ku komisa boxa tinhla to vulavurisana leti humaka eka timagazini leti ti nga ha tirhisiwaka eku nyikeleni ka vumbhoni vhiki leri.

20 min: “Lunghiselelo Ra Dyondzo Ya Buku Ya Bandlha—Xiyenge 4.” Swivutiso ni tinhlamulo. Kandziyisa xilaveko xa leswaku hinkwerhu hi kombisa ku tsakela ka munhu hi xiyexe eka un’wana ni un’wana eka ntlawa wa dyondzo ya buku.

15 min: “Ku Aka Vumunhu Bya Vukriste Eka Vana Va Hina.” Bulo hi vamakwerhu vambirhi ra xihloko lexi humaka eka Xihondzo xo Rindza xa July 1, 1991, matluka 24-7. Kandziyisa xilaveko xa matshalatshala lamakulu eka vatswari. Tirhisa mhaka leyi eka swilaveko swa bandlha ra ka n’wina.

Risimu 116 na xikhongelo xo pfala.

Vhiki Leri Sungulaka Hi October 28

Risimu 164

10 min: Switiviso swa bandlha. Hi ku komisa kambisisa nyiko ya n’hweti ya November.

12 min: Ntikelo wa broxara leyi nge School and Jehovah’s Witnesses. Nkulumo, ngopfu-ngopfu hi nkulu loyi a nga mutswari. Kandziyisa ntikelo wa broxara wa ku toloveta vafambisi va swikolo tidyondzo ta Timbhoni ta Yehova ni ku pfuna vatswari va Vakriste ni vantshwa hi timhaka leti katsaka mintirho ya xikolo. Rungula leri gandlisiweke ri fanele ri pfuxetiwa nkarhi na nkarhi ni vantshwa. Loko swiphiqo kumbe swivutiso swi tlakuka, kambisisa broxara leswaku u kuma nkongomiso. Swiphiqo swo tala leswi tlakukeke eka vafambisi va swikolo swi vangiwe hi ku tsandzeka ka vatswari ku vulavurisana ni mathicara hi nkarhi lowunene. Loko nkongomiso lowu nga eka broxara wu landzeleriwa swiphiqo swa papalatiwa. Kokela nyingiso eka rungula leri kongomeke leri xaxametiweke ehansi ka “Sound Moral Principles” na “Holidays and Celebrations.” (Matl. 9-11, 17-21) Mabandlha ma fanele ma va ni mphakelo wa broxara leyi leswaku vatswari va tikumela tikopi va ta ti fambisela mathicara. Eku heteleleni, kandziyisa xilaveko xa leswaku vatswari va khumbeka hi ku dyondza ka vana va vona ni ku khomisana ni vulawuri bya xikolo.—Matl. 30-1.

15 min: “Vantshwa Va Vakriste—Tiyani eRipfumelweni.” Bulo hi ndyangu, ri sekeriwe eka xihloko lexi nga eka Xihondzo xo Rindza xa July 15, 1991, matluka 23-6. Tatana u rhangela ebulwini, a katsa nsati ni vana. Hlawula tindlela leti ha tona vantshwa va nga langutanaka ni miringo yo hambana-hambana ya ripfumelo exikolweni hi laha ku humelelaka.

8 min: Ku kambisisa Bokisi Ra Swivutiso. Nkulumo. Hlaya ni ku bula hi rungula loko nkarhi wu pfumela.

Risimu 183 na xikhongelo xo pfala.