Xikolo Xa Vutirheli Bya Mfumo Xi Nyika Dyondzo Ya Le Tilweni

Vakulu va rhwala ndzhwalo wo tika wa vutihlamuleri. Ku sukela hi 1959, malunghiselelo ma endliwile ya “dyondzo ya ndzetelo lowu hlawulekeke entirhweni wa valanguteri” ku va pfuna leswaku va khathalela xiavelo lexi xo tika. (jp matl. 292-3; yb77 tl. 14) Malandza ya vutirheli ma rhambiwile ku va kona ro sungula hi 1984. Xikolo xa Vutirheli bya Mfumo xo hetelela xi khomiwile hi lembe ra ntirho ra 1988, naswona makume ya magidi ma pfunekile.

Ku sukela kwalaho, madzana ya mabandlha ma vumbiwile naswona magidi ya vamakwerhu ma hlawuriwile tanihi vakulu ni malandza ya vutirheli. Nakambe, mindzulamiso ya mafambiselo yi endliwile. Hikwalaho, Huvo leyi Fumaka yi hlele leswaku hinkwavo vakulu ni malandza ya vutirheli va mabandlha va va kona eka Xikolo xa Vutirheli bya Mfumo elembeni leri ra ntirho. Dyondzo leyintshwa yi kunguhatiwile leswaku ku fikeleriwa swilaveko swa sweswinyana ensin’wini. Vayimeri va le Bethele ni valanguteri van’wana lava famba-fambaka va ta rhangela eku dyondziseni exikolweni lexi. Mabandlha hinkwawo ma ta pfuneka loko vakulu ni malandza ya vutirheli va tirhisa leswi va swi dyondzaka exikolweni.