Marungula Ya Swa Mfumo

Afrika Dzonga: Ntsengo wa vahuweleri, maphayona ni maphayona yo hlawuleka ya nkarhinyana wa 12 498, va hlanganyerile eka tsima ra nsimu leyi nga aviwangiki n’wexemu. Vatirheli lava va hete tiawara ta 140 556 evutirhelini. Va fambise tibuku ta 11 870, swibukwana swa 38 159, ni timagazini ta 65 800 naswona va kume swikhokhelo swa 274. Va endle maendzo yo vuyela ya 13 906 kutani va fambisa tidyondzo ta Bibele ta 1 859. Laha swi kotekaka kona, hi mi khutaza leswaku mi landzelerisa eka ntirho lowu wo saseka hi ku tshama mi vulavurisana ni vanhu lava kombiseke ku tsakela. August, September na October ti tlhele ti hlawuleriwa tsima ra nsimu leyi nga aviwangiki nan’waka.