Marungula Ya Swa Mfumo

Afrika Dzonga: Ku ya eku heleni ka 1992 ku hetiwe Tiholo ta Mfumo leti landzelaka: KaNyamazane Central (ekusuhi na Nelspruit), Katlehong (ekusuhi na Alberton​​—⁠⁠holo leyi ya swivandla swimbirhi yi akiwe hi mahelo-vhiki manharhu hi October naswona yi ta tirhisiwa hi mavandlha ya mune), Meyerton (holo yin’wana leyi akiweke hi ku hatlisa), na Cala na Lugangeni le Transkei.

Elembeni ra 1992, Tiholo ta Mfumo ta 34 ti nyiketeriwile eka Yehovha. Leswi swi yimela ku engeteleka ka 25 wa tiphesente ku tlula nhlohlorhi leyi hundzeke ya 27 wa Leyi i nhlayo leyi tlakukeke ku tlula malembe man’wana eAfrika Dzonga. Hi mi nkhensa hinkwenu hi nseketelo wa n’wina wa rirhandzu entirhweni lowu. Onge hi nga hlayisa rivilo leri lerinene naswona hi hambeta hi titshega hi Yehovha eka hinkwaswo leswi hi swi endlaka.

Australia: Nhlohlorhi leyintshwa ya vahuweleri va 57 272 yi fikeleriwile hi August, ku pfariwe lembe ra ntirho hi vahuweleri va 1 541 ku tlula nhlohlorhi ya vona leyi hundzeke. Ku vikiwe nhlohlorhi leyintshwa ya tidyondzo ta Bibele ta 31 712.

Cyprus: Hi August va ve ni nhlohlorhi ya vona ya vunhungu ya vahuweleri ya lembe ra ntirho, ku vike 1 433. A ku ri ku engeteleka ka 9 wa tiphesente ku tlula nhlayo-xikarhi ya n’wexemu.

Ghana: Ku engeteleka ka 18 wa tiphesente ku tlula nhlayo-xikarhi ya n’wexemu ya nhlayo ya vahuweleri ku fikeleriwile hi August, lava vikeke ntirho wa nsimu a va ri 37 676.

Puerto Rico: Hi August ku vikiwe nhlohlorhi leyintshwa ya vahuweleri va 25 315.

Riphabliki Ra Dominican: Hi August ku vike 15 418, va ve ni ku engeteleka ka 20 wa tiphesente eka vahuweleri ku tlula lembe ra ntirho leri hundzeke. Vahuweleri lava tlulaka 20 wa tiphesente va le ntirhweni wa nkarhi hinkwawo.

Togo: Hi August ku vikiwe ku engeteleka ka 28 wa tiphesente ta vahuweleri ku tlula nhlayo-xikarhi ya n’wexemu. Lembe ra ntirho ri pfale ku ri na 7 100 wa vahuweleri lava vikeke. Ku khuvuriwe 728 wa lavantshwa elembeni ra ntirho.