Minhlangano Ya Ntirho Ya January

Vhiki Leri Sungulaka Hi January 4

Risimu 23

10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo.

20 min: “Chumayela Hi Ndlela Ya Xikwembu Ya Ku Rhula Ni Nsirhelelo.” Ku hlanganisa xihloko hi swivutiso ni tinhlamulo. Khutaza vayingiseri ku tirhisa nyiko ya buku leyi kombisiweke entirhweni wa nsimu. Endzhaku ko hlanganisa ndzimana 7, vana ni muhuweleri la lunghiseleleke kahle a komba ndlela leyi dyondzo ya Bibele yi nga sunguriwaka ha yona eka riendzo ro sungula kumbe eka riendzo ro vuyela, a tirhisa xiphephana lexi nge Vutomi eMisaveni Leyintshwa Ya Ku Rhula. Muhuweleri: “Avuxeni. Hi vulavurisana ni vanhu namuntlha malunghana ni nkoka wa vutomi. Xana swa ku enerisa leswi u swi vonaka swi endleka evuton’wini bya vanhu namuntlha?” N’wini wa muti: “A swi ndzi enerisi kahle.” Muhuweleri: “Xana u vona onge xiyimo lexi xi ta antswa?” N’wini wa muti: “A ndzi tivi.” Muhuweleri u fambisa xiphephana kutani a ku: “Van’wana va ehleketa leswaku leswi endlekaka swi hetisisa vuprofeta bya Bibele ni leswaku makumu ya misava ma tshinele. Wena u swi vona njhani?” N’wini wa muti: “A ndzi tivi. Kumbexana i ntiyiso.” Kutani muhuweleri u kombetela exiphephanini, a hlamusela leswaku makumu ya misava a ma vuli kona ku hela ka matilo ni misava ya xiviri. Muhuweleri u hlela riendzo rin’wana leswaku va ta languta vumbhoni bya Bibele bya leswaku makumu ya mafambiselo lawa ma tshinele.

15 min: Swilaveko swa vandlha kumbe nkulumo leyi nge Maintain a Proper View of Entertainment, leyi humaka eka Awake! ya November 8, 1992, matluka 3-⁠10.

Risimu 139 ni xikhongelo xo pfala.

Vhiki Leri Sungulaka Hi January 11

Risimu 162

10 min: Switiviso swa vandlha. Tsundzuxa vamakwerhu hi malunghiselelo ya nsimu ya mahelo-vhiki lama taka.

20 min: Rhumela Vana Va Wena eXikolweni Va Ri Ni Mianakanyo Ya Xikwembu eTimbilwini Ta Vona. Nkulumo hi nkulu. Hi hanya emisaveni leyi lavaka ku ringeta ku hi fanisa na yona. Naswona leswi swi tano ngopfu-ngopfu eka vantshwa. Vatswari va fanele va langutela ngopfu swilaveko ni swiphiqo swa vona. (Swiv. 20:⁠5) Nghenisa milawu ni rirhandzu ra Xikwembu swin’we ni rirhandzu ra vatswari eka vana va vona. Nkombiso: Ndyangu wu bula hi ndlela yo tirhisa broxara leyi nge School. N’wana un’wana u sungula ku ya exikolweni, kasi vana lavan’wana vambirhi va ni malembenyana va ri exikolweni. Hlawula yinhla leyi nga ta tirha eka swiyimo swa un’wana ni un’wana wa vona. Endla leswaku vana va tiphofula hi marito ya vona eka mutswari la vulavulaka tanihi mudyondzisi. Tiyiseka leswaku vana va yi twisisa milawu leyi katsekaka. Nkulu u tsundzuxa vatswari leswaku vana va vona a va fanelanga va nghena dyondzo ya vukhongeri ni mintlango ya siku na siku ya vukhongeri (ku katsa ni ku hlaya mhaka yo karhi eBibeleni ni ku khongela). Tatana kumbe manana u fanele a famba ni n’wana (vana) a ya eka nhloko ya xikolo, a famba ni papila leri kombisaka tidyondzo leti n’wana a nga fanelangiki ku ti nghena. Eka swikolo swin’wana vadyondzisi va hlawule tlilasi leyi vana va Timbhoni va hlanganaka ka yona hi nkarhi wa dyondzo ya vukhongeri. Swikolo swin’wana swi nyike mutswari mpfumelelo wo langutela n’wana la nga Mbhoni ni ku n’wi dyondzisa timhaka ta Bibele. Lomu ku nga ni lunghiselelo leri, vakulu va fanele va ri fambisa hi vukheta ni ku tiyisekisa leswaku vahuweleri lava nga ni vutihlamuleri va ri khathalela. Makwerhu la tamelaka xiphemu lexi u khutaza dyondzo ya Bibele ya le kaya a tlhela a kandziyisa ni leswaku vatswari va fanele va va ni vunghana lebyikulu ni vana va vona.

15 min: Ku Papalata Swiphiqo Swa Mpompelo Wa Ngati​​—⁠⁠I Nkarhi Wo Pfuxeta Makhadi Ya Hina Ya Advance Medical Directive. Nkulu la tamelaka xiyenge lexi u ava makhadi lamantshwa eka vahuweleri lava khuvuriweke naswona u languta papila ra October 15, 1992, hi vukheta, leri hlamuselaka matirhiselo ya makhadi lawa. Loko u lunghiselela pfuxeta kahle papila ra Sosayiti ra January 1, 1990. Lava va sayinaka tanihi timbhoni va fanele va n’wi vona n’wini wa khadi loko a ri sayina. Kombela hinkwavo leswaku va tata makhadi lamantshwa va nga si suka eHolweni ya Mfumo. Vahuweleri lava khuvuriweke a va fanelanga va huma ekaya va nga ri na wona makhadi ya vona ya Advance Medical Directive/Release. Vana lavatsongo lava nga khuvuriwangiki lava nga ni mutswari wa Mbhoni va fanele nkarhi hinkwawo va famba ni Identity Card. Ku nga ri khale loko ku kambiwa eka vandlha rin’wana ku kumiwe leswaku muhuweleri un’we eka ntlhanu wa vona a nga ri na rona khadi rakwe, naswona a ku nga ri na vana lava a va ri ni ti-Identity Card. Eku heteleleni, hlaya ivi u tirhisa Swivuriso 22:⁠3.

Risimu 151 ni xikhongelo xo pfala.

Vhiki Leri Sungulaka Hi January 18

Risimu 130

10 min: Switiviso swa vandlha ni Marungula Ya Swa Mfumo. Hlaya xiviko xa timali ni marito ya Sosayiti yo nkhensa minyikelo. Bumabumela vandlha hi nseketelo wo tshembeka hi timali eka ntirho wa misava hinkwayo wa vandlha kun’we ni wa Sosayiti.

20 min: “Ku Tirhisa Switirho Swa Nkoka Hi Vutlharhi.” Endzhaku ka xingheniso xo koma xa mutshama-xitulu, ku ta va ni minkombiso yimbirhi leyi sekeriweke emhakeni leyi tsariweke eka tindzimana 2 ku ya ka 5. Eku heleni ka nkombiso wo sungula, n’wini wa muti u teka buku leyi fambisiwaka. Muhuweleri u tshembisa ku vuya a ta hlamula xivutiso lexi nge, Ha yini Xikwembu xi pfumelela ku xaniseka? Eku heleni ka nkombiso wa vumbirhi, ku sunguriwa dyondzo ya Bibele. Khutaza hinkwavo ku nghenisa vini va miti ebulweni ra Matsalwa loko va ri entirhweni wa nsimu eka mahelo-vhiki lawa.

15 min: Lexi Xi Endlaka Leswaku Vakreste Va Papalata Ngati. Nkulumo hi nkulu leyi sekeriweke eka nhlamuselo ni swihlokwana swo sungula swinharhu ehansi ka “Blood” ebukwini leyi nge Reasoning, matluka 70-⁠2.

Risimu 177 ni xikhongelo xo pfala.

Vhiki Leri Sungulaka Hi January 25

Risimu 128

5 min: Switiviso swa vandlha. Khutaza hinkwavo leswaku va hatlisa ku vika ntirho wa nsimu eku heleni ka n’hweti.

10 min: “Lunghelo Lerinene Ra Ntirho.” Bulo ni vayingiseri. Loko nkarhi wu pfumela, vulavurisana ni muhuweleri loyi a sunguleke ntila wa timagazini. U wu sungule njhani? Xana wu n’wi pfune njhani leswaku a hlakulela ku tsakela kumbe a byi vona kahle vuenti bya ku tsakela ka n’wini wa muti? Khutaza vandlha ku hlanganyela hi xitalo entirhweni wa timagazini, ri kamba swiringanyeto swin’wana leswi nyikiweke eka Vutirheli Bya Hina Bya Mfumo bya October 1992, tluka 11.

15 min: “Xana U Nga Tirhela Yehovha Tanihi Phayona?” Bulo ni vayingiseri. Vulavurisana ni muntshwa loyi a nga phayona ra nkarhi hinkwawo kumbe muhuweleri loyi a phayoneke a ha ri ntsongo. Komba ndlela leyi vatswari ni van’wana va nga khutazaka ha yona vantshwa ku fikelela pakani ya vona ya ku phayona. Khutaza hinkwavo leswaku va kambisisa swinene loko va ta swi kota ku nghenela ntirho wa nkarhi hinkwawo. Kunguhata sweswi ku phayona nkarhinyana hi April.

15 min: “Kurisa Ku Tsakela Hi Ku Endla Maendzo Yo Vuyela Lama Humelelaka.” Nkulumo yo koma leyi landzeriwaka hi nkombiso wa bulo leri kombisiweke eka ndzimana 3. Loko nkarhi wu pfumela, ku nga ha phindhiwa tinhla-nkulu tin’wana ta rungula leri, to fana ni xingheniso kumbe ndlela yo cincela etsalweni.

Risimu 160 ni xikhongelo xo pfala.