Marungula Ya Swa Mfumo

Afrika Dzonga: Ku nyiketeriwe Tiholo ta Mfumo tin’wana timbirhi, leti akiweke hi xihatla, yin’wana hi March 20 eZola North (Soweto), kasi yin’wana hi May 8 eSiyathemba (Balfour). Tiholo ta Mfumo timbirhi leti pfuxetiweke ti nyiketeriwile, yin’wana le Strand kasi yin’wana le Rondebosch, hi mahelo-vhiki ya May 8 na 9. Holo ya Mfumo le Kroonstad yi nyiketeriwile hi Mugqivela, May 8. Ha tsaka ku vona miako leyi ya ntlhanu, yo saseka yi rhurhela mavandlha ya nkombo. Hi nkhensa mavandlha hinkwawo ya 155 lama lombeke mali ya Tiholo ta Mfumo, hi ku rhumela mali ya wona hi ku tshembeka eka Sosayiti, ni le ka mavandlha hinkwawo lama nyikelaka eka Nkwama wa Sosayiti wa Tiholo ta Mfumo.

Benin: Hi February ku vikiwe nhlohlorhi leyintshwa ya vahuweleri va 2 967. Loko yi ringanisiwa ni ntirho wa lembe leri hundzeke, vahuweleri va tlakuke hi 13,8 wa tiphesente, tiawara hi 6,1 wa tiphesente, timagazini leti fambisiweke hi 40,6 wa tiphesente, ni tidyondzo ta Bibele hi 25,1 wa tiphesente.

Zaire: Ku nga khathariseki swiphiqo swa ikhonomi ni swa politiki eka tiko leri, vamakwerhu va vike nhlohlorhi leyintshwa ya vahuweleri va 71 098 hi February. Ku engeteleka ka kaye wa tiphesente ku tlula avhareji ya n’wexemu. Vahuweleri va vandlha va endla avhareji ya tiawara ta 16,8 entirhweni wa nsimu. EZaire sweswi ku ni maphayona ya nkarhi hinkwawo yo tlula 6 000.