Marungula Ya Swa Mfumo

Afrika Dzonga: Swa khutaza swinene ku xiya leswaku miako ya Tiholo ta Mfumo ya 25 se a yi ri exiyin’weni lexinene loko ku sungula lembe leri. Nakambe, mabandlha yo hlayanyana ma karhi ma pfuxeta tiholo ta wona. Hi khutaza lava katsekaka eku akeni ka Tiholo ta Mfumo leswaku va hambeta va tirha va ya emahlweni.

Hi January na February titlilasi ta Xikolo Xa Vutirheli Bya Mfumo xa 1992 ti fambiseriwe vakulu va 3 971 ni malandza ya vutirheli ya 3 637. Hinkwato ti fambe kahle naswona a ku ri ni mintokoto yo tala ya ku tlangela dyondzo leyi. Vakulu ngopfu-ngopfu va tlangele buku-mpfuno leyi pfuxetiweke ya Xikolo Xa Vutirheli Bya Mfumo. Sosayiti yi rhandza ku khensa vakulu ni malandza ya vutirheli hinkwawo hi ku hanana ka vona hi minyikelo ya timali entirhweni wa Mfumo.

St. Lucia: Nhlohlorhi leyintshwa ya vahuweleri va 481 yi fikeleriwile hi November.

Tahiti: Nhlohlorhi leyintshwa ya vahuweleri va 1 366 yi fikeleriwile hi November, ku engeteleka ka 10 wa tiphesente.

Thailand: Nhlohlorhi leyintshwa ya vahuweleri va 1 232 yi vikiwile hi November, ku engeteleka ka 6 wa tiphesente ku tlula n’hweti leyi fanaka ya n’wexemu.

Zaire: N’hweti ya October 1991 yi kavanyetiwe hi madzolonga ni ku wutla emadorobheni yo tala. Kambe, ku nga khathariseki ku nonon’hweriwa hi tlhelo ra ikhonomi vamakwerhu va ya emahlweni va chumayela mahungu lamanene. Nongonoko wa mpfuno wa xihatla wa swakudya wu sunguriwile le Kinshasa leswaku ku pfuniwa vamakwerhu; leswi va swi tlangele ngopfu.