Marungula Ya Swa Mfumo

Afrika Dzonga: Nhlangano wa nkoka wu khomiwile eBloemfontein hi August 3 na 4, 1991, loko Tikomiti To Aka Ta Xifundza ta 22 leti yimeriweke hi vapfhumba va 102 lava humaka etikweni hinkwaro ti hlanganile ku ta vula xilaveko xa xihatla xa Tiholo leti engetelekeke ta Mfumo. Hi na tiholo ta 257 etikweni. Leswaku hi fambisa ntirho, tiholo tin’wana ta 259 ta laveka sweswi. Nkambisiso lowukulu wu nyikeriwile eka tindlela to aka leti hatlisaka ni leti antswaka. Ku vulavurisana loku endliweke exikarhi ka swirho swa komiti leswi humaka eka swifundza swo hambana-hambana ku tikombe ku ri ka ntikelo. Vapfhumba lava chivirikaka va tlhelele ekaya va tiyimisele ku hatlisisa nongonoko wa vona wo aka hi laha ku engetelekeke. Ku seketela ka wena nongonoko wo aka Tiholo ta Mfumo hi vutshembeki ka tlangeriwa swinene.