Arungula Ya Swa Mfumo

◆ Canada ri hundze mfungho wa 100 000 eka ntsengo wa vahuweleri hi April, hi nhlohlorhi leyintshwa ya vahuweleri va 100 368.

◆ Swihlala swa Cape Verde swi ve ni nhlohlorhi ya vahuweleri va 410 hi April hi ku engeteleka ka tiphesente ta 19 ku tlula avhareji ya lembe leri nga hundza. Vahuweleri va bandlha va ve ni avhareji ya 14,5 wa tiawara, naswona nhlohlorhi ya tidyondzo ta Bibele ta 856 yi vikiwile.

◆ Hi n’hweti ya June na July Tiholo ta Mfumo ta kaye ti nyikeriwile. Mabandlha lama katsekeke i Uitenhage North, South End (Port Elizabeth), Maboloka na Lethlabile (endhawini ya Brits), Pimville East (Soweto), Duduza (Nigel), Jouberton (Klerksdorp) na Bloemhof. Holo ya Mfumo ya le Blairgowrie (eJoni) yi pfuxetiwile. Tikomiti to Aka ta Xifundza ta 20 ti endla ntirho lowunene eku pfuneni ka mabandlha. Etimhakeni tin’wana, vamakwerhu lava va ni ntirho lowu engetelekeke ku tlula lowu va nga hlangavetanaka na wona. Hi xikombiso, endhawini ya le Nelspruit ntsena, Tiholo ta Mfumo leti nga riki ehansi ka 20 ti fanele ku akiwa. Xiyimo xa fana ni le tindhawini tin’wana. Nakambe hi kombela lava va swi kotaka ku pfuna leswaku va tihlanganisa na Sosayiti kumbe Komiti yo Aka ya Xifundza xa ka n’wina. Tiholo ta Mfumo ti fanele ku hetiwa hi ku hatlisa hi laha swi kotekaka ha kona leswaku ku anerisiwa xilaveko xa xihatla swinene.