Marungula Ya Swa Mfumo

◼ Matiko ya le Vupela-dyambu bya Afrika ku nga Benin, Cameroon, Côte d’Ivoire, Ghana, Liberia, na Nigeria hinkwawo ma fikelele nhlohlorhi leyintshwa ya vahuweleri hi February.

◼ Vahlapfa vo tala va karhi va tlhelela eLiberia, naswona ku ni ndlala leyikulu ya ntiyiso etikweni rolero. Nhlohlorhi ya vona ya February ya vahuweleri va 2286 va vike tidyondzo ta le kaya ta Bibele to ringana 6277.

◼ EAfrika Dzonga Tikomiti to Aka ta Xifundzha ti yile emahlweni ni nongonoko wa tona wa ku akiwa ka Tiholo ta Mfumo. Hikwalaho ka sweswo, ku nyiketeriwe tiholo leti landzelaka hi April: Bronkhorstspruit (eGauteng), na Eerstehoek, Maotole, Somerset, na Tjakastad (eMpumalanga). Leswi swi hi nyika nhlayo ya tiholo ta 19 leti nyiketeriweke eka lembe leri ra ntirho. Tikomiti to Aka ta Xifundzha sweswi ti le ku kunguhateni ni ku aka tiholo tin’wana ta 30. Hi ba mandla hi vuyelela eka ntirho lowunene lowu endliweke hi tikomiti ni vatirhi va ku tirhandzela etikweni hinkwaro.

◼ Xihlala xa Madagascar xi fikelele nhlohlorhi leyintshwa ya vahuweleri va 9484, leyi a ku ri nhlohlorhi leyintshwa ya 14 wa tiphesente eka xiringaniso xa n’wexemu. Va tlhele va vika tidyondzo ta le kaya ta Bibele to tlula 20 000 hi February.