Minhlangano Ya Ntirho Ya April

Vhiki Leri Sungulaka Hi April 6

Risimu 186

12 min: Switiviso swa bandlha ni Switiviso leswi humaka eka Vutirheli Bya Hina Bya Mfumo. “Xana April Yi Ta Va N’hweti Yo Hlawuleka Eka Wena?” Kandziyisa yinhla ya ku tisa swikombelo hinkwaswo swa vuphayona bya nkarhinyana hi ku hatlisa. Nakambe, khutaza ku nyikela vumbhoni nimadyambu, naswona u tivisa malunghiselelo ya bandlha lawa ma nga ha vaka ma endliwile. Kandziyisa nkarhi ni ndhawu ya nkhuvo wa Xitsundzuxo wa le ka n’wina.

15 min: “Twarisa Mahungu Lamanene Hi Xihondzo xo Rindza.” Ku kambisisa xihloko hi swivutiso ni tinhlamulo. Loko mi hlanganisa ndzimana 5, vana ni vahuweleri lava lunghiseleleke va hlamusela hi ta munhu loyi va n’wi fambiseleke xikhokhelo hi laha ku humelelaka enkarhini lowu hundzeke.

18 min: “Ku Tlangela Ka Wena Rifu Ra Kriste.” Nkulumo leyi nga ni nkombiso. Endzhaku ko hlanganisa ndzimana 9, kombisa ndlela leyi muhuweleri a nga rhambelaka xichudeni xa Bibele eXitsundzuxweni ha yona.

Risimu 208 ni xikhongelo xo pfala.

Vhiki Leri Sungulaka Hi April 13

Risimu 209

10 min: Switiviso swa bandlha. Bokisi Ra Swivutiso.

15 min: “Maendzo Yo Sungula Lama Humelelaka.” Ku hlanganisa hi swivutiso ni tinhlamulo. Endzhaku ko hlanganisa ndzimana 6, kombisa ndlela leyi muhuweleri a nga kotaka ku nyikela dyondzo ya le kaya ya Bibele ni ndlela yo yi fambisa hi ku tirhisa xiphephana lexi nge Vutomi eMisaveni Leyintshwa Ya Ku Rhula.

13 min: Ku nyikela Xihondzo xo Rindza hi yindlu na yindlu. Muhuweleri la nga ni vuswikoti u vulavula ni n’wini wa muti, a tirhisa rungula leri ringanyetiweke eka ndzimana 4 ya xihloko lexi nge “Maendzo Yo Sungula Lama Humelelaka.” Endla tinhlamuselo leti fanelekaka eka tinhla leti kongomeke ta xikhongelo eka Xihondzo xo Rindza xa April 15, 1992.

7 min: Nkulu u bula hi rungula leri nga eka xiengetelo, “Mintsombano Ya Muganga Ya ‘Vabyarhi Va Ku Vonakala’ Ya 1992.” Khutaza un’wana ni un’wana ku endla malunghiselelo ka ha ri sweswi yo va kona entsombanweni. Loko papila ri fika, tivisa bandlha ndhawu leyi ri nga ta khomela ntsombano eka yona.

Risimu 87 ni xikhongelo xo pfala.

Vhiki Leri Sungulaka Hi April 20

Risimu 195

10 min: Switiviso swa bandlha ni xiviko xa timali. Endla xibumabumelo xa minyikelo leyi endleriweke Sosayiti ni bandlha.

15 min: Nkulu la nga ni ntokoto u bula ni vayingiseri hi rungula leri nga eka xiengetelo, “Petani Tinkoka Ta N’wina Mi Phasa.” Khutaza swinene lava swiyimo swa vona swi va pfumelelaka leswaku va anakanyisisa hi ku rhurhela endhawini yin’wana ya leti boxiweke. Leswi ngopfu-ngopfu swi ta va tano emabandlheni ya le dorobeni lerikulu.

20 min: “Tshama U Tiyile eMoyeni, Tshama U Tengile eNtirhweni Wa Yehova.” Bulo ra xiengetelo hi swivutiso ni tinhlamulo. Nkulu la tamelaka xiyenge lexi u fanele a vumba swivutiso swin’wana leswaku a endla rungula leri ri tirha kwalaho. Kandziyisa pakani ya le xikarhi yo hlayisa matimba ya moya lawa ku vulavuriwaka ha wona eka ndzimana 7.

Risimu 197 ni xikhongelo xo pfala.

Vhiki Leri Sungulaka Hi April 27

Risimu 169

10 min: Switiviso swa bandlha. Marungula Ya Swa Mfumo. Nyikela tinhla-nkulu ta Xitsundzuxo. I vangani lava a va ri kona? Hi kwihi ku koteka loku nga kona ko sungula tidyondzo ta Bibele ni lavantshwa? Mulanguteri wa ntirho u fanele ku hlela leswaku ku endliwa maendzo yo vuyela eka lava veke kona eXitsundzuxweni, lava nga dyondziki na munhu sweswi.

20 min: “Tirhisa Buku Leyi Nge Reasoning Eka Maendzo Yo Vuyela.” Bulo ra swivutiso ni tinhlamulo. Nyikela minkombiso yimbirhi leyi pfuxetiweke kahle eka tindzimana 3 na 4.

15 min: Kombela mintokoto eka lava phayoneke nkarhinyana hi March na April. Hi swihi swilo leswi va titsoneke swona, naswona va titwa Yehova a katekise matshalatshala ya vona hi ndlela yihi? Xana ti kona tidyondzo letintshwa ta Bibele leti sunguriweke hikwalaho ka ntirho wa vona lowu engetelekeke wa n’hweti leyi? Mintokoto yi fanele ku lunghiseleriwa ka ha ri ni nkarhi. Khutaza hinkwavo ku anakanyisisa hi ku phayona nkarhinyana eka tin’hweti leti taka.

Risimu 93 ni xikhongelo xo pfala.