Switiviso

◼ Nyiko ya buku ya June: Ku Lavisisa Ka Vanhu Xikwembu hi munyikelo wa R4,00. July: Yin’wana ni yin’wana ya tibroxara leti landzelaka: Tsakela Vutomi eMisaveni Hi Masiku!, “Vonani, Ndzi Endla Swilo Hinkwaswo Swi Va Leswintshwa”!, Xana U Fanele Ku Pfumela Eka Vunharhu-un’we?, Vito Ra Xikwembu Leri Nga Ta Tshama Hi Masiku, kumbe Hulumendhe Leyi Nga Ta Tisa Paradeyisi hi munyikelo wa 80 wa tisente yin’we. August: Nghwazi Leyi Tshameke Yi Hanya hi munyikelo wa R8,00. September: U Nga Hanya Hi Masiku aParadeyisini eMisaveni hi munyikelo wa R8,00. Tibuku ta mpimo lowutsongo i R4,00.

◼ Mulanguteri la ungamelaka kumbe un’wana la averiweke hi yena u fanele a hlaya timali ta bandlha hi June 1 kumbe hi ku hatlisa hi laha swi kotekaka ha kona endzhakunyana. Endla xitiviso ebandlheni loko leswi se swi endliwile.

◼ Eka Valanguteri lava ungamelaka: Hi mi kombela leswaku mi rhumela Sosayiti mintokoto yihi ni yihi leyi tsakisaka leyi bandlha ra ka n’wina ri veke na yona exikarhi ka lembe, ku katsa ni mintokoto malunghana ni ntirho wa vuphayona bya nkarhinyana ni siku ro hlawuleka ra timagazini, April 11, 1992. Hi lava ku hlawula yo antswa swinene leyi humaka ensin’wini ya hina ya xiviko xa lembe na lembe. Hi kombela mi yi rhumela ku nga si hundza July 1, 1992.

◼ Ku cinca ka adirese yo posa ya Sosayiti: Enkarhini lowu taka, adirese yo posa ya Sosayiti yi ta va leyi: Private Bag X2067, Krugersdorp, 1740. Mi ta xiya leswaku ku engeteriwe “X” emahlweni ka nomboro ya Bokisi. Hi kombela mi tsundzuka ku cinca loku loko mi rhumela poso eka Sosayiti.

◼ Hi kombela mi xiya: Minkarhi yin’wana vahuweleri va hlangana ni vanhu lava vulavulaka ririmi rin’wana exitarateni lava nga ha tekaka timagazini kumbe va kombisa ku tsakela ntiyiso. Loko swi koteka, hi mi khutaza leswaku n’wina mi landzelerisisa ku tsakela ko tano mi vona leswaku munhu wa kona wa tsakela hakunene kumbe a nga tsakeli. Endzhaku ka sweswo u nga hundzisela rungula eka bandlha leri nga ekusuhi. Loko swi boha leswaku mi rhumela rungula ro tano eka Sosayiti, hi kombela mi hi nyika vuxokoxoko hinkwabyo bya vito ra munhu, adirese, buku leyi tekiweke ni mpimo wa nhluvuko wa yena. Ri fanele ri nyikiwa mulanguteri wa ntirho la nga ta kambela vuxokoxoko bya kona a nga si ri hundzisela eka Sosayiti.

◼ Hi kume mpfumelelo eka Huvo leyi Fumaka leswaku hi veka maphayona yo hlawuleka ya nkarhinyana lama ringanaka 50 eAfrika Dzonga, 6 eBotswana, 6 eLesotho, 6 eSwaziland na 10 edzongeni wa Mozambique. Enkarhini wa tsima ra tin’hweti tinharhu (August-October) maphayona lawa ma ta rhumeriwa etindhawini leti nga taliki ku fikeleriwa hi mahungu lamanene.

◼ Tibuku Letintshwa Leti Kumekaka:

Xinghezi: Sing Praises to Jehovah—Large Print (Marito ntsena. Leyi i buku ya mpimo wa magazini ya matluka ya 320 leyi nga ni marito ntsena; ku hava tinotsi to yimbelela ha tona, yi fana ni Watchtower ya nkandziyiso lowukulu. Bandlha ni vanhu: R11,00; maphayona: R8,50). Xiputukezi: Insight on the Scriptures, Vholumu 2 (bandlha ni vanhu: R15,00; maphayona: R12,00); vholumu ya Watchtower 1970 na 1971 (bandlha, vanhu ni maphayona: R17,00).

◼ Tikhasete Ta Video Ta Kumeka Nakambe eAfrika Dzonga:

Xinghezi: Jehovah’s Witnesses—The Organization Behind the Name.

◼ Sosayiti yi ta tlhela yi gandlisa tivholumu ta Watchtower hi Xinghezi ta malembe ya 1980 ku ya ka 1985. Mabandlha sweswi ma nga ha oda vholumu ya 1980. Hi kombela mi nga tisi tioda ta 1981 ku ya ka 1985 ku kondza ku tivisiwa leswaku ti kona eka Vutirheli Bya Hina Bya Mfumo.